Rossutrudniçestvonun rəhbəri Yevgeni Primakov

Primakov: "Biz təhsil vasitəsilə digər ölkələri gücləndirmək istəyirik"

21
(Yenilənib 14:30 29.05.2021)
"Axı hansısa qeyri-hökumət təşkilatının "Rus evi"ni açmasına kim mane olur ki? Allah xətrinə... Biz dəstəkləyərik"

BAKI, 29 may — Sputnik. "Rossutrudniçestvo"nun rəhbəri Yevgeni Primakovun Sputnik agentliyinə Rusiya ali məktəblərində pulsuz təhsil almaq imkanları, əcnəbi tələbələr üçün təqaüdlər və yaxın xaricdə "Rus ev"lərinin açılması ilə bağlı geniş müsahibəsi.

Artıq sadəcə brauzeri açmaq kifayətdir

Pandemiya keçmiş Sovet ölkələrindən olan gənclərin Rusiya universitetlərinə qəbuluna maneə olmadı. Yevgeni Primakovun sözlərinə görə, abituriyentin "internetdə Study In Russia saytına daxil olması, qeydiyyatdan keçərək lazımi sənədlər təqdim etməsi" kifayətdir.

"Əcnəbilər təhsil almaq üçün ərizəni sayt vasitəsilə verdiklərindən, pandemiyanın onlar üçün qorxusu yoxdur. Lakin əyani imtahanlardan tamamilə imtina etmək olmur. Biz başa düşürük ki, bəzi ölkələrdə, internet heç də bütün regionlarda yoxdur. Həm də, yaradıcılıqla bağlı elə ixtisaslar var ki, abituriyentin əyani olaraq iştirakı olmadan keçinmək mümkün deyil", - deyə o bildirib.

"Rossotrudniçestvo"nun pandemiya şəraitinə operativ uyğunlaşmasına baxmayaraq, təşkilata, yenə də, onunla bilavasitə bağlı olmayan çoxlu şikayətlər də daxil olub.

"Ötən il sərhədlər qapalı olduğundan uşaqlr imtahan verdilər, birinci kursa qəbul olundular. Amma heç də hamısı gələ bilmədi və məyus oldu. Təbii ki, biz onların ölkəyə gəlməsinə icazə verilməsi üçün Təhsil və elm nazirliyi ilə sıx əməkdaşlıq edirdik", - deyə qurum rəhbəri bildirib.

Rusiya yenə də Mərkəzi Asiyanın yanındadır

Primakovun sözlərinə görə, "Rossitrudniçestvo" tədricən işinin formasını dəyişir. Dəyişikliklərin əsas səbəbi isə Rusiyada təhsilin keyfiyyətinin yüksəlməsidir.

"Biz 90-cı illərdə təhsil sistemimizi tənqid edirdik, lakin çox şeylər düzəlib. Hazırda bizim yaxşı təhsil sistemimiz var. Bunu belə bir fakt təsdiq edir ki, təkcə rus dilinə deyil, başqa fənlərə də tələbat yaranır. Biz də, bir ölkə olaraq, belə bir maraqlı yanaşmanı həyata keçiririk: əgər əvvəllər ancaq rus dili müəllimlərini, məhz rus dili dərsliklərini göndərməli olurduqsa, indi artıq fənn müəllimlərinin də göndərilməsinə keçirik", - deyə Primakov qeyd edib.

Qurum rəhbərinin sözlrinə görə, belə bir tendensiya Özbəkistanda özünü büruzə verir.

"Mən Daşkənddə ezamiyyətdə olarkən bağ ilə gedirdim. Orada özbək uşaqlar bir-biri ilə rus dilində danışırdılar və görünürdü ki, onlar özlərini rahat hiss edirlər. Odur ki, Özbəkistanda rus dili daxili ünsiyyət dilidir", - deyə Primakov vurğulayıb.

"Rossutrudnuçestvo" rəhbəri bildirir ki, qurum qarşısında Özbəkistanda yalnız rus dilini tədris etmək kimi vəzifə dayanmır. Rusiya maarif nazirliyinin rusiyalı müəllimlərin Tacikistana göndərilməsi ilə bağlı proqramı ilə əməkdaşlıq da analoji xarakter daşıyır.

"Onlar bu məsələləri yaxşı idarə edirlər, onlara mane olmaq lazım deyil. Biz sadəcə işin təşkilinə kömək edirik. Maarif nazirliyinin Tacikistanda məktəblər inşa etmək planları var. Bizim üçün ilk növbədə maraqlı olan odur ki, əcnəbi tələbələr Rusiyada təhsil alaraq evlərinə qayıtsın və öz ölkələrinin iqtisadiyyatına, elminə kömək etsin. Əlbəttə, ən zəkalıların burada qalması bizim üçün daha sərfəli olardı. Lakin "Rossotrudniçestvo"nun qarşısında duran vəzifə - bu ölkələri gücləndrməkdir", - deyə Primakov bildirib.

Cənubi Qafqazda aparılan iş barədə

Primakovun sözlərinə görə, "Rossutrudniçesvo" Azərbaycan hakimiyyəti ilə Gəncə şəhərində mərkəzin açılması məsələsi ilə bağlı müzakirələr aparır. Lakin bunun nə vaxt baş verəcəyini demək çətindir.

"Əgər biz qeyri-hökumət təşkilatı olsaydıq, bu, daha asan olardı. Lakin biz hər zaman hökumətlərarası sazişə əsaslanırıq, biz XİN-ə tabe olan təşkilatıq. Harada istəsək "səfirlik" aça bilmərik axı", - deyə o bildirib.

"Buna baxmayaraq, Azərbaycanda yerli QHT-lərin köməyi ilə yeni "Rus evi"nin açılışını sürətləndirmək üçün variant var. Mən bizim mövcud olduğumuz ölkələrdə bu barədə düşünməyi təklif edirəm. Axı hansısa QHT-nin "Rus evi"ni açmasına kim mane olur ki? Allah xətrinə... Biz dəstəkləyərik", - deyə Primakov qeyd edib.

Qurum rəhbəri hesab edir ki, yerli birliklərlə kooperasiya agentliyin güclü tərəflərindən biridir və bunu nümunə gətirir: agentliyin saytının və sosial şəbəkələrdə səhifələrinin əsas dili rus dilidir. Lakin dərc olunandan sonra bütün məlumatlar dərhal agentliyin filiallarının olduğu ölkələrin rəsmi dillərinə tərcümə olunur.

"Yerevanda "Rossotrudniçestvo"nun səhifəsində bir çox xəbərlər erməni dilində çıxır və bu düzgündür. Belə də olmalıdır. Axı bizim auditoriyamız təkcə rus dilində danışanlar deyil, həm də sadəcə olaraq Rusiya lə maraqlananlardıq", - deyə qurum rəhbəri vurğulayıb.

"Gürcüstanla bağlı vəziyyət daha çətindir. Çünki bu ölkənin Rusiya ilə diplomatik münasibətləri yoxdur. Kiminlə danışıq aparmaq lazım olduğu aydın deyil. İstənilən hərəkət ağrılı qarşılanır, hətta söhbət siyasətdən getməsə belə. Mədəni və elmi əlaqələri inkişaf etdirmək istəyən, adekvat, susqun bir çoxluq var, bizim kitablarla kömək etdiyimiz bir neçə məktəb və QHT var. Lakin birbaşa danışıqlar aparmaq imkanımız yoxdur", - deyə Primakov bildirib.

Fəaliyyət lazımdır

Qurum rəhbəri onu da qeyd edir ki, "Rossotrudniçestvo" üçün daha bir problemli region Baltikyanı ölkələrdir.

"Hələ ki onlar aqressiv rusofob xətt yürüdürlər. Lakin biz çoxlu mövzular tapmağa hazırıq. Bura həmçinin jurnalistlərin hüquq müdafiəsi məsələsi də aiddir. Bir tərəfdən agentlik özü də boşluqlara yol verib. Bu, bizim köhnə formatlara həddən artıq aludə olmağımızla bağlıdır. Elə kommunikasiya üsulları tapmaq lazımdır ki, onları qadağan etmək çətin olsun: saytlar, telegram-kanallar.

"Rossotrudniçestvo" rəhbəri hesab edir ki, əcnəbi tələbələr üçün yol və tibbi sığorta xərclərinin ödənilməsi də vacibdir.

"Biz bütün sistemi dəyişmək istəyirik. Hazırda bizim həmvətənlərimiz və əcnəbilər pulsuz təhsil almaq hüququ əldə edirlər. (RF ali məktəblərində - red.). Və biz xaricdəki həmkarlarımızın necə işlədiyini də görürük, onlar həm yol, həm yataqxana, həm də yemək xərclərini ödəyirlər. Bax, burada biz hələ ki, geridəyik. Elə ailələr var ki, onlar bütün bu xərcləri ödəməyə qadir deyil. Belə çıxır ki, hansısa istedadlı gənc, gələcəyin yaxşı İT mütəxəssisi və ya fiziki bizə gəlir və sadə bir seçim qarşısında qalır: ya təhsil alaraq ac qalmaq, ya da özünü dolandırmaq. O da gedib taksi sürür. Biz bundan yaxa qurtarmalıyıq. Biz qeyri-verbal dildə danışmağa, fəaliyyət dilinə keçirik", - deyə Yevgeni Primakov fikrini tamamlayıb.

Həmçinin oxuyun:

Ekspert: “Gənclər Rusiya ali məktəblərində təhsil almaqda maraqlıdır”

Rusiya ali məktəblərinə daxil olmaq istəyirsinizsə...

21
Vladimir Putin, arxiv şəkli

Putin ABŞ-la münasibətlər, NATO, Suriya böhranı digər məsələlər barədə

1229
RF lideri Vladimir Putin NBC telekanalına müsahibə verib. Müsahibənin mətni Kremlin saytında dərc olunub.

BAKI, 14 iyun - Sputnik. Rusiya prezidenti Vladimir Putin bəyan edib ki, ABŞ-da RF-Birləşmiş Ştatlar münasibətləri son illər kəskin daxili siyasi mübarizəyə qurban verilib. Bu barədə o, NBC telekanalına müsahibəsində deyib.

"Fikrimcə, Birləşmiş Ştatlarda son illər görülən iş ancaq bu olub ‒ Rusiya-Amerika münasibətləri ABŞ-ın özündə daima kəskin daxili siyasi mübarizəyə qurban verilib", - dövlət başçısı bildirib.

NATO-da söz sahibi kimdir

Müsahibə zamanı NATO ilə bağlı suala cavab verən Rusiya lideri alyansda formal olaraq kollektiv qərar qəbul olunmalı halda, Vaşinqtonun fikrinin prioritet kəsb etdiyini deyib.

"NATO soyuq müharibə dövründə meydana gəlib, lakin bu gün o niyə mövcuddur, çox da aydın deyil... Biz ondan çıxış edirik ki, bu hərbi təşkilatdır, lakin onlar Birləşmiş Ştatların müttəfiqləridir, yəqin ki, vaxtaşırı müttəfiqlərlə görüşmək lazımdır. Lakin mən orada necə bir diskussiya getdiyini təsəvvür edirəm. Aydındır ki, hər şey konsensusla həll olunur, lakin yenə də bir düzgün fikir var, digərləri isə belə desək, çox da düzgün deyillər", - prezident vurğulayıb.

Suriya böhranından çıxış üçün atılacaq addımlar

Putin bəyan edib ki, Suriya üzrə bütün fəaliyyət oradakı vəziyyətin sabitləşdirilməsinə yönəldilməlidir və humanitar yardım təşkil olunmalıdır.

"Bütün bizim məcmu hərəkətlərimiz vəziyyəti sabitləşdirməyə, onu normal məcraya istiqamətləndirməyə yönəldilməlidir. Rusiyanın dəstəyilə Suriya hakimiyyəti ölkə ərazisinin 90 faizdən çoxunda nəzarəti bərpa edib. İndi sadəcə heç bir siyasi kontekstdən asılı olmayaraq  insanlara humanitar yardımı təşkil etmək lazımdır", - dövlət başçısı qeyd edib.

Afroamerikalıların hüquqları və ekstremizm

Rusiya prezidenti ölkəsinin afroamerikalıların öz hüquqları uğrunda mübarizəsini dəstəklədiyini, lakin indi müşahidə olunan istənilən növ ekstremizmə qarşı olduğunu bildirib.

"Biz həmişə afroamerikalıların öz hüquqları uğrunda mübarizəsinə anlayışla yanaşmışıq və bunun müəyyən kökləri, əsasları var. Lakin eyni zamanda, kiminsə hər hansı xeyirxah məqsədlərdən çıxış etməsinə baxmayaraq, əgər bu hansısa əndazəni aşırsa, ekstremizm elementləri alırsa, biz, əlbəttə ki, bunu alqışlaya bilmərik. Və burada bizim buna çox sadə yanaşmamız var: biz afroamerikalıların öz hüquqları uğrunda mübarizəsini dəstəkləyirik, lakin biz indi hərdən təəssüf ki, müşahidə etdiyimiz istənilən ekstremizm növlərinə qarşıyıq", - Putin vurğulayıb.

Müsahibənin geniş mətni ilə Kremlin saytında tanış olmaq mümkündür.

1229
Sputnik V vaksini, arxiv şəkli

Rusiya istehsalı olan "Sputnik V"-nin ilk partiyası Türkiyəyə çatdırılıb

36
Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

BAKI, 14 iyun - Sputnik. Yeni növ koronavirus (COVID-19) infeksiyasına qarşı Rusiya istehsalı “Sputnik V” peyvəndinin ilk partiyası bu gün Türkiyəyə çatdırılıb.

Sputnik Türkiyə xəbər verir ki, “Sputnik V” peyvəndinin ilk partiyasını daşıyan təyyarə Ankara Esenboğa hava limanına enib.

Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

Qeyd edək ki, Türkiyənin səhiyyə naziri Fəxrəddin Qoca iyun ayının sonunadək Türkiyəyə 30 milyon doza “Sputnik V”nin idxal ediləcəyini bildirib. O, hələ aprel ayında Türkiyənin 6 ay ərzində 50 milyon doza "Sputnik V" alacağını demişdi. 

 “Sputnik V”nin Türkiyədə istehsalı üçün də iki ölkə arasında müqavilə imzalanıb.

Türkiyədən Rusiyaya təşəkkür 

Türkiyə səhiyyə naziri Fahrettin Koca may ayında koronavirusla mübarizədə dəstək üçün Rusiyaya təşəkkür edib.

"Rusiyanın "Sputnik V" vaksini hazırlanmağa başlayandan bəri biz onun tədarükü üçün əlaqə qurmuşuq. İndi bu vaksinin tədarükü üçün razılaşma imzalanıb. Mən bu razılaşmaya görə Rusiya hökumətinə təşəkkürümü bildirirəm", - Koca jurnalistlərə deyib. 

O əlavə edib ki, Türkiyə müxtəlif koronavirus vaksinlərindən 270 milyon doza sifariş verib, bu isə ölkə əhalisinin sayından üç dəfə çoxdur. 

Sputnik V vaksini

Fevralın 2-si "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib.

Kliniki sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib.

Həm peyvənd, həm də plasebo vurulmuş 19866 könüllünün analiz təhlilləri göstərir ki, hər iki dozadan sonra peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Tədqiqatın vacib bir hissəsi də 60 yaşdan yuxarı könüllülərin sınaqlarda iştirakı ilə bağlı idi (peyvənd qrupunda ən yaşlı iştirakçının 87, plasebo qrupunda isə 84 yaşı olub). Yaşlılar üçün təhlükəsizlik göstəriciləri yüksək olub. 60 yaşdan yuxarı 2144 könüllü üçün effektivlik 91,8% təşkil edib ki, bu da 18-60 yaş arası könüllülər qrupunda əldə edilən məlumatlardan statistik olaraq fərqlənmir.

Qeyd edək ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib hazırlanıb. Bu, dünyada COVID-19-un profilaktikası üçün ilk qeydiyyata alınmış preparatdır.

36
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0