ABŞ və Rusiya bayraqları, arxiv şəkli

"Bəlkə, sürpriz oldu" politoloq Putinlə Baydenin görüşü barədə"

31
(Yenilənib 19:57 26.05.2021)
Kreml ilə Ağ Ev Rusiya və ABŞ liderləri Vladimir Putinlə Co Baydenin iyunun 16-da Cenevrədə görüşəcəklərini təsdiqləyib. Politoloq Aleksey Muxin Sputnik radiosunun efirində iki prezidentin nə barədə danışacaqlarına dair proqnoz verib.

 

BAKI, 26 may — Sputnik. Rusiya və ABŞ prezidentləri Vladimir Putinlə Co Bayden iyunun 16-da Cenevrədə görüşəcəklər. Bu barədə Kremlin mətbuat xidmətindən məlumat verilib. Məlumatı Ağ Ev də təsdiqləyib.

Görüşdə müzakirə ediləcək mövzular arasında ikitərəfli münasibətlərin vəziyyəti və perspektivləri, strateji sabitlik və beynəlxalq gündəm, o cümlədən, COVID-19 pandemiyasına qarşı mübarizə və regional münaqişələrin həlli var.

Rusiya prezidentinin mətbuat katibi Dmitri Peskovun sözlərinə görə, təfərrüatlar hələ razılaşdırılmayıb.

Siyasi İnformasiyalar Mərkəzinin baş direktoru Aleksey Muxin Sputnik radiosunun efirində bildirib ki, müzakirə mövzuları ikitərəfli münasibətlərin vəziyyətinə əsasən müəyyənləşdiriləcək.

"İndi iki ölkə arasında kəskin qarşıdurma var. Bu, aydındır. Əgər dost və ya düşmən olduğumuz bəlli olmasaydı, o zaman bu görüş qarşılıqlı münasibətlərin qurulma ehtimalına çox təsir göstərərdi. Ancaq indi müəyyənlik var: biz düşmən ölkələrik. Bunu Rusiya istəməyib, biz fakt qarşısında qalmışıq. Buna görə də, Rusiya və ABŞ prezidentlərinin indi müzakirə edə biləcəyi məsələ qlobal təhlükəsizlikdir, çünki bu, hamıya aiddir. Prezidentlər bununla yanaşı nəyi müzakirə edə bilərlər? Qlobal dəyişiklikləri, özü də yalnız iqlimlə bağlı deyil, həm də beynəlxalq münasibətlərlə əlaqədar", – deyə Muxin qeyd edib.

Bununla belə, politoloq vurğulayıb ki, görüş iki ölkənin qarşılıqlı münasibətlərində yeni dövrün başlanğıcı ola bilər.

Əslində, əgər obrazlı ifadə etsək, yeni Yalta konfransına hazırlıqdan söhbət gedir. İndi bu danışıqları başa çatdırmaq prosesindən çox uzağıq. Hərçənd, sürpriz də ola bilər: danışıqlar prosesi elə tez və operativ keçə bilər ki, biz nəticəni indi gözlədiyimizdən də tez görərik. Lakin! Artıq hamıya aydındır ki, ABŞ "Rusiya yüksək statusa sahib beynəlxalq oyunçu deyil" şəklindəki fikrini başqalarına aşılasa da, indi bunun əksini etiraf etmək məcburiyyətindədir. Görüş faktının özü də bundan xəbər verir", – deyə politoloq qeyd edib.

Aprelin 13-də ABŞ Prezidenti Cozef Bayden Rusiya Prezidenti Vladimir Putinlə telefon danışığında Vaşinqtonun ABŞ-ın milli maraqlarına uyğun olaraq Moskva ilə "sabit və proqnozlaşdırıla bilən münasibətlər" qurmaq istədiyini bildirmişdi. Ağ Evin rəhbəri Rusiya prezidenti ilə görüşün yayın əvvəlində baş tutacağına ümid etdiyini də ifadə etmişdi.

Eləcə də oxuyun:

* Cozef Bayden Azərbaycan Prezidentini təbrik edib

* İndi də Bayden Kim Çen Inla görüşmək istəyir

* Lavrov və Blinkenin ilk görüşü – təfərrüat

 

31
Vladimir Putin

Bunlar dünya üçün təhdiddir Putin siyahını açıqladı

268
(Yenilənib 11:49 23.06.2021)
Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

BAKI, 23 iyun — Sputnik. Rusiya Prezidenti Vladimir Putin dünyada təhlükəsizlik üçün təhdidləri açıqlayıb. Sputnik Azərbaycan "RİA Novosti"-yə istinadən xəbər verir ki, Putin kütləvi qırğın silahlarının yayılması risklərini, beynəlxalq kriminal, kibercinayətkarlıq və terrorizmi dünyaya təhdid adlandırıb.

"Regionda silahlı münaqişələr, kütləvi qırğın silahlarının yayılması riskləri, transsərhəd kriminal qruplaşmaların, narkobiznes və kibercinayətkarlığın aktivliyi ciddi narahatlıq doğurur. Beynəlxalq terrorizm hələ də əsas təhdid olaraq qalır." - deyə Putin IX Moskva Beynəlxalq Təhlükəsizlik Konfransı iştirakçılarına müraciətində bildirib.

O, həmçinin bildirib ki, Rusiya öz xalqı üçün sülh və sabitliyi təmin etmək məqsədilə hər şeyi edəcək, öz Silahlı Qüvvələrini təkmilləşdirəcək, diplomatiyanın imkanlarından istifadə edəcək və bütün maraqlı tərəfdaşlarla dialoq aparacaq.

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

268
Rusiya prezidenti Vladimir Putin, arxiv şəkli

Putin: "Rusiyanın Dağlıq Qarabağda nizamlanmaya töhfəsi həlledici olub"

1879
(Yenilənib 11:14 23.06.2021)
Rusiya sülhməramlıları etibarlı şəkildə regionda sülh və təhlükəsizliyi təmin edir, humanitar vəziyyətin yaxşılaşdırılması, ərazilərin minalardan təmizlənməsi və sosial infrastrukturun bərpası üçün xeyli işlər görürlər.

BAKI, 23 iyun — Sputnik. Rusiyanın Dağlıq Qarabağ ətrafında münaqişənin nizamlanmasına töhfəsi həlledici olub. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidenti Vladimir Putin IX Moskva Beynəlxalq Təhlükəsizlik Konfransı iştirakçılarına müraciəti zamanı deyib.

Putin vurğulayıb ki, Rusiya sülhməramlıları etibarlı şəkildə regionda sülh və təhlükəsizliyi təmin edir, humanitar vəziyyətin yaxşılaşdırılması, ərazilərin minalardan təmizlənməsi və sosial infrastrukturun bərpası üçün xeyli işlər görürlər.

Üçtərəfli bəyanat

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Moskva Beynəlxalq Təhlükəsizlik Konfransı

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik bir forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

1879
Teqlər:
Moskva, Vladimir Putin
Nikol Paşinyan, arxiv şəkli

Paşinyan Azərbaycanın ərazi bütövlüyü ilə bağlı sənədi imzalayacaq

0
Ermənistan Silahlı Qüvvələrinin Baş Qərargah rəisi Artak Davtyan bəzi məsələlərlə bağlı Azərbaycanla danışıqlar apardıqlarını təsdiqləyib.

BAKI, 23 iyun — Sputnik. Yaxın vaxtlarda Ermənistan və Rusiya arasında Rusiya sülhməramlılarının Basarkeçərdə (Geğarkunik) Zod-Xəzinavar ərazisində yerləşdirilməsinə dair razılıq əldə olunacaq. Bundan sonra Ermənistan hərbçiləri ön xətdən geri çəkiləcək. Sputnik Azərbaycan xəbər verir ki, bu barədə məlumatı Ermənistanın "Qraparak" nəşri məlumat yayıb.

Nəşr qeyd edir ki, danışıqların aparılması barədə faktı Ermənistan Silahlı Qüvvələrinin Baş Qərargah rəisi Artak Davtyan da təsdiqləyib: "Azərbaycan tərəfi buna öz razılığını veribmi?" sualına cavab olaraq Davtyan bildirib: "Biz öz ərazimizlə bağlı Azərbaycandan heç nə soruşmamalıyıq. Lakin bəzi məsələlərlə bağlı onlarla da danışıqlar aparılır. Ehtiyac olduqda biz Rusiya ilə əməkdaşlıq edirik".

Nəşr, həmçinin iddia edib ki, Nikol Paşinyan yəqin ki, sentyabrda faktiki olaraq Azərbaycanın ərazi bütövlüyünü tanıyacaq müqaviləni imzalayacaq.

Xatırladaq ki, mayın 27-də Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Kəşfiyyat-diversiya qrupunun saxlanıldığı ərazinin coğrafi koordinatları: 40 dərəcə 09 dəqiqə 06 saniyə şimal enliyi, 45 dərəcə 58 dəqiqə 07 saniyə şərq uzunluğu (N 40°09′06″; E 45°58′07″).

Digər erməni hərbi qulluqçuları ərazimizi dərhal tərk edərək geriyə çəkiliblər.

0