Qarabağda Rusiya sülhməramlıları , arxiv şəkli

Rusiyanın Cənubi Qafqaz narahatlığı - yeni münaqişəni istəmirlər

71
(Yenilənib 20:15 21.05.2021)
Azərbaycan və Ermənistan arasında demarkasiya olmadığına görə, bu məsələ Rusiyanın vasitəçiliyi ilə həllini tapa bilər.

BAKI, 21 may — Sputnik, Elvin Səlimov. Mayın 19-da Azərbaycanın Baş naziri Əli Əsədovun Rusiya Federasiyasına rəsmi səfəri baş tutub. Səfər çərçivəsində Baş nazir və nümayəndə heyətinin üzvləri Rusiya baş naziri Mixail Mişustin və hökumət üzvlərilə danışıqlar aparıblar.

Sputnik Azərbaycan Baş naziri Əli Əsədovun Rusiyaya səfərinin Azərbaycan-Rusiya əlaqələrinin siyasi, iqtisadi baxımdan əhəmiyyətini öyrənib. Mövzu ilə bağlı Milli Məclisin deputatı Arzu Nağıyev və iqtisadçı ekspert Fuad İbrahimli fikirlərini bölüşüb.

Millət vəkili Arzu Nağıyev deyib ki, Azərbaycan-Rusiya münasibətləri davamlı olaraq inkişaf edir və bu əlaqələr strateji xarakter daşıyır: "Rusiya və Azərbaycan işğaldan azad edilmiş ərazilərlə bir sıra məsələlərin həlli üçün davamlı müzakirələr aparır. Xüsusən də üçtərəfli bəyanatdakı müddəaların icrası üçün komissiyalar işini davam etdirir. Rusiya sülhməramlıların bölgədəki fəaliyyəti də baş nazirlərin görüşündə müzakirə obyekti olub".

Millət vəkili qeyd edib ki, Azərbaycan və Ermənistan arasında demarkasiya olmadığına görə, bu məsələ Rusiyanın vasitəçiliyi ilə həllini tapa bilər: "Rusiyada keçmiş SSRİ dövründə mövcud olmuş xəritələr var, eyni zamanda müasir texnoloji sistemlərlə məsələlərin həllini sürətləndirmək mümkündür. Təbii ki, Rusiya elə addımlar atmağa çalışır ki, Cənubi Qafqazda yeni münaqişə alovlanmasın. Rusiya regionda münaqişə ocaqlarının artmasında maraqlı deyil".

İqtisadçı ekspert Fuad İbrahimli isə deyib ki, Azərbaycan və Rusiya MDB məkanında ən vacib starteji partnyorlardır: "Azərbaycanın ticarət dövriyyəsində Rusiya ilə olan əlaqlər böyük pay təşkil edir. Eyni zamanda Azərbaycan qeyri-neft sektorunda Rusiya əsas ixracatçıdır".

Ekspert bildirib ki, uzun illərdir Rusiya və Azərbaycan hökumətləri arasında çoxtərəfli sazişlər bağlanıb və bu sazişlərin icra mexanizminə yenidən nəzər salına bilər. Onun fikrincə işğaldan azad edilmiş ərazilərin dirçəldilməsində Rusiya şirkətlərinin iştirakı müzakirə obyekti ola bilər: "Regionun iqtisadi inkişafına dinamiklik gətirə biləcək və həm Rusiya, həm Azərbaycan, həm Ermənistan, həm də Türkiyə üçün əhəmiyyət kəsb edən Zəngəzur dəhlizinin açılması müzakirələrdə başlıca yer tutur. Mən hesab edirəm ki, dəhlizin açılması iqtisadi cəhətdən səmərəli olacaq. İndiki dövrdə Rusiya ilə keçirilən ikitərəfli bütün görüşlər bizim üçün əhəmiyyətlidir".

Həmçinin oxuyun:

Əli Əsədov Moskvaya nə üçün gedib

Mişustin: Qarabağ razılaşması Cənubi Qafqazın bütün dövlətlərinin maraqlarına cavab verir

71

"ABŞ-ın qanunsuz hərəkətlərinə hər zaman məntiqi cavabımız olub", - Mariya Zaxarova

520
(Yenilənib 20:24 20.06.2021)
Rusiya Xarici İşlər Nazirliyinin rəsmi nümayəndəsi Mariya Zaxarova, Vaşinqtonun Navalnı ilə bağlı yeni sanksiya paketi hazırlamasına cavab verməkdə gecikməyib.

BAKI, 20 iyun - Sputnik. Vaşinqton, Aleksey Navalnı ilə bağlı vəziyyətlə əlaqədar olaraq Rusiya Federasiyasına qarşı yeni sanksiyalar hazırlayır.

Sputnik Azərbaycan RİA Novosti-yə istinadla xəbər verir ki, bunu ABŞ Prezidentinin Milli Təhlükəsizlik üzrə köməkçisi Ceyk Sallivan bu gün CNN telekanalına verdiyi müsahibədə bildirib.

Co Baydenin köməkçisi deyib ki, birincisi, izləyicilərin Aleksey Navalnının zəhərlənməsinə görə Rusiyaya qarşı sanksiya tətbiqini başa düşməsi vacibdir. O, bununla bağlı tətbiq olunacaq başqa bir sanksiya paketini hazırladıqlarını qeyd edib.

"Rusiyanın zərərli hərəkətlərinə cavaba gəlincə, biz hər zaman zərbələrimizi yumşaltmayacağımızı nümayiş etdirmişik", - Sallivan deyib.

Onun sözlərinə görə, ABŞ "Şimal axını-2" boru xəttinin tikintisini həyata keçirən Rusiya şirkətlərə qarşı sanksiyaları davam etdirir.

Rusiya Xarici İşlər Nazirliyinin rəsmi nümayəndəsi Mariya Zaxarova, Vaşinqtonun Navalnı ilə bağlı yeni sanksiya paketi hazırlamasına cavab verməkdə gecikməyib.

"ABŞ-ın qanunsuz hərəkətlərinə hər zaman məntiqi cavabımız olub", - deyə o, bildirib.

Zaxarovanın fikrincə, Vaşinqtonda bəzi insanlar karuseldəki maneə sahəsini sevirlər.

Onun sözlərinə görə, "Şimal axını-2" iştirakçıları xüsusi operatorlar və müstəqil dövlətlər olan bir iqtisadi layihədir. ABŞ isə sanksiyalardan öz rəqabətsizlik problemlərini həll etmək üçün bir vasitə kimi istifadə etmək istəyir.

Qeyd edək ki, Navalnı 20 avqust 2020-ci ildə Tomsk-Moskvaya reysi ilə uçan təyyarənin göyərtəsində xəstələnəndən sonra zəhərlənmə diaqnozu ilə Omsk xəstəxanasına qaldırılıb.

Rusiyanın ABŞ-dakı səfiri geri qayıdıb

İki ölkə arasındakı münasibətlərin pisləşməsi fonunda mart ayında Moskvaya məsləhətləşməyə dəvət olunan Rusiyanın ABŞ-dakı səfiri Anatoli Antonov bu gün ABŞ-a uçub. Antonovun Moskva vaxtı ilə təxminən 9:20-də (Bakı vaxtı ilə 10:20) Şeremetyevo hava limanından Nyu-Yorka uçduğu, oradan da Vaşinqtona gedəcəyi bildirilib.

Rusiya və ABŞ prezidentləri Vladimir Putin və Co Bayden, iyunun 16-da Cenevrədə keçirilən görüşdə səfirləri geri qaytarmaq barədə razılığa gəliblər.

ABŞ-ın Moskvadakı səfiri Con Sallivan bu ərəfədə tezliklə Rusiyaya dönəcəyini bildirib. 

Səfirin geri çağırılması

Qeyd edək ki, ABŞ prezidenti Cozef Bayden bu il martın 17-də “ABC News” telekanalına müsahibəsində Rusiya lideri Vladimir Putini Birləşmiş Ştatlarda 2020-ci ildə keçirilmiş seçkilərə müdaxiləyə görə cavab verəcəyi ilə hədələyib. Bayden həmçinin rusiyalı həmkarının ünvanına xoşagəlməz ifadələr də səsləndirib.

Rusiya Xarici işlər Nazirliyinin rəsmi nümayəndəsi Mariya Zaxarova isə cavabında bildirib ki, “Rusiyanın Vaşinqtondakı səfiri Anatoli Antonov, ABŞ-la münasibətlər kontekstində nə edəcəyimizi və hara hərəkət edəcəyimizi analiz etmək üçün Moskvaya məsləhətləşmələrə dəvət edilib”. 

Rusiya XİN-in səfirin geri çağrılması ilə bağlı yaydığı bəyanatda deyilirdi: "Amerikanın yeni rəhbərliyi təxminən iki aydır hakimiyyətdədir, simvolik 100 gün mərhələsi çox da uzaqda deyil və bu, Co Baydenin komandasının nə etdiyini və nəyi etmədiyini qiymətləndirmək üçün əlverişli səbəbdir". 

Nazirlik Moskva ilə Vaşinqton arasındakı münasibətlərin çıxılmaz vəziyyətdə olduğunu və ən əsası bundan çıxmağın yollarını tapdığını qeyd edib:

"Amerikalılar bununla bağlı riskləri dərk etsələr, onların geri dönüşü olmayan deqradasiyasının qarşısını almaqda maraqlıyıq".

520
Moskva küçələrinin birində təcili yardım maşını

Türkmənistanın Moskvadakı səfirliyində intihar baş verib

18
(Yenilənib 19:34 20.06.2021)
Hadisə yerinə gələn polis əməkdaşları nəzarət-buraxılış məntəqəsində növbətçi polis baş leytenantının cəsədini tapıblar.

BAKI, 20 iyun - Sputnik. Türkmənistanın Moskvadakı səfirliyinin qarşısındakı mühafizə postunda bir polisin cəsədi tapılıb.

Sputnik Azərbaycan xəbər verir ki, bu barədə Rusiya Daxili İşlər Nazirliyinin Moskva baş qərargahının mətbuat xidmətindən RİA Novosti-yə məlumat verilib.

Hadisə yerinə gələn polis əməkdaşları nəzarət-buraxılış məntəqəsində növbətçi polis baş leytenantının cəsədini tapıblar. Agentliyin məlumatına görə, polis intihar edib.

Faktla bağlı yoxlama aparılır, hadisənin bütün tərəfləri aydınlaşdırılır.

18

İsveçrə -Türkiyə matçından göz oxşayan görüntülər

0
(Yenilənib 23:54 20.06.2021)
İsveçrə və Türkiyə yığmaları arasında Avropa çempionatının A qrupunun II tur matçında.İsveçrə və Türkiyə yığmaları arasında Avropa çempionatının A qrupunun II tur matçında.

Futbol üzrə Türkiyə millisi AVRO-2020-də üçüncü oyunda da məğlub olaraq mübarizəni dayandırdı. Qrup mərhələsinin üçüncü turunda Şenol Günəçin yetirmələri Bakı Olimpiya stadionunda İsveçrə millisinə məğlub olublar.

Birinci hissədə isveçrəlilər artıq 6-cı dəqiqədə Türkiyə millisini oyuna mərkəzdən başlamağa məcbur edib. Xaris Seferoviç rəqib komandanın qapısına yol tapıb. İyirmi dəqiqə sonra Cerdan Şakiri hesabı 2:0-a çatdırıb. Oyunun 62-ci dəqiqəsində Türkiyə millisi İrfan Can Kahvecinin sayəsində oyunda və birincilikdə yeganə qolunu vurmağa mevəffəq olub. Bundan dörd dəqiqə sonra isə Şakiri ikinci qolunu vuraraq hesabı 3:1-ə çatdırıb.

Sputnik Azərbaycan-ın fotomüxbiri bu matçın unudulmaz anlarını fotokamerasının yaddaşına köçürüb. Həmin fotoların bir hissəsi bizim fotolentdə.

0
  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.