Entoni Blinken və Serqey Lavrov

Lavrov Blinkenin ilk görüşü təfərrüat

18
Jurnalistlərə minnətdarlıq bildirən Lavrov zarafatla "Səhranın bəyaz günəşi" filmindən məşhur ifadəni bir qədər dəyişərək belə deyib: "Biz gömrükxana deyilik ki, razılıq verək".

BAKI, 20 may — Sputnik. Rusiyanın xarici işlər naziri Sergey Lavrovla ABŞ dövlət katibi Entoni Blinken arasında ilk görüş olub. Sputnik Azərbaycan xəbər verir ki, danışıqlar Arktika Şurası çərçivəsində Reykyavikdə baş tutub.

Nazirlər Rusiya-ABŞ münasibətlərinin gələcəyini, Arktika, Suriya, Əfqanıstan, Şimali Koreyadakı vəziyyəti, habelə regional məsələləri, o cümlədən Ermənistanla Azərbaycan arasında münaqişənin uzunmüddətli siyasi nizamlanması məsələlərini müzakirə ediblər.

Blinken Vaşinqtonun Moskva ilə sabit və proqnozlaşdırıla bilən münasibətlər qurulmasına çalışdığını dilə gətirib.

Entoni Blinken və Serqey Lavrov, arxiv şəkli
© Saul Loeb/Pool via REUTERS
Entoni Blinken və Serqey Lavrov

Görüşdən sonra Sergey Lavrov jurnalistlərə həmkarı Blinkenlə birlikdə Rusiya və ABŞ prezidentləri üçün təkliflər hazırlayaqcaqlarını deyib.

"Burada həmçinin strateji sabitliyə dair dialoqun inkişaf etdirilməsi ilə bağlı məsələlər də olacaq. Bu, yəqin ki, qarşıda duran həlledici, dünya ictimaiyyətinin əksər dövlətlərini narahat edən məsələdir", - deyə nazir bildirib.

Lakin Lavrov Moskvanın Rusiya və ABŞ prezidentləri arasında görüşün keçirilməsinə razılıq verib-vermədiyinə dair suala cavab verməyib. Əvəzində jurnalistlərə minnətdarlıq bildirən Lavrov zarafatla "Səhranın bəyaz günəşi" filmindən məşhur ifadəni bir qədər dəyişərək belə deyib: "Biz gömrükxana deyilik ki, razılıq verək".

Rusiya XİN rəhbəri həmçinin bildirib ki, Blinkenlə görüş əsnasında tərəflərin strateji sabitliyə təsir edən amillər – nüvə, qeyri-nüvə, hücum, müdafiə silahları məsələləri də nəzərə alınmaqla dialoqa hazır olduğu təsdiq olunub. Lavrovun sözlərinə görə, o, "bu konsepsiyadan imtina" müşahidə etməyib, lakin ekspertlər hələ bu istiqamətdə işləməlidirlər.

Eləcə də oxuyun:

* Blinkenlə Lavrov Azərbaycan və Ermənistanı müzakirə etdi

* İki nəhəngin qarşılaşması: Moskva amerikalılar üçün nə hazırlayıb?

Baydeni Bakıda gözləyəkmi? Görüşdə qərarlıdır

18
Teqlər:
təfərrüat, görüş, Entoni Blinken, Sergey Lavrov
Vladimir Putin, arxiv şəkli

Putin ABŞ-la münasibətlər, NATO, Suriya böhranı digər məsələlər barədə

1224
RF lideri Vladimir Putin NBC telekanalına müsahibə verib. Müsahibənin mətni Kremlin saytında dərc olunub.

BAKI, 14 iyun - Sputnik. Rusiya prezidenti Vladimir Putin bəyan edib ki, ABŞ-da RF-Birləşmiş Ştatlar münasibətləri son illər kəskin daxili siyasi mübarizəyə qurban verilib. Bu barədə o, NBC telekanalına müsahibəsində deyib.

"Fikrimcə, Birləşmiş Ştatlarda son illər görülən iş ancaq bu olub ‒ Rusiya-Amerika münasibətləri ABŞ-ın özündə daima kəskin daxili siyasi mübarizəyə qurban verilib", - dövlət başçısı bildirib.

NATO-da söz sahibi kimdir

Müsahibə zamanı NATO ilə bağlı suala cavab verən Rusiya lideri alyansda formal olaraq kollektiv qərar qəbul olunmalı halda, Vaşinqtonun fikrinin prioritet kəsb etdiyini deyib.

"NATO soyuq müharibə dövründə meydana gəlib, lakin bu gün o niyə mövcuddur, çox da aydın deyil... Biz ondan çıxış edirik ki, bu hərbi təşkilatdır, lakin onlar Birləşmiş Ştatların müttəfiqləridir, yəqin ki, vaxtaşırı müttəfiqlərlə görüşmək lazımdır. Lakin mən orada necə bir diskussiya getdiyini təsəvvür edirəm. Aydındır ki, hər şey konsensusla həll olunur, lakin yenə də bir düzgün fikir var, digərləri isə belə desək, çox da düzgün deyillər", - prezident vurğulayıb.

Suriya böhranından çıxış üçün atılacaq addımlar

Putin bəyan edib ki, Suriya üzrə bütün fəaliyyət oradakı vəziyyətin sabitləşdirilməsinə yönəldilməlidir və humanitar yardım təşkil olunmalıdır.

"Bütün bizim məcmu hərəkətlərimiz vəziyyəti sabitləşdirməyə, onu normal məcraya istiqamətləndirməyə yönəldilməlidir. Rusiyanın dəstəyilə Suriya hakimiyyəti ölkə ərazisinin 90 faizdən çoxunda nəzarəti bərpa edib. İndi sadəcə heç bir siyasi kontekstdən asılı olmayaraq  insanlara humanitar yardımı təşkil etmək lazımdır", - dövlət başçısı qeyd edib.

Afroamerikalıların hüquqları və ekstremizm

Rusiya prezidenti ölkəsinin afroamerikalıların öz hüquqları uğrunda mübarizəsini dəstəklədiyini, lakin indi müşahidə olunan istənilən növ ekstremizmə qarşı olduğunu bildirib.

"Biz həmişə afroamerikalıların öz hüquqları uğrunda mübarizəsinə anlayışla yanaşmışıq və bunun müəyyən kökləri, əsasları var. Lakin eyni zamanda, kiminsə hər hansı xeyirxah məqsədlərdən çıxış etməsinə baxmayaraq, əgər bu hansısa əndazəni aşırsa, ekstremizm elementləri alırsa, biz, əlbəttə ki, bunu alqışlaya bilmərik. Və burada bizim buna çox sadə yanaşmamız var: biz afroamerikalıların öz hüquqları uğrunda mübarizəsini dəstəkləyirik, lakin biz indi hərdən təəssüf ki, müşahidə etdiyimiz istənilən ekstremizm növlərinə qarşıyıq", - Putin vurğulayıb.

Müsahibənin geniş mətni ilə Kremlin saytında tanış olmaq mümkündür.

1224
Sputnik V vaksini, arxiv şəkli

Rusiya istehsalı olan "Sputnik V"-nin ilk partiyası Türkiyəyə çatdırılıb

36
Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

BAKI, 14 iyun - Sputnik. Yeni növ koronavirus (COVID-19) infeksiyasına qarşı Rusiya istehsalı “Sputnik V” peyvəndinin ilk partiyası bu gün Türkiyəyə çatdırılıb.

Sputnik Türkiyə xəbər verir ki, “Sputnik V” peyvəndinin ilk partiyasını daşıyan təyyarə Ankara Esenboğa hava limanına enib.

Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

Qeyd edək ki, Türkiyənin səhiyyə naziri Fəxrəddin Qoca iyun ayının sonunadək Türkiyəyə 30 milyon doza “Sputnik V”nin idxal ediləcəyini bildirib. O, hələ aprel ayında Türkiyənin 6 ay ərzində 50 milyon doza "Sputnik V" alacağını demişdi. 

 “Sputnik V”nin Türkiyədə istehsalı üçün də iki ölkə arasında müqavilə imzalanıb.

Türkiyədən Rusiyaya təşəkkür 

Türkiyə səhiyyə naziri Fahrettin Koca may ayında koronavirusla mübarizədə dəstək üçün Rusiyaya təşəkkür edib.

"Rusiyanın "Sputnik V" vaksini hazırlanmağa başlayandan bəri biz onun tədarükü üçün əlaqə qurmuşuq. İndi bu vaksinin tədarükü üçün razılaşma imzalanıb. Mən bu razılaşmaya görə Rusiya hökumətinə təşəkkürümü bildirirəm", - Koca jurnalistlərə deyib. 

O əlavə edib ki, Türkiyə müxtəlif koronavirus vaksinlərindən 270 milyon doza sifariş verib, bu isə ölkə əhalisinin sayından üç dəfə çoxdur. 

Sputnik V vaksini

Fevralın 2-si "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib.

Kliniki sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib.

Həm peyvənd, həm də plasebo vurulmuş 19866 könüllünün analiz təhlilləri göstərir ki, hər iki dozadan sonra peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Tədqiqatın vacib bir hissəsi də 60 yaşdan yuxarı könüllülərin sınaqlarda iştirakı ilə bağlı idi (peyvənd qrupunda ən yaşlı iştirakçının 87, plasebo qrupunda isə 84 yaşı olub). Yaşlılar üçün təhlükəsizlik göstəriciləri yüksək olub. 60 yaşdan yuxarı 2144 könüllü üçün effektivlik 91,8% təşkil edib ki, bu da 18-60 yaş arası könüllülər qrupunda əldə edilən məlumatlardan statistik olaraq fərqlənmir.

Qeyd edək ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib hazırlanıb. Bu, dünyada COVID-19-un profilaktikası üçün ilk qeydiyyata alınmış preparatdır.

36
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0