İki məktəbli qız "TikTok" eşqinə ot tayalarını fermanı yandırıblar

1282
(Yenilənib 20:50 15.05.2021)
Qızlar ot tayasını yandırıb-söndürmək və bunu videoya çəkmək istəyiblər. Lakin onların odla oynaması ağlamalı vəziyyət yaradıb.

BAKI, 15 may - Sputnik.  Rusiyanın Perm vilayətində iki məktəbli qız “TikTok” üçün video çəkərkən ot tayalarını və fermanı yandırıblar. 

Sputnik Azərbaycan RİA Novosti-yə istinadla xəbər verir ki, bu barədə Rusiya DİN-in Perm vilayət dövlət idarəsiin mətbuat xidməti məlumat yayıb. 

Qeyd olunub ki, Nıtvensk rayonunda yerləşən fermaların birində, iki məktəbli qız “TikTok” sosial şəbəkəsinə video çəkmək üçün quru otlardan istifadə etmək qərarına gəliblər. Qızlar ot tayasını yandırıb-söndürmək və bunu videoya çəkmək istəyiblər. Lakin onların odla oynaması ağlamalı vəziyyət yaradıb: ot tayaları alışıb. Məktəblilər onu söndürməyə cəhd etsilərə də, buna nail ola bilməyiblər və hadisə yerindən qaçıblar. 

Yanğın yanğınsöndürənlər tərəfindən söndürülüb, lakin onlar hadisə yerinə gələndə çox gec olub. Yanğın 195 ton ot bağlaması ilə birlikdə fermanı da məhv edib. Ümumilikdə fermaya 150 min rubl (3450 AZN) dəyərində ziyan dəyib. Hər iki məktəbli qız saxlanılıb. Hüquq-mühafizə orqanlarının əməkdaşları qızların valideynləri ilə söhbət ediblər.  

Valideynlərlə bağlı inzibati xətaya dair protokollar tərtib edilib. Onlar Rusiya Federasiyası İnzibati Xətalar Məcəlləsinin "Yetkinlik yaşına çatmayanların tərbiyəsi, təhsili və ya saxlanılması sahəsində valideynlərin və ya digər qanuni nümayəndələrin öz vəzifələrini yerinə yetirməməsi" maddəsi üzrə inzibati tənbeh alıblar.  

 

1282

Ekspert Rusiyanın niyə dollardan imtina edə bilməyəcəyini izah edib

25
(Yenilənib 11:26 19.06.2021)
Mütəxəssisin fikrincə, dollardan tam imtina edə bilmək üçün ixracda neft əsas rollardan birini oynamamalıdır.

BAKI, 19 iyun - Sputnik. Rusiya tam olaraq ticari sövdələşmələrdə və qızıl-valyuta ehtiyatlarında dollardan imtina edə bilməz, çünki ixrac məhsullarından biri olan neft məhz bu valyutada kotirovka olunur. Bunu RİA Novosti ilə söhbətində Rusiyanın Analitik kredit reytinq agentliyinin rəhbəri Mixail Suxov deyib.

"ABŞ dollarının payının azalması qızıl-valyuta ehtiyatlarının ümumlikdə rezidentlərin öz ticari tərəfdaşları ilə hesablaşmalarla bağlı valyuta əməliyyatlarını əks etdirməsi baxımından düzgndür. ABŞ-ın Rusiya ilə ticarətdə ticari tərəfdaş kimi payı böyük deyil - 2018-ci ildə bütün ixracdan 3,2%", - Suxov qeyd edib.

Rusiyanın valyuta siyasətindəki dəyişikliklər

Rusiya Bankı 2020-ci ildə ölkənin beynəlxalq ehtiyatlarında avronun (29,2%), dolların (21,2%) və funt sterlinqin (6,3%) payını qızılın (23,3%), yuanın (12,8%) və digər valyutaların xeyrinə azaldıb. Dollardan kənarlaşma yalnız ehtiyatlarda deyil, ticarətdə də baş verir: dolların payı Rusiya ixracına görə hesablaşmalarda ötən ilin nəticələrinə əsasən tarixi minimuma düşüb - 55,8%, dördüncü rübün nəticələrində isə daha aşağıdır – 48,3%.

25
İki mühərrikli təyyarə, arxiv şəkli

Rusiyada təyyarə sərt eniş edib, ölənlər var

149
(Yenilənib 10:26 19.06.2021)
Kemerovo vilayətində “L-410” tipli təyyarənin sərt eniş etməsi pilotların və daha iki nəfərin ölümü ilə nəticələnib.

BAKI, 19 iyun — Sputnik. Rusiyanın Kemerovo vilayətində “L-410” tipli təyyarə sərt eniş edib.

Hadisə nəticəsində 4 nəfər ölüb, 15 nəfər xəsarət alıb. Ölənlərdən ikisi pilotdur. Yaralılardan 4-nün vəziyyəti ağırdır.

Qəzaya təyyarənin mühərriklərindən birinin sıradan çıxması səbəb olub.

Nəticədə təyyarə eniş edən zaman meşə massivi ilə toqquşub.

Hadisə Promışlennı rayonunun Juravlyovo kəndi ərazisində baş verib.

149
Toyuq əti

Azərbaycana gətirilən 1,2 ton hind quşu dərisi yararsız çıxdı

0
Məhsulda patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1.2 ton hind quşu dərisi məhsulunun satış şəbəkəsinə daxil olunmasının qarşısı alınıb.

BAKI, 19 iyun — Sputnik. Azərbaycan Qida Təhlükəsizliyi Agentliyinin (AQTA) həyata keçirdiyi nəzarət tədbirləri zamanı Türkiyədə fəaliyyət göstərən "Briterra Gida İç Ve Dış Ticaret Anonim Şirketi" tərəfindən istehsal olunan və "Ladess Group" MMC tərəfindən ölkəmizə idxal edilən hind quşu dərisi məhsuluna Agentliyin müfəttişləri tərəfindən baxış keçirib.

AQTA-dan Sputnik Azərbaycan-a verilən məlumata görə, baxış zamanı idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub.

Müayinələr nəticəsində məhsul partiyasında patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1,2 ton hind quşu dərisi məhsulunun satış şəbəkəsinə daxil olunmasının qarşısı alınıb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq tədbirlər görüləcək.

0