Tatarıstanın Kazan şəhərində orta məktəbdə

Kazanda orta məktəbə silahlı hücum edən şəxs törətdiyi cinayəti etiraf edib

16
(Yenilənib 22:07 12.05.2021)
Prosesdə dövlət ittihamçısı məktəbə silahlı hücum edən 19 yaşlı Qalyavıyev barəsində iki və daha çox şəxsi öldürmə maddəsi ilə ittiham irəli sürüb və onun barəsində iki aylıq həbs qətimkan tədbirinin seçilməsini xahiş edib.

BAKI, 12 may - Sputnik. Tatarıstanın Kazan şəhərində orta məktəbdə odlu silahla 9 nəfəri qətlə yetirməkdə təqsirləndirilən İlnaz Qalyavıyev günahını etiraf edib.

Sputnik Azərbaycan RİA Novosti-yə istinadla xəbər verir ki, Kazan şəhərinin Sovetski rayon məhkəməsində Qalyavıyevin barəsində həbs qətimkan tədbirinin seçilməsi ilə bağlı məhkəmə prosesi keçirilib.

Prosesdə dövlət ittihamçısı məktəbə silahlı hücum edən 19 yaşlı Qalyavıyev barəsində iki və daha çox şəxsi öldürmə maddəsi ilə ittiham irəli sürüb və onun barəsində iki aylıq həbs qətimkan tədbirinin seçilməsini xahiş edib.

Qalyavıyev törətdiyi cinayəti etiraf edib. Məhkəmə İlnaz Qalyavıyev barəsində iki aylıq həbs qətimkan tədbiri seçib.

Xatırladaq ki, mayın 11-də Kazan şəhərində yerləşən 175 saylı orta məktəbə iki nəfər tərəfindən silahlı hücum olub. Silahlıların biri hadisə yerində zərərsizləşdirilib, digəri isə polis tərəfindən saxlanılıb. Nəticədə yeddisi şagird olmaqla 9 nəfər həyatını itirib, 21 nəfər yaralanıb.

16
Vladimir Putin

Bunlar dünya üçün təhdiddir Putin siyahını açıqladı

187
(Yenilənib 11:49 23.06.2021)
Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

BAKI, 23 iyun — Sputnik. Rusiya Prezidenti Vladimir Putin dünyada təhlükəsizlik üçün təhdidləri açıqlayıb. Sputnik Azərbaycan "RİA Novosti"-yə istinadən xəbər verir ki, Putin kütləvi qırğın silahlarının yayılması risklərini, beynəlxalq kriminal, kibercinayətkarlıq və terrorizmi dünyaya təhdid adlandırıb.

"Regionda silahlı münaqişələr, kütləvi qırğın silahlarının yayılması riskləri, transsərhəd kriminal qruplaşmaların, narkobiznes və kibercinayətkarlığın aktivliyi ciddi narahatlıq doğurur. Beynəlxalq terrorizm hələ də əsas təhdid olaraq qalır." - deyə Putin IX Moskva Beynəlxalq Təhlükəsizlik Konfransı iştirakçılarına müraciətində bildirib.

O, həmçinin bildirib ki, Rusiya öz xalqı üçün sülh və sabitliyi təmin etmək məqsədilə hər şeyi edəcək, öz Silahlı Qüvvələrini təkmilləşdirəcək, diplomatiyanın imkanlarından istifadə edəcək və bütün maraqlı tərəfdaşlarla dialoq aparacaq.

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

187
Rusiya prezidenti Vladimir Putin, arxiv şəkli

Putin: "Rusiyanın Dağlıq Qarabağda nizamlanmaya töhfəsi həlledici olub"

1554
(Yenilənib 11:14 23.06.2021)
Rusiya sülhməramlıları etibarlı şəkildə regionda sülh və təhlükəsizliyi təmin edir, humanitar vəziyyətin yaxşılaşdırılması, ərazilərin minalardan təmizlənməsi və sosial infrastrukturun bərpası üçün xeyli işlər görürlər.

BAKI, 23 iyun — Sputnik. Rusiyanın Dağlıq Qarabağ ətrafında münaqişənin nizamlanmasına töhfəsi həlledici olub. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidenti Vladimir Putin IX Moskva Beynəlxalq Təhlükəsizlik Konfransı iştirakçılarına müraciəti zamanı deyib.

Putin vurğulayıb ki, Rusiya sülhməramlıları etibarlı şəkildə regionda sülh və təhlükəsizliyi təmin edir, humanitar vəziyyətin yaxşılaşdırılması, ərazilərin minalardan təmizlənməsi və sosial infrastrukturun bərpası üçün xeyli işlər görürlər.

Üçtərəfli bəyanat

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Moskva Beynəlxalq Təhlükəsizlik Konfransı

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik bir forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

1554
Teqlər:
Moskva, Vladimir Putin
Antoniu Quterreş, arxiv şəkli

İnternetsizlik Quterreşi narahat edib

0
(Yenilənib 12:27 23.06.2021)
Bir çox hökumətlər dövlət xidmətlərinin əhəmiyyətli hissəsini onlayn şəkildə təmin etsə də, digərləri çətinliklərlə üzləşdi. Rəqəmsal bərabərsizlik qlobal səviyyədə özünü göstərdi.

BAKI, 23 iyun — Sputnik. Birləşmiş Millətlər Təşkilatının (BMT) baş katibi Antonio Quterreş 23 iyun Dövlət Xidməti Günü ilə əlaqədar müraciət yayıb.

Sputnik Azərbaycan müraciəti təqdim edir:

"BMT-nin Dövlət Xidməti Günü cəmiyyətlərdə rifahı təmin etmək işinə özlərini həsr etmiş yüz milyonlarla dövlət qulluqçusunun əməyini dəyərləndirir. Dünya COVID-19 pandemiyasının dağıdıcı təsirləri ilə üzləşdiyi bir vaxt onların işi hər zamankından daha əhəmiyyətlidir. Bu il Dövlət Xidməti Gününün mövzusu dövlət xidmətlərində rəqəmsal yeniliklərə həsr olunub.

Pandemiyanın yaratdığı çətinliklərə və həyati təhlükələrə baxmayaraq, dövlət qulluqçuları evdən çalışmaqla, onlayn dərslər keçməklə, distant tibbi xidmətlər göstərməklə bütün sahələrdə xidmətləri davam etdirmək üçün rəqəmsal texnologiyaları səfərbər ediblər.

Bir çox hökumətlər dövlət xidmətlərinin əhəmiyyətli hissəsini onlayn şəkildə təmin etsə də, digərləri çətinliklərlə üzləşdi. Rəqəmsal bərabərsizlik qlobal səviyyədə özünü göstərdi. Bir çox insanın etibarlı genişzolaqlı internetə çıxışı yoxdur. Əksəriyyəti rəqəmsal texnologiyaların səmərəli istifadəsində maneələrlə üzləşir və ya distant dövlət xidmətlərindən effektiv şəkildə yararlanmaq üçün lazımi bacarıqlara sahib deyil.

Dövlət xidmətlərinin təminatı rəqəmsallaşdıqca, dövlət qulluqçularının da müvafiq bacarıqlara malik olmasını təmin etməliyik. Əlilliyi olan və digər təcrid olunmuş qruplar da daxil olmaqla hər kəsin onlayn xidmətlərdən istifadə edə bilmələrini təmin etməliyik. Heç kim offlayn qalmadığı təqdirdə Dayanıqlı İnkişaf Məqsədlərinə tam nail ola biləcəyik.

Dövlət Xidməti Gününü qeyd edərkən, gəlin, onlayn və offlayn şəkildə dövlət qulluqçularımızın əməyini yüksək qiymətləndirək, dəstəkləyək və onların fəaliyyətinə sərmayə yatıraq. Elə edək ki, dövlət qulluqçularımız xidmətlərini həyata keçirmək üçün daha çox imkanlar əldə etsinlər".

0