Vladimir Jirinovski, arxiv şəkli

Jirinovski Rusiya prezidenti vəzifəsinin adının dəyişdirilməsini təklif edir

21
(Yenilənib 17:02 04.05.2021)
Volfoviç həmçinin ölkənin inzibati ərazi bölgüsünün də alınma sözlərdən və bürokratizmlərdən xilas olmaq üçün inqilabdan əvvəlki terminologiyaya qaytarılmasını təklif edib.

BAKI, 4 may — Sputnik. Rusiya Liberal-Demokrat Partiyasının (RLDP) sədri Vladimir Volfoviç Jirinovski ölkə prezidenti vəzifəsinin adının dəyişdirilməsini təklif edib. Sputnik Azərbaycan Rusiya mediasına istinadən xəbər verir ki, siyasətçi "prezident" sözünün ingilis dilindən alınma söz olduğunu bəhanə gətirib.

"İngiltərədə və ABŞ-da uşaqlar bizə gülürlər. Onlar deyirlər ki, rusların heç rəhbər vəzifəni adlandırmaq üçün öz sözləri də yoxdur", - deyə Jirinovski bildirib.

RLDP sədrinin qənaətinə görə, Rusiyada dövlət başçısının "ali hökmdar" adlandırılması daha yaxşı olardı. Eyni zamanda siyasətçi dövlət başçısının "çar" adlandırılması təklifinə qarşı çıxıb.

"Monarxiya ideal variantdır, lakin bütün bunlar hamısı artıq köhnəlib", - deyə siyasətçi bildirib.

Volfoviç həmçinin ölkənin inzibati ərazi bölgüsünün də alınma sözlərdən və bürokratizmlərdən xilas olmaq üçün inqilabdan əvvəlki terminologiyaya qaytarılmasını təklif edib.

"O zaman hər şey aydın idi", - deyə partiya sədri bildirib.

Beləliklə, Jirinovski qubernatorları "canişin", Rusiya regionlarını isə "canişinliklər" adlandırmağı təklif edib. Onun fikrincə, canişinliklər öz növbəsində "nahiyə" və "qəza"lara bölünə bilər.

Xatırladaq ki, bir qədər əvvəl Jirinovski prezident seçkilərində iştirak üzrə çempion olmaq və 2024-cü ildə bu vəzifəyə namizədliyini irəli sürmək niyyətində olduğunu açıqlayıb.

21
Teqlər:
Vladimir Jirinovski, prezident, Rusiya
Xankəndi, arxiv şəkli.

Rusiyalı veteranlar Qaregin Njdenin Qarabağdakı abidəsinin sökülməsini tələb edir

195
(Yenilənib 16:08 06.05.2021)
Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

BAKI, 6 may — Sputnik. Rusiyalı veteranlar erməni Qaregin Njdenin Qarabağdakı abidəsinin sökülməsini tələb edib. Sputnik Azərbaycan Rusiya mediasına istinadən xəbər verir ki, Moskva vilayətindəki Dolqprudnı Müharibə, əmək, silahlı qüvvələr və hüquq-mühafizə orqanları veteranları İctimai Birliyi Njdenin abidəsinin qoyulmasını "faşizm tərəfdarlarının vəsfi" olduğunu bəyan edib.

Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

Veteranlar məsələ ilə bağlı Rusiya xarici işlər və müdafiə nazirliklərinə müraciət ünvanlayıblar və bunu heykəlin olduğu ərazinin rusiyalı sülhməramlıların məsuliyyət daşıdığı ərazidə olması ilə əsaslandırıblar.

Mayın 4-də qondarma "Dağlıq Qarabağ Respublikası"nın təhlükəsizlik şurasının katibi Vitali Balasanyan da heykəlin sökülməsinin tərəfdarı olduğunu bildirib. Lakin yerli "deputat"lardan imtina cavabı alıb.

"Əgər aydın səbəb, aydın şərt yoxdursa, biz abidəni sökməyəcəyik", - deyə "Martuni" rayonunun Ağsaqqallar şurasının üzvü Artak Mkrtçyan bildirib.

Xatırladaq ki, Njdenin abidəsi Azərbaycanın Xocavənd rayonunda 2021-ci ilin yanvarında, müharibə zonasında rusiyalı sülhməramlıların xidmətə başlamasından sonra quraşdırılıb.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də, Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilib.

 

195
Teqlər:
sülhməramlılar, Rusiya, Njde
Qarabağda yol, arxiv şəkli

Lavrov "Zəngəzur dəhlizi" barədə: "Razılaşmaların alternativi yoxdur"

1234
(Yenilənib 14:39 06.05.2021)
Rusiya Xİn başçısı: Liderlərin üçtərəfli bəyanatı əsasında hazırlanan kommunikasiyaların blokdan çıxarılması mexanizmi qarşılıqlı səmərəli əsasda yalnız könüllü şəkildə həyata keçirilməni nəzərdə tutur.

BAKI, 6 may — Sputnik. Ermənistan paytaxtı Yerevanda səfərdə olan Rusiyanın xarici işlər naziri Sergey Lavrov Zəngəzur dəhlizi barədə sualı cavablandırarkən qeyd edib ki, razılaşmanın alternativi yoxdur. Bu barədə Sputnik Ermənistan xəbər verir.

Rusiyalı nazir qeyd edib ki, Yerevan səfəri çərçivəsində erməni həmkarı ilə post-münaqişə dövründə bütün problemləri - iqtisadi, humanitar və digər məsələlər müzakirə edib. Liderlərin üçtərəfli bəyanatı əsasında hazırlanan kommunikasiyaların blokdan çıxarılması mexanizmi qarşılıqlı səmərəli əsasda yalnız könüllü şəkildə həyata keçirilməni nəzərdə tutur.

"Bu mexanizm heç bir halda iqtisadi əlaqələri tam şəkildə bərpa etməyə imkan verən diplomatik razılıq və qərardan başqa bir şeyi nəzərdə tutmur", - deyə nazir qeyd edib.

Onun sözlərinə görə, üç liderin razılaşmasına zidd olan hər hansı bir məsələ, əlbəttə ki, razılaşdırılanlara alternativ olaraq qəbul edilə bilməz.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

1234
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

0
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

0