Zaxarova: Qərb Rusiyanın qarşısının alınması üçün planlaşdırılmış kampaniya həyata keçirir

13
(Yenilənib 15:30 01.05.2021)
Rusiyanın Aİ-nin səkkiz nəfər məmuruna qarşı sanksiyaların tətbiqinə dair hərəkətləri "kollektiv Qərb tərəfindən qətiyyən dostluq xarakteri daşımayan, bəzən isə düşmənçilik səciyyəli hərəkətlərinə cavab tədbirləridir".

BAKI, 1 may — Sputnik. Qərb ölkələri Rusiya Federasiyasının qarşısının alınması məqsədini güdən, qabaqcadan işlənib hazırlanmış, planlaşdırılmış informativ-siyasi kampaniya həyata keçirir. Belə bir bəyanatla Rusiya XİN rəsmi nümayəndəsi Mariya Zaxarova Sputnik-ə müsahibəsində çıxış edib.

O qeyd edib ki, "uzun illər ərzində RF Avropa İttifaqındakı tərəfdaşlarına meydana çıxan məsələləri, problemləri mövcud diplomatik üsullarla", danışıqlar və məsləhətləşmələr yolu ilə həll etməyi təklif edib.

"Lakin ildən-ilə bütün problemlərə, həm real, həm də uydurma problemlərə qəsdən kütləvi səciyyə vermək tendensiyası güclənir. Bizim bunu konstruktiv dialoq yoluna qaytarmaq üçün istənilən cəhdlərimiz Aİ tərəfindən bloklanırdı", - deyə Zaxarova bildirib.

Rusiya XİN rəsmisi bildirib ki, Rusiyanın Aİ-nin səkkiz nəfər məmuruna qarşı sanksiyaların tətbiqinə dair hərəkətləri "kollektiv Qərb tərəfindən qətiyyən dostluq xarakteri daşımayan, bəzən isə düşmənçilik səciyyəli hərəkətlərinə cavab tədbirləridir".

Xatırladaq ki, ötən cümə günü Rusiya XİN ölkəyə girişinə qadağan qoyulmuş Aİ üzvü olan ölkə vətəndaşlarının soyadlarını açıqlayıb. Siyahıya Avropa Parlamentinin rəhbəri David Sassoli, habelə Avropa dəyərləri və aşkarlıq məsələləri üzrə komissar Vera Yurovanın da adı daxil edilib.

Rusiya xarici siyasət idarəsinin rəsmi nümayəndəsi Mariya Zaxarovanın müsahibəsinin tam mətnini bu gün Sputnik Azərbaycan saytında oxuyun.

13
Teqlər:
Mariya Zaxarova, Avropa İttifaqı, Qərb, Rusiya

Lavrovdan Zəngəzur açıqlaması: "Emosiyaların qızışıdırılmasına ehtiyac yoxdur"

750
(Yenilənib 16:21 17.05.2021)
"Rəsmi Moskva sərhədlərin demarkasiya məsələsində Azərbaycan və Ermənistana yardım etməyə hazırdır".

BAKI, 17 may — Sputnik. Rəsmi Moskva sərhədlərin demarkasiya məsələsində Azərbaycan və Ermənistana yardım etməyə hazırdır. Sputnik Azərbaycan "RİA Novosti"-yə istinadən xəbər verir ki, bunu Rusiyanın xarici işlər naziri Sergey Lavrov bildirib.

Rusiya xarici işlər naziri Zəngəzurdakı (Sunik) vəziyyətə də toxunub.

O, qeyd edib ki, emosiyaların qızışıdırılmasına ehtiyac yoxdur.

“Orada heç bir atəş açılmayıb, heç bir qarşıdurma baş verməyib. Oturdular, sakitcə bu vəziyyəti necə həll edəcəyi barədə danışıqlara başladılar. Bizdən kömək istədilər, hərbçilərimiz kömək göstərdilər, razılaşma əldə edildi. Müntəzəm olmayan, lakin rahatlıqla tənzimlənən bu məsələdə emosiyaları qızışdırmaq üçün bir səbəb görmürəm”, - deyə Lavrov Syerra-Leonenin xarici işlər naziri Devid Con Frensislə danışıqların yekunlarına dair mətbuat konfransında bildirib.

Nazir eyni zamanda bildirib ki, Rusiya sərhədlərin delimitasiyası və demarkasiyasında Azərbaycan və Ermənistana yardım etməyə hazırdır: “Biz tərəflərə delimitasiya və demarkasiya işlərinə başlamağı təklif etmişik. Biz kartoqrafiya materialları və məsləhətləşmə xidmətləri təqdim etməklə onlara yardım etməyə hazırıq”.

Xatırladaq ki, Azərbaycan Xarici İşlər Nazirliyi sərhəddəki gərginliklə ilə bağlı bəyanatla çıxış edib.

"10 noyabr 2020-ci il tarixində imzalanmış üçtərəfli bəyanata əsasən, işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir.

Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirləri Ermənistan və Azərbaycan arasında sərhəd xəttini müəyyən edən və tərəflərdə olan xəritələr əsasında aparılır. Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir.

12 may tarixindən etibarən AR Dövlət Sərhəd Xidmətinin rəhbərliyi əraziyə ezam olunub, qarşı tərəfin sərhədçiləri ilə danışıqlar aparılır və vəziyyətin normallaşması istiqamətində müvafiq addımlar atılır. 

Ermənistanın siyasi-hərbi dairələrinə təşvişə düşməməyi, Azərbaycanın Zəngilan, Qubadlı, Laçın və Kəlbəcər rayonları boyunca dövlətlərarası sərhəd rejimi reallığını qəbul etməyi və əsassız olaraq bölgədə vəziyyəti gərginləşdirməməyi tövsiyə edirik.

Azərbaycan öz tərəfindən, qeyd olunan bölgədə gərginliyin aradan qaldırılmasına sadiqdir və bu istiqamətində müvafiq addımların atılmasına çağırır" - bəyanatda deyilir.

Həmçinin oxuyun:

Məktub yetişmədi və ya Kreml təmsilçisindən Paşinyanın məktubu ilə bağlı etiraf

Fransadan Ceyhun Bayramova zəng gəldi - Sərhəddə...

İlham Əliyev: Ermənistan tərəfi qeyri-adekvat reaksiya nümayiş etdirir

Azərbaycan XİN-dən sərhəd hay-küyünə cavab: "Təşvişə düşməyin"

750
Nikol Paşinyan, arxiv şəkli

Məktub yetişmədi ya Kreml təmsilçisindən Paşinyanın məktubu ilə bağlı etiraf

665
(Yenilənib 14:51 17.05.2021)
Ötən həftə Ermənistan Baş nazirinin səlahiyyətlərini icra edən Nikol Paşinyan parlamentdə bildirib ki, Sünikdə vəziyyətlə bağlı Putinə məktub yazaraq ondan kömək istəyib.

BAKI, 17 may — Sputnik. Rəsmi Moskva Bakı və Yerevanla daimi təmasdadır, Ermənistan və Azərbaycan sərhədində gərginliyi aradan qaldırmaq üçün səylər göstərir. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

"Bilirsiniz ki, Rusiya və Ermənistan tərəfi daimi təmasdadır. Biz, həmçinin Bakı ilə də daimi təmasdayıq. Prezident üçtərəfli razılaşmaların həyata keçirilməsinə alternativsizliyin sadiq tərəfdarıdır. İndi gərginliyi aradan qaldırmaq və vəziyyəti düzəltmək üçün güclü səylər göstərilir", - deyə Peskov jurnalistlərə bildirib.

"Rusiya Prezidenti Paşinyanın məktubunu alıbmı?" sualına Kreml təmsilçisi cavab verməyə çətinlik çəkib: "Mən sizə dəqiq deyə bilmərəm, lakin təbii ki, bütün bu məsələlər ikitərəfli əlaqələr zamanı müzakirə olunub".

Qeyd edək ki, ötən həftə Ermənistan Baş nazirinin səlahiyyətlərini icra edən Nikol Paşinyan parlamentdə bildirib ki, Zəngəzur (Sünik) vilayətində Azərbaycanla sərhəddə vəziyyətlə bağlı Putinə məktub yazaraq ondan kömək istəyib.

Xatırladaq ki, Azərbaycan Xarici İşlər Nazirliyi məsələ ilə bağlı bəyanatla çıxış edib.

"10 noyabr 2020-ci il tarixində imzalanmış üçtərəfli bəyanata əsasən, işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir.

Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirləri Ermənistan və Azərbaycan arasında sərhəd xəttini müəyyən edən və tərəflərdə olan xəritələr əsasında aparılır. Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir.

12 may tarixindən etibarən AR Dövlət Sərhəd Xidmətinin rəhbərliyi əraziyə ezam olunub, qarşı tərəfin sərhədçiləri ilə danışıqlar aparılır və vəziyyətin normallaşması istiqamətində müvafiq addımlar atılır. 

Ermənistanın siyasi-hərbi dairələrinə təşvişə düşməməyi, Azərbaycanın Zəngilan, Qubadlı, Laçın və Kəlbəcər rayonları boyunca dövlətlərarası sərhəd rejimi reallığını qəbul etməyi və əsassız olaraq bölgədə vəziyyəti gərginləşdirməməyi tövsiyə edirik.

Azərbaycan öz tərəfindən, qeyd olunan bölgədə gərginliyin aradan qaldırılmasına sadiqdir və bu istiqamətində müvafiq addımların atılmasına çağırır" - bəyanatda deyilir.

Həmçinin oxuyun:

Putinlə Paşinyan Ermənistan-Azərbaycan sərhədindəki vəziyyəti müzakirə ediblər

Fransadan Ceyhun Bayramova zəng gəldi - Sərhəddə...

Azərbaycan XİN sərhəddəki vəziyyətə aydınlıq gətirdi

665
Bakıda təcili yardım avtomobili

Xuliqan qadının gözü qarşısında övladını öldürdü - Azərbaycanda

0
Cinayət işi üzrə istintaq yekunlaşdırılaraq, baxılması üçün aidiyyəti üzrə Gəncə Ağır Cinayətlər Məhkəməsinə göndərilib.

BAKI, 17 may — Sputnik. 2 iyul 2020-ci il tarixdə Tərtər rayon sakini Lamiyə Əliyevanın öldürülməsinə cəhd edilməsi, azyaşlı oğlu Ömər Ağazadənin öldürülməsi faktları üzrə Cinayət Məcəlləsinin müvafiq maddələri ilə rayon prokurorluğunda cinayət işi başlanaraq istintaq aparılıb. Tərtər rayon prokurorluğundan Sputnik Azərbaycan-a verilən məlumata görə, istintaqla müəyyən edilib ki, rayon sakini Elmir Hüseynov heç bir səbəb olmadan, xuliqanlıq niyyəti ilə əvvəlcədən tanımadığı Lamiyə Əliyevaya küt alətlə xəsarətlər yetirərək qəsdən öldürməyə cəhd edib, sonra isə onun gözləri qarşısında azyaşlı oğlu Ömər Ağazadəyə xəsarətlər yetirərək qəsdən öldürüb.

Elmir Hüseynov Cinayət Məcəlləsinin 120.2.2 (xuliqanlıq niyyətilə qəsdən adam öldürmə) 120.2.4 (xüsusi amansızlıqla və ya ümümi təhlükəli üsulla adam öldürmə) 29, 120.2.2 (xuliqanlıq niyyəti ilə adam öldürməyə cəhd) və digər maddələri ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Gəncə Ağır Cinayətlər Məhkəməsinə göndərilib.

Eləcə də oxuyun:

* İki bacıdan mənfur əməl: tanınmamaq üçün hicab taxdılar - FOTO

* Sərhəddə hərbçilərimizin qətli ilə bağlı saxlanılan var

* Şirvanda adam oğurlayan şəxslər saxlanılıb

 

0
Teqlər:
Tərtər, Gəncə, cinayət işi, ölüm, azyaşlı, qadın, xuliqan, qətl