Rusiya HDQ-nin gəmiləri, arxiv şəkli

Rusiya HDQ-nin strateji artımı: mayın 9-na qədər 4 submarina 2 korvetin əsası qoyulacaq

8
(Yenilənib 18:43 30.04.2021)
"Varşavyanka" tipli dizel-elektrik sualtı qayıqları həddən artıq gözəgörünməz olduğu üçün NATO hərbçiləri tətəfindən "Dünya okeanının qara dəliyi" adlandırılıb.

BAKI, 30 aprel — Sputnik. Aleksandr Xrolenko, hərbi şərhçi. Hərbi dəniz qüvvələrinin (HDQ) inkişafı dünyada ən uzun dəniz sərhədlərinə malik olan Rusiyanın dövlət prioritetlərindən biri olaraq qalır. Hərbi gəmiqayırmanın sabit inkişafı dəniz və okeanlardakı müasir təhlükələrə tam olaraq cavab verir və bu, Rusiya HDQ-yə dünyada gəmilərin say tərkibi, döyüş effektivliyi və yüksək texnologiyalı silahlanmasına görə lider mövqeyini saxamağa imkan yaradır.

Rusiyada iri gəmiqayımanın inkişafı və bəzi modellərin kütləvi stehsala keçirilməsi müşahidə olunur. Belə ki, mayın 9-na qədər RF-də altı ədəd yeni döyüş gəmisinin əsası qoyulacaq: "Sevmaş"da iki ədəd "Borey-A" layihəsi çərçivəsində strateji atom sualtı kreyseri (Dmitri Donskoy və Knyaz Potyomkin), "Admiral tərsanələri"ndə 636.3 layihəsi çərçivəsində iki ədəd dizel-eletrik sualtı qayıqlarının (Mojaysk və Yakutsk), Amursk gəmiqayırma zavodunda isə 20380 layihəsi çərçivəsində iki ədəd korvetin (adları məlum deyil) inşası başlanacaq.

Hazırda "Sevmaş"da "Borey-A" tipli dörd ədəd submarinanın inşası müxtəlif hazırlıq mərhələsində davam etdirilir. Bundan əlavə "Yasen-M" – "Voronej" və "Vladivostok" (bu layihə çərçivəsində ümumilikdə səkkiz ədəd hiper-səs raketləri daşıyan gəmi inşa olunacaq) layihələri çərçivəsində çoxtəyintlı atom sualtı qayıqlarının inşası davam etdirilir, "Xabarovsk" submarinası üzərində işlər davam edir, "Belqorod" atom sualtı kreyserinin sınaqları keçirilir.

Xatırladım ki, Rusiya HDQ-nin tərkibi 2020-ci ildə daha qırx ədəd döyüş və təminat gəmiləri ilə genişlənib.

"Borey"lərin təyinatı

"Dmitri Donskoy" və "Knyaz Potyomkin" strateji təyinatlı sualtı raket kreyserləri (STSRK) Rusiyanın nüvə triadasının dəniz komponentini gücləndirəcək. Adı çəkilən gəmilər donanmaya 2026-2027-ci illərdə təhvil veriləcək. Qeyd edək ki, "Borey"lər göyərtəsində "Bulava" tipli, hədəfi 8000 km məsafədə vurmağa qadir olan qitələrarası ballistik raketlərini daşımağa qadirdir (hər bir bu tipli raketin ümumi gücü 150 kiloton olan, fərdi şəkildə tuşlanan onlarla bloku var).

Onu da qeyd edək ki, Rusiya HDQ-nin tərkibində artıq üç ədəd "Borey" tipli gəmi var. Bunlar "Yuri Dolqoruki", "Aleksandr Nevski" və "Vladimir Monomax"dır ki, onlar da göyərtəsində ümumilikdə 16 ədəd qitələrarası ballistik raket daşıyır. Ümumilikdə RF Müdafiə Nazirliyi HDQ-yə on ədəd "Borey" tipli gəmi təhvil verməyi planlaşdırır.

"Varşavyanka"nın xüsusi dəst-xətti

"Varşavyanka" tipli dizel-elektrik sualtı qayıqları həddən artıq gözəgörünməz olduğu üçün NATO hərbçiləri tətəfindən "Dünya okeanının qara dəliyi" adlandırılıb. Bu submarinaların göyrətəsində ən yeni naviqasiya sistemləri və avtomatlaşdırılmış məlumat-idarəetmə sistemi, güclü torpeda və yüksək dəqiqlikli raketlər quraşdırılıb. 636.3 layihəsinə aid olan bu qayıqların kütləvi istehsalı yaxşı təşkil olunub.

Beləliklə, müasir "Varşavyanka"lar göyərtəsində 18 torpeda, sualtı və suüstü hədəflərin məhv edilməsi üçün 24 ədəd mina və ən əsası, "Kalibr" tipli qanadlı raketlər daşıyır. Military Watch məcmuəsi qeyd edir ki, "Varşavyanka"ların döyüş potensialı Rusiyanın ərazi suları və sahilllərini etibarlı şəkildə qorumağa imkan verir. Belə ki, hətta nüvə silahı olmadan belə bir ədəd bu tipli submarina ABŞ HDQ-nin iki təyyarədaşıyan zərbə qrupunu məhv etməyə qadirdir. Çünki onun akustik sisteminin (düşməni məsafədən aşkar etmək qabiliyyəti) effektivliyi "tərəfdaşların" analoji imkanlarından üç dəfə yüksəkdir. Beləliklə, cəmi altı ədəd "Varşavyanka" Qara dənizdə ehtimal olunan düşmənin bütün fəaliyyət və manevrlərini tam bloklamağa qadirdir.

636.3 tipli submarinanın su altında sürəti 20 düyünə qədərdir. Gəmi 45 sutka ərzində səyyar çəkildə 2000 mil radiusda ərazidə xidmət aparmağa qadirdir. Qayığın qabaritləri (uzunluğu 73 m, eni 10 m, hündürlüyü 6,2m) dayaz yerlərdə gizlənməyə imkan verir. Qayığın maksimum dalma dərinliyi 300 metrdir. Mühərrikin işi və ekipaj (52 nəfər) üçün hava ehtiyatı 260 saat fasiləsiz olaraq suyun altında qalmağa imkan verir. Təsadüfi deyil ki, Rusiya istehsalı olan 636 və 636M tipli qayıqlar xarici HDQ-lər tərəfindən də kütləvi şəkildə alınır (Çin – 10 ədəd, Vyetnam – 6 ədəd, Əlcəzair – 4 ədəd).

Yenilməz korvetlər

Rusiyada 20380, 20385 və 20386 layihələri çərçivəsində korvetərin də inkişafı davam etdirilir (əvvəllər bu tip gəmiləri keşikçi gəmiləri adlandırırdılar). Həmin gəmilərin su tutumu 2000-3000 tondur. Əslində 20385 və 20386 layihələri elə 20380-in daha mürəkkəb və inkişaf etdirilmiş variantlarıdır. Belə ki, 20385 layihəsində "Redut" zeniit raket kompleksinin döyüş komplektinin sayı 12-dən 16-ya qədər artırılıb, gəmi əleyhinə Х-35 "Uran" raketləri 8 ədəd "Kalibr-NK" raketləri ilə əvəz olunub və perspektivdə isə onun göyərtəsində hipersəs "Sirkon" raketləri də quraşdırıla bilər.

Bundan əlavə adı çəkilən gəmilərin silahları arasında iki ədəd 30 mm-lik AK-630M artilleriya qurğusu (21 km məsafəli, dəqiqədə 80 mərmi ata bilən), "Kortik-M" ZRK və "İqla" daşınan ZRK-ləri də var. Torpedalar əleyhinə 330 mm-lik "Paket-NK" sistemi isə düşmənin suüstü və sualtı qayıqlarına qarşı istifadə oluna bilər. Düşmənin sualtı qayıqlarının aşkar və məhv edilməsi üçün korvetin sərəncamında Ka-27PL tipli göyərtə vertolyotu da var. Gəmi həmçinin müxtəlif radiotexniki silahlarla da təchiz olunub. Onun əsas xüsusiyyətlərindən biri "stels" texnologiyası əsasında çoxqatlı kompozit materiallardan hazırlanmış üst qatıdır. 27 düyün sürətlə 3500 mil məsafəni qət edə bilən korvetlər 99 nəfər ekipajla 15 sutka ərzində tam səyyar şəkildə fəaliyyət göstərmyə qadirdir.

Korvetlərin əsas məqsədi patrul xidməti və sahilə yaxın sularda düşmənin suüstü gəmiləri və submarinaları ilə mübarizə, sahil obyektlərinə raket-artilleriya zərbələrinin endirilməsi və desant əməliyyatlarına dəstəkdir. Bu cür gəmilər Baltik, Qara dəniz və digər sularda hər zaman gərəkli olacaq.

Hazırda Rusiya ordusu və hərbi donanmasında müasir silahların payı 70% təşkil edir və bu, təbii ki son hədd deyil. Müasir çoxqütblü dünyada yüksək texnoloiyalara əsaslanan silahlar Rusiyanı həqiqətən suveren və yenilməz edir. Rusiya HDQ-nin Şimal, Sakit okean, Baltik, Qara dəniz və Xəzər donanmaları milli dəniz siyasəti çərçivəsində müxtəlif tapşırıqları həll edirlər.

8
Rusiya Prezidenti Vladimir Putin və İsrailin Baş naziri Benyamin Netanyahu, arxiv şəkli

Putin Netanyahu arasında kritik danışıq

10
(Yenilənib 21:24 07.05.2021)
Tərəflər təhlükəsizlik şurası, həmçinin xarici siyasət və iqtisadi qurumlar barədə dialoqun davam etdirilməsinə dair razılığa gəlib.

BAKI, 7 may — Sputnik. Rusiya Prezidenti Vladimir Putin və İsrailin Baş naziri Benyamin Netanyahu beynəlxalq məsələləri müzakirə ediblər. Sputnik Azərbaycan xəbər verir ki, bu barədə məlumat Kremlin rəsmi saytında yerləşdirilib.

Qeyd olunur ki, telefon danışığı zamanı liderlər Suriya nizamlanması da daxil olmaqla beynəxlaq gündəlikdə olan məsələləri müzakirə ediblər. Bildirilir ki, Benyamin Netanyahu Putini İsrail tərəfinin Kiyev nümayəndələri ilə əlaqələri barədə məlumatlandırıb. Tərəflər təhlükəsizlik şurası, həmçinin xarici siyasət və iqtisadi qurumlar barədə dialoqun davam etdirilməsinə dair razılığa gəliblər.

Putin və Netanyahu, həmçinin Böyük Vətən müharibəsində Qələbənin 76-cı ildönümü münasibəti ilə bir-birlərini təbrik ediblər.

10
Vladimir Putin və Co Bayden arasında görüş, 2011-ci il

Bayden Putinin görüşü: Bakının şansı qədərdir?

1581
Əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.

BAKI, 7 may — Sputnik. ABŞ və Rusiya Prezidentləri Co BaydenVladimir Putin Azərbaycanın paytaxtı Bakıda görüşə bilər. Sputnik Azərbaycan "Politico" nəşrinə istinadən xəbər verir ki, bu barədə ABŞ-ın sabiq rəsmi şəxsləri bildiriblər.

Bu ilin aprelində Çexiya Baş nazirinin birinci müavini (həmin vaxt Çexiya XİN-in səlahiyyətlərini icra edirdi) Yan Qamaçek bildirib ki, bu ölkənin Moskva və Vaşinqtondakı səfirlərinə Rusiya – ABŞ sammitinin Praqada keçirilməsini təklif etməyi tapşırıb. Bu bəyanat Çexiya və Rusiya arasında diplomatik böhran baş verməmişdən qabaq səsləndirilib.

ABŞ-ın sabiq rəsmi şəxsləri və analitikləri bəyan ediblər ki, hər iki prezidentin görüşü Çexiya paytaxtı Praqa, İslandiya paytaxtı Reykyavik, Sloveniya paytaxtı Lyublyana və Azərbaycan paytaxtı Bakıda da keçirilə bilər.

Nəşr qeyd edir ki, Bakının görüş yeri kimi seçilməsi də gəzinti kimi bir şey olardı, xüsusilə ABŞ tərəfi üçün. Azərbaycanın həm Vaşinqton, həm də Moskva ilə güclü əlaqələri olmasına baxmayaraq, bu, qeyri-standart seçim olardı. Baydenin Bakıya gəlmə şansları o qədər də yüksək deyil. Səbəblərdən biri: Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

"Politico" yazır ki, Baydenin Bakıya səfəri böyük ehtimalla Ermənistanı, həmçinin erməni əsilli amerikalıları narahat edəcək: "Bayden bu yaxınlarda 20-ci əsrin əvvəllərində baş verən "erməni soyqırımı"nı rəsmi olaraq tanıyaraq bu icmanın əksəriyyətini sevindirdi".

Bakının üstünlükləri 
Sözsüz ki, əgər bu görüş həqiqətən baş tutacaqsa, tərəflər onun harada keçirilməsi barədə qərarı özləri verəcəklər. Lakin biz, “Politico”dan fərqli olaraq, Bakını görüşün keçirilmə ehtimalı olan yerlər siyahısından silmirik.
Birincisi, ona görə ki, elə bu günlərdə ABŞ prezidentinin administrasiyası “Azadlığa dəstək aktı”na 907-cü düzəlişin dayandırılması müddətini uzadıb. Beləliklə, Bayden Azərbaycana birbaşa yardım etməyə icazə verib.
Özü də bu barədə ABŞ dövlət katibi Entoni Blinken Azərbaycan prezidenti İlham Əliyevə şəxsən telefonla məlumat verib ki, bu da Amerika tərəfinin Bakı ilə münasibətlər qurmaq niyyətindən xəbər verir.
İkincisi, Azərbaycan paytaxtı artıq neçə illərdir ki, ciddi beynəlxalq tədbirlərə ev sahibliyi edir, həmçinin ABŞ və Rusiyadan olan yüksək mənsəb sahiblərinin görüşləri üçün şərait yaradır.


Belə ki, 2017-ci ildə Bakıda Rusiya Silahlı Qüvvələrinin Baş qərargah rəisi, general Valeri Gerasimov və NATO Hərbi komitəsinin rəhbəri Petr Pavel arasında görüş olub. Daha sonra, 2018-ci ildə Gerasimov iki dəfə Bakıda NATO birləşmiş qüvvələrinin ali baş komandanı Kertis Skaparotti ilə görüşüb. 2019-cu ildə isə Gerasimov bir daha Bakıya gələrək burada NATO Hərbi komitəsinin sədri ilə görüşüb.
2020-ci ilin fevralında, pandemiya ərəfəsində Azərbaycan paytaxtında rusiyalı generalın NATO-nun Avropadakı birləşmiş qüvvələrinin baş komandanı Tod Uolterslə danışıqları da keçirilib.
Bütün hallarda danışıqlar yüksək səviyyədə keçirilib və tərəflər Azərbaycan hakimiyyətinə tədbirlərin keçirilməsi üçün şərait yaratdığına görə minnətdarlıq ifadə ediblər.
Odur ki, əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.
Həm də ki, hazırda Bakı, bir çox Avropa paytaxtlarından fərqli olaraq, pandemiyadan sonra özünə gəlməyə başlayır. Şəhərdə faktiki olaraq heç bir məhdudiyyət yoxdur və baxmalı yerlər də var. Məsələn, dünyada yeganə olan “Suraxanı tanker-muzeyi”, İçəri Şəhərin Qoşa Qala qapısı yanındakı köhnə hamam, Hərbi Qənimətlər Parkı.

Eləcə də oxuyun: 

* Bayden Azərbaycana hərbi yardıma niyə icazə verir – politoloq şərhi

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

* Gerasimov Bakıda - NATO ilə təkbətək

 

1581
Min bir gecə baleti, arxiv şəkli

"Min bir gecə" baleti beynəlxalq festivalda

0
(Yenilənib 23:11 07.05.2021)
Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

BAKI, 7 may — Sputnik. Görkəmli Azərbaycan bəstəkarı Fikrət Əmirovun "Min bir gecə" baleti mayın 13-dən iyunun 2-dək Tatarıstanın paytaxtı Kazanda keçiriləcək Rudolf Nureyev adına 36-cı Beynəlxalq klassik balet festivalında nümayiş olunacaq. Sputnik Azərbaycan xəbər verir ki, Tatarıstan Dövlət Akademik Opera və Balet Teatrının səhnəsində reallaşacaq festival Rusiyanın Əməkdar incəsənət xadimi, həmvətənimiz Eldar Əliyevin xoreoqrafik quruluşunda Mariinski Teatrının Primorsk səhnəsinin (Vladivostok) "Min bir gecə" tamaşası ilə açılacaq. Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

Eldar Əliyevin quruluşunda "Min bir gecə" baletinin premyerası 2020-ci ilin avqustunda olub.

Dünyaca məşhur balet artistləri, xoreoqraf və dirijorları bir araya gətirən Rudolf Nureyev adına festival 1987-ci ildən keçirilir.

0