Rusiya FTX-nın əməkdaşları, arxiv şəkli

Rusiyanın doqquz şəhərində partlayış törətmək istəyən terrorçular saxlanılıb

1719
(Yenilənib 12:47 29.04.2021)
Xidmətin məlumatına görə, M.K.U. rəhbəri Yeqor Krasnov Ukraynadan Rusiya ərazisində qruplaşmanın fəaliyyətini əlaqələndirib.

BAKI, 29 aprel — Sputnik. Rusiya Federal təhlükəsizlik xidmətinin əməkdaşları M.K.U. ukraynalı radikal gənclər icmasının 16 üzvünü saxlayıblar. Sputnik Azərbaycan Rusiya mediasına istinadən xəbər verir ki, saxlanılan şəxslərin partlayış və hücumlar hazırlamaqda əli olduğu güman edilir.

Xidmətin məlumatına görə, M.K.U. rəhbəri Yeqor Krasnov Ukraynadan Rusiya ərazisində qruplaşmanın fəaliyyətini əlaqələndirib.

"Təşkilata yeni üzvlərin cəlb olunması mərhələli şəkildə həyata keçirilib. Əvvəlcə rəhbər yeni üzvlərə binaların üzərinə ekstremist yazılar yazmağı, daha sonra küçədə qalan insanlardan birini və ya hər hansı submədəniyyət təmsilçisini döyməyi təklif edib. Daha sonra isə vətəndaşlara, hüquq mühafizə orqanı əməkdaşlarına silahlı hücum etmək, hakimiyyət orqanlarının binalarını yandırmaq və ya partlatmaq nəzərdə tutulubmuş. Bütün bunları saxlanılan şəxslər danışıb", - deyə FTX-nin məlumatında deyilir.

"İrkutsk, Krasnodar, Saratov, Tambov, Tümen, Çita, Anapa, Puşino, Pereslavl-Zalesski şəhərlərində təşkilatın 16 üzvü saxlanıb. Onların zorakılıqda, ektremizmin təbliğində, habelə inzibati binaların partladılması və vətəndaşlara silahlı hücumlarda əli var", - deyə məlumatda bildirilir.

Axtarışlar zamanı şübhəlilərdən soyuq silah, ekstremist atributika, həyata keçirilmiş və planlaşdırılan terror və ekstremist cinayətlər, yerinə yetirilmiş zorakılıq aksiyaları barədə qruplaşma rəhbərinə göndərilmiş videolar və onunla yazışmalar aşkar edilərək götürülüb.

Qeyd edək ki, mart ayında Gelencik və Yaroslavlda 14 nəfər M.K.U. tərəfdaşının saxlandığı barədə məlumat verilib. Saxlanılanlar həmin qrupun "Krasnovun ideoloji təsiri altında" 2019-cu ildə yarandığını, ondan terror hadisələri, kütləvi qırğınlar və digər zorakılıq aksiyalarının həyata keçirilməsi üçün təlimatlar aldıqlarını etiraf ediblər.

Bundan əlavə, fevralın ortalarında FTX Voronej şəhərində bir qrup M.K.U. təəssübkeşinin və onların 19 yaşlı başçısının tutulduğunu bildirib. Lakin həmin epizodda terror aksiyası məsələsi hallandırılmayıb: saxlanılan şəxslərə qarşı bir gəncin döyülməsi, Voronejdə evlərin divarlarına ekstremist yazıların həkk olunması və ekstremizmə kütləvi çağırışlarla bağlı ittihamlar irəli sürülüb.

1719

Moskvada Qələbə Günü: parad xatirələrə köçmüş yerlərdən video

397
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

397
Böyük Vətən Müharibəsi veteranının medalları, arxiv şəkli

Moskvada 4095 nəfər Böyük Vətən müharibəsi veteranı yaşayır

121
(Yenilənib 09:18 09.05.2021)
2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir.

BAKI, 9 may — Sputnik. Rusiya paytaxtında yaşayan Böyük Vətən müharibəsi veteranlarının sayı dəqiqləşdirilib. Sputnik Azərbaycan Rusiya mediasına istinadən xəbər verir ki, hazırda Moskvada 4095 nəfər veteran yaşayır.

"Arxa cəbhə zəhmətkeşləri ilə birlikdə veteranların sayı 37351 nəfərdir", — deyə "Exo Moskvı" radiostansiyasının baş redaktoru Aleksey Venediktov "Telegram" kanalında bildirib.

Xatırladaq ki, 2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir (təqribən 230-575 AZN).

Həmin müavinət veteranlara onların müharibə dövründə harada olmasından asılı olmayaraq veriləcək. Beləliklə, həmin müavinəti hazırda Moskvada rəsmi qeydiyyatda olan Leninqrad blokadası iştirakçıları da ala bilərlər.

Şəhər meriyasının qənaətinə görə isə, birdəfəlik maddi yardımı təqribən 83,2 min nəfər almalıdır.

121

Bir küçədə yaşamış iki Sovet İttifaqı qəhrəmanı

5
(Yenilənib 16:40 09.05.2021)
"Təltif edildiyi döyüşdə ağır yaralanıb. Hətta adı ölülərin siyahısına düşüb. Sonra hospitalda tapıb xəbər veriblər ki, sən Sovet İttifaqı qəhrəmanı olmusan"

İlham Mustafa, Sputnik Azərbaycan

BAKI, 9 may — Sputnik. Tovuz keçmiş SSRİ-də nadir rayonlardandır ki, onun üç Sovet İttifaqı qəhrəmanı olub. Onların hər üçü Berlinədək döyüş yolu keçərək qorxmazlıqları və şücatləri ilə bu ada layiq görülüblər. Qəhrəmanlardan Məstan Əliyev ölümündən sonra bu ada layiq görülsə də, Mərdan Musayev və Yusif Sadıqov sağ olaraq doğulduqları rayona dönüb, ötən əsrin 70-80-ci illərinədək rayonda yaşayıblar. Maraqlısı odur ki, Sovet İttifaqı qəhrəmanı olan hər iki şəxs müharibədən qayıtdıqdan sonra eyni küçədə, hətta qonşu olaraq yaşayıblar. Məhz o səbəbdən İsmayıl Mürşüdov adına küçə ötən əsrin ortalarından məktəblilərin, fəxri qonaqların, turistlərin ən çox üz tutduğu məkan olub.

Sovet İttifaqı qəhrəmanı Yusif Sadıqovun evində hazırda kiçik övladı Mehdi yaşayır. O, hər iki qəhrəmanın bir küçədə yaşamasının təsadüf olduğunu bildirib. Onun sözlərinə görə, hazırda yaşadıqları küçə ötən əsrin əvvəllərində almanlar tərəfindən salınıb. Vətən müharibəsi başladıqdan sonra almanlar buradan köçürülüb. Müharibədən sonra isə bu evlər döyüşlərdə şücaət göstərmiş döyüşçülərə verilib. Atasının qəhrəmanlığına gəlincə isə, M.Sadıqov onun bir neçə xidmətinin müqabilində sovet rəhbərliyinin bu qərarı verdiyini söyləyib: “Atam Moskvadan Berlinədək döyüş yolu keçib. Bir neçə döyüşdə fərqlənməsinə görə bu ada layiq görülüb. Özü danışırdı ki, müharibənin ilk illərində sovet mərmiləri alman tanklarını məhv edə bilmirmiş. Atam təklif verib ki, hər tanka iki top ayrılsın. Topun biri tankın tırtılını vursun. Bu zaman tank 180 dərəcə firlanacaq və həmin an ikinci top onun yanacaq çənini vursun. Bu yolla sovet topları, mərmiləri təkmilləşənə kimi alman tanklarının qarşısını kəsiblər. Atamın bu döyüş taktikasına o vaxt “at gedişi” adı veriblər. Digər bir döyüşdə onun başçılıq etdiyi topçular 9 tankı məhv edib. Hansı ki, 5-ni atam özü vurub. Varşava yaxınığında vuruşmaların birində min nəfərə yaxın sovet əsgərini əsirlikdən azad ediblər. Bu göstərdiyi igidliyə görə rəhbərliyə təqdimatı verilib və 1945-ci ildə mayın 31-də bu ada layiq görülüb”, - deyə o məlumat verib.

© Sputnik / Ilham Mustafa
Sovet İttifaqı qəhrəmanıları Məstan Əliyev, Mərdan Musayev və Yusif Sadıqovun heykəlləri

Mehdi Sadıqov atasının digər tovuzlu qəhrəman Mərdan Musayevlə yaxın dost olduğunu, bütün tədbirlərdə, paradlarda birgə iştirak etdiklərini bildirib.

Digər evdə isə hazırda Sevet İttifaqı qəhrəmanı Mərdan Musayevin gəlini öz övladları və nəvələri ilə birgə yaşayır. Gəlini Şəfiqə Musayeva övladları kimi həmişə qaynatası ilə fəxr etdiyini söyləyib: “Qaynatamın sağlığında SSRİ-nin hər yerindən dostları gəlirdi. Onun şücaətlərindən danışanda adam heyrətini gizlədə bilmirdi. Dəfələrlə yaralansa da, sonradan yenə döyüşlərə qatılıb. Sinəsini güllənin qabağına verərək komandirini qoruyub. Təltif edildiyi döyüşdə də ağır yaralanıb. Hətta adı ölülərin siyahısına düşüb. Sonra hospitalda tapıb xəbər veriblər ki, sən Sovet İttifaqı qəhrəmanı olmusan”, - deyə Ş.Musayeva eşitdikləri haqqında danışıb.

  • Üç Sovet İttifaqı qəhrəmanıları Məstan Əliyev , Mərdan Musayev və Yusif Sadıqov yaşadıqları ərazi
    © Sputnik / Ilham Mustafa
  • Sovet İttifaqı qəhrəmanıları Məstan Əliyev, Mərdan Musayev və Yusif Sadıqovun fotoları
    © Sputnik / Ilham Mustafa
  • Sovet İttifaqı qəhrəmanı Yusif Sadıqovun yaşadığı ev
    © Sputnik / Ilham Mustafa
  • Sovet İttifaqı qəhrəmanı Yusif Sadıqovun təltif edilmə barədə vəsiqəsi
    © Sputnik / Ilham Mustafa
  • Sovet İttifaqı qəhrəmanıları Məstan Əliyev, Mərdan Musayev və Yusif Sadıqovun medalları
    © Sputnik / Ilham Mustafa
  • Sovet İttifaqı qəhrəmanıları Məstan Əliyev, Mərdan Musayev və Yusif Sadıqovun abidələri
    © Sputnik / Ilham Mustafa
1 / 6
© Sputnik / Ilham Mustafa
Üç Sovet İttifaqı qəhrəmanıları Məstan Əliyev , Mərdan Musayev və Yusif Sadıqov yaşadıqları ərazi

O, öz oğlunun da babasının yolunu davam etdirdiyini, döyüşlərdə xidmtlərinə görə medallarla təltif edildiyini bildirib.

“Sağlığında nəvəsi olanda ona öz adını qoydu. Hazırda eyni ad soyadı daşıyan oğlum da hərbçidir. Xüsusi təyinatlı polkovnik-leytenantdır. Aprel döyüşlərində, 44 günlük Vətən müharibəsində qəhrəmanlıqla döyüşüb. Prezident tərəfindən bir neçə medalla təltif edilib”, - deyə o bildirib.

Tovuz rayonu da öz qəhrəmanlarını unutmur. Hazırda rayonda hər 3 Sovet İttifaqı qəhrəmanının adına küçə və məktəb var. Eyni zamanda, Tovuz Qəhrəmanlar parkında onların büstləri qoyulub. Mütəmadi olaraq bu məkan ziyarət olunur. Faşizmə qarşı canından keçən bütün azərbaycanlılar onların timsalında yad edilirlər.

Həmçinin oxuyun:

Almanlara silah gətirən qatarı partladaraq italyan qəzetinə manşet olan azərbaycanlı

Qələbə Gününü özünə ad günü kimi seçən qəhrəman

5