Митинг ЛДПР на Пушкинской площади

Jirinovskidən xaricdə yaşayan ruslara RF pasportlarının verilməsini sadələşdirmək təklifi

7
(Yenilənib 12:24 29.04.2021)
"Türkiyədə təqribən 120 min nəfər rus yaşayır. Onların çoxu vaxtilə türklərə ərə getmiş qadınlardır. Və onların orada kifayət qədər böyük icması var. Bu qadınlar daim Rusiya ilə əlaqələr axtarırlar"

 

BAKI, 29 aprel — Sputnik. Rusiya Liberal-Demokrat Partiyasının sədri Vladimir Volfoviç Jirinovski ölkədən kənarda yaşayan ruslara Rusiya pasportlarının verilməsini sadələşdirməyi təklif edib. Sputnik Azərbaycan Rusiya mediasına istinadən xəbər verir ki, Jirinovski bunun rusların yaşadığı ölkələrdə siyasətə təsir etməsinə imkan verəcəyini dilə gətirib.

"Biz adətən rus diasporasının təsirini düzgün qiymətləndirmirik. Misal üçün, uzağa getmək lazım deyil. Məsələn, Türkiyədə təqribən 120 min nəfər rus yaşayır. Onların çoxu vaxtilə türklərə ərə getmiş qadınlardır. Və onların orada kifayət qədər böyük icması var. Bu qadınlar daim Rusiya ilə əlaqələr axtarırlar. Onlar mənə də müraciət ediblər", - deyə Volfoviç öz "Telegram" kanalında bildirib.

RLDP lideri həmçinin ABŞ-dakı erməni diasporası haqqında da danışıb. "Onlar o qədər güclüdürlər ki, bir dəfə faktiki olaraq prezidentliyə öz namizədlərini də irəli sürmüşdülər. Konqresdə erməni kokusu fəaliyyət göstərir – bu elə bir özünəməxsus alt komitədir ki, ora müxtəlif illərdə 100-dən çox konqresmen daxil olub! Keçmiş dövlət katibi Con Kerri də həmin alt komitədə olub", - deyə siyasətçi xatırladıb.

Jirinovski həmçinin "ABŞ-da rusların ermənilərdən də çox olduğunu" dilə gətirib.

"Bizim həmvətənlərimizə də bu cür nüfuzlu olmaqda kim mane olur ki? Ola bilər ki, ruslar orada ümumiyyətlə öz prezidentini seçə bilər. Lakin bunun üçün onlar Vətənlə əlaqəni, bizim dəstəyimizi hiss etməlidirlər. Biz isə bunu etməkdən imtina edirik, onları Rusiya pasportunu əldə etmək üçün növbəyə duran qasterbayterlərlə eyni sıraya qoyuruq", - deyə Volfoviç vurğulayıb.

Onun fikrincə, ruslara sənədləri "2-3 həftəyə hazırlayıb elə birbaşa konsulluqda vermək" lazımdır.

"Əgər 1990-cı illərdə bütün Sovet pasportları avtomatik olaraq Rusiya pasportlarına dəyişdirilsəydi, indi ölkə əhalisinin sayı 145 milyon deyil, 170 milyon və daha çox olardı. Ukrayna ilə problem olmazdı, Baltikyanı ölkələrdə rusofob siyasət olmazdı, biz dünyada daha böyük nüfuza malik olardıq", - deyə RLDP sədri fikrini tamamlayıb.

7

Moskvada Qələbə Günü: parad xatirələrə köçmüş yerlərdən video

398
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

398
Böyük Vətən Müharibəsi veteranının medalları, arxiv şəkli

Moskvada 4095 nəfər Böyük Vətən müharibəsi veteranı yaşayır

121
(Yenilənib 09:18 09.05.2021)
2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir.

BAKI, 9 may — Sputnik. Rusiya paytaxtında yaşayan Böyük Vətən müharibəsi veteranlarının sayı dəqiqləşdirilib. Sputnik Azərbaycan Rusiya mediasına istinadən xəbər verir ki, hazırda Moskvada 4095 nəfər veteran yaşayır.

"Arxa cəbhə zəhmətkeşləri ilə birlikdə veteranların sayı 37351 nəfərdir", — deyə "Exo Moskvı" radiostansiyasının baş redaktoru Aleksey Venediktov "Telegram" kanalında bildirib.

Xatırladaq ki, 2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir (təqribən 230-575 AZN).

Həmin müavinət veteranlara onların müharibə dövründə harada olmasından asılı olmayaraq veriləcək. Beləliklə, həmin müavinəti hazırda Moskvada rəsmi qeydiyyatda olan Leninqrad blokadası iştirakçıları da ala bilərlər.

Şəhər meriyasının qənaətinə görə isə, birdəfəlik maddi yardımı təqribən 83,2 min nəfər almalıdır.

121

Bu gün 25 mindən çox insan vaksin vurdurub

0
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

0