Aviabaza, arxiv şəkli

"Moskvaya xəbərdarlıq": Amerikanın gizli saxlanan təyyarəsi havaya qaldırıldı

92
(Yenilənib 21:59 25.04.2021)
ABŞ-ın fəaliyyətdə olan 32 U-2 təyyarəsindən biri də hələ fevralda Ferfordda görülüb. Bura Böyük Britaniyadakı missiyaları zamanı həmin təyyarələr üçün baza rolunu oynayır.

BAKI, 25 aprel - Sputnik. Amerikanın kəşfiyyatçı U-2 təyyarəsi ötən həftə Böyük Britaniyanın Ferford aviabazasından səmaya qalxıb.

Sputnik Azərbaycan Daily Mail-ə istinadən bildirir ki, buna səbəb Rusiya-Ukrayna sərhədindəki gərginlikdir.

Nəşrin bildirdiyinə görə, "çox məxfi" casus təyyarə ötən həftə Avropada kəşfiyyat missiyasını yerinə yetirmək üçün uçub. Müəllifin sözlərinə görə, "Ledi Əjdaha" adlandırılan Lockheed U-2-nin şəkilləri hələ aprelin 16-da Ferfordda çəkilib. Həmin vaxt təxminən 100000 Rusiya əsgəri Ukrayna sərhədinə göndərilmişdi.

​Bildirilir ki, sonra prezident Putin Moskva yaxınlığında düşmən PUA-ları və peyklərini aldatmaq üçün doldurulma (rezin) ordu yaratdıqdan sonra qoşunları daimi dislokasiya yerlərinə qaytarıb.

"U-2-nin Avropada olması Moskvaya xəbərdarlıqdır", - məqalədə deyilir.

Son həftələr Qlosterşirdəki hərbi bazada kəşfiyat təyyarəsini tez-tez görüblər, ancaq nə Müdafiə Nazirliyi, nə də ABŞ HHQ hərəkətin səbəbini açıqlamağa tələsib.

ABŞ-ın fəaliyyətdə olan 32 U-2 təyyarəsindən biri də hələ fevralda Ferfordda görülüb. Bura Böyük Britaniyadakı missiyaları zamanı həmin təyyarələr üçün baza rolunu oynayır.

2019-cu ilin sentyabrında ABŞ HHQ bildirmişdi ki, təyyarələr Ferforda "rutin kəşfiyyat və müşahidə missiyaları üçün" Kaliforniyadakı Bil aviabazasından göndərilib. Həmçinin qeyd olunmuşdu ki, Avropa hərbi səhnələr teatrında ISR (kəşfiyyat və müşahidə) vasitələrinin yerləşdirilməsi ABŞ-ın bölgədəki müttəfiq və tərəfdaşlarına sadiqliyini nümayiş etdirir". 

92

Lavrovdan Zəngəzur açıqlaması: "Emosiyaların qızışıdırılmasına ehtiyac yoxdur"

711
(Yenilənib 16:21 17.05.2021)
"Rəsmi Moskva sərhədlərin demarkasiya məsələsində Azərbaycan və Ermənistana yardım etməyə hazırdır".

BAKI, 17 may — Sputnik. Rəsmi Moskva sərhədlərin demarkasiya məsələsində Azərbaycan və Ermənistana yardım etməyə hazırdır. Sputnik Azərbaycan "RİA Novosti"-yə istinadən xəbər verir ki, bunu Rusiyanın xarici işlər naziri Sergey Lavrov bildirib.

Rusiya xarici işlər naziri Zəngəzurdakı (Sunik) vəziyyətə də toxunub.

O, qeyd edib ki, emosiyaların qızışıdırılmasına ehtiyac yoxdur.

“Orada heç bir atəş açılmayıb, heç bir qarşıdurma baş verməyib. Oturdular, sakitcə bu vəziyyəti necə həll edəcəyi barədə danışıqlara başladılar. Bizdən kömək istədilər, hərbçilərimiz kömək göstərdilər, razılaşma əldə edildi. Müntəzəm olmayan, lakin rahatlıqla tənzimlənən bu məsələdə emosiyaları qızışdırmaq üçün bir səbəb görmürəm”, - deyə Lavrov Syerra-Leonenin xarici işlər naziri Devid Con Frensislə danışıqların yekunlarına dair mətbuat konfransında bildirib.

Nazir eyni zamanda bildirib ki, Rusiya sərhədlərin delimitasiyası və demarkasiyasında Azərbaycan və Ermənistana yardım etməyə hazırdır: “Biz tərəflərə delimitasiya və demarkasiya işlərinə başlamağı təklif etmişik. Biz kartoqrafiya materialları və məsləhətləşmə xidmətləri təqdim etməklə onlara yardım etməyə hazırıq”.

Xatırladaq ki, Azərbaycan Xarici İşlər Nazirliyi sərhəddəki gərginliklə ilə bağlı bəyanatla çıxış edib.

"10 noyabr 2020-ci il tarixində imzalanmış üçtərəfli bəyanata əsasən, işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir.

Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirləri Ermənistan və Azərbaycan arasında sərhəd xəttini müəyyən edən və tərəflərdə olan xəritələr əsasında aparılır. Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir.

12 may tarixindən etibarən AR Dövlət Sərhəd Xidmətinin rəhbərliyi əraziyə ezam olunub, qarşı tərəfin sərhədçiləri ilə danışıqlar aparılır və vəziyyətin normallaşması istiqamətində müvafiq addımlar atılır. 

Ermənistanın siyasi-hərbi dairələrinə təşvişə düşməməyi, Azərbaycanın Zəngilan, Qubadlı, Laçın və Kəlbəcər rayonları boyunca dövlətlərarası sərhəd rejimi reallığını qəbul etməyi və əsassız olaraq bölgədə vəziyyəti gərginləşdirməməyi tövsiyə edirik.

Azərbaycan öz tərəfindən, qeyd olunan bölgədə gərginliyin aradan qaldırılmasına sadiqdir və bu istiqamətində müvafiq addımların atılmasına çağırır" - bəyanatda deyilir.

Həmçinin oxuyun:

Məktub yetişmədi və ya Kreml təmsilçisindən Paşinyanın məktubu ilə bağlı etiraf

Fransadan Ceyhun Bayramova zəng gəldi - Sərhəddə...

İlham Əliyev: Ermənistan tərəfi qeyri-adekvat reaksiya nümayiş etdirir

Azərbaycan XİN-dən sərhəd hay-küyünə cavab: "Təşvişə düşməyin"

711
Nikol Paşinyan, arxiv şəkli

Məktub yetişmədi ya Kreml təmsilçisindən Paşinyanın məktubu ilə bağlı etiraf

648
(Yenilənib 14:51 17.05.2021)
Ötən həftə Ermənistan Baş nazirinin səlahiyyətlərini icra edən Nikol Paşinyan parlamentdə bildirib ki, Sünikdə vəziyyətlə bağlı Putinə məktub yazaraq ondan kömək istəyib.

BAKI, 17 may — Sputnik. Rəsmi Moskva Bakı və Yerevanla daimi təmasdadır, Ermənistan və Azərbaycan sərhədində gərginliyi aradan qaldırmaq üçün səylər göstərir. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

"Bilirsiniz ki, Rusiya və Ermənistan tərəfi daimi təmasdadır. Biz, həmçinin Bakı ilə də daimi təmasdayıq. Prezident üçtərəfli razılaşmaların həyata keçirilməsinə alternativsizliyin sadiq tərəfdarıdır. İndi gərginliyi aradan qaldırmaq və vəziyyəti düzəltmək üçün güclü səylər göstərilir", - deyə Peskov jurnalistlərə bildirib.

"Rusiya Prezidenti Paşinyanın məktubunu alıbmı?" sualına Kreml təmsilçisi cavab verməyə çətinlik çəkib: "Mən sizə dəqiq deyə bilmərəm, lakin təbii ki, bütün bu məsələlər ikitərəfli əlaqələr zamanı müzakirə olunub".

Qeyd edək ki, ötən həftə Ermənistan Baş nazirinin səlahiyyətlərini icra edən Nikol Paşinyan parlamentdə bildirib ki, Zəngəzur (Sünik) vilayətində Azərbaycanla sərhəddə vəziyyətlə bağlı Putinə məktub yazaraq ondan kömək istəyib.

Xatırladaq ki, Azərbaycan Xarici İşlər Nazirliyi məsələ ilə bağlı bəyanatla çıxış edib.

"10 noyabr 2020-ci il tarixində imzalanmış üçtərəfli bəyanata əsasən, işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir.

Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirləri Ermənistan və Azərbaycan arasında sərhəd xəttini müəyyən edən və tərəflərdə olan xəritələr əsasında aparılır. Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir.

12 may tarixindən etibarən AR Dövlət Sərhəd Xidmətinin rəhbərliyi əraziyə ezam olunub, qarşı tərəfin sərhədçiləri ilə danışıqlar aparılır və vəziyyətin normallaşması istiqamətində müvafiq addımlar atılır. 

Ermənistanın siyasi-hərbi dairələrinə təşvişə düşməməyi, Azərbaycanın Zəngilan, Qubadlı, Laçın və Kəlbəcər rayonları boyunca dövlətlərarası sərhəd rejimi reallığını qəbul etməyi və əsassız olaraq bölgədə vəziyyəti gərginləşdirməməyi tövsiyə edirik.

Azərbaycan öz tərəfindən, qeyd olunan bölgədə gərginliyin aradan qaldırılmasına sadiqdir və bu istiqamətində müvafiq addımların atılmasına çağırır" - bəyanatda deyilir.

Həmçinin oxuyun:

Putinlə Paşinyan Ermənistan-Azərbaycan sərhədindəki vəziyyəti müzakirə ediblər

Fransadan Ceyhun Bayramova zəng gəldi - Sərhəddə...

Azərbaycan XİN sərhəddəki vəziyyətə aydınlıq gətirdi

648
NATO-nun Brüsseldə mənzil-qərargahına əsas giriş

NATO Baş qərargah rəisləri sabah toplanırlar, Hikmət Hacıyev isə artıq müzakirıə aparıb

0
(Yenilənib 19:00 17.05.2021)
Görüşün gündəliyində alyansın NATO 2030 inkişaf strategiyası, NATO-nun strateji hərbi planlaşdırma və adaptasiyası, əməliyyatlar, missiyalar və ittifaqın digər fəaliyyətləri, Ukrayna və Gürcüstan məsələləri var.

BAKI, 17 may — Sputnik. NATO Hərbi komitəsi mayın 18-də alyansın Brüsseldəki Baş qərargahında qərargah rəisləri səviyyəsində üz-üzə görüş keçirəcək. Sputnik Azərbaycan bildirir ki, bu barədə qurumun mətbuat xidmətindən verilən məlumatda deyilir.

"NATO hərbi komitəsinin müdafiə qərargahı rəisləri səviyyəsində ikinci görüşü üz-üzə formatda mayın 18-də alyansın Brüsseldəki (Belçika) Baş qərargahında keçiriləcək. İclasa NATO hərbi komitəsinin rəhbəri, general Stüart Piç rəhbərlik edəcək", – deyə sənəddə bildirilir.

Generalları narahat edən səbəb

Görüşün gündəliyində alyansının NATO 2030 inkişaf strategiyası, NATO-nun strateji hərbi planlaşdırma və adaptasiyası, əməliyyatlar, missiyalar və ittifaqın digər fəaliyyətləri, Ukrayna və Gürcüstan məsələləri var.

Qeyd edək ki, Hərbi Komitə NATO-nun ən yüksək hərbi orqanıdır və əsas siyasi quruma - Şimali Atlantika Şurasına, eləcə də, Nüvə Planlaşdırma Qrupuna məsləhət verməkdən məsuldur. Komitənin bundan əvvəlki iclası yanvar ayının sonunda Brüsseldə baş tutub.

Brüsseldəki diplomatik mənbədən verilən məlumata görə, iclasın əsas mövzusu aprelin 28-də başlayan "ittifaq qoşunlarının Əfqanıstandan çıxarılması prosesi" olacaq.

Azərbaycan sülhməramlıları da qayıdırlar

Azərbaycan da öz sülhməramlı əsgərlərini Əfqanıstandan çıxarır. Azərbaycan hərbçiləri orada NATO-nun "Qətiyyətli dəstək" missiyası çərçivəsində xidmət aparırlar.

"Qətiyyətli dəstək" əməliyyatı - NATO-nin qeyri-hərbi missiyasıdır və həm tədrislə, həm də 2015-ci ilin 1 yanvarından Əfqanıstanın hökumət qüvvələrinə dəstək verməklə məşğuldur.

Azərbaycan SQ-nin sülhməramlı qüvvələri Əfqanıstanda 2002-ci ilin noyabrından xidmət aparır. 2018-ci ildən oraya 120 hərbçi, iki hərbi həkim və altı zabit daxildir.

Əliyevin köməkçisi artıq Brüsseldədir

Azərbaycan Prezidenti İlham Əliyevin köməkçisi Hikmət Hacıyev də bu gün Brüsselə uçub. Orada Hacıyevin NATO baş katibinin müşaviri Mirça Coane ilə görüşü planlaşdırılmışdı. Görüşdə tərəflər Azərbaycanla NATO-nun cari əməkdaşlıq məsələlərini müzakirə ediblər.

Eləcə də oxuyun:

* Çin ABŞ qoşunlarının Əfqanıstandan çıxarılmasına qarşıdır

NATO soyuq müharibə istəmir, amma...

*ABŞ Əfqanıstandan çıxardığı əsgərləri harada yerləşdirəcək?

 

 

0
Teqlər:
Hikmət Hacıyev, görüş, Baş Qərargah rəisi, Brüssel, NATO