İngiltərə bayrağı, arxiv şəkli

Britaniya kəşfiyyatının rəhbəri Rusiyanı "zəifləyən dövlət" adlandırdı

27
Mur qeyd edib ki, onun başçılıq etdiyi qurum və şəxsi peşəkar fəaliyyəti üçün Rusiya əsas problem olaraq qalır. Belə problemlərdən biri Rusiya ordusunun Ukraynaya təxmin olunan müdaxiləsidir.

BAKI, 25 aprel - Sputnik. Böyük Britaniyanın Xarici İşlər Nazirliyinin gizli kəşfiyyat xidmətinin (Mİ-6) rəhbəri The Times nəşrinə müsahibəsində Rusiyanı "obyektiv olaraq zəifləyən dövlət" adlandırıb.

"Rusiya iqtisadiyyat və demoqrafiya baxımından obyektiv surətdə zəifləyən dövlətdir. O, həddən artıq çətin dövr yaşayır", - Riçard Mur deyib.

 

Bundan başqa, Mur qeyd edib ki, onun başçılıq etdiyi qurum və şəxsi peşəkar fəaliyyəti üçün Rusiya əsas problem olaraq qalır. Belə problemlərdən biri Rusiya ordusunun Ukraynaya təxmin olunan müdaxiləsidir.

Mİ-6 rəhbərinin fikrincə, Rusiya və Çexiyanın qarşılıqlı münasibətləri "ağılsız davranış" nümunəsinə çevrilib.

"Bu cür ağılsız davranış modeli, sonra da Ukrayna ətrafında baş verənlərə baxanda, əlbəttə ki, narahat oluruq. Ona görə biz hərəkətlərimizi müttəfiqlərimizlə koordinasiya edirik ki, prezident Putinə aydın siqnallar ötürdüyümüzdən əmin olaq", - Mur söyləyib.

Qeyd edək ki, bir neçə gün bundan əvvəl Çexiya Rusiya diplomatlarını ölkədən qovub. Bu qərar 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə əlaqələndirilib. Bundan sonra Rusiya XİN-i Çexiya Respublikasının Moskvadakı səfirliyinin 20 əməkdaşını "persona non-qrata" elan edib. 

Bundan öncə isə Ukraynanın cənub-şərqində vəziyyət yenidən gərginləşib. Kiyev Moskvanı Donbas ətrafına hərbi güc toplamaqda ittiham edib.

27
Teqlər:
kəşfiyyat, Rusiya, Böyük Britaniya
Vladimir Putin və Co Bayden arasında görüş, 2011-ci il

Politico: "Bayden Putin Bakıda görüşə bilər, ancaq…"

1534
(Yenilənib 22:59 06.05.2021)
Baydenin Bakıya gəlmə şansları o qədər də yüksək deyil. Səbəblərdən biri Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

BAKI, 6 may — Sputnik. ABŞ və Rusiya Prezidentləri Co Bayden və Vladimir Putin Azərbaycanın paytaxtı Bakıda görüşə bilər. Sputnik Azərbaycan "Politico" nəşrinə istinadən xəbər verir ki, bu barədə ABŞ-ın sabiq rəsmi şəxsləri bildiriblər.

Bu ilin aprelində Çexiya Baş nazirinin birinci müavini (həmin vaxt Çexiya XİN-in səlahiyyətlərini icra edirdi) Yan Qamaçek bildirib ki, bu ölkənin Moskva və Vaşinqtondakı səfirlərinə Rusiya – ABŞ sammitinin Praqada keçirilməsini təklif etməyi tapşırıb. Bu bəyanat Çexiya və Rusiya arasında diplomatik böhran baş verməmişdən qabaq səsləndirilib.

ABŞ-ın sabiq rəsmi şəxsləri və analitikləri bəyan ediblər ki, hər iki prezidentin görüşü Çexiya paytaxtı Praqa, İslandiya paytaxtı Reykyavik, Sloveniya paytaxtı Lyublyana və Azərbaycan paytaxtı Bakıda da keçirilə bilər.

Nəşr qeyd edir ki, Bakının görüş yeri kimi seçilməsi də gəzinti kimi bir şey olardı, xüsusilə ABŞ tərəfi üçün. Azərbaycanın həm Vaşinqton, həm də Moskva ilə güclü əlaqələri olmasına baxmayaraq, bu, qeyri-standart seçim olardı. Baydenin Bakıya gəlmə şansları o qədər də yüksək deyil. Səbəblərdən biri: Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

"Politico" yazır ki, Baydenin Bakıya səfəri böyük ehtimalla Ermənistanı, həmçinin erməni əsilli amerikalıları narahat edəcək: "Bayden bu yaxınlarda 20-ci əsrin əvvəllərində baş verən "erməni soyqırımı"nı rəsmi olaraq tanıyaraq bu icmanın əksəriyyətini sevindirdi".

1534
Xankəndi, arxiv şəkli.

Rusiyalı veteranlar Qaregin Njdenin Qarabağdakı abidəsinin sökülməsini tələb edir

735
(Yenilənib 16:08 06.05.2021)
Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

BAKI, 6 may — Sputnik. Rusiyalı veteranlar erməni Qaregin Njdenin Qarabağdakı abidəsinin sökülməsini tələb edib. Sputnik Azərbaycan Rusiya mediasına istinadən xəbər verir ki, Moskva vilayətindəki Dolqprudnı Müharibə, əmək, silahlı qüvvələr və hüquq-mühafizə orqanları veteranları İctimai Birliyi Njdenin abidəsinin qoyulmasını "faşizm tərəfdarlarının vəsfi" olduğunu bəyan edib.

Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

Veteranlar məsələ ilə bağlı Rusiya xarici işlər və müdafiə nazirliklərinə müraciət ünvanlayıblar və bunu heykəlin olduğu ərazinin rusiyalı sülhməramlıların məsuliyyət daşıdığı ərazidə olması ilə əsaslandırıblar.

Mayın 4-də qondarma "Dağlıq Qarabağ Respublikası"nın təhlükəsizlik şurasının katibi Vitali Balasanyan da heykəlin sökülməsinin tərəfdarı olduğunu bildirib. Lakin yerli "deputat"lardan imtina cavabı alıb.

"Əgər aydın səbəb, aydın şərt yoxdursa, biz abidəni sökməyəcəyik", - deyə "Martuni" rayonunun Ağsaqqallar şurasının üzvü Artak Mkrtçyan bildirib.

Xatırladaq ki, Njdenin abidəsi Azərbaycanın Xocavənd rayonunda 2021-ci ilin yanvarında, müharibə zonasında rusiyalı sülhməramlıların xidmətə başlamasından sonra quraşdırılıb.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də, Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilib.

 

735
Teqlər:
sülhməramlılar, Rusiya, Njde

Moskvada keçiriləcək Qələbə paradının məşq prosesindən kadrlar

0
Qələbə Günü Moskvanın baş meydanında çoxsaylı qonaqların qarşısında yürüşdən əvvəl parad heyəti və texnika dəfələrlə məşq prosesinə cəlb olunur.

9 May - Qələbə Günü münasibətilə Rusiya paytaxtındakı Qızıl Meydanda növbəti təntənəli parad keçiriləcək. Hər il paradda Rusiya Federasiyasının müxtəlif qoşun növlərinin minlərlə hərbçisi iştirak edir və çoxlu sayda hərbi texnika nümayiş etdirilir. Rusiya Federasiyası Prezidentinin izlədiyi parada digər ölkələrdən də yüksək səviyyəli qonaqlar qatılırlar. Qələbə paradına, həmçinin faşizmə qarşı mübarizədə iştirak etmiş müxtəlif ölkələrin silahlı qüvvələrinin nümayəndələri də vaxtaşırı olaraq dəvət edilirlər. Belə ki, keçən il pandemiya səbəbindən mayda deyil, iyunda baş tutan paradda Azərbaycan ordusunun 75 hərbçidən ibarət heyəti də iştirak edib.

Faşizm üzərində qələbə münasibətilə düzənlənən parada həmişə ciddi səylə və uzun müddət hazırlıq görülür ki, tədbir lazımı səviyyədə keçsin.

Qızıl Meydanda keçiriləcək bu möhtəşəm tədbirdə iştirak edəcək parad heyətinin və texnikanın məşq prosesi –Sputnik Azərbaycan-ın fotolentində.

0
  • © Sputnik / Evgeny Odinokov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Evgeny Odinokov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Evgeny Biyatov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Ramil Sitdikov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © AP Photo / Alexander Zemlianichenko

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Evgeny Odinokov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Ramil Sitdikov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Pavel Bednyakov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Ramil Sitdikov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © REUTERS / Maxim Shemetov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Vladimir Astapkovich

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Kirill Kallinikov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Evgeny Odinokov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Evgeny Odinokov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © AFP 2021 / Alexander Nemenov

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Alexander Vilf

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © AFP 2021 / Kirill Kudryavtsev

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.

  • © Sputnik / Alexander Vilf

    Moskvada Böyük Vətən Müharibəsində Qələbinin 76 illiyinə həsr olunmuş hərbi parada hazırlıq.