Moskvada Kremlə mənzərə, arxiv şəkli

"Moskvanı cəzalandırmaq": Rusiya SWIFT sistemindən çıxarılsa, olacaq?

36
(Yenilənib 21:48 13.04.2021)
SWIFT beynəlxalq banklararası informasiya və ödəniş sisteminə dünyanın 200-ə qədər ölkəsindən 11 minə qədər təşkilat qoşulub.

BAKI, 13 aprel – Sputnik, Natalya Dembinskaya. Artıq təkcə ABŞ deyil, Avropa ölkələri də Rusiyanı SWIFT – qlobal banklararası rabitə sistemindən çıxarmaqla təhdid edirlər. Bu dəfə əlaqələndirilmiş sərt tədbirlər görmək çağırışı Avropa parlamentində səsləndirilib. Bəs bunun hansı nəticələri ola bilər və Rusiyanın maliyyə sistemi hadisələrin bu cür gedişinə hazırdırmı? Bu barədə RİA Novosti-nin materialında.

Yenə də köhnə söhbət

SWIFT beynəlxalq banklararası informasiya və ödəniş sisteminə dünyanın 200-ə qədər ölkəsindən 11 minə qədər təşkilat qoşulub. Rusiya SWIFT-in ən iri istismarçılarının ilk üçlüyündədir və onun sistemdən çıxarılması təhdidləri 2014-cü ildən davam edir. Səbəblər isə fərqlidir – Krım, Donbas, Skripalların işi, bloger Aleksey Navalnı ilə bağlı vəziyyət. Co Bayden də ABŞ prezidenti kürsüsünə oturar-oturmaz Rusiyanı sistemdən çıxarmaqla təhdid edib.

Ötən ilin dekabr ayında "Reuters" Baydenin yaxın ətrafına istinadən Aİ dövlət müəssisələrinə haker hücumunda Moskvanın əlinin olması ehtimalı ilə əlaqədar olaraq onu "cəzalandırmaq" niyyəti barədə xəbər verib. Bu isə "Rusiyanı ciddi iqtisadi, maliyyə və texnoloji itkilərə" uğratmalıdır. Vaşinqtondakı strateji və beynəlxalq tədqiqatlar mərkəzinin kiber-təhlükəsizlik sahəsində eksperti Ceyms Endrü Lyuis hesab edir ki, cəza tədbirlərindən biri Rusiyanın SWIFT sistemindən çıxarılması ola bilər.

Aprel ayında Ukraynanın şərqində vəziyyət kəskinləşib. Bu da daha bir bəhanədir. Avropada da bu fikri dəstəkləyiblər. Avropa Parlamentinin aparıcı fraksiyasının - Avropa Xalq Partiyasının rəhbəri Manfred Veberin dediyinə görə, Moskva "təhlükəli təxribatlar kursunu davam etdirir".

Onun qənaətinə görə, Ukrayna sərhədi yaxınlığında "hərbi birləşmələrini gücləndirməklə" Moskva Qərbin səbrini sınağa çəkir. Odur ki ABŞ və Aİ buna əlaqələndirilmiş cavab verməlidirlər. Parlament təmsilçisi qeyd edib ki, vəziyyət gərginləşdikcə "müəyyən doza ilə tətbiq edilən sanksiyalar özünü doğrultmur". "Real təsirli variant" ola biləcək tədbirlər qismində Veber "oliqarxların hesablarının iri miqyaslı dondurulmasını" və SWIFT sistemindən çıxarılmanı təklif edib.

Problemlər olacaq

Bir tərəfdən Rusiyanın hələ 2014-cü ildə işə salınmış öz maliyyə xəbərlərinin ötürülməsi sistemi (MXÖS) var. Həmin sistemə Rusiyanın bütün bankları, habelə Avrasiya İqtisadi İttifaqı ölkələrindən 10-a qədər xarici bank da qoşulub. SWIFT-dən çıxarıldıqdan sonra banklar Rusiya analoquna qoşulacaq. Lakin beynəlxalq hesablaşmalar üçün MXÖS hələ ki, SWIFT-i tam olaraq əvəz etməyə qadir deyil. Odur ki zərbə ciddi olacaq.

Ekspertlər hesab edirlər ki, Rusiyanın dollar və avro ilə həyata keçirilən ixrac və idxal əməliyyatlarının həcmi əhəmiyyətli dərəcədə böyükdür. Bir çox məhsul qrupları üzrə həmin hesablaşma sisteminin alternativini tapmaq mümkün deyil.

Hər şeyin həlli var

Amma istənilən halda fəlakət baş verməyəcək.

"Öz-özlüyündə Rusiya banklarının SWIFT sistemindən uzaqlaşdırılması sadəcə olaraq kontragentlər arasında maliyyə tranzaksiyalarının bahalaşması və ləngiməsi demək olacaq. Aydındır ki, ənənəvi halqalar qırılır və onların bərpası üçün bir qədər vaxt lazım olacaq. Amma iki, yaxud üç həftə ərzində bunu etmək mümkündür", - deyə QBF investisiya şirkətinin aparıcı analitiki Oleq Boqdanov bildirib.

Ekspertin fikrincə, Rusiya rezidentlərinin dollar vəsaitləri dondurularsa, bu zaman bazarda haray-həşir başlaya bilər. Hər şey sakitləşənə qədər bir-iki rüb keçə bilər, lakin nəticədə maliyyə əlaqələri onsuz da bərpa olunacaq.

Valyuta məzənnələrinin kəskin dəyişməsi qaçılmazdır. Amma kiçik bir dövr ərzində turbulentlikdən sonra rublun məzənnəsi də normaya qayıdacaq.

Özlərinə baha başa gələr

Amma yenə də, Rusiyanın SWIFT-dən çıxarılması barədə təhdidlərin o biri üzü göstərir ki, məsələ təhdidlərdən o tərəfə getməyəcək. Birincisi, SWIFT – Rusiya banklarından pul qazanan özəl bir şirkətdir. Həm də bu sistemdən təkcə beynəlxalq tranzaksiyalar üçün deyil, daxili banklararası əməliyyatlar üçün də istifadə olunur. SWIFT-in kimisə sistemdən çıxarması üçün elə SWIFT-in özünə qarşı Aİ-nin qərarı və ya ABŞ-ın sanksiyası vacibdir. Lakin bu zaman Rusiyanın ticarət tərəfdaşları – Avropa və ABŞ biznes dairələri də öz işlərini görə bilməyəcəklər.

"Belə bir hal yaranarsa, Rusiya şirkətləri üçün fors-major hesab oluna bilər və buna görə də şirkətlər və dövlət öz öhdəlikləri üzrə ödənişdən boyun qaçıra bilərlər. Ölkənin xarici borcu 450 milyard dollara qədərdir. Müvafiq olaraq, kreditorlar maliyyə problemləri ilə qarşılaşacaqlar. Bundan əlavə, əsas ticarət tərəfdaşları ilə əməliyyatlar çətinləşəcək. Onların isə ən irisi Avropa İttifaqıdır. Avropa Parlamentində dilə gətirilən çağırışlar isə bazar populizmindən başqa bir şey deyil", - deyə "Otkrıtiye Broker" şirkətinin brokeri Andrey Koçetkov bildirib.

ABŞ-ın öz vəziyyəti də yaxşı olmayacaq. Birincisi, ABŞ-ın SWIFT-ə təsiri ancaq hipotetikdir. Belə ki, şirkətin mənzil-qərargahı Belçikada yerləşir. İkincisi, Rusiya özü buna ABŞ bankları və siyasətçilərinə qarşı sərt sanksiyalarla cavab verə bilər.

36

Moskvada Qələbə Günü: parad xatirələrə köçmüş yerlərdən video

399
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

399
Böyük Vətən Müharibəsi veteranının medalları, arxiv şəkli

Moskvada 4095 nəfər Böyük Vətən müharibəsi veteranı yaşayır

121
(Yenilənib 09:18 09.05.2021)
2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir.

BAKI, 9 may — Sputnik. Rusiya paytaxtında yaşayan Böyük Vətən müharibəsi veteranlarının sayı dəqiqləşdirilib. Sputnik Azərbaycan Rusiya mediasına istinadən xəbər verir ki, hazırda Moskvada 4095 nəfər veteran yaşayır.

"Arxa cəbhə zəhmətkeşləri ilə birlikdə veteranların sayı 37351 nəfərdir", — deyə "Exo Moskvı" radiostansiyasının baş redaktoru Aleksey Venediktov "Telegram" kanalında bildirib.

Xatırladaq ki, 2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir (təqribən 230-575 AZN).

Həmin müavinət veteranlara onların müharibə dövründə harada olmasından asılı olmayaraq veriləcək. Beləliklə, həmin müavinəti hazırda Moskvada rəsmi qeydiyyatda olan Leninqrad blokadası iştirakçıları da ala bilərlər.

Şəhər meriyasının qənaətinə görə isə, birdəfəlik maddi yardımı təqribən 83,2 min nəfər almalıdır.

121

Bu gün 25 mindən çox insan vaksin vurdurub

0
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

0