Rusiya və Avropa İttifaqının bayraqları. Arxiv şəkli

"Rusiya ilə Avropa İttifaqını barışdırmaq mümkündür"

25
(Yenilənib 22:38 02.04.2021)
Məqalə müəllifinin fikrincə, Parislə Berlin belə "siyasi güzəştə" koronavirusun üçüncü dalğası qorxusu ilə, pandemiya ilə mübarizənin ən yaxşı yolunun əhalinin immunizasiyası olduğunu anladıqları üçün gediblər.

BAKI, 2 aprel - Sputnik. Koronavirus əleyhinə "Sputnik V" vaksininin tədarükü Rusiya ilə Avropa İttifaqını yaxınlaşdıra bilər.

Sputnik Azərbaycan-ın məlumatına görə, The Spectator-un jurnalisti Meri Deyevski bu fikirdədir.

 

O, Vladimir Putinlə Almaniya Kansleri Angela Merkel və Fransa Prezidenti Emmanuel Makronun bu yaxınlardakı danışıqlarını yada salıb. Dövlət başçıları "Sputnik V" vaksininin Avropa İttifaqına tədarükü və birgə istehsalını müzakirə etmişdilər. Məqalə müəllifinin fikrincə, Parislə Berlin belə "siyasi güzəştə" koronavirusun üçüncü dalğası qorxusu ilə, pandemiya ilə mübarizənin ən yaxşı yolunun əhalinin immunizasiyası olduğunu anladıqları üçün gediblər.

"Deyəsən, onlar dərindən nəfəs alıb Vladimir Putinə zəng elədilər", - Deyevski yazıb.

O qeyd edib ki, Rusiya vaksininin effektivliyi barədə yeni dəlillər peyda olduqca ondan imtina olunması siyasi çalar alır. Jurnalist vurğulayır ki, "Sputnik V"nin tədarükü Rusiya ilə Avropa İttifaqını yaxınlaşdıra bilər, bunu isə Fransa ilə Almaniya istəyir, Polşa ilə Baltika ölkələri isə - yox.

Müəllif həmçinin AstraZeneca-nın təhlükəli yan effektlərindən sonra avropalıların vaksinasiyadan imtinasını və Londonla münasibətləri də "Sputnik V" vaksininin alınmasına qarşı qoyur. Çünki Avropa İttifaqının bir çox ölkələri İsveçlə Britaniyanın müştərək müəssisəsi olan AstraZeneca-nın vaksinlərinin tətbiqini dayandırıb. 

Qeyd edək ki, fevralın 2-si "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib.

Kliniki sınaqların üçüncü mərhələsində "Sputnik V"-nin yüksək effektivlik, immunogenlik və təhlükəsizlik göstəriciləri nümayiş etdirib.

Həm peyvənd, həm də plasebo vurulmuş 19866 könüllünün analiz təhlilləri göstərir ki, hər iki dozadan sonra peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"nın effektivliyi - 62,1%, "Sinovac" peyvəndinin - 50,4%, "Sinopharm"ın - 79,3% təşkil edir.

Tədqiqatın vacib bir hissəsi də 60 yaşdan yuxarı könüllülərin sınaqlarda iştirakı ilə bağlı idi (peyvənd qrupunda ən yaşlı iştirakçının 87, plasebo qrupunda isə 84 yaşı olub). Yaşlılar üçün təhlükəsizlik göstəriciləri yüksək olub. 60 yaşdan yuxarı 2144 könüllü üçün effektivlik 91,8% təşkil edib ki, bu da 18-60 yaş arası könüllülər qrupunda əldə edilən məlumatlardan statistik olaraq fərqlənmir.

Qeyd edək ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib hazırlanıb. Bu, dünyada COVID-19-un profilaktikası üçün ilk qeydiyyata alınmış preparatdır.

25
Teqlər:
Sputnik-V peyvəndi, vaksin, Avropa İttifaqı, Rusiya, Koronavirus, epidemiya, COVID-19
Mövzu:
Yeni tip koronavirus pandemiyası (665)
Vnukovo hava limanında təyyarə, arxiv şəkli

Rusiya Türkiyəyə çarter reyslərinin dayandırılması ilə bağlı qərar verib

11
(Yenilənib 22:58 12.04.2021)
Hökumət rəsmisi Rusiyanın bu ölkələrlə 1,5 aylıq müddətə, aprelin 15-dən iyunun 1-nə kimi həm müntəzəm, həm də çarter reyslərini dayandırdığını açıqlayıb.

 

BAKI, 12 aprel — Sputnik. Rusiya Türkiyə və Tanzaniya ilə hava əlaqəsini dayandırır. 

APA-nın verdiyi məlumata görə, bu barədə baş nazirin müavini Tatyana Qolikova bildirib. 

Onun sözlərinə görə, koronavirusa yoluxma hallarının artması ilə əlaqədar Rusiya adı çəkilən iki ölkə ilə çarter reyslərini dayandırmağa qərar verib.

Hökumət rəsmisi Rusiyanın bu ölkələrlə 1,5 aylıq müddətə, aprelin 15-dən iyunun 1-nə kimi həm müntəzəm, həm də çarter reyslərini dayandırdığını açıqlayıb.

11
Damla (Mənsümə Məmmədova), arxiv şəkli

Damlanın iştirak etdiyi toya polis gəldi - VİDEO

14
(Yenilənib 20:24 12.04.2021)
Rusiya Federal Təhlükəsizlik Xidmətinin əməkdaşları asayişin pozulduğu məkana gəliblər. "Zolotoy dvor" şadlıq evində məclisə gələnlər saxlanılıb. Buna səbəb yeni evlənənlərin şərəfinə toy sahiblərinin havaya atəş açması olub

BAKI, 12 aprel — Sputnik. Sankt-Peterburq şəhərində azərbaycanlıların keçirdiyi toy mərasimində atəş açılıb.

Sputnik Azərbaycan xəbər verir ki, məclisdə müğənni Damla da yer alıb. Bu haqda onun prodüseri Şamil sosial şəbəkədə paylaşım edib.

Rusiya Federal Təhlükəsizlik Xidmətinin əməkdaşları asayişin pozulduğu məkana gəliblər. "Zolotoy dvor" şadlıq evində məclisə gələnlər saxlanılıb. Buna səbəb yeni evlənənlərin şərəfinə toy sahiblərinin havaya atəş açması olub.

Şamil bildirib ki, yaşanan hadisəyə görə gecə səhər saat 5-ə qədər polis bölməsində qalıb.

14
Bakı metrosunda

"Bakı Metropoliteni"ndə yeni əsaslarla qurulur

0
Təmir-baxış qanovlarında müasir idarəetmə sisteminin tətbiqi, kommutasiya sistemi mərkəzləşmiş formada yeni əsaslarla qurulur

 

BAKI, 12 aprel — Sputnik. "Bakı Metropoliteni" Qapalı Səhmdar Cəmiyyətinin "Nərimanov" elektrik deposunda qatarların baxış-təmir sahələrində daha bir texniki yenilik tətbiq edilir. Əsaslı təmir edilərək yenidən qurulan bu sahələrin fəaliyyətinin optimallaşdırılması istiqamətində innovativ tədbirlərin həyata keçirilməsi istiqamətində mühüm işlər görülür. Bu barədə "Bakı Metropoliteni" QSC-dən Sputnik Azərbaycan-a verilən məlumatda bildirilib.

Qeyd olunub ki, qanovlarda qatarların hərəkətini təmin edən 825 V-luq kontakt şəbəkəsi yenidən qurulur. Başqa sözlə, şəbəkədə kommutasiya sisteminin müasirləşməsi üzrə işlər aparılır.

Məsələnin aydın olması üçün qeyd edək ki, baxış-təmir qanovlarında qatarlar 825 V-luq sabit gərginliyi olan yollardakı kimi təmas relsindən deyil, qanovlar yerləşən sahənin tavanında quraşdırılmış təmas şəbəkəsindən alır. Bu isə təhlükəsizlik qaydalarının tələbindən irəli gələn bir məsələdir.

1966-cı ildən fəaliyyətdə olan depoda kommutasiya sisteminin dəyişdirilməsi onun daha müasir və etibarlı sistemlə əvəz edilməsi deməkdir. Bununla iş şəraiti də müasir dövrün tələbinə uyğunlaşdırılır. Görülən tədbirlərlə kontakt şəbəkəsi elementləri də yenilənməklə gücləndirilir və qanovlara yüksək gərginliyin verilməsi prosesi tam avtomatlaşdırılır.

Yeni sistemin tətbiqi ilə hər qanov qarşısında xüsusi təyin edilmiş dolablar qoyulub. Bununla baxış-təmir qanovunda dayanmış qatara sabit gərginlik verilməsi üçün çevirici qolları fırlamaq əvəzinə, sadəcə, komanda düyməsini sıxmaq yetərlidir.

Layihə İtaliyanın "Ropla" şirkəti ilə əməkdaşlıq şəraitində həyata keçirilir. Hazırda 10 qanovda yüksək gərginlik şəbəkəsinin bütün avadanlıqları, idarəetmə dolabları quraşdırılıb və sistem istifadəyə verilib. Daha 7 qanovda işlərin aparılması üçün hazırlıq tədbirləri davam etdirilir və bu, qanovların əsaslı təmiri prosesi ilə paralel aparılır.

İşlər bununla tamamlanmır. Bütün qanovlarda yeni sistem eyni mərkəzdən idarə olunacaq. Bu istiqamətdə tədbirlər davam etdirilir. İdarəetmə mərkəzində iş başında olan operator otağı tərk etmədən qatarların istənilən baxış-təmir qanovuna gərginliyin verilib-çıxarılmasını avtomatik yerinə yetirə biləcək.

0