Arktika, arxiv şəkli

“Artıq sınamışıq”: Rusiya şimal ərazilərini qeyri-adi silahla qoruyacaq

39
(Yenilənib 09:59 23.03.2021)
“Maqnoliya”nın əsas vəzifələri düşmənin hava hücumundan müdafiə, radioelektron müdafiə obyektlərini, raket qurğularını, zirehli texnikasını, istehkamlarını, desant vasitələrini və canlı qüvvəsini məhv etməkdir.

BAKI, 23 mart – Sputnik, Nikolay Protopopov. Yüksək keçicilik, atış dəqiqliyi, adi hərbi maşının sadəcə duruş gətirə bilməyəcəyi yerdə işləmək – Rusiyada bu xüsusiyyətlərə malik “Maqnoliya” özüyeriyən artilleriya qurğusunu (ÖAQ) ordunun sərəncamına verməyə hazırlaşırlar. Bu toplar ekstremal iqlim şəraitində xidmət aparan Arktika bölmələrinə qismət olacaq. Ən yeni ÖAQ və Qütb bazalarının digər unikal təchizatı barədə ətraflı RİA Novosti-nin materialında.  

Xüsusi tələblər

Şimal rayonlarında xidmət aparan bazalar üçün yeni özüyeriyən qurğu haqda hələ 2017-dən söhbətlər gəzirdi. O vaxt Müdafiə Nazirliyi bildirdi ki, 120 millimetrlik “Maqnoliya”nı zirehli ikihissəli tırtıllı transportyorun üzərində yerləşdirəcəklər.

Sınaq nümunələri ilkin sınaqdan keçirilir, artıq məlumdur ki, qurğu qeyri-stabil qrunt üzərində, o cümlədən bataqlıq və qarlı məkanda effektivdir. Mühərriki isə həddən çox şaxtada belə dayanmadan işləyir.

Layihəni “Burevestnik” METİ-nin mütəxəssisləri “Nabrosok” təcrübə-konstruktor işi çərçivəsində hazırlamışdılar. ÖAQ-dan savayı, xüsusi olaraq Şimalda hərbi əməliyyatlar üçün müxtəlif şassilər üzərində yüksək mütəhərrikliyə malik artilleriya-minomyot qurğusunun böyük bir dəstəsinin hazırlanması da nəzərdə tutulur.

“Maqnoliya”nın texniki xarakteristikasının müəyyən məqamlarını “Armiya-2019” forumunda açıblar. Yedəkçisi – 27 tonluq tırtıllı zirehli  ДТ-10ПМ "Витязь" vezdexodudur, yükgötürmə qabiliyyəti 10 tondan çox, mühərriki dizel əsaslı və 800 at gücündədir. Sürəti saatda 45 km, su maneələrini keçərkən 6 km/saatdır. Bir dəfə yanacaq çəni doldurulmaqla 700 km qət edə bilir. Heyəti 4 nəfərdir, döyüş bölməsi arxa seksiyada yerləşir.

Kombinə edilmiş yarımavtomat kəsik silah özündə haubitsa və minomyotun funksiyalarını cəmləşdirir. Geniş sursat siyahısı var. “Nona” ÖAQ-nin mərmilərini də atır. Eləcə də yüngül zirehli texnika və mühəndis qurğularını dağıtmaq üçün nəzərdə tutulan idarəolunan "Китолов-2"dən də istifadə etmək olar. Yarımaktiv lazer tiuşlayıcısı sayəsində hərəkətsiz hədəfə dəymə dəqiqliyi 1-ə yaxındır.

Döyüş ehtiyatında 80 mərmisi var. Qəlpəli fuqas sursatları ilə hədəfi 8 kilometrdən, idarəolunan sursatlarla isə 10 kilometrdən yaxalaya bilir. Dəqiqədə 10 atış edə bilir.

Arktikanın “Pantsir”i

“Maqnoliya”nın əsas vəzifələri düşmənin hava hücumundan müdafiə, radioelektron müdafiə obyektlərini, raket qurğularını, zirehli texnikasını, istehkamlarını, desant vasitələrini və canlı qüvvəsini məhv etməkdir.

Bir sözlə, perspektivli ÖAQ Arktikanın sərt iqlim şəraiti üçün nəzərdə tutulmuş hərbi texnikanın yeganə nümunəsi deyil.

Məsələn, HHQ hissələri üçün “Pantsir” zenit raket kompleksinin Arktika variantı hazırlanıb. Bu ZRK bir neçə hərbi münaqişədə özünü yaxşı göstərib, amma uzaq Şimal üçün konstruksiyasına əhəmiyyətli dəyişiklik edilib.

“Pantsir-SA”nın döyüş hissəsini elə həmin “Витязь” zirehli yedəyində yerləşdirsələr də, zenit avtomatından imtina ediblər, çünki ekstremal aşağı temperaturlarda ondan atəş açmaq effektiv olmur. Top əvəzinə 20 km radiusda təsir dairəsinə malik altı əlavə raket qurğusu yerləşdiriblər.

Keçid qabiliyyəti artırılan daha bir HHQ vasitəsi "Тор-М2ДТ" ZRK-dır. O, ötən yay ordunun sərəncamına verilib. Bu texnika hətta 50 dərəcədən də aşağı şaxtada işləyə, kələ-kötür ərazidə rahatlıqla hərəkət edə, su maneələrini aşa bilir. Əsas hissəsində heyətin həyatını qoruyan modul, arxada, ikinci modulda isə buraxılış (atəş) qurğusu yerləşir.

Onun taktiki-texniki göstəriciləri adi “Tor”da olduğu kimidir. O, hava hədəflərinin bütün tiplərini: təyyarə, vertolyot, qanadlı raketlər, idarəolunan mərmilər və kiçik ölçülü PUA-ları 16 km aralıdan və 12 km hündürlükdə vura bilir.  Döyüş ehtiyatı 16 zenit raketidir, onlar 2.5 saniyə intervalı ilə buraxılır. “Tor” “bir raket – bir hədəf” prinsipi ilə işləyir. Bu isə onun yüksək dəqiqliyini təsdiq edir.

Quruda hərbi əməliyyatlar üçün Arktika bölmələrinə modernləşdirilmiş Т-80БВМ tankları, eləcə də МТ-ЛБ zirehli transportyorlarda quraşdırılmış haubitsalar tədarük edirlər.

Çatdırılma vasitələri

Arktika qrupunun hərbçiləri xüsusi hazırlanmış texnika ilə hərəkət edirlər. Məsələn, Ми-8АМТШ-ВА vertolyotu ilə. Bu “Mi-8“in əsas  xüsusiyyətlərindən biri odur ki, yağ sistemi və ötürmə qutusu qızdırılır, bu səbəbdən mühərrik hətta 60 dərəcə şaxtada problemsiz işə düşür. Vertolyotun yük kabininin də qızdırıcısı var.

Arktik “Mi-8” əlavə yanacaq çənləri ilə birgə 1400 km uça bilir, havada qalma vaxtı isə 7 saatdan çoxdur.

Quruda hərbçilər xüsusi motosikllərdən də istifadə edirlər, onların tırtıllarının qrunta təzyiqi 0.28 kq/kv.sm təşkil edir, bu isə piyadanın göstəricisindən də azdır.

Qar və bataqlıqda hərəkət etmək üçün çox aşağı təzyiqli şinlərə malik maşınlar da var. Onlar vasitəsilə hərbçilər ərazinin kəşfiyyatını aparır, marşrutlar salır, buz şəraitini qiymətləndirir, hərbi texnika kolonlarını müşayiət edirlər.

Bundan başqa, əsgər və zabitlər qızdırıcı kabinəsi olan qar maşınlarında, ekstremal şaxtalara uyğunlaşdırılmış “Ural” və “KamAZ” yük maşınlarında, hava yastıqlı katerlərdə də hərəkət edirlər. Bəzi bölmələrdə hətta it və ya maral qoşqusundan da istifadə olunur. Bu nəqliyyat vasitələri ən hazırlıqlı vezdexodun batıb qalacağı yerləri də keçməyə qadirdir.

Sözsüz ki, Arktika bölmələri xüsusi geyimlərlə təchiz olunur. Standart geyim komplekti 20 elementdən ibarətdir. Geyim çoxlaylı materialdan hazırlanıb, çox istidir, çəkisi azdır və döyüşçünün hərəkətlərini məhdudlaşdırmır.

39
Teqlər:
ZRK, Arktika, silah, Rusiya

Baş qərargah rəisi Gerasimov Ermənistanı Qafqazda əsas partnyorları adlandırdı

12
Gerasimovun sözlərinə görə, ikitərəfli münasibətlərin yüksək səviyyədə olmasının göstəricisi "Ermənistan ərazisində 102-ci Rusiya hərbi bazasının fəaliyyət göstərməsidir". 

BAKI, 14 aprel - Sputnik. Rusiya Silahlı Qüvvələrinin Baş Qərargah rəisi, ordu generalı Valeri Gerasimov ermənistanlı həmkarı Artak Davtyanla görüşüb.

Sputnik Azərbaycan RİA Novosti-yə istinadən bildirir ki, görüş Moskvada baş tutub.

"Sizi Moskvada salamlamaqdan məmnunam. Ermənistan Rusiyanın Qafqazda əsas tərəfdaşı və partnyorudur", - Gerasimov deyib.

O qeyd edib ki, ölkələr qarşılıqlı fəaliyyətlərini həm ikitərəfli formatda, həm də beynəlxalq strukturlar, ilk növbədə KTMT çərçivəsində möhkəmləndirirlər.

Gerasimovun sözlərinə görə, ikitərəfli münasibətlərin yüksək səviyyədə olmasının göstəricisi "Ermənistan ərazisində 102-ci Rusiya hərbi bazasının fəaliyyət göstərməsidir". 

"Biz Rusiya Müdafiə Nazirliyinin ali məktəblərində ixtisaslı kadrların yetişdirilməsini davam etdirirk", - deyən Gerasimov əlavə edib ki, koronavirus pandemiyası zamanı Ermənistanda Ermənistan SQ-nin hərbçilərinin müayinəsini də aparıblar. Ümumilikdə 22 min araşdırma aparılıb.

"Bu gün müdafiə sahəsində ikitərəfli qarşılıqlı əlaqələrin aktual məsələlərini müzakirə etmək imkanımız var", - Gerasimov bildirib.

12
Teqlər:
Baş Qərargah rəisi, Qafqaz, Rusiya, Ermənistan
ZRK Tor

Amerikalılar Arktikaya çıxmağa hazırlaşırlar

7
(Yenilənib 21:20 14.04.2021)
Hazırda Pentaqonun sərəncamında cəmi bir ədəd saz vəziyyətdə olan buzqıran gəmi var - o da "Polar Star"dır.

BAKI, 14 aprel — Sputnik, Andrey Kots. ABŞ Arktikada Rusiyadan geri qalmamağa çalışır. ABŞ quru qoşunları bu günlərdə "Oshkosh Defense" konserni ilə Şimal Qütbü ətrafı üçün hərbi texnikanın işlənib hazırlanması barədə müqavilə imzalayıblar. Məlum olub ki, hazırda amerikalıların bu məqsədlər üçün müvafiq maşınları yoxdur. Onların sərəncamında olan texnika isə çoxdan köhnəlib. Ordu komandanlığı yeni maşınları artıq cari ilin avqustunda sınaqdan çıxarmaq niyyətindədir. Bəs bu maşınlar barədə nə məlumdur – Bu barədə "RİA Novosti"-nin materialında.

İyuna qədər hazır olmalı

Arktika şəraiti dünyanın istənilən ordusu üçün ciddi bir sınaqdır. Həddən artıq aşağı temperatur, üzən buz parçaları, infrastrukturun olmaması, logistikanın mətinliyi, qütb gecəsinin uzunluğu – bütün bunlar həmin ərazidə hər hansı qoşun bölmələrinin yerləşməsini çətinləşdirir.

Soyuq müharibə dövründə SSRİ-dən fərqli olaraq Birləşmiş Ştatlar bu regiona kifayət qədər diqqət ayırmırdılar. Ona görə də hazırda Pentaqonun sərəncamında cəmi bir ədəd saz vəziyyətdə olan buzqıran gəmi var - "Polar Star". Rusiyada isə 40-dan artıq bu kimi gəmi var. Bundan əlavə, amerikalıların Arktikada demək olar ki hərbi bazası yoxdur.

Quru qoşunları üçün çətin qütb şəraitində yükləri və hərbi qulluqçuları daşımağa qadir olan texnikası da çatmır. Bunun üçün yararlı olan texnika isə İsveç istehsalı olan ikihəlqəli tırtıllı "Bandvagn 206" maşınlarıdır ki, onlar da "Small Unit Support Vehicle" (SUSV, yəni bölmələrə kiçik dəstək maşını) adı altında bölmələrin təchizatına daxil edilib. Lakin həmin maşınların ilk nümunələri artıq 40 il əvvəl konveyerdən çıxıb.

Quru qoşunları avtomobil parkını yeniləmək qərarına gəlib və "ColdWeather All-Terrain Vehicle" (CATV, soyuq hava üçün "basar-keçər") proqramı çərçivəsində müsabiqə elan edib.

Pentaqon bu layihə çərçivəsində dartıcı avtomobilin işlənib hazırlanması, inşası və sınaqlarına 2021-ci maliyyə ilində 6,6 milyon dollar, daha sonra isə 110 ədəd "basar-keçər"in alınmasına 9,25 milyon dollar vəsait xərcləməyə hazırdır.

Sonralar CATV parkının 163 ədədə qədər genişləndirilməsi nəzərdə tutulur. Basar-keçərin ilk nümunələrinin artıq iyunun 14-də hazır olacağı gözlənilir. Sınaqlar Alyaskadakı poliqonda cari ilin avqustundan dekabr ayınadək davam edəcək. Müsabiqənin qalibi 2022-ci maliyyə ilində müəyyən olunacaq.

Dörd variant

Gözlənildiyi kimi, müsabiqəyə dörd variantda CATV təqdim olunacaq. Ümumi təyinatlı "basar-keçər"ə sürücüdən əlavə ən azı 9 əsgər yerləşə bilməli və onun ən azı üç gün səyyar şəkildə yaşamaq üçün avadanlıq və sursatı olmalıdır.

Həmin texnikanın tibbi avadanlıq quraşdırılmış sanitar variantı isə iki tibb işçisi, 2 nəfər uzanıqlı və 4 nəfər yüngül yaralı şəxslər üçün nəzərdə tutulur.

Komandanlıq üçün variant müasir rabitə və qoşunları idarəetmə vasitələri ilə təchiz olunacaq.

Və nəhayət yük daşıyan variant uzaq məsafələrə iri qabaritli yüklərin daşınması üçün nəzərdə tutulur.

"Bu maşınlar ekstremal aşağı temperaturlarda başqa texnikanın hərəkət edə bilmədiyi ərazidə geniş spektr vəzifələri yerinə yetirməyə qadir olmalıdır. Onlar çətinlik çəkmədən buz üzərində hərəkət edə bilməli, su maneələrini aşmalı, hündür yerlərə asanlıqla dırmaşmalı və yanacağı qənaətlə işlətməlidirlər", - deyə ABŞ ordusunun CATV proqramına cavabdeh olan zabiti Tim Qoddet bildirib.

Müsabiqə iştirakçıları yeni basar-keçəri əvvəlki nümunələr əsasında hazırlamağa qərar veriblər. "Oshkosh" və "ST Engineering" əsas kimi ikihəlqəli "Bronco 3" tırtıllısını götürüblər. Adı çəkilən maşın artıq 20 ildir ki, Böyük Britaniya ordusunda istifadə olunur və Əfqanıstandakı döyüşlərdə iştirak edib.

"Bronco 3"-ün güllədən qoruyan zirehi var, üzərində pulemyot quraşdırılıb, dibi V şəkillidir ki, bu da mina partlaması zamanı zərəri xeyli azaldır. Bu basar-keçər maneələri 5 km/saat sürətlə aşa bilir.

"BAE Systems" şirkəti ikihəlqəli "Beowulf" əsasında yeni bir basar-keçər təqdim etmək niyyətindədir. Onun bir çox xüsusiyyətlərinə görə "Bronco 3" və SUSV-un analoqu olacağı, lakin daha çox yükgötürmə qabiliyyətinə malik olacağı bildirilir.

Rusiyaya çatmalı

Bir ay öncə dərc olunmuş "Arktika strategiyasında" amerikalılar aşkar şəkildə regionda Moskva və Pekini sıxışdırmaq niyyətlərini bəyan ediblər. Burada Pentaqonu narahat edən əsas məsələ Rusiyanın dünyada ən iri buzqıran donanmaya, Şimal dairələrində hərbi bazalar şəbəkəsinə və ekstremal hava şəraitində hərəkət etməyə qadir olan texnika arsenalına malik olmasıdır.

Rusiyanın Arktika regionundakı demək olar ki bütün quru texnikası ikihəlqəli tırtıllı DT-30 "Vityaz" basar-keçəri əsasında qurulub. Bu maşınlar isə hətta ən kəskin şaxtalardan da qorxmur (-55 dərəcə). Yeni "Pantsir" və "Tora"lar isə S-400 uzaq mənzilli zenit-raket komplekslərinin yerləşmə rayonunu qorumaqla məşğuldur.

Bundan əlavə, rus hərbçilərinin sərəncamında ekstremal şaxtalı havalara uyğunlaşdırılmış tam dartı gücünə malik "Ural" və KAMAZ-lar, TTM-1901 "Berkut" qarda yeriyən, kabinəsi isidilən maşınları və hava yastığı üzərində hərəkət edən katerlər, habelə it və maral qoşquları da var.

Böyük Vətən müharibəsi illərində həmin bu heyvan qoşquları qütb ətrafı ərazilərin müdafiəsində böyük rol oynayıb. Belə ki, bu qoşqular vasitəsilə döyüş sursatı və şəxsi heyət lazımi yerə çatdırılırdı. Məsələ ondadır ki, heyvanlar hətta texnikanın aciz qaldığı yerlərdən də keçməyə qadirdir. Bundan əlavə, Arktikada xidmət aparan hərbçilər üçün tank, piyada döyüş maşınları və vertolyotların xüsusi modifikasiyaları da hazırlanır.

 

7
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin