Vladimir Jirinovski, arxiv şəkli

Jirinovski: "Bayden qorxsun"

23
(Yenilənib 01:10 19.03.2021)
"Biz də gərək hər şeyi öz adı ilə çağıraq. ABŞ bizim düşmənimizdir və onun başında hətta öz dilinə sahib çıxa bilməyən və Parkinson xəstəliyindən əziyyət çəkən biri dayanıb. Bəlkə, elə o əsim-əsim əsən əli ilə düyməni də sıxdı?"

BAKI, 19 mart — Sputnik. ABŞ prezidenti Co Baydenin Vladimir Putinə qarşı ittihamları bütün dünya əhalisinin üzünə deyilən bir yalan, absurd kimi səslənir. Axı məhz Birləşmiş Ştatlar planetin yarısını qana buna bulayıb. Sputnik Azərbaycan Rusiya mediasına istinadən xəbər verir ki, belə bir bəyanatla Rusiya Liberal-demokrat Partiyasının sədri Vladimir Jirinovski çıxış edib.

Xatırladaq ki, bir qədər əvvəl Bayden rusiyalı həmkarını "qatil" hesab edib-etmədiyi ilə bağlı KİV nümayəndələrinin sualına cavab verərkən bunun həqiqət olduğunu deyib. O həmçinin bildirib ki, Putin ABŞ-da keçirilən seçkilərə guya müdaxiləsinə görə "cavab verəcək".

"Baydenin ittihamları bütün dünya əhalisinin üzünə deyilən bir yalan kimi səslənir. Axı məhz Birləşmiş Ştatlar planetin yarısını qana buna boyayıb. Hələ də Suriya, Əfqanıstan, Liviya tüstülənir, Şimali Koreya, Kuba və Venesuela aclıq çəkir. Avropa isə Amerikanın Yaxın Şərqdə törətdiyi müharibələrin nəticəsindən əziyyət çəkir, hər il yüz minlərlə ac miqrantları qəbul edir. Miqrantlar isə öz talelərinin əvəzini sonra avropalılardan, elə onların şəhərlərinin qaranlıq küçələrində çıxırlar", - deyə siyasətçi öz Telegram kanalında yazıb.

Jirinovski qeyd edir ki, ABŞ-da məhkumların sayı bütün ölkələrdə olduğundan çoxdur: orada hər il onlarla insan edam olunur, daha minlərlə insan isə bilavasitə əllərinə ilk fürsət düşən kimi atəş açan polisin əməllərindən elə küçədə həlak olur.

"Son nəticədə, göründüyü kimi, hərəkətlərinə nəzarət edə bilməyən Baydenin sözləri beynəlxalq təhlükəsizliyə dair müqavilələrlə bağlı danışıqlarda ABŞ-a baha başa gələ bilər. Odur ki, biz də gərək hər şeyi öz adı ilə çağıraq. ABŞ bizim düşmənimizdir və onun başında hətta öz dilinə sahib çıxa bilməyən və Parkinson xəstəliyindən əziyyət çəkən biri dayanıb. Bəlkə, elə o əsim-əsim əsən əli ilə düyməni də sıxdı? Biz buna yol verə bilmərik", - deyə Jirinovski bildirib.

Siyasətçi həmçinin qeyd edib ki, Amerika hakimiyyətinin yüksək eşelonlarında duran "saxta məmurların heç bir cəhdi", heç bir təhdid Rusiyanın Şimali Amerikadakı düşmənlərinin istədiyi nəticələrə gətirməyəcək.

"Bizim xalqımız getdikcə artan təhdidlər qarşısında lazımi birlik nümayiş etdirəcək və biz soyuqqanlı şəkildə ABŞ rəhbərliyinə göstərə biləcəyik ki, onlar məğlubiyyətə məhkumdur. Bayden isə qorxsun ki, son nəticədə Amerikanın qəbirqazanına çevrilməsin", - deyə siyasətçi fikrini tamamlayıb.

23
Teqlər:
Putin, Co Bayden, Vladimir Jirinovski
Vnukovo hava limanında təyyarə, arxiv şəkli

Rusiya Türkiyəyə çarter reyslərinin dayandırılması ilə bağlı qərar verib

11
(Yenilənib 22:58 12.04.2021)
Hökumət rəsmisi Rusiyanın bu ölkələrlə 1,5 aylıq müddətə, aprelin 15-dən iyunun 1-nə kimi həm müntəzəm, həm də çarter reyslərini dayandırdığını açıqlayıb.

 

BAKI, 12 aprel — Sputnik. Rusiya Türkiyə və Tanzaniya ilə hava əlaqəsini dayandırır. 

APA-nın verdiyi məlumata görə, bu barədə baş nazirin müavini Tatyana Qolikova bildirib. 

Onun sözlərinə görə, koronavirusa yoluxma hallarının artması ilə əlaqədar Rusiya adı çəkilən iki ölkə ilə çarter reyslərini dayandırmağa qərar verib.

Hökumət rəsmisi Rusiyanın bu ölkələrlə 1,5 aylıq müddətə, aprelin 15-dən iyunun 1-nə kimi həm müntəzəm, həm də çarter reyslərini dayandırdığını açıqlayıb.

11
Damla (Mənsümə Məmmədova), arxiv şəkli

Damlanın iştirak etdiyi toya polis gəldi - VİDEO

14
(Yenilənib 20:24 12.04.2021)
Rusiya Federal Təhlükəsizlik Xidmətinin əməkdaşları asayişin pozulduğu məkana gəliblər. "Zolotoy dvor" şadlıq evində məclisə gələnlər saxlanılıb. Buna səbəb yeni evlənənlərin şərəfinə toy sahiblərinin havaya atəş açması olub

BAKI, 12 aprel — Sputnik. Sankt-Peterburq şəhərində azərbaycanlıların keçirdiyi toy mərasimində atəş açılıb.

Sputnik Azərbaycan xəbər verir ki, məclisdə müğənni Damla da yer alıb. Bu haqda onun prodüseri Şamil sosial şəbəkədə paylaşım edib.

Rusiya Federal Təhlükəsizlik Xidmətinin əməkdaşları asayişin pozulduğu məkana gəliblər. "Zolotoy dvor" şadlıq evində məclisə gələnlər saxlanılıb. Buna səbəb yeni evlənənlərin şərəfinə toy sahiblərinin havaya atəş açması olub.

Şamil bildirib ki, yaşanan hadisəyə görə gecə səhər saat 5-ə qədər polis bölməsində qalıb.

14
Bakı metrosunda

"Bakı Metropoliteni"ndə yeni əsaslarla qurulur

0
Təmir-baxış qanovlarında müasir idarəetmə sisteminin tətbiqi, kommutasiya sistemi mərkəzləşmiş formada yeni əsaslarla qurulur

 

BAKI, 12 aprel — Sputnik. "Bakı Metropoliteni" Qapalı Səhmdar Cəmiyyətinin "Nərimanov" elektrik deposunda qatarların baxış-təmir sahələrində daha bir texniki yenilik tətbiq edilir. Əsaslı təmir edilərək yenidən qurulan bu sahələrin fəaliyyətinin optimallaşdırılması istiqamətində innovativ tədbirlərin həyata keçirilməsi istiqamətində mühüm işlər görülür. Bu barədə "Bakı Metropoliteni" QSC-dən Sputnik Azərbaycan-a verilən məlumatda bildirilib.

Qeyd olunub ki, qanovlarda qatarların hərəkətini təmin edən 825 V-luq kontakt şəbəkəsi yenidən qurulur. Başqa sözlə, şəbəkədə kommutasiya sisteminin müasirləşməsi üzrə işlər aparılır.

Məsələnin aydın olması üçün qeyd edək ki, baxış-təmir qanovlarında qatarlar 825 V-luq sabit gərginliyi olan yollardakı kimi təmas relsindən deyil, qanovlar yerləşən sahənin tavanında quraşdırılmış təmas şəbəkəsindən alır. Bu isə təhlükəsizlik qaydalarının tələbindən irəli gələn bir məsələdir.

1966-cı ildən fəaliyyətdə olan depoda kommutasiya sisteminin dəyişdirilməsi onun daha müasir və etibarlı sistemlə əvəz edilməsi deməkdir. Bununla iş şəraiti də müasir dövrün tələbinə uyğunlaşdırılır. Görülən tədbirlərlə kontakt şəbəkəsi elementləri də yenilənməklə gücləndirilir və qanovlara yüksək gərginliyin verilməsi prosesi tam avtomatlaşdırılır.

Yeni sistemin tətbiqi ilə hər qanov qarşısında xüsusi təyin edilmiş dolablar qoyulub. Bununla baxış-təmir qanovunda dayanmış qatara sabit gərginlik verilməsi üçün çevirici qolları fırlamaq əvəzinə, sadəcə, komanda düyməsini sıxmaq yetərlidir.

Layihə İtaliyanın "Ropla" şirkəti ilə əməkdaşlıq şəraitində həyata keçirilir. Hazırda 10 qanovda yüksək gərginlik şəbəkəsinin bütün avadanlıqları, idarəetmə dolabları quraşdırılıb və sistem istifadəyə verilib. Daha 7 qanovda işlərin aparılması üçün hazırlıq tədbirləri davam etdirilir və bu, qanovların əsaslı təmiri prosesi ilə paralel aparılır.

İşlər bununla tamamlanmır. Bütün qanovlarda yeni sistem eyni mərkəzdən idarə olunacaq. Bu istiqamətdə tədbirlər davam etdirilir. İdarəetmə mərkəzində iş başında olan operator otağı tərk etmədən qatarların istənilən baxış-təmir qanovuna gərginliyin verilib-çıxarılmasını avtomatik yerinə yetirə biləcək.

0