ABŞ hərbçiləri Warfield bazasında

ABŞ Rusiyadan intiqam alacaq

27
Amerikanın rəsmi şəxsləri ölkənin təhlükəsizliyinə ciddi ziyan vurulmadığını iddia etsələr də, hakimiyyətin məsələyə belə kəskin reaksiyası onların səmimiyyətindən şübhələnməyə əsas verir.

BAKI, 9 mart — Sputnik, İrina Alksnis. "New York Times" qəzeti bütün dünyaya car çəkdi ki, qarşıdakı üç həftə ərzində ABŞ super-məxfi xüsusi əməliyyat həyata keçirəcək. Əməliyyat zamanı Rusiya hakimiyyət dairələrinin kiber sisteminə "gizli cavab zərbələri" endiriləcək. Anonim mənbənin qəzetə verdiyi məlumata görə, planlaşdırılan tədbirlərin nəticəsi Vladimir Putin, eləcə də Rusiya xüsusi xidmət orqanları üçün daha çox hiss edilən olacaq.

Bu, bir neçə həftə əvvəl Vaşinqtonun bir sıra "görünən və görünməz alətlər"dən istifadə etməyə hazır olduğunu açıqlayan ABŞ prezidentinin milli təhlükəsizlik məsələləri üzrə müşaviri Ceyk Sallivanın bəyanatı ilə üst-üstə düşür.

Qeyd edək ki, sözügedən əməliyyat keçən ilin dekabrında "SolarWinds" kompüter təhlükəsizliyi şirkətinin proqram təminatına edilən kiber hücuma cavabdır. Firmanın müştəriləri arasında ABŞ-ın mühüm dövlət qurumları da var və hücumdan zərər çəkənlərin sırasında ölkənin müdafiə, maliyyə, daxili təhlükəsizlik və ticarət nazirlikləri, eləcə də Dövlət Departamentinin adı çəkilirdi.

ABŞ-ın xüsusi xidmət oqranları və səlahiyyətli şəxsləri, eləcə də bir sıra ixtisaslaşmış şirkətlər baş verənlərdə birbaşa Moskvanı günahlandırır. Onlara görə, hücum bilavasitə Rusiya kəşfiyyat strukturları ilə əlaqəli olan hakerlər tərəfindən həyata keçirilib və bu hərəkətlərin məqsədi də casusluq olub. Fevral ayının sonlarında Senatın Kəşfiyyat Komitəsində keçirilən dinləmələrdə "Microsoft"un rəhbəri Bred Smit bildirdi ki, "böyük ehtimalla bu, dünyanın indiyə kimi gördüyü ən böyük və ən mütəşəkkil kiber hücumdur".

Demokratiya öyrədəcəklər: ABŞ müdaxilə üsullarını müəyyənləşdirdi>>

Düzdür, bu sahənin digər nümayəndələrinin Rusiyaya qarşı ittihamları bu qədər birmənalı olmadı. Eyni dinləmədə "CrowdStrike" və "FireEye" – iki əsas kiber təhlükəsizlik şirkətinin nümayəndələri ortada Moskvanın bu kiber hücuma qarışdığına dair heç bir dəlilin olmadığını etiraf etdilər. Onların fikrincə, ən yaxşı halda "hücumun rusların davranışına uyğun gəldiyi" və "haker hücumunda istifadə edilən vasitələrin, adətən, Çin, Şimali Koreya və ya İranın yararlandığı alətlərə bənzədiyini söyləmək olar".

Qərb ortada heç bir dəlil-sübut olmadığı halda, ölkəmizi ən heyrətamiz cinayətlərdə ittiham edərək növbəti sanksiyalar üçün bəhanə tapdı. Ancaq vəziyyətə ABŞ-ın nəzər nöqtəsindən baxsaq, məsələnin daha mürəkkəb xarakter daşıdığını görmək olar. Amerikanın rəsmi şəxsləri ölkənin təhlükəsizliyinə ciddi ziyan vurulmadığını iddia etsələr də, hakimiyyətin məsələyə belə kəskin reaksiyası onların səmimiyyətindən şübhələnməyə əsas verir.

Xatırladaq ki, hakerlərin hərəkətləri səbəbindən Ağ Evdə təcili iclas çağırılmış və Trampın milli təhlükəsizlik müşaviri Robert O'Briyen Avropaya səfərini yarımçıq qoyaraq dərhal Vaşinqtona qayıtmağa məcbur olmuşdu.

İldırım sürəti ilə – iki ayın içində – Senatda təşkil olunan dinləmələr də baş verən hadisənin misli-bərabəri olmadığını təsdiqləyir. Tədbirin Amerika mediasında necə işıqlandırıldığını xüsusilə qeyd etmək lazımdır. Jurnalistlər Senatın "Microsoft" və "SolarWinds"-i "tərlətdiyindən" yazdılar, "Reuters" isə yalnız bircə dəfə dinləmələrdə Rusiyanın adının çəkildiyini xatırladaraq bütün diqqəti iki şirkətin özlərini necə müdafiə etdiklərinə və baş verənlərdə bir-birini günahlandırdıqlarına yönəltdi.

Həqiqətən də, ABŞ-ın kompüter təhlükəsizliyinə vurulan zərbə bütün sistemi şok vəziyyətinə salmışdı və əlbəttə ki, Vaşinqtonun bunun adi cinayətkarlar tərəfindən törədildiyini etiraf etməsi mümkün deyildi.

Əgər ayrı-ayrı şəxslər qlobal super gücə belə ağrılı zərbə vurmağa qadir deyilsə, deməli bunu mütləq başqa bir dövlət həyata keçirib. Təsadüfi deyil ki, yenə həmin Berd Smitin hücumda ən az min nəfər çox ağıllı mühəndisin iştirak etməsi ilə bağlı səsləndirdiyi fikirlər heç də təsadüf deyildi. Öz iflasını nə ilə isə əsaslandırmalısan axı!

Digər tərəfdən, Rusiya hər cəhətdən bu cür ittihamlar üçün ən əlverişli obyektdir. ABŞ-ın seçdiyi "məxfi" cavab formatı isə onlara Moskvaya qarşı gələcək cavab zərbələrinin istənilən nəticəsini elan etmək üçün geniş imkan verir.

Düzdür, amerikalılar gözlə görünməyən, ancaq super təsirli hərəkətlərə dair yüksək vədlərə elə tez-tez əl atmağa başlayıblar ki, istər-istəməz ortaya belə bir sual çıxır: onların milli kiber təhlükəsizlik sistemi hansı səviyyədədir ki, hakerlər ona belə asanlıqla zərbə vura bilir?

27
Belarus Prezidenti Aleksandr Lukaşenko, arxiv şəkli

Lukaşenkoya qarşı sui-qəsd hazırlayanlar Moskvada saxlanılıb

75
Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

BAKI, 17 aprel - Sputnik. Rusiya paytaxtında ABŞ və Belarus ikili vətəndaşlığı olan Yuri Zenkoviç və Belarus vətəndaşı Aleksandr Feduta saxlanılıb.

APA “RİA Novosti”yə istinadən xəbər verir ki, bu barədə Federal Təhlükəsizlik Xidmətinin (FTX) İctimaiyyətlə əlaqələr mərkəzi məlumat yayıb.

Məlumata görə, həmin şəxslər may ayının 9-da Minskdə hərbi çevriliş etməyi və Belarus Prezidenti Aleksandr Lukaşenkonun fiziki yolla hakimiyyətdən kənarlaşdırılmasını planlaşdırırmışlar.

“Rusiya FTX Belarus Respublikasının Dövlət Təhlükəsizlik Komitəsi ilə birlikdə keçirdiyi xüsusi əməliyyat zamanı yerli və ukraynalı millətçilərin cəlb edilməsi yolu ilə Belarusda “rəngli inqilab” ssenarisinin işlənilməsi əsasında hərbi çevriliş təşkil etməyi və prezident Aleksandr Lukaşenkonun fiziki olaraq hakimiyyətdən kənarlaşdırılmasını planlaşdıran ABŞ və Belarus vətəndaşlığı olan Yuri Leonidoviç Zenkoviç və Belarus vətəndaşı Feduta Aleksandr İosifoviçin qanunsuz fəaliyyətləri ifşa olunub”, - deyə məlumatda qeyd olunub.

Məlumata görə, Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

Zenkoviç Moskvaya gəldikdən sonra ABŞ və Polşadakı məsləhətləşmələrdən sonra görüş paytaxt restoranlarından birinin kabinəsində baş tutub, görüş zamanı sui-qəsdçilər “Belarus generalları”na bildiriblər ki, planlarının uğurla həyata keçirilməsi üçün respublikanın bütün yüksək rəhbərliyini fiziki cəhətdən kənarlaşdırmaq lazımdır.

Onlar xüsusi olaraq xalqa müraciətlərini yayımlamaq üçün radio və televiziya mərkəzlərinin ələ keçirilməsinin və paytaxtda hazırkı hökumətə sadiq olan daxili qoşunlar və çevik polis qüvvələrinin bloklanmasının nəzərdə tutulduğu hərbi çevriliş planını ətraflı müzakirə ediblər.

Belarus prezidentinin hakimiyyətdən kənarlaşdırılması ilə konstitusiya quruluşunun dəyişdirilməsi və ölkənin idarə edilməsini “Milli Sülh Komitəsi”nə həvalə olunması yekun hədəf olaraq qarşıya qoyulmuşdu.

Zenkoviç və Feduta ilə bağlı Belarus istintaq orqanları Cinayət Məcəlləsinin 357-ci maddəsi (sui-qəsd və ya dövlət hakimiyyətini ələ keçirmək məqsədi ilə törədilən digər hərəkətlər) ilə cinayət işi başlanılıb.

75
FTX

FTX Ukraynanın Peterburqdakı konsulunu saxlayıb

7
(Yenilənib 15:58 17.04.2021)
Ukrayna xarici işlər nazirliyi isə yaxın vaxtlarda konsulun Vətənə qaytarılması məsələsinin həll ediləcəyini bəyan edib

BAKI, 17 aprel — Sputnik. Ukraynanın Peterburqdakı konsulu Aleksandr Sosonyuk rusiyalı bir şəxsdən "qapalı" məlumatlar alarkən yaxalanıb. Sputnik Azərbaycan Rusiya mediasına istinadən xəbər verir ki, söhbət güc nazirliklərinin informasiya bazasına daxil olan məlumatlardan gedir.

"Hazırda o Ukraynanın diplomatik nümayəndəliyindədir. Yaxalanmanın təfərrüatları araşdırılır. Mövcud təcrübə və qarşılıqlılıq prinsipi əsasında Ukrayna tərəfi cavab hazırlayır", - deyə Ukrayna XİN mətbuat katibi Oleq Nikolayenko bildirib.

Federal təhükəsizlik xidmətinin (FTX) məlumatında qeyd olunur ki, Sosonyukun fəaliyyəti "Rusiyaya qarşı düşmənçilik xarakterlidir və diplomatik işçi statusu ilə bir araya sığmır". O uzun illərdir ki Rusiyada çalışıb: Ukraynanın Peterburqdakı konsulluğununu internet saytında onun 2012-ci ilin oktyabrından burada işləməsi barədə qeyd var.

FTX məlumatında o da qeyd olunur ki, Sosonyuk beynəlxalq hüquq normalarına uyğun olaraq cəzalandırılacaq.

Rusiya prezidenti yanında millətlərarası münasibətlər şurasının rəyasət heyətinin üzvü Boqdan Bespalkonun qənaətinə görə, konsul Rusiyadan qovula bilər. O həmçinin Sankt-Peterburqdakı konsulluğun ümumiyyətlə bağlanmasını da istisna etməyib.

Ukrayna xarici işlər nazirliyi isə yaxın vaxtlarda konsulun Vətənə qaytarılması məsələsinin həll ediləcəyini bəyan edib.

"Yaxın vaxtlarda biz onun Vətənə qaytarılması məsələsini həll edəcəyik. Bizim diplomatımızın Rusiya hüquq-mühafizə orqanlarının onun haqqında iddia etdiyi hərəkətlərlə heç bir əlaqəsi yoxdur", -deyə Ukrayna xarici işlər nazirinin müavini Yevgeni Yenin bildirib.

Xatırladaq ki, diplomatlar çalışdıqları ölkələrdə toxunulmazlıq statusuna malik olurlar. Eyni zamanda Vyana konvensiyası diplomatik nümayəndələrin qanunları pozduğu və ya düşmənçilik xarakterli hərəkətlərə yol verdiyi təqdirdə olduqları dövlətin onları ölkədə qalmaq hüququndan məhrum etməsini də nəzərdə tutur.

7
Türkiyə hərbçiləri, arxiv şəkli

İrandan Türkiyəni qəzəbləndirəcək plan

0
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

0