Sputnik V peyvəndi, arxiv şəkli

Avropada "Sputnik V" peyvəndinin "rus ruletkası" ilə müqayisə olunması narazılıq yaratdı

18
"Biz EMA-nın nümayəndəsi Krista Virtumer-Hohedən "Sputnik V" peyvəndini təsdiqləmiş Aİ üzvü olan ölkələrlə bağlı mənfi şərhlərinə görə üzr istəməsini tələb edirik".

BAKI, 9 mart — Radio Sputnik. "Sputnik V" peyvəndinin yaradıcıları Dərman Vasitələri üzrə Avropa Agentliyindən (EMA) preparatın təcili şəkildə təsdiq olunma şansının "rus ruletkası" ilə müqayisəsinə görə üzr istənilməsini tələb edib. Tarix elmləri namizədi Anton Bredixin Sputnik radiosunun efirində bu məsələ ilə bağlı fikirlərini bölüşüb.

"Sputnik V" peyvəndinin yaradıcıları EMA-nın nümayəndəsi Krista Virtumer-Hohedən preparatlar və ölkələr haqqında dediyi fikirlərə görə üzr istəməsini tələb ediblər.

Qeyd edək ki, Avstriyanın səhiyyə məsələləri üzrə agentliyini də təmsil edən Virtumer-Hohe ORF telekanalının efirində Avstriyada "Sputnik V" peyvəndinin təsdiqlənmə şansını "rus ruletkası" ilə müqayisə edərək peyvənd olunanlarla bağlı məlumat çatışmazlığına diqqət çəkib.

"Biz EMA-nın nümayəndəsi Krista Virtumer-Hohedən "Sputnik V" peyvəndini təsdiqləmiş Aİ üzvü olan ölkələrlə bağlı mənfi şərhlərinə görə üzr istəməsini tələb edirik. Onun şərhləri EMA-nın hazırda davam edən ekspertiza prosesinə siyasi müdaxilə ilə bağlı ciddi suallar doğurur", – deyə Rusiya peyvəndinin Twitter səhifəsində yayılan məlumatda bildirilir.

O da qeyd olunur ki, Avropa tənzimləyicisi əvvəllər başqa peyvəndlərlə bağlı bu tip bəyanatların səsləndirilməsini özünə rəva görməyib. Rusiya peyvəndinin yaradıcılarının da vurğuladığı kimi, bu tip şərhlər yersizdir, çünki "Sputnik V" preparatını artıq təsdiqləmiş ölkələrin agentliklərinin nüfuzunu şübhə altına alır.

Qeyd edək ki, martın 4-də EMA "Sputnik V" preparatının ekspertiza prosesinin başladığını elan etmişdi. Tənzimləyici qurum peyvəndin effektivliyini və təhlükəsizliyini yoxlayır.

Xatırladaq ki, Rusiya peyvəndi artıq dünyanın 46 ölkəsində qeydiyyatdan keçirilib. Hazırda "Sputnik V" milli tənzimləyəci qurumlar tərəfindən tətbiqinə icazə verilmiş peyvənd preparatları arasında dünyada ikinci yeri tutur. Preparatın effektivliyi 91,6 faiz təşkil edir ki, bu da dünyada tibb sahəsində nüfuzlu jurnal olan "Lancet"-də dərc olunmuş məqalələrdə öz təsdiqini tapıb.

Politoloq, tarix elmləri namizədi, "Arxont" jurnalının baş redaktoru Anton Bredixin Sputnik radiosunun efirində bildirib ki, Virtumer-Hohenin bəyanatlarının arxasında siyasət və vicdanlı olmayan rəqabət dayanır.

"Bizim peyvənd haqqında o qədər çox məlumat verilib ki, tibdən, biologiyadan qətiyyən baş çıxarmayan insan belə mütəxəssis ola bilərdi, o ki qalsın Virtumer-Hohe kimi bu sahənin mütəxəssisi olsun. Biz burada hər şeydən əvvəl rəqiblərin düşünülmüş şəkildə kənarlaşdırılması prosesinin şahidi oluruq. Bundan başqa, hazırda yerli siyasətçilər real olaraq bu prosesi idarə edən qlobal siyasətçilərin "yuxarıdan sifariş etdiklərini" söyləyirlər. Məncə, onlar üzr istəməyəcəklər. Hətta avropalılar özləri belə bizdən bu peyvəndi xahiş edəndə də üzr istəməyəcəklər", – deyə Anton Bredixin vurğulayıb.

18
Teqlər:
Rusiya, Avropa, Sputnik-V peyvəndi
Aleksandr Lukaşenko və Vladimir Putin, arxiv şəkli

Kreml: Lukaşenko Putinlə Qarabağ məsələsini müzakirə edib

957
(Yenilənib 14:04 15.04.2021)
Aleksandr Lukaşenkonun bu ərəfədə Azərbaycana baş tutan səfəri konteksində Dağlıq Qarabağ nizamlanması məsələsinə toxunulub.

BAKI, 15 aprel — Sputnik. Rusiya Prezidenti Vladimir Putin və Belarus Prezidenti Aleksandr Lukaşenko arasında telefon danışığı baş tutub. Sputnik Azərbaycan "Kremlin" saytına istinadən xəbər verir ki, tərəflər ikitərəfli gündəlikdə olan bəzi əhəmiyyətli məsələləri müzakirə ediblər.

"Aleksandr Lukaşenkonun bu ərəfədə Azərbaycana baş tutan səfəri konteksində Dağlıq Qarabağ nizamlanması məsələsinə də toxunulub", - deyə "Kremlin" saytının yaydığı məlumatda bildirilir.

Putin və Lukaşenko müxtəlif səviyyələrdə əlaqələrin davam etdirilməsinə dair razılığa gəliblər.

Xatırladaq ki, Belarus Prezidenti Aleksandr Lukaşenko 13-14 aprel tarixlərində Azərbaycanda rəsmi rəfərdə olub. 

 

957
Rusiya bayrağı

ABŞ Rusiyaya qarşı yeni sanksiyalar tətbiq edəcək

1346
(Yenilənib 11:57 15.04.2021)
"Bloomberg": ABŞ-ın sanksiya tətbiq etməyə hazırlaşdığı şəxslər arasında Rusiya hökuməti və kəşfiyyatındakı vəzifəli şəxslərin də adı var.

BAKI, 15 aprel — Sputnik. Birləşmiş Ştatlar "SolarWinds" vasitəsi ilə seçkilərə müdaxilə və kiberhücumlara görə on Rusiya diplomatını ölkədən qovacaq, həmçinin Rusiyanın 12 vətəndaşına və 20 təşkilatına qarşı sanksiya tətbiq edəcək. Sputnik Azərbaycan xəbər verir ki, bu barədə "Bloomberg" agentliyi vəziyyətlə tanış olan mənbələrinə istinadən xəbər verir.

Nəşr mənbəyə istinadən xəbər verir ki, Vaşinqton bu tədbirlərin tətbiqini artıq cümə axşamı elan edə bilər. Mənbə qeyd edir ki, ABŞ-ın sanksiya tətbiq etməyə hazırlaşdığı şəxslər arasında Rusiya hökuməti və kəşfiyyatında vəzifəli şəxslərin də adı var.

Xatırladaq ki, 2020-ci ilin dekabr ayında hakerlər "SolarWinds" kompüter təhlükəsizliyi şirkətinin müştərilərinin elektron məlumatlarına hücum həyata keçirib. ABŞ həmin hücumda Rusiyanı ittiham edib. Vaşinqtonda bildiriblər ki, ABŞ-ın hökumət idarələrinin də məruz qaldığı hücumun məqsədi kəşfiyyat məlumatlarının əldə olunması olub. Lakin hücumun təşkilatçıları "həssas məlumatları" əldə edə bilməyiblər.

Rusiya prezidentinin mətbuat katibi Dmitri Peskov sözügedən kiberhücumların Moskvaya aidiyyətinin olmadığını bildirib. Rusiya XİN rəsmisi Mariya Zaxarova isə ABŞ-ın Amerika federal idarələrinin elektron məlumatlarına kütləvi haker hücumlarında Rusiyanın əlinin olması ilə bağlı ittihamlarını əsassız adlandırıb.

 

1346
Şirniyyat

Konfet vaflinin qiyməti qalxacaq

0
(Yenilənib 15:59 15.04.2021)
Son altı ay ərzində şirniyyat məmulatlarının əsas tərkib hissəsini təşkil edən xammal 25-120% bahalaşıb ki, bu da qiymət artımını qaçılmaz edir.

BAKI, 15 aprel — Sputnik. Rusiya qənnadçıları yaxın vaxtlarda konfet və vaflinin qiymətinin qalxacağı barədə əhalini xəbərdar edib. Sputnik Azərbaycan bu barədə Rusiya mediasına istinadla məlumat yayıb.

Məlumatda bildirilir ki, xammalın bahalaşması istehsalçıları bu şirniyyatların dəyərini əhəmiyyətli dərəcədə artırmağa vadar edir. Belə ki, son altı ay ərzində konfet və vaflilərin əsas tərkib hissənin təşkil edən xammal 25-120% bahalaşıb. Məsələn, un, kərə yağı, yumurta və cemin qiyməti 50, şəkərin qiyməti isə 120 faizə qədər artıb. Nəticədə, şirniyyat məhsullarının istehsal dəyəri orta hesabla 10 faiz çoxalıb.

Xəbərdə bildirilir ki, bahalaşmaya yeyinti sənayesi üçün külli miqdarda xammal ehtiyatı alan və dünyada bu məhsulların defisitinə səbəb olan Çin də təsir göstərib. Bundan başqa, Çin bəzi məhsulların ixrac qiymətini də artırıb.

Xatırladaq ki, bir qədər bundan əvvəl Rusiya hökuməti inflyasiya ilə əlaqədar şəkər tozu-qənd və günəbaxan yağı istehsalçılarına 9 milyard rubl həcmində subsidiya ayırmışdı. Bu addım şəkərin topdansatış qiymətinin 36, pərakəndə qiymətinin isə 46 rubldan yuxarı qalxmamasına imkan verirdi. Subsidiya sayəsində bir litr günəbaxan yağının qiymətini isə 95-110 rubl səviyyəsində saxlamaq mümkün olmuşdu.

Qeyd edək ki, Azərbaycana qənnadı məhsulları ixrac edən ölkələr arasında Rusiya əsas yerlərdən birini tutduğundan, ölkəmizdə də qiymət artımı qaçılmazdır.

 

0