Zaxarova rusiyalı sülhməramlıların Qarabağdakı əsas vəzifəsini açıqlayıb

95
Zaxarova həmçinin bildirib ki, əraziyə hər bir buraxılış halını sülhməramlılar bütün münaqişə tərəfləri ilə birlikdə araşdırırlar.

BAKI, 26 fevral — Sputnik. Rusiya sülhməramlı missiyasının Qarabağda birinci vəzifəsi bölgədə davamlı sülhün təmin olunması və normal həyatın bərpa olunmasıdır.

Bu barədə ənənəvi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib.

"Ən əsası davamlı sülh, insanların qayıtması və normal həyatın qurulmasıdır. Bura hələ ki, çoxsaylı olan məsələlərin həllinə mərhələli keçid də daxildir", – deyən Zaxarova əlavə edib ki, rusiyalı sülhməramlılar məhz bu vəzifəni yerinə yetirirlər.

Zaxarova həmçinin bildirib ki, əraziyə hər bir buraxılış halını sülhməramlılar bütün münaqişə tərəfləri ilə birlikdə araşdırırlar.

"Əlbəttə, biz hamımız jurnalistlərin dünyanın bütün nöqtələrində işləyə bilməsinin, həm də turistlərin getməsinin tərəfdarıyıq. Lakin bəzi reallıqlar və hamımızın həllinə diqqətimizi cəlb etməli olduğumuz real məqsəd var", - deyə RF XİN nümayəndəsi yekunlaşdırıb.

95
 Rusiyada epdimioloji vəziyyət

Rusiyada koronavirusdan ölüm sayı azalmaq bilmir

10
(Yenilənib 23:36 19.04.2021)
Rusiyada pandemiya yayılandan 105928 nəfər COVID-19-dan vəfat edib. Ölkədə bu virusdan sağalanların sayı 4310557-yə çatıb.

BAKI, 19 aprel — Sputnik. Son bir sutka ərzində Rusiyada 8589 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 346 nəfər ölüb.

Ümumilikdə, Rusiyada bu xəstəliyə yoluxanların sayı 4710690-a çatıb. Rusiyada pandemiya yayılandan 105928 nəfər COVID-19-dan vəfat edib. Ölkədə bu virusdan sağalanların sayı 4310557-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 141,4 milyonu keçib, 3 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

10
Rusiya Prezidenti Vladimir Putin, arxiv şəkli

Putin Baydenlə Lukaşenkoya qarşı sui-qəsd cəhdini müzakirə edib

5
(Yenilənib 22:17 19.04.2021)
Lukaşenko 17 aprel tarixində özünün və övladlarının həyatına sui-qəsd hazırlayan bir qrup şəxsin həbs olunduğunu elan edib.

BAKI, 19 aprel — Sputnik. Rusiya və ABŞ prezidentləri Vladimir Putin və Co Bayden telefon danışığı zamanı Belarusda dövlət çevriliş cəhdini müzakirə ediblər. Sputnik Azərbaycan RİA Novosti-yə istinadən xəbər verir ki, bu faktı Rusiya Prezidentinin mətbuat katibi Dmitri Peskov bildirib.

Qeyd edək ki, daha əvvəl Belarus Prezidenti Aleksandr Lukaşenko bildirib ki, Putin amerikalı həmkarı ilə söhbət zamanı ABŞ xüsusi xidmət orqanları tərəfindən Belarus rəhbərinə qarşı sui-qəsd cəhdi məsələsini qaldırıb, lakin cavab gəlməyib.

Peskovla söhbət zamanı jurnalistlər ondan "Bu mövzunun doğrudan da Putinin Baydenlə söhbəti zamanı qaldırılmasını təsdiqləyə bilərsinizmi?" sualına "Bəli, edə bilərəm", – deyə cavablandırıb.

Qeyd edək ki, Lukaşenko 17 aprel tarixində özünün və övladlarının həyatına sui-qəsd hazırlayan bir qrup şəxsin həbs olunduğunu elan edib. Onun sözlərinə görə, ABŞ xüsusi xidmət orqanları burada iştirak edib. Belarus Dövlət Təhlükəsizlik Komitəsinin rəhbəri İvan Tertelin dediyinə görə, qrup üzvlərinin Lukaşenko və ailə üzvlərini fiziki cəhətdən yox etmək, hakimiyyəti ələ keçirmək üçün silahlı bir üsyan təşkil etmək planı olub. Qrupa həm Belarus vətəndaşları, həm də xaricilər daxil idilər.

5
 Reanimasiyada COVİD-19 xəstəsi, arxiv şəkli

Ermənistanda koronavirusla bağlı vəziyyət gərgindir

0
(Yenilənib 23:05 19.04.2021)
Ermənistanda bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

BAKI, 19 aprel — Sputnik. Ermənistanda koronavirusa yoluxanların sayı 208818-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 298 nəfər artıb.

Ermənistanda son gündə daha 17 nəfər ölüb. Ümumilikdə bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 141,4 milyonu keçib, 3 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0