Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rəsmi Moskva: "Ermənistandakı vəziyyəti narahatlıqla izləyirik"

© REUTERS / ARTEM MIKRYUKOVПротесты в Ереване, фото из архива
Протесты в Ереване, фото из архива - Sputnik Azərbaycan, 1920, 25.02.2021
Abunə olmaq
Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb.

BAKI, 25 fevral — Sputnik. Kreml Ermənistanda baş verənləri narahatlıqla izləyir. Sputnik Azərbaycan "RİA Novosti"-yə istinadən xəbər verir ki, bunu Kremlin rəsmi sözçüsü Dmitri Peskov bildirib.

"Biz Ermənistandakı vəziyyətin inkişafını narahatlıqla izləyirik. Biz hesab edirik ki, bu yalnız Ermənistanın – bizim Qafqazda çox önəmli və yaxın tərəfdaşımızın daxil işidir", - deyə Peskov bildirib.

Qeyd edək ki, daha əvvəl Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərinin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan və məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb. Paşinyan tərəfdarlarını meydana çıxmağa çağırıb.

Xəbər lenti
0