Armata main battle tank

Hərbi müdafiə vasitələrinin sərgisi: Rusiyanın təklifləri

33
(Yenilənib 01:56 20.02.2021)
Fevralın 21-dən 25-dək Əbu-Dabidə IDEX-2021 Beynəlxalq müdafiə sərgisi keçiriləcək. “Rosoboroneksport”un sifarişlər portfelində isə artıq 50 milyard dollarlıq müqavilələr var

BAKI, 20 fevral – Sputnik, Aleksandr Xrolenko, hərbi şərhçi. Rusiya dünya silah bazarının üçdə birinə nəzarət edir və fevralın 21-dən 25-dək Birləşmiş Ərəb Əmirliklərinin paytaxtında keçiriləcək IDEX-2021 Beynəlxalq müdafiə sərgisində Hərbi Sənaye Kompleksinin (HSK) əsas yeniliklərini təqdim etməyə hazırlaşır.

Rusiyanın IDEX-2021-in silah salonundakı ekspozisiyası 1200 kv. m sahəni tutur. Orada 400 ədəd hərbi texnika nümunəsi yerləşdirilib. Bunlar mahiyyət etibarilə yüksək texnologiyaya malik düşmənlə qarşıdurmada sanballı arqument, quruda, suda və havada təhlükəsizliyə qarşı müasir təhdid və çağırışlara (zərbə PUA-ları da daxil olmaqla) ən yaxşı cavablardır.

Əbu-Dabidə ilk dəfə Rusiyanın ən yeni, yeganə üçüncü postmüharibə nəsli T-14 “Armata” tankının xarici təqdimatı baş tutacaq. Maşın yüksək dəqiqlikli silahdan üst səviyyədə müdafiəyə malikdir, taktiki səviyyəli silahlarla birgə avtomatik idarəetmə sisteminə inteqrasiya oluna bilir və pilotsuz rejimdə sınaqlardan çıxarılıb. Sputnik bir qədər öncə T-14-ün ixrac perspektivlərindən yazmışdı. Əcnəbi mütəxəssislər “Armata”nın potensial alıcıları arasında Hindistan, Çin, Birləşmiş Ərəb Əmirlikləri, Misir və Əlcəzairi göstərirlər. T-14-dən başqa, “Uralvaqonzavod” IDEX-2021 sərgisində daha bir yeniliyi – universal zirehli mühəndis maşınını (UZMM) təqdim edəcək.

Regionda ilk dəfə göstərilənlər sırasında: unifikasiya olunmuş “Bumeranq” təkər platforması bazasında piyadaların döyüş maşını və zirehli transportyor, uzaqmənzilli zenit-raket sistemi “Antey-4000” və orta mənzilli ən yeni zenit-raket kompleksi “Vikinq” də var.

Rusiya HSK pilotsuz layihələri dinamik surətdə inkişaf etdirir.

«Rosoboroneksport» dünya bazarında «Orion-E» kəşfiyyat-zərbə kompleksini uğurla irəlilədir. Türkiyənin Bayraktar ТB-2 PUA-sı ilə eyni sinifdən sayılan kompleks xarici mütəxəssislərdə böyük maraq doğurub. Əbu-Dabidə Rusiyanın məşhur pilotsuz kompleksi “Orlan-10E”yə dair materiallar da təqdim olunur.

"Altı "Bayraqdar"la bir ordunu darmadağın etdilər" - fransızlar mat qalıblar>>

Yaxın Şərq və Şimali Afrika silah bazarında əsas sifarişçilərdəndir, bazarın ümumi həcminin üçdə biri onlara aiddir. Rusiya silahını burada yaxşı tanıyırlar və ona tələbat da çoxdur. “Rostex”in baş direktoru Sergey Çermezovun sözlərinə görə, 2020-ci ildə “Rosoboroneksport”un tədürükünün 50%-dən çoxu bu bölgələrin payına düşüb.

IDEX – təcrübə və texnologiya mübadiləsi, yeni partnyor əlaqələrinin qurulması üçün vacib beynəlxalq platformadır.

Ölməz zirehlilər

Əbu-Dabidə Rusiyanın təqdim etdiyi zirehli texnikaya müasir Т-90МС tankı, modernləşdirilmiş T-72 tankı və tankları dəstəkləyən döyüş maşını (TDDM), “Tayfun” və “Tornado” sinfindən zirehli avtomobil modelləri daxildir. “Uralvaqonzavod”un ekspozisiyasında eləcə də ТОС-1А ağır yaylım atəş sistemi, özüyeriyən  155 mm kalibrli 2С19М1-155 haubitsası, 7,62 mm-dən 57 mm-dək kalibrli pulemyot-top silahlı, müxtəlif məsafədən idarə olunan döyüş modulları yer alır.

Adıçəkilən UZMM döyüş şəraitində və düşmənin kütləvi qırğın silahı tətbiq etdiyi zaman mühəndis işlərini yerinə yetirmək imkanı ilə diqqət çəkir. O özündə üç mühəndis maşınının - zirehli təmir-təxliyə, maneə-mühəndis maşını və minatəmizləyən  zirehli maşın - imkanlarını cəmləşdirib.

UVZ-nin məhsullarına ənənəvi olaraq beynəlxalq silah bazarında tələbat yüksəkdir. Bu yaxınlarda konsernin baş direktoru Aleksandr Potapov qeyd etmişdi ki, “Biz sərgidə təqdim olunan nümunələrə Yaxın Şərq, Afrika, Asiya və Sakit Okean regionu ölklərinin böyük maraq göstərəcəyinə ümid edirik.  Müdafiə sənayesinin bütün şirkətləri üçün IDEX ən vacib sərgilərdən biridir və bizim məhsullarımız ənənəvi olaraq orada layiqli yer tutur”.

Pilotsuz bestsellerlər

Bu gün Rusiyada effektiv kəşfiyyat və zərbə dronlarının bütöv xətti (o cümlədən kamikadze döyüş sursatları)  mövcuddur. Dünya silah bazarında belə məhsula maraq böyükdür. Rusiyalı istehsalçılar kamikadze dronlarının yaradılmasında ciddi uğurlara nail olublar və onlar bəzi xarakteristikalara görə xarici analoqlarından üstündür. Suriyada yoxlanılmış KUB və “Lanset” zərbə dronları idarəolunan raketlərdən xeyli ucuz və radarlar üçün praktiki olaraq görünməzdir. “Korsar” dronu qoşunlarda təcrübə istismarındadır və əsas istehsalçı “Luç” KB “Korsar-E” ixrac versiyası da daxil olmaqla artıq kütləvi istehsala hazırdır. Qeyd edək ki, dronlarda yalnız Rusiya bazasından və komplektləşdiricilərindən istifadə olunur. Bu isə texnikanın işinə icazəsiz xarici müdaxilədən qoruyur və ixrac tədarükündən asılılığı aradan qaldırır. RF-in prioriteti Rusiya ordusunun müxtəlif növlü dronlarla təminatıdır. Lakin dünya bazarındakı yüksək tələbat artıq bu gün Rusiya HSK-nın məhsulunun beynəlxalq kommersiya uğuruna zəmanət verir.

Əlçatmaz HƏM vasitələri

Əbu-Dabidə “Rosoboroneksport” ilk dəfə olaraq “Antey-4000” ZRS-ni, “VİKİNQ” ZRK-nı və “Tor-E2” ZRK-nı göstərir. Həmçinin unikal HƏM (hava hücumu əleyhinə müdafiə) sistemləri – S-400 “Triumf” və “Tor-M2KM” ZRK, dronlara qarşı “Kupol-PRO” kompleksi təqdim olunub.

Texnoloji səviyyəni başa düşmək üçün, “Vikinq” ZRK “Buk-M3” kompleksinin ixrac versiyasıdır. Məşhur “Buk-M2” kompleksi ilə müqayisədə atəş məsafəsi 1,5 dəfə artırılıb (65 km) və eyni zamanda atəşə tutulan hədəflərin sayı 6-dək artırılıb. Atəş mövqeyində iki hərbi vahiddən buraxılışa hazır zenit idarəolunan raketlərin sayı 8-dən 18-dək artıb. “Vikinq” dünya bazarının tələbləri nəzərə alınmaqla yaradılıb və onun texniki xüsusiyyətləri kompleksi maksimal şəkildə əcnəbi sifarişçilərin meyarlarına müvafiq olaraq adaptasiya etməyə imkan verir. “Vikinq”in döyüş idarəetmə məntəqəsi ştat radiolokasiya stansiyası və digər RLS-lə (o cümlədən, xarici istehsal olan) birlikdə işləyə bilir. Atəş vahidlərinin və hətta ayrı-ayrı özüyeriyən atəş qurğularının müstəqil tətbiqi imkanı nəzərdə tutulub, bu isə müdafiə olunan sahəni və qorunan obyektlərin sayını artırır.

Rusiyanın Əbu-Dabidəki stendində aviasiya texnikası modelləri nümayiş olunur – Su-35 çoxfunksiyalı yüksək manevrli qırıcısı, Mi-38T helikopteri. Onlar istənilən ölkənin aviasiya qruplaşmasının döyüş potensialını yüksəldə bilər. IDEX 2021 zamanı “Rosoboroneksport”un mütəxəssisləri Yaxın Şərq və Şimali Afrika ölkələrinin hərbi-siyasi rəhbərliyinin və biznes dairələrinin nümayəndələri ilə danışıqlar aparacaqlar. Pakistan və Rusiya sərgi ərəfəsində müdafiə sahəsində bir sıra müqavilələrə imza atıblar, İslamabad Rusiyanın HƏM komplekslərini və tank əleyhinə komplekslərini alacaq. “Rosoboroneksport”un sifarişlər portfelində 50 milyard dollarlıq müqavilələr var. Yüksək texnoloji və mükəmməl Rusiya silahı planet üzrə zəfər yürüşünü davam etdirir.

33
Teqlər:
Əbu-Dabi, sərgi, bazar, silah, Rusiya
Rusiya İstintaq Komitəsinin avtomobili, arxiv şəkli

Rusiyada qorxunc olay: Əli bıçaqlı adam qarşısına keçənləri kəsib

16
(Yenilənib 17:36 07.03.2021)
Hadisənini şahidi: "Bıçaqlı adam qan içində idi. Təsəvvür edin ki, ona atəş açırlar, o isə dayanıb gülür. Ya narkoman idi, ya da bilmirəm kim idi".

BAKI, 7 mart — Sputnik. Bu gün Volqoqrad sakini əlində bıçaqla küçədən keçənlərin üzərinə hücum edib. Bu barədə Sputnik Azərbaycan Rusiya mətbuatına istinadən xəbər verir.

"Bu gün səhər saat 7 radələrində işə getmək üçün həyətə çıxdım. Blokdan çıxan kimi gördüm ki, idman geyimində, qan içində olan bir kişi qaçır. Onun bir əlində böyük burğac, digər əlində bıçaq var idi. Mənim üzərimə qaçırdı. Ardınca isə polis qaçırdı. Mən özümü itirib nə edəcəyimi bilmədim. Bir təhər yana çəkildim", - deyə hadisə şahidlərindən biri danışıb.

Onun sözlərinə görə, həmin vaxt qonşu dükandan satıcı çıxaraq kişiyə travmatik tapançadan atəş açmağa başlayıb.

"Polis əməkdaşı qışqırırdı: "Atəş aç ona, atəş aç!". Beş və ya altı atəş açıldı. Bıçaqlı adam qan içində idi. Təsəvvür edin ki, ona atəş açırlar, o isə dayanıb gülür. Ya narkoman idi, ya da bilmirəm kim idi", - şahid deyir.

Kişini yalnız polis-patrul xidməti gəldikdən sonra tutmaq mümkün olub. Lakin onu polislər yox, sakinlərdən biri başına boru ilə zərbə endirərək "sakitləşdirib".

Şahidlər bildirib ki, cinayətkar ən azı bir nəfərə xəsarət yetirib, Qan içində olan qadını təcili yardım aparıb. Polis hadisənin təfərrüatlarını aydınlaşdır.

16

Rusiya məktəblərində inqilabi addım: Uşaqlara qarşı rəqəmsal cinayətlərin qarşısı alınacaq

2031
(Yenilənib 00:13 06.03.2021)
Rusiyanın Təhsil naziri: "Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq",

BAKI, 6 mart - Sputnik. İlin sonuna qədər Rusiya məktəbləri yalnız təsdiqlənmiş kontentə giriş üçün nəzərdə tutulan Wi-Fi şəbəkəsinə qoşulacaq. Sputnik Azərbaycan RİA Novosti-yə istinadla xəbər verir ki, bunu Rusiyanın Təhsil Naziri Sergey Kravtsov "Rossiya24" telekanalının efirində Nailə Əsgər-Zadəyə verdiyi müsahibəsində deyib. 

"Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq", - deyə nazir bildirib. 

Kravtsov ilin sonuna qədər bütün şəhər məktəblərinin saniyədə ən az 100 meqabit, kənd məktəblərinin saniyədə 50 meqabit sürətlə internetə qoşulacağını vurğulayıb.

Bu həftənin əvvəlində Vladimir Putin Daxili İşlər Nazirliyinin kollegiya iclasında interneti izləməyin və uşaqları orada qanunsuz hərəkətlərə cəlb edənlərin müəyyənləşdirilməsinin vacibliyindən danışıb.
Daha sonra "Biz Birlikdəyik" aksiyasının iştirakçıları ilə görüşdə prezident internet vasitəsilə uşaqlar arasında uşaq pornoqrafiyasının və narkotik maddələrin təbliğ olunduğunu qeyd edib.

O, həmçinin vurğulayıb ki, internet belə şəxslər üçün yetkinlik yaşına çatmayanlardan istifadə edərək qazanc əldə etmək mənbəyidir. Bundan sonra İstintaq Komitəsinin rəhbəri Aleksand Bastrıkin tabeliyində olanlara "internetə sızmağı" və rəqəmsal cinayətlərlə daha aktiv işləməyi tapşırıb.

2031
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0