Sahil

Rusiyada üzən qəsəbələr salınacaq

175
(Yenilənib 22:52 09.02.2021)
Rusiya Federasiyasının Baş naziri Mixail Mişustin 1 iyun 2021-ci il tarixinə kimi bu tip evlərin istifadəsi ilə bağlı təklifləri hökumətə təqdim etməyi tapşırıb.

BAKI, 10 fevral — Sputnik. Rusiyada yeni növ yaşayış yeri – hausbotlar və ya suda özü hərəkət edə bilən qayıq-evlər yaratmaq planlaşdırılır. Rusiya Federasiyasının Baş naziri Mixail Mişustin 1 iyun 2021-ci il tarixinə kimi bu tip evlərin istifadəsi ilə bağlı təklifləri hökumətə təqdim etməyi tapşırıb. Bu barədə Nazirlər Kabineti rəhbərinin Kareliyaya işgüzar səfərinin ardından hökumətin internet saytında məlumat yerləşdirilib.

"Su hövzələrində qayıq-evlərin istifadəsi ehtimalı ilə bağlı Rusiya Federasiyası hökumətinə təkliflər göndərilsin", - deyə məlumatda bildirilir. Tapşırığın icrası ilə bağlı məsuliyyət isə Təbii Sərvətlər Nazirliyi, Tikinti Nazirliyi, Fövqəladə Hallar Nazirliyi, "Rosprirodnadzor" və "Rosreyestr" rəhbərliyinin üzərinə düşür.

Qeyd edək ki, bir qədər bundan əvvəl Moskva bölgəsinin üç su anbarı hövzəsində hausbot və riverhauslardan (pontonlar üzərində qurulmuş yaşayış konstruksiyaları) ibarət qəsəbələrin salınması planlaşdırılmışdı. Layihəyə əsasən, bu üzən qəsəbələrin hər biri sahəsi 100 kvadratmetrdən 160 kvadratmetrə qədər olan 15-30 hausbotdan ibarət olmalı idi. Bir belə qəsəbənin salınması üçün təxminən bir hektar su səthinə ehtiyac var.

175
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

10
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

10
Leonid Kalaşnikov, arxiv şəkli

Dövlət Dumasının komitə sədrindən Paşinyanın "İsgəndər" bəyanatı barədə maraqlı açıqlama

21
(Yenilənib 19:50 26.02.2021)
"Yadımdadır, o (Nikol Paşinyan) Yerevanın küçələrində çevriliş günlərində hərəkata başçılıq edəndə rus dilini bilmirdi və onu öyrənirdi".

BAKI, 26 fevral — Sputnik. "Paşinyanı tanıyaraq fikriləşirəm ki, Nikol sadəcə bunu rus dilini bilməməkdən və ya pis bilməkdəın edib". Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr üzrə komitəsinin sədri Leonid Kalaşnikov Sputnik-in studiyasında Ermənistanın baş naziri Nikol Paşinyanın "İsgəndər" raketləri ilə bağlı məlum fikrini şərh edərkən belə deyib.

"Yadımdadır, o Yerevanın küçələrində çevriliş günlərində hərəkata başçılıq edəndə rus dilini bilmirdi və onu öyrənirdi. Məncə o bu ifadəni işlədəndə dərindən fikirləşməyib. Yəni, 10%, 20% nə deməkdir? Raket 10% partlayıb? Amma bu raketin istifadəsi faktı çox şeydən xəbər verir" - Kalaşnikov bildirib.

21

Bakıda keçirilən yarmarkalardakı məhsulların qiyməti - Kartof 0,55 AZN...

0
(Yenilənib 13:09 27.02.2021)
Bu gün və sabah 10:00-dan 19:00-dək müxtəlif regionlardan gələn fermer və qida istehsalçıları öz məhsullarını üç ünvanda satışa çıxaracaqlar

BAKI, 27 fevral — Sputnik. Bu gündən Kənddən Şəhərə yarmarkaları yenidən fəaliyyətə başlayıb. Sputnik Azərbaycan yarmarkalarda satışa çıxarılan bəzi məhsulların qiymətlərini təqdim edir:

Kartof 0.55 AZN-dən; soğan 0.65 AZN-dən; alma 0.60 AZN-dən; pomidor 1.00 AZN-dən; mandarin 1.80 AZN-dən; portağal 1.70 AZN-dən; badımcan 1.30 AZN-dən; kələm 0.50 AZN-dən; çuğundur 0.65 AZN-dən; kök 0.60 AZN-dən; yumurta 0.25 AZN-dən; xurma 0.80 AZN-dən; nar 1.50 AZN-dən; göyərti 0.15 AZ-dən; heyva 0.80 AZN-dən başlayan qiymətlərlə satılır.

Qeyd edək ki, bu gün və sabah 10:00-dan 19:00-dək müxtəlif regionlardan gələn fermer və qida istehsalçıları öz məhsullarını - Nərimanov rayonu, Fətəli xan Xoyski küçəsi, 5 ("Gənclik" metrostansiyasının çıxışı), Binəqədi rayonu, Süleyman Sani Axundov, 5B ("İnqilab" kinoteatrının yanı), Xırdalan şəhəri, Heydər Əliyev prospekti, 41A ünvanlarında satışa çıxaracaqlar.

 

0
Teqlər:
ərzaq, qiymətlər, yarmarka, Bakı