Rusiya XİN-nin binası, arxiv şəkli

Azərbaycan Rusiya XİN rəsmiləri Moskvada görüşüblər

20
(Yenilənib 22:44 09.02.2021)
Rusiya XİN: "Danışıqlar ənənəvi olaraq ölkələrimiz arasında olan strateji tərəfdaşlıq münasibətlərinə uyğun konstruktiv və dostluq atmosferində keçib".

BAKI, 9 fevral - Sputnik. Moskvada Rusiya, Azərbaycan xarici işlər nazirlərinin müavinləri Andrey Rudenko və Xələf Xələfov  arasında görüş keçirilib. 

Sputnik Azərbaycan Rusiya Xarici İşlər Nazirliyinin mətbuat xidmətinə istinadla xəbər verir ki, görüşdə ikitərəfli, regional və beynəlxalq gündəmdə duran aktual məsələlər müzakirə olunub. 

"Danışıqlar ənənəvi olaraq ölkələrimiz arasında olan strateji tərəfdaşlıq münasibətlərinə uyğun konstruktiv və dostluq atmosferində keçib", - deyə Rusiya XiN-in məlumatında qeyd olunub.

20
Alma bağı, arxiv şəkli

Rusiya Azərbaycan alma pomidorunun idxalına icazə verdi

0
İdxala icazə qərarını Azərbaycanın Qida Təhlükəsizliyi Agentliyi ilə birlikdə aparılan video yoxlamalar nəticəsində, həmçinin AQTA-nın zəmanəti altında verilib.

BAKI, 3 mart — Sputnik. Rusiyanın Baytarlıq və Fitosanitar Nəzarəti üzrə Federal Xidməti ("Rosselxoznadzor") martın 3-ündən etibarən 8 Azərbaycan müəssisəsindən alma, 19 şirkətdən isə pomidor idxalına icazə verib. Sputnik Azərbaycan xəbər verir ki, bu barədə məlumat "Rosselxoznadzor"-un saytında yerləşdirilib.

Məlumatda qeyd olunur ki, qurum idxala icazə qərarını Azərbaycanın Qida Təhlükəsizliyi Agentliyi ilə birlikdə apardığı video yoxlamalar nəticəsində, həmçinin AQTA-nın zəmanəti altında verib.

İcazə verilən şirkətlərin siyahısı Rusiya qurumunun saytında yerləşdirilib.

0
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada koronavirusdan ölənlərin sayı 87 mini keçdi

7
Dünyada koronavirus infeksiyasına indiyədək yoluxanların sayı 114,7 milyonu keçib, 2,54 milyondan çox adam isə virus səbəbi ilə ölüb.

BAKI, 3 mart — Sputnik. Son bir sutka ərzində Rusiyada 10 535 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 452 nəfər ölüb.

Ümumilikdə, Rusiyada bu xəstəliyə yoluxanların sayı 4 278 750 –yə çatıb. Rusiyada pandemiya yayılandan 87 348 nəfər COVID-19-dan vəfat edib. Ölkədə bu virusdan sağalanların sayı 3 853 734 - ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 114,7 milyonu keçib, 2,54 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7