"İkili standartlar ikiüzlülük həyat kredonuzdur?" - Rusiya XİN-lə Blinken "atışdılar"

28
Rusiya XİN-lə ABŞ-ın dövlət katibinin sözləri çəp gəlib. Moskvanı insan haqları üzrə beynəlxalq hüquqa riayət etməyə səsləyən diplomatlara XİN ikili standartları xatırladıb

BAKI, 31 yanvar - Sputnik. Rusiya Xarici İşlər Nazirliyi ABŞ-ın dövlət katibi Entoni Blinkenlə Amerikanın Moskvadakı səfirliyinin Rusiyadakı razılaşdırılmamış aksiyalar barədə bəyanatına cavab verib və ikili strandartları xatırladıb. 

Sputnik Azərbaycan RİA Novosti-yə istinadən bildirir ki, diplomatik missiya Twitter-də Rusiya hökumətinin yeni etirazlardan öncə bir sıra fəalları həbs edərək Moskvanın mərkəzini qapatdığını yazıb. Diplomatlar bu xüsusda Rusiyanı insan hüquqları sahəsində beynəlxalq hüquqa riayət etməyə səsləyiblər. 

Blinkensə yazıb ki, "ABŞ iki həftə dalbadal Rusiya hökumətinin dinc etirazçılara və jurnalistlərə daim təzyiq göstərməsini qınayır". 

"Diplomatik peşə nümayəndələrinə xas olmayan tərzdə qeydinə qaldığınız "mitinqlər" "planlaşdırılmamış" deyil, qeyri-qanunidir. Belə hallarda ABŞ-da necə davrandıqlarından hər kəsin xəbəri var - atəş açıb öldürürlər. İkili standartlar və ikiüzlülük həyat kredonuzdur?" - səfirliyin bəyanatına cavab olaraq Rusiya XİN Facebook-da yazıb.

XİN ABŞ-dan suveren ölkələrin daxili məsələlərinə qarışmamağı tələb edib. 

"ABŞ-ın Rusiyanın daxili işlərinə kobudca müdaxiləsi Vaşinqtonun nəzarəti altında olan internet platformaların razılaşdırılmamış aksiyalara təhrik etməsi və feyklərin təşviqatı kimi sübut olunmuş faktdır. ABŞ-ın dövlət katibi Entoni Blinkenin qanunun pozulmasını dəstəkləməsi isə Vaşinqtonun pərdəarxası oyunlarının daha bir təsdiqidir. Şübhəsiz ki, etirazların təşviq edilməsi Rusiyanın əl-qolunu bağlamaq strategiyasının bir hissəsidir", - XİN bildirib.

Qeyd edək ki, bu gün Rusiyanın bir çox şəhərlərində, eləcə də paytaxtda razılaşdırılmamış etiraz aksiyaları keçirməyə cəhdlər olub. Polisin məlumatına görə, Moskvada 2000-dək insan etiraz aksiyasına çıxıb, xeyli adam tutularaq bölməyə aparılıb. Ölkə üzrə saxlanılanlar arasında 60-dək jurnalist var.

Rusiyanın müxtəlif şəhərlərində bu cür razılaşdırılmamış etiraz aksiyaları yanvarın 23-də də keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

28
Teqlər:
Aleksey Navalniy, etirazlar, ABŞ səfirliyi, dövlət katibi, ABŞ, Rusiya XİN
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6
Leonid Kalaşnikov, arxiv şəkli

Dövlət Dumasının komitə sədrindən Paşinyanın "İsgəndər" bəyanatı barədə maraqlı açıqlama

16
(Yenilənib 19:50 26.02.2021)
"Yadımdadır, o (Nikol Paşinyan) Yerevanın küçələrində çevriliş günlərində hərəkata başçılıq edəndə rus dilini bilmirdi və onu öyrənirdi".

BAKI, 26 fevral — Sputnik. "Paşinyanı tanıyaraq fikriləşirəm ki, Nikol sadəcə bunu rus dilini bilməməkdən və ya pis bilməkdəın edib". Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr üzrə komitəsinin sədri Leonid Kalaşnikov Sputnik-in studiyasında Ermənistanın baş naziri Nikol Paşinyanın "İsgəndər" raketləri ilə bağlı məlum fikrini şərh edərkən belə deyib.

"Yadımdadır, o Yerevanın küçələrində çevriliş günlərində hərəkata başçılıq edəndə rus dilini bilmirdi və onu öyrənirdi. Məncə o bu ifadəni işlədəndə dərindən fikirləşməyib. Yəni, 10%, 20% nə deməkdir? Raket 10% partlayıb? Amma bu raketin istifadəsi faktı çox şeydən xəbər verir" - Kalaşnikov bildirib.

16