Co Bayden, arxiv şəkli

CNN: Navalnının komandası Baydendən xahiş edib: Putinin yanındakı 8 nəfəri...

24
Navalnının təşkilatı Baydenə 35 nəfərlik siyahı göndərib. Bunlar arasında səkkiz nəfərin Putinə çox yaxın olduğu vurğulanaraq, onlar üçün sanksiya istənilir

BAKI, 31 yanvar - Sputnik. CNN telekanalı "Korrupsiya ilə Mübarizə Fondunun" (KMF) ABŞ Prezidenti Co Baydeni 35 nəfərə, o cümlədən "Rusiya Prezidenti Vladimir Putinə yaxın səkkiz yüksək vəzifəli şəxsə": biznesmen Roman Abramoviçə, Səhiyyə naziri Mixail Muraşkoya və digərlərinə qarşı sanksiya tətbiq etməyə səsləyib.  

Sputnik Azərbaycan-ın məlumatına görə telekanal fondun məktubunun surətinə və və onun icraçı direktoruna istinad edib. 

"Məktub ən qüdrətli dövlətin - Amerika Birləşmiş Ştatlarının prezidentinə ünvanlanıb. ABŞ korrupsiyaya bulaşmış insanlara qarşı çoxdan sanksiyalar tətbiq edir. Əgər kimsə nəsə edə bilərsə, bu elə ABŞ-dır", - fondun icraçı direktoru Vladimir Aşurkov CNN-ə deyib. 

O əlavə edib ki, Navalnının komandası eyni siyahını Avropa Şurası ilə Böyük Britaniya hökumətinə göndərmək fikrindədir. 

Baydenə cümə günü göndərilən məktubda 35 nəfərin adı var, qeyd olunur ki, onlardan yeddi nəfəri artıq ABŞ-ın sanksiya siyahısında yer alır. 

Roman Abramoviçin nümayəndəsi CNN-ə adıçəkilən siyahı ilə bağlı fikir bildirərkən bu cür ittihamlar üçün heç bir əsasın olmadığını deyib. Rusiyanın Səhiyyə nazirinin siyahıya niyə salınmasına gəlincə, Aşurkov deyib ki, Muraşko "Aleksey Navalnının zəhərlənmə faktını gizlədib və onun müalicə üçün Almaniyaya aparılmasına əngəl törədib". 

Aşurkov bildirib ki, təşkilat ABŞ-dan Navalnının azadlığa buraxılması üçün Rusiya prezidentinə təzyiq göstərməsini istəyir. İcraçı direktor qeyd edib ki, 35 nəfərdən ibarət siyahını Navalnı hələ Almaniyada olarkən birlikdə tərtib ediblər. Siyahıdakılar 3 qrupa bölünüblər: "oliqarxlar", "insan hüquqlarını tapdalayanlar" və "Navalnı ilə təşkilatının təqib olunmasına birbaşa aidiyyatı olanlar".

"Biz bu siyahını həmin şəxslərə qarşı tam dosye əldə edənə qədər açıqlamaq istəmirdik, amma Navalnının həbsindəın sonra anladıq ki, hərəkətə keçməliyik", - Aşurkov telekanala deyib. 

ABŞ mətbuatı KMF-in Baydenə göndərdiyi siyahını dərc edib, burada Bortnikov, Peskov, Sobyanin, Kostin, Miller, Simonyan və digərlərinin adı var. 

Qeyd edək ki, "Korrupsiya ilə Mübarizə Fondu"nun özünü Rusiya Ədliyyə Nazirliyi xarici agent funksiyası yerinə yetirən QHT reyestrinə daxil edib.

Yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

Bu gün üçün Rusiyanın müxtəlif şəhərlərində, o cümlədən paytaxtda yeni razılaşdırılmamış etiraz aksiyalarının keçirilməsi planlaşdırılıb. 

24
Teqlər:
sanksiya, siyahı, Co Bayden, Vladimir Putin, Aleksey Navalni, Rusiya

Azərbaycanlı müğənnini Rusiyanın ən çox qazanan blogeri ilə "sevgili" etdilər

24
Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Amma oğlanın adını heç kim bilmir.

BAKI, 3 mart - Sputnik. Rusiya KİV-i Azərbaycan əsilli populyar müğənni Jony-nin (Cahid Hüseynli) məşhur videobloger Dina Sayeva ilə sevgili olduğunu yazır. Sayeva ən çox pul qazanan Tik-Tok vlogerlərindəndir. 

Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Bu günlərdə göndərilən buket, az qala, kol boyda imiş.

Sayeva sevgilisinin adını gizləyir. Ancaq Rusiya KİV-ləri yazır ki, onun sevgilisi Jony-dir. Yeri gəlmişkən, Cahid də bu şayiələri təsdiqləməyə tələsmir.

Dina Sayeva Tacikistandandır. TikTok-un rusdilli seqmentinin ən populyar hesabının sahibidir. 2020-ci ildə Rusiya Forbes-u onu ən çox qazanan tiktokerlərin siyahısında ikinci sırada göstərmişdi.

2020-ci ilin sonunda Sayeva musiqi karyerasına başladı. Debüt mahnısı isə "Səni axtarıram" ("Я ищу тебя") oldu.

Jony dörd yaşı olanda valideynləri ilə Azərbaycandan Moskvaya köçüb. Uşaq vaxtından populyar olmaq istəyib və nəhayət, arzusunu gerçəkləşdirib. Öz dediyinə görə, populyarlaşmasında sosial şəbəkələr böyük rol oynayıb. Bakıda ilk dəfə "Jara-2019" musiqi festivalında çıxış edib. 

Müğənni azərbaycanlı ifaçı Elman Zeynalovun təsis etdiyi Raava Music musiqi leyblının artistləri sırasındadır. 2019-cu ildə ВКонтакте-nin versiyasına görə, ilin "Ən qabaqcıl" müğənnisi adını alıb. Onun "Xiyaban" ("Аллея") sinqlı isə 5 qat platin statusu alıb. 

 

24

Dağıstanda vəhşi quşlar naməlum səbəbdən qırılır

7
(Yenilənib 19:06 03.03.2021)
Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar

BAKI, 3 mart - Sputnik. Dağıstanın Aqraxan və Mahaçqala yaxınlığındakı "Qarışqa yuvası" körfəzlərində vəhşi quşların kütləvi surətdə qırılması qeydə alınıb.

Bu barədə RİA Novosti-yə Xəzər Təbiəti Mühafizə Mərkəzinin rəhbəri Zaur Qazipov bildirib. 

Quşların leşini ilk olaraq həvəskar balıqçı Ömər Əliyev aşkarlayıb. O, sosial şəbəkədə video və foto paylaşaraq ekoloqlarla hökumət nümayəndələrinin diqqətiniu cəlb edib.

"Aqraxan körfəzində ördək və qu quşlarının kütləvi surətdə ölməsi barədə bizə məlumat daxil oldu. Sahil patrulunu, Mərkəzin alim və əməkdaşlarını, eləcədə DDU-nun Ekologiya və Davamlı İnkişaf İnstitutunun mütəxəssislərini əraziyə göndərdik. "Qarışqa yuvası"nda bir neçə cür ov quşu, ördəklərlə qu quşları ölüb. Onlardan laboratoriya analizləri üçün bioloji material götürülüb. Bir neçə versiyanı gözdən keçiririk: ya brakonyerlər vurublar, ya da zəhərlənmə, xəstəlik olub", - Qazipov deyib.

Ömər Əliyev isə hesab edir ki, səbəb suyun bulanıq olmasıdır.

"Aqraxan körfəzi həmişə şəffaf suyu ilə məşhur olub. Bir aydır ki, suyun bulanıqlığı keçmir. Pis qoxu, yaxud da suyun üzündə çirk ləkəsi yoxdur. Quş leşi həddən çoxdur. Yarımcanlar da çırpınaraq can verir. Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar. Ovçular deyirlər ki, quşlar yağlıdır, yəni ölüm səbəbi aclıq deyil", - Əliyev deyir.

7
Teqlər:
ov, qırılma, ölüm, quş, Dağıstan
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0