Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Putin vacib müqavilənin vaxtını uzatdı

© Sputnik / Aleksey Nikolskiy / Mediabanka keçidПрезидент РФ Владимир Путин во время встречи в режиме видеоконференции, фото из архива
Президент РФ Владимир Путин во время встречи в режиме видеоконференции, фото из архива - Sputnik Azərbaycan
Abunə olmaq
Putin strateji hücum silahları barədə müqavilənin vaxtını uzatdı. Kremldə qeyd ediblər ki, razılaşmanın uzadılması Rusiyanın maraqlarına cavab verməklə yanaşı, ABŞ-la münasibətlərin şəffaflığını qorumağa imkan yaradacaq

BAKI, 29 yanvar - Sputnik. Rusiya Prezidenti Vladimir Putin cümə günü Strateji Hücum Silahları haqda Müqavilənin (SHS-3) müddətini 5 il müddətinə uzadıb.

Sputnik Azərbaycan bildirir ki, bu barədə  Kremlin saytı məlumat yayıb. 

"Prezident Rusiya Federasiya ilə Amerika Birləşmiş Ştatları arasında "2010-cu il 8 aprel tarixli strateji hücum silahlarının məhdudlaşdırılması və azaldılması tədbirləri üzrə Müqavilənin uzadılması barədə Razılaşmanın ratifikasiyası" haqda Federal Qanunu imzalayıb", - məlumatda deyilir.

Kremldə qeyd ediblər ki, razılaşmanın uzadılması Rusiyanın maraqlarına cavab verməklə yanaşı, ABŞ-la münasibətlərin şəffaflığını qorumağa, eləcə də bütün dünyada sabitliyi saxlamağa imkan yaradacaq. Bundan başqa, müqavilə nüvə tərk-silahına da təkan verəcək.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatmalı idi.

Xəbər lenti
0