Keyptaundakı Andrey Stenin Yarışması qaliblərinin sərgisinin açılışında

Dünyanın ən məşhur fotoqrafları Stenin müsabiqəsinin münsiflər heyətində

23
(Yenilənib 14:30 28.01.2021)
"Müharibədə də uşaqlar doğulur, insanlar sevib-sevilir, ayrılır, bir-birini qısqanırlar. Ona görə də hərbi reportyorların fotolarında həyatın bütün bu məqamları öz əksini tapmalıdır".

BAKI, 28 yanvar — Sputnik. Gənc fotoreportyorlar üçün keçirilən Andrey Stenin adına beynəlxalq fotojurnalistika müsabiqəsi məşhurlardan ibarət münsiflər heyətini açıqlayıb. 2021-ci ildə müsabiqənin beynəlxalq komandası misilsizdir: münsiflər heyətinə dünyanın nəhəng media orqanlarının nümayəndələri, titullu fotoqraflar daxildir. 

Onların arasında "Ştern" jurnalının fotodirektoru Andreas Tramp (Almaniya), müstəqil kurator və fotoredaktor Rut Ayhhorn (Almaniya), "Festival della Fotografia Etica"nın yaradıcısı və koordinatoru Alberto Prina (İtaliya), "Independent Media"nın tərkibinə daxil olan Cənubi Afrikanın ən qədim nəşrlərindən "Keyp Tayms" və "Keyp Arqus"un fotoredaktoru Yen Lendsberq (CAR), dünyanın aparıcı foto mükafatı "World Press Photo"nun ikiqat qalibi olmuş RİA Novosti-nin xüsusi fotomüxbiri Valeri Melnikov (Rusiya), aparıcı beynəlxalq foto mükafatların çoxsaylı qalibi, "Noor Images" beynəlxalq foto agentliyinin həmtəsisçisi Yuri Kozırev də var.

"Noor Images" foto agentliyinin həmtəsisçisi Yuri Kozırev (Rusiya): "Stenin adına müsabiqənin münsiflər heyətinə dəvət mənim üçün şərəfli hadisə oldu. Andrey yaxşı fotoqraf, əsl peşəkar idi. Belə hesab edirəm ki, hər bir müsabiqə nəticələrin ədalətli şəkildə yekunudur – bir il ərzində etdiyiniz hər şeyə baxaraq müsbət və mənfi tərəflərinizi başa düşürsünüz. Məsələn, keçən il hamımız üçün ağır keçdi.

Əgər fotojurnalist sənətinə bir daha nəzər salsaq, görərik ki, onun əsas cəhəti doğru məqamda doğru yerdə olmaqdır. Andrey Steninin timsalında fotoqraflar risk etməyə, qaynar nöqtələrdə olmağa hazırdırlar. Amma birdən-birə pandemiya başladı və hərəkət məhdudlaşdırıldı, bir anda özümüzü möhkəm çərçivələrin arasında gördük. Mənə çox maraqlıdır ki, fotoqraflar, xüsusən də hərəkət etməyi sevən gənclər bu problemin öhdəsindən necə gəldilər? Hər bir halda həyat davam edir.

Və yenə hərbi fotoreportyor Andrey Steninin təcrübəsinə qayıtsaq, deyə bilərəm ki, o, münaqişə ocaqlarındakı həyatı əks etdirməyə çalışırdı. Həyat isə bildiyimiz kimi güllələrdən ibarət deyil: müharibədə də uşaqlar doğulur, insanlar sevib-sevilir, ayrılır, bir-birini qısqanırlar. Ona görə də hərbi reportyorların fotolarında həyatın bütün bu məqamları öz əksini tapmalıdır.

Andreas Tramp, "Ştern" jurnalının fotodirektoru (Almaniya): "Məni ilk dəfə 2017-ci ilin yazında bu müsabiqənin münsiflər heyətinə dəvət etdilər. Moskvanı görmək, "Rossiya Seqodnya"nın peşəkar komandası ilə işləmək mənim üçün böyük uğur idi. Ən əsası, bir sıra yeni fotoqraflarla tanış oldum. Məndən yenidən bu müsabiqənin münsiflər heyətində yer almaq istəyib-istəmədiyimi soruşanda heç düşünmədən dəvəti qəbul etdim. Əminəm ki, müsabiqə çərçivəsində yenə bütün dünyadan fotoqrafların gözəl işləri ilə tanış olmaq imkanı qazanacağam".

Müstəqil kurator və fotoredaktor Rut Ayhhorn (Almaniya): "İlk dəfə bu müsabiqədə 2016-cı ildə iştirak etdim və 2015-ci ildə çəkilmiş fotoların bir hissəsini gözdən keçirmək fürsətim oldu. Yaxşı yadımdadır, onda münsiflər heyətinin tərkibində müxtəlif ölkələrdən – Rusiya, İtaliya, Çin, Amerika, İsveçrə və Almaniyadan mütəxəssislər yer almışdılar. Onların hamısı əsl peşəkarlar idi və hər birinin güclü arqumentləri vardı. Qızğın mübahisələr gedirdi. Mən çox sevinirəm ki, bu müsabiqə hələ də məşhurdur. Gənc fotoqraflar üçün bu, çox vacibdir".

"Festival della Fotografia Etica"nın yaradıcısı və koordinatoru Alberto Prina (İtaliya): "Stenin adına müsabiqənin münsiflər heyətində ikinci dəfə iştirak etdiyim üçün çox xoşbəxtəm. Birinci təcrübəm çox müsbət olmuşdu, müsabiqə mənə bütün dünyadan olan həmkarlarımla birlikdə işləmək fürsəti vermişdi. Belə möhtəşəm layihəyə mən də töhfə verəcəyim üçün qürur hissi keçirirəm".

Cənubi Afrikanın "Independent Media"nın tərkibinə daxil olan "Keyp Tayms" və "Keyp Arqus" jurnallarının fotoredaktoru Yen Lendsberq (CAR): "2017-ci ildən Stenin adına müsabiqənin münsiflər heyətində iştirak edirəm. Bu mənə həm dəyişən dünyada fotojurnalistika ilə bağlı öz fikirlərimə tənqidi yanaşmaq, həm də Yer kürəsinin müxtəlif guşələrindən olan gənc fotoqrafların işlərini qiymətləndirmək fürsəti verir".

RİA Novosti-nin xüsusi fotomüxbiri Valeri Melnikov (Rusiya): "Bir neçə il bundan əvvəl də Stenin adına müsabiqənin münsiflər heyətində iştirak etmişdim. Onda baxmayaraq ki, müsabiqə yenicə fəaliyyətə başlamışdı, xeyli sayda maraqlı fotolar göndərilmişdi. Bu mənim beynəlxalq komandada ilk təcrübəm idi. Ümid edirəm ki, bu il də çox maraqlı işlərlə tanış olacağıq. Ötən il həm dünya, həm də Rusiya üçün asan keçmədi. Mən bütün fotoqrafları ən maraqlı işlərini bu müsabiqəyə təqdim etməyə çağırıram. Qoy onlar bizə ötən ili necə keçirdiyimizi öz fotoları ilə göstərsinlər.

Qeyd edək ki, hər il dekabr ayının 22-də – "Rossiya Seqodnya" media qrupunun xüsusi fotomüxbiri Andrey Steninin ad günündə onun xatirəsinə həsr olunmuş müsabiqəyə start verilir. Müsabiqədə dünyanın hər yerindən 18-33 yaş arası peşəkar fotoqraflar iştirak edə bilərlər. Həm tək, həm də silsilə şəklində fotolar göndərmək mümkündür. Bu işlər 4 nominasiya üzrə dəyərləndirilir: "Əsas xəbərlər", "İdman", "Mənim planetim" və "Portret – zəmanəmizin qəhrəmanı". Nominasiyaların hər birinə ya bir ədəd tək, ya da eyni silsilədən olan bir neçə foto ilə qatılmaq mümkündür.

2021-ci ildə müsabiqənin mükafat fondu hər nominasiya üzrə 1-ci, 2-ci və 3-cü yerə müvafiq olaraq 125, 100 və 75 min rubl təşkil edir. Stenin adına müsabiqənin ən yüksək mükafatı olan Qran-Prinin sahibi isə 700 min rubl məbləğində pul mükafatı alacaq.

Fotoların qəbulu fevarlın 28-nə kimi davam edir. Arzu edənlər öz işlərini aşağıdakı saytlar vasitəsilə göndərə bilərlər:

rus dilində – http://stenincontest.ru saytına

ingilis dilində – https://stenincontest.com

Çin dilində – https://cn.stenincontest.com

Müsabiqə haqqında:

"Rossia seqodnya" BİA-nın təşkilatçılğı və UNESCO üzrə Rusiya Komissiyasının himayəsi ilə keçirilən Andrey Stenin adına beynəlxalq fotojurnalistika müsabiqəsi gənc fotoqrafları dəstəkləmək və cəmiyyətin diqqətini müasir fotojurnalistikanın problemlərinə yönəltmək məqsədi daşıyır.

Bütün dünyada sülhün və təhlükəsizliyin möhkəmləndirilməsi üçün fəaliyyət göstərən Birləşmiş Millətlər Təşkilatının (BMT) Nyu-York qərargahı da 2018-ci ildən bəri müsabiqənin ekspozisiya sahəsinə daxil edilib. 2019-cu ildən isə müsabiqə çərçivəsində təşkil olunan sərgi Strasburqda, Avropa Şurasında da nümayiş olunur.

Xatırladaq ki, Andrey Stenin adına beynəlxalq fotojurnalistika müsabiqəsi 2020-ci ildə həm Rusiyanın, həm də dünyanın nəhəng media orqanlarının, informasiya agentliklərinin və foto cəmiyyətinin dəstəyi ilə baş tutmuşdu. Bir neçə nominasiyanın tərəfdaşları Birləşmiş Şanxay Media Qrupu, "China Daily" qəzetinin internet portalı, Əl-Məyadin TV ümumərəb informasiya holdinqi, həmçinin dünyanın ən böyük humanitar təşkilatlarından biri olan Beynəlxalq Qızıl Xaç Komitəsi idi.

2020-ci ildə müsabiqənin əsas informasiya tərəfdaşları "Vesti.Ru" informasiya-xəbər portalı və "Rossiya-Kultura" ümumrusiya dövlət telekanalıdır.

Müsabiqənin beynəlxalq informasiya tərəfdaşları "Sputnik" informasiya agentliyi və radiosu, "Askanews" informasiya agentliyi, "Independent Media" holdinqi, "Notimex" informasiya agentliyi, ANA xəbər agentliyi, RT telekanalı və portalı, "Shanghai United Media Group" (SUMG), "China Daily" qəzetinin internet portalı, "The Paper-in" internet portalı, "Al Mayadeen" media şəbəkəsi, "Prensa Latina" informasiya agentliyi, "News1" informasiya agentliyi, DBW internet portalı, "Brasil247" xəbər portalıdır.

Bundan başqa, "National Geographic Russia" jurnalı, "Russian Photo" portalı, "Photo-study.ru" portalı, "Аkademiya fotografii" foto məktəbi, "YOung JOurnalists" informasiya portalı, "Fotoargenta" jurnalı, "New Daily" fotojurnalistika klubu, "Enfoque Visual" jurnalı, "LF Magazine", "All About Photo" internet portalı və "PhotON" festivalı sahə tərəfdaşlığı statusunda müsabiqəyə dəstək verir.

23
Rusiya Prezidenti Vladimir Putin, arxiv şəkli

Vladimir Putin "daha bir sarayı" haqda

339
(Yenilənib 23:34 04.03.2021)
Daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib.

BAKI, 4 mart — Sputnik. Rusiya Prezidenti Vladimir Putin "Biz birlikdəyik" ümumrusiya qarşılıqlı yardım aksiyasının iştirakçıları ilə görüşü zamanı "daha bir saray" haqqında zarafat edib. Bu barədə Sputnik Azərbaycan "RİA Novosti"-yə istinadən xəbər verir.

Belə ki, görüş zamanı prezidentlə əlaqəyə Leninqrad vilayətindən qız çıxıb. O, bildirib ki, Sterlnidən (Rusiya Federasiyası Prezidentinin İşlər üzrə idarəsi, "Konqreslər sarayı"nın yerləşdiyi yer) iki kilometr aralıda yerləşir.

"Yaxşı, əla. Daha bir saray kimi görünür, ona görə gələcəyəm. Amma onu mənim adıma yazmayın", - deyə Putin zarafatla deyib.

Qeyd edək ki, daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib. Putin isə öz növbəsində bəyan edib ki, materialda göstərilən heç bir şey nə ona, nə də onun qohumlarına məxsus deyil".

339
Aleksey Navalnı, arxiv şəkli

Qərb yeni sanksiyalarla dəmir pərdə çəkir

9
Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

BAKI, 4 mart — Sputnik, İrina Alksnis. Qərbin Rusiyaya qarşı tətbiq etdiyi yeni sanksiyalar ironiya doğurur. Belə ki, Aleksey Navalnı ilə bağlı qəbul edilmiş qərarlarda həm xeyli təzad sezilir, həm də onların ardıcıllığı qəribə təəssürat yaradır. ABŞ və Avropanın bu qərarları qəbul edərkən əsaslandığı məntiqi tutmaq, məqsədlərini anlamaq isə daha da çətindir. Baş verənlərin paradoksallığı, bəzi hallarda isə absurdluğuna rəğmən, bu qərarların və fəaliyyətin planlı, razılaşdırılmış olması isə hadisələrin rasional düşüncəyə əsaslandığına qətiyyən şübhə yeri qoymur.

Əvvəlcə onu qeyd etmək lazımdır ki, hələ 2010-cu illərin ortalarından bəri avropalılar və amerikalılar Rusiyaya qarşı birgə fəaliyyət məsələlərində bu qədər həmrəylik və entuziazm nümayiş etdirməyiblər. Sanksiyalar Atlantik okeanının hər iki tayında nəinki eyni gündə, hətta eyni anda elan olundu. Yəni bu, sözsüz ki, ssenari əsasında edilmiş gediş idi. Bundan başqa, planlaşdırılan tədbirlərdən əvvəlki "artilleriya hazırlığı" da dramaturgiyanın bütün qanunlarına uyğun şəkildə həyata keçirilmişdi: bir neçə həftə ərzində qeyri-müəyyənlik təəssüratı şişirdilir, sonda da məhtəşəm sonluq vəd olunurdu.

Əslində, növbəti dəfə işlər gözlənildiyi kimi sonuclandı: "Bir manatlıq dava-dalaş saldılar, atdıqları yumruq bir qəpiklik oldu". "Cəzalandırılanlar", əsasən, Rusiya güc strukturlarının rəhbərləridir. Nə bu şəxslərin Qərb ölkələrinə girişə qoyuşmuş qadağalar, nə də fərz edilən maliyyə aktivlərinin dondurulmasının isə onlara qətiyyən isti-soyuğu olmadı. "Bioloji və kimyəvi silahların istehsalında" günahlandırılan elmi təşkilatlarla bağlı da vəziyyət oxşardır. Amerika Birləşmiş Ştatlarının Rusiyaya yardımının kəsilməsi isə əməlli-başlı lətifədir. Belə bir təəssürat yaranır ki, amerikalı tərəfdaşlarımız hələ də 1999-cu ildə ilişib qalıblar. Halbuki, Aleksey Navalnı hələ bir neçə ay əvvəl "dünya ölkələrinə səyahətə çıxmayan və Avropada çoxlu əmlakı, bank hesabı olmayan hansısa polkovnik və generallara" qarşı sanksiyaların tətbiq olunmasının mənasız olduğunu birbaşa bəyan eləmişdi. O zaman Navalnı "Avropa İttifaqını" rusiyalı oliqarxların pullarını hədəfə almağa" çağırmışdı. Etiraf etmək lazımdır ki, iri biznesmenlərə dəyən zərbə, həqiqətən də, daha təsirli idi – həm şəxsən onlara, həm də ümumilikdə milli iqtisadiyyata. "Şimal axını - 2" kimi birgə strateji layihələrin bağlanmasının mənfi effektindən danışmaq isə ümumiyyətlə, yersizdir. Lakin "rusofob" ritorikanın şişirdilməsinə baxmayaraq Qərb yenə də zahirən effektiv və qarşıdurma təəssüratı yaradan, əslində isə tamamilə lazımsız addımlara üstünlük verdi.

Ən çox və şövqlə müdafiə etdikləri rusiyalı müxalifətçi ilə bağlı amerikalıların və avropalıların mövqeyində də qəribəliklər çoxdur. Bir tərəfdən, Qərb Navalnını Kremlin əsas düşməni, eyni zamanda, başlıca qurbanı ranqına qaldıraraq onu şərəfləndirdi. Aİ hətta insan haqlarının pozulması ilə bağlı qlobal sanksiya rejimi yaratdı və elan olunmuş məhdudiyyətlər həmin rejimin tarixində ilk dəfə tətbiq olundu. Avropa İnsan Haqları Məhkəməsi isə qəribə bir qərar çıxararaq müvəqqəti tədbir kimi blogerin azadlığa buraxılmasını tələb etdi. Digər tərəfdən, aydındır ki, blogerin şəxsiyyəti ilə bağlı nə ABŞ-ın, nə də Avropanın bir xülyası, illüziyası var. Belə ki, elə həmin AİHM Navalnının Vladimir vilayətindəki həbsxanaya düşməsi ilə nəticələnən "İv Roşe" işində heç bir siyasi fon görə bilmədi.

"Amnesty International"-a isə üstün mənəvi çevikliyi və siyasi fürsətçiliyi heç də kömək etmədi. Təşkilat müxalifətçini "vicdan məhbusu" hesab etməkdən boyun qaçırdı ki, bunu başa düşmək də çətin deyil: keçmişdə irqçilik və ksenofobiya ilə bağlı xeyli sayda əfsanəvi şərhlər vermişdi.

Yeri gəlmişkən, əvvəlcə Avropa İttifaqı yeni sanksiya rejimini birbaşa Aleksey Navalnı ilə əlaqələndirməyi düşünürdü. Ancaq, görünür, orada vaxtında kiminsə ağlına gəlib ki, "qəhrəman"ının keçmişi nəzərə alınarsa, bunu etməsələr, yaxşıdır. Və bu ideyadan imtina etdilər.

Nəticə etibarilə Qərbin, xüsusən də Avropanın davranışları həqiqətən də əlinə keçən və Moskva ilə münaqişə yaratmaq üçün bir o qədər işə yaramayan hər bahənədən istifadə edərək sağa sola çırpınmaq təsiri bağışlayır. Bütün bunlar isə bütövlükdə məntiqsiz hərəkətlər yığınından başqa bir şey deyil.

Rusiyanın Avropa və ABŞ-la münasibətləri hazırda növbəti transformasiya mərhələsini yaşayır. Coşqun hadisələrlə zəngin son onillik Qərbdə ölkəmizi iqtisadi və geosiyasi cəhətdən diz çökdürmək, əzmək cəhdi kimi qiymətləndirildi. Üstəlik, buna nail olacaqlarına dair kiçik bir şübhələri də yox idi. Digər tərəfdən, qərbdəkilər buna "az qan tökməklə", özləri üçün çox da ağrılı olmayan tədbirlər vasitəsilə nail olacaqlarına əmin idilər. Məsələn, Moskvanın SWIFT-dən ayrılması Qərb biznesi üçün son dərəcə xoşagəlməz hala çevrilə bilərdi.

Rusiya bir daha kollektiv təzyiqə müqavimət göstərərək sürpriz etdi və vəziyyət bir neçə il qeyri-sabit tarazlıqda qaldı. Nominal olaraq qarşıdurma davam etdi, lakin sanksiyalar təhqir və boş rəsmiyyətə çevrildi. Əvəzində, tərəflər arasında, xüsusən də Avropa ilə dolğun əməkdaşlıq sürətlə şəkildə bərpa olunmağa başladı.

Ancaq son bir neçə ilin, xüsusən də, ötən ilin hadisələri Qərbi, nəhayət, ölkəmizə ayıq nəzərlərlə baxmağa və bu barədə düşüncələrini yenidən gözdən keçirməyə vadar etdi. Qərb anladı ki, axır nəfəsində olan "şər imperatorluğu" ilə deyil, böyük potensiala, ciddi ambisiyalara sahib və əli çox güclü olan (qısa vaxtda çox təsirli peyvənd preparatı yarada biləcək qədər) qüdrətli dövlətlə qarşı-qarşıyadır.

Və Avropanı qorxuda biləcək tək şey – həqiqətən güclü bir Rusiyadır. Deyəsən, avropalılar, doğrudan də, Moskvanın iqtisadi, siyasi, ideoloji, media istiqamətində hücuma keçdiyini görüb əməlli-başlı qorxuya düşüblər.

Üstəlik, qonşularımızın öz gücünə inam hissi xeyli aşağıdır və bunun nəticəsi olaraq, tələm-tələsik yeni dəmir pərdə çəkməyə çalışır, beləliklə də, münasibətlərdə uçurum yaradırlar.

Əslində, Qərb, tərəflər arasında (xüsusən də Sovet İttifaqı ilə Qərbi Avropa dövlətləri arasında) bir sıra qarşılıqlı faydalı strateji əməkdaşlıq kanallarının mövcud olduğu, qalan kanalların isə bağlandığı Soyuq Müharibə konfiqurasiyasını yenidən yaratmağa çalışır.

Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

Onların bu problemi həll etmək üçün Aleksey Navalnıdan istifadə etmələrini kifayət qədər uğurlu addım hesab etmək mümkündür. Hərçənd, Avropa və ABŞ-ın sovetlərin açdığı cığırla irəliləməsi faktının özü əməlli-başlı heyrət doğurur.

9
Oğlan, arxiv şəkli

Daha bir telefon mağazasından oğurluq olub

0
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

0