Ми-26, Ми-8, Ми-8, Ми-38 və Ми-28Н vetolyotları, arxiv şəkli

Rusiya vertolyotlarını sınayır: Suriyadan Qafqaza

30
(Yenilənib 02:27 10.12.2020)
Rusiya vertolyotları yeni yüksəkliklərə çatır – həm texnoloji, həm də coğrafi: Suriya səhralarıyla Qafqaz dağlarındakı ciddi sınaqlar perspektivli maşınların hərbi potensialını artırır.

BAKI, 10 dekabr – Sputnik, Aleksandr Xrolenko, hərbi şərhçi. Rusiya Federasiyası Müdafiə Nazirliyi Ми-28НМ və Ми-26Т2В vertolyotlarının Elbrus ətrafında dağ yüksəkliyi (qış) şəraitində sınaq proqramını təsdiq edib. Müxtəlif istiqamətli hava axınlarının və kəskin yüksəklik fərqlərinin olduğu yerlərdə uçan aparatların işi çətin olacaq. Ancaq texnoloji ardıcıllıq artıq yoluna qoyulub: əvvəl bu bölgədə Rusiyanın  «Ансат» (yüngül çoxhədəfli) və Ми-171А2 (Ми-8-in modernləşdirilmiş variantı) sınaqdan keçirilib.

Ми-28НМ zərbə vertolyotu Suriya Ərəb Respublikasında hərbi əməliyyatlarda sınaqlardan uğurla çıxıb, o, “veteran” sayılan Ми-24-lə birlikdə istifadə olunub. Bir neçə bu cür vertolyot RF Hava-Kosmik Qüvvələrində təcrübə istismarındadır. Rusiyalı pilotlar 2028-ci ilədək 100 yeni Ми-28НМ alacaqlar.

Ağır hərbi-nəqliyyat Ми-26Т2В vertolyotunun seriya istehsalı 2021-ci ildə, dövlət sınağı bitdikdən sonra başlanacaq.

Müdafiə Nazirliyi və FHN üçün isə Ми-26-nın unifikasiya olunmuş arktika modifikasiyası hazırlanır. Arktika sahillərində istifadə üçün uyğunlaşdırılmış ağır vertolyotun ilk sınaq nümunəsi 2022-ci ildə peyda olacaq. Bu azmanın xüsusi təqdimata ehtiyacı yoxdur. Ми-26-nın ilkin modifikasiyası dağlarda yükgötürmə üzrə yeddi dünya rekordu qırıb – bu, sınaqlar zamanı Elbrusun zirvəsi (dağın hündürlüyü 5600 m-dən çoxdur) yaxınlığında qəzaya uğramış hərbi Ми-8АМТШ vertolyotunun qalıqlarının təxliyəsi üzrə unikal əməliyyat zamanı qeydə alınmışdı.

Ми-28НМ və Ми-26Т2В vertolyotlarının ixrac potensialı yüksəkdir və ilk növbədə ənənəvi olaraq Rusiya aviatexnikasından (Ми-28Э versiyası) istifadə edən ölkələrin mütəxəssislərinin diqqətini çəkir. Yeni Ми-28НМ texnoloji keyfiyyətləri saxlamaqla vertolyot parkını unifikasiya edərək modernləşdirməyə imkan yaradır. “Rostvertol”un nəhəngləri 350 Ми-26-nın hazırlandığı Rusiyadan başqa dünyanın müxtəlif ölkələrində də istifadə olunur.

Gecə ovçusu

S-300,arxiv şəkli
© AFP 2020 / COSTAS METAXAKIS

Yeni nəsil Ми-28НМ zərbə vertolyotu (modernləşdirilmiş gecə versiyası) özündən əvvəlki Ми-28Н-dən təkcə daha gücləndirilmiş, hədəfi istənilən hava şəraitində, gecə və gündüz vurmaq bacarığı ilə seçilmir. “Uçan tank”ı dairəvi müşahidə bucaqlı unikal radiolokasiya sistemi, Rusiya istehsalı olan güclü mühərriklər, idarəetmə sistemi və düşmənin HHM raketlərinə qarşı müasir vasitələrlə təchiz ediblər (lazer dəfetmə stansiyası onlar üçün fantom hədəflər yaradır). Baş konstruktor Vitali Şerbinanın məlumatına görə, yeni raket Ми-28НМ-ə düşmən HHM-inin təsir zonasına daxil olmadan yerüstü hədəfləri məhv etmək imkanı yaradır. Rusiyada ən güclü sayılan tank əleyhinə vertolyot raketi «Хризантема-В»nin sınaqları da uğurla keçib, o, 1,2 m qalınlıqda zirehli poladı deşə bilir. “Hava-hava”/”hava-səth” sinfindən olan çoxhədəfli, özütuşlanan başlığa malik raket barədə məlumatlar isə hələ sirr saxlanılır. Hədəf spektrinə həmçinin aşağı sürətli hava obyektləri (PUA-lar) da daxildir. Sürətli zərbə vertolyotu digər uçan aparatlara hədəf göstərişi verə, cəbhə aviasiyasının tərkibində, xüsusi əməliyyatlarda fəaliyyət göstərə, yaxud da cəbhə xəttindən uzaqdakı (düşmənin arxasındakı) kəşfiyyat qrupuna dəstək verə bilər.  

Yeni Ми-28НМ-in sürəti (300 km/saat) döyüş tətbiqi radiusu (450 km), yükqaldırma qabiliyyəti (2300 kq), ən əsası isə göyərtəsində “Sirkon” tipli qanadlı hipersəs raketinin yerləşdirilmə imkanı Amerikanın Forbes nəşrini xeyli narahat edib. Həm də bu, hamısı deyil. Döyüş informasiya sistemi də müasirləşdirilib.

İkinci idarəetmə komplekti ekipaj üzvlərindən birinin yaralanması halında maşının salamat qalma şansını xeyli artırır. Yeri gəlmişkən, Ми-28НМ-in kabinəsi 20 mm kalibrədək zirehdeşən güllələrdən (mərmilərdən) etibarlı qorunmaya malikdir. Dayaq vintinin pərləri kompozit materiallardan hazırlanıb, bu isə vintə 30 mm çaplı mərmilərin dəyməsi halında da uçuşu başa çatdırmağa imkan verir.

Raket buraxlışı
© Photo : RUSSIAN DEFENCE MINISTRY

“Gecə ovçusu”nun yeni mühərriki (ВК-2500) geniş temperatur diapazonunda (planetin istənilən nöqtəsində) istifadəyə imkan yaradır, müasir avtomat idarə sistemi və yanğından müdafiə sistemi ilə seçilir, bunlar uçuşların təhlükəsizliyini artırır, xidməti sadələşdirir və texniki xarakteristikaları yaxşılaşdırır. İlk tam təmirədək resurs və güc də xeyli artırılır (2000 saat/dövrdən 3000 saat/dövrədək). Bu cür silah Rusiyanın müdafiə texnologiyaları sahəsində liderliyini vurğulayaraq qərb “partnyorları”nın qaynar fantaziyalarını soyudur.

Aşkar üstünlük

Rusiyanın genişfüzelyajlı hərbi-nəqliyyat Ми-26 vertolyotu planetdə ən böyük və ən güclüdür. Onun ən yeni Ми-26Т2В modifikasiyası gecə-gündüz istifadəsi, müasir avionikası, 25 tonadək yükqaldırma qabiliyyəti (maksimal uçuş kütləsi 56 t) ilə seçilir. Uçuş mənzili 800 km, sürəti 270 km/saatdır, 4600 m hündürlükdə uça bilir. Analoqu yoxdur və yaxın müddətdə də peyda olacağı real deyil.

Vertolyot silah-sursatlı desantın daşınması (82 nəfər), yüklərin füzelyajın içində və xarici asqılarda daşınması üçün nəzərdə tutulub. Qeyd edək ki,  Ми-26-nın mühərrikləri havanı 70% təmizləmə qabiliyyəti olan tozdan qoruma qurğusu ilə təchiz olunub ki, bu da Yaxın Şərq, Mərkəzi Asiya və Afrika ölkələri üçün çox vacibdir (yəni çox tozlu havada istifadə oluna bilər).

Ми-26Т2В «Витебск» göyərtə müdafiə kompleksi, rəqəmsal pilotaj kompleksi ilə təchiz olunub. Radioelektron qurğu marşrut üzrə avtomatik uçuşa, təyin nöqtəsinə çataraq oraya enməyə, əsas və ya köməkçi aerodromlara qayıtmağa imkan verir. Kabinənin ölçüləri və Ми-26-nın yükqaldırma qabiliyyəti motoatıcı diviziyanın yüklərini və hərbi texnikasını daşımağa imkan yaradır. 12x8.25 m ölçülü yük bölməsində iriqabaritli avtomobillər yerləşə bilər. Rusiyanın Müdafiə Nazirliyi ən azı 10 bu cür maşın almağı planlaşdırır.

Ми-26 vertolyotu geniş spektrli hərbi və mülki məsələlərin həlli üçün universal alətdir. Onun ən maraqlı modifikasiyaları bunlardır:

Ми-26MS – müvafiq avadanlıqlı tibbi vertolyot, Ми-26ТЗ – eyni zamanda dörd təyyarəni yanacaqla təmin edən əlavə yanacaq çənli yanacaqdolduran vertolyot, Ми-26ПП – maneə yaradan vertolyot (radioelektron mübarizə), Ми-26НЕФ-М – xarici asqısında hidroakustik stansiyası olan qayıq əleyhinə vertolyot, Ми-27 – ordunun idarəedilməsi üçün hava məntəqəsi.

Ми-26-nın unikal imkanlarını daha əvvəl amerikalılar təcrübədə sınayıblar. ABŞ-ın Əfqanıstan kampaniyasında, 2009-cu ilin payızında, taliblərin atəşə tutduğu Chinook CH-47 vertolyotu məcburən enməli oldu. Ancaq sonra amerikalı pilotlar elə eyni tip maşınla o vertolyotu təxliyə edə bilmədilər. RF-in nəqliyyat şirkətinin Ми-26 vertolyotu CH-47-ni (12 tondur) xarici asqısı ilə qaldıraraq 110 km aralıdakı bazaya “apardı”. Əlbəttə, bu dünya rekordu deyil. Amma Rusiyanın pərli nəhəngi 14 rekord qırıb, bunlar arasında 25 ton yükün 4100 m yüksəkliyə qaldırılması da var. Onun ətraf fəzada və yaxın perspektivdə texnoloji rəqibi hələ ki müşahidə olunmur.

30
Teqlər:
Qafqaz, Suriya, sınaq, vertolyot, Rusiya
Anatoli Antono

Rusiya ABŞ-dan təklif gözləyir - Səfir Anatoli Antonov

29
(Yenilənib 22:11 21.01.2021)
Vaşinqton əldə etdiyimiz uğurlara açıq şəkildə şübhə ilə yanaşır. Söhbət "Sputnik V" və "EpiVacCorona" preparatlarından gedir.

BAKI, 21 yanvar — Sputnik. Rusiya Cozef Baydenin hakimiyyətə gəlişi ilə ikitərəfli münasibətlərdə yığılıb qalmış problemlərin aradan qaldırılması da daxil olmaqla, ABŞ-la konstruktiv dialoqa başlamaq niyyətindədir. Bununla belə, Rusiyanın Vaşinqtondakı səfiri Anatoli Antonov bildirib ki, Moskva parlaq gözləntilərdən uzaqdır və Rusiyanın qarşısının alınmasının Amerikanın xarici siyasətinin prioritetlərindən biri olaraq qaldığını yaxşı başa düşür.

Səfir ABŞ-ın 46-cı prezidentinin andiçmə mərasimindən dərhal sonra RİA Novosti-yə verdiyi eksklüziv müsahibəsində bu il Vladimir Putinin amerikalı həmkarı ilə görüşünün baş tutub-tutmayacağı, COVID-19 pandemiyası ilə mübarizədə Moskva ilə Vaşinqtonun əməkdaşlıq imkanının olub-olmaması barədə danışıb, həmçinin bildirib ki, hələlik Strateji Hücum Silahlarının Məhdudlaşdırılmasına dair Müqaviləni qoruyub saxlamaq şansı var və Rusiya ABŞ-dan təklif gözləyir.

– Seçkilərdən sonra Co Baydenin yeni administrasiyası ilə ilkin əlaqələr yaradılıbmı? Hansı mövzuları müzakirə etmək imkanınız olub?

– Belə təmaslarımız olmayıb. Bununla belə, yeni hökumətdə xarici siyasəti müyyənləşdirənlərin çoxu artıq bizə yaxşı tanışdır. Onlar əvvəlki administrasiyalarda da rəhbər postlarda olublar. Ümid edirik ki, Ağ Ev aparatında, Dövlət Departamentində və digər şöbələrdə dəyişiklik baş verəndən sonra həmkarlarımızla aktual ikitərəfli və beynəlxalq problemlərlə bağlı dolğun dialoq aparmaq mümkün olacaq. Bu ilk növbədə ikitərəfli münasibətlərimizdə əvvəldən yığılıb qalmış qıcıq doğuran məqamların aradan qaldırılması ilə bağlıdır. Əməkdaşlığın konkret istiqamətləri ilə bağlı Rusiyanın təklifləri dəfələrlə səsləndirilib və danışıqlar masasında qalır. Praqmatik və hər iki tərəfi qane edəcək dialoqa Amerika nə qədər hazırdırsa, biz də o qədər hazırıq.

– Vaşinqtonun SHS III (Strateji Hücum Silahları Haqqında) müqaviləsinin uzadılmasına razılıq verəcəyi gözlənilirmi? Rusiya yanvarın 20-dən sonra bu barədə məsləhətləşmələrə başlamağa hazırdır?

– Məlum olduğu kimi, Rusiya bir ildən artıqdır ki ABŞ-a heç bir ilkin şərt olmadan SHS III müqaviləsinin müddətini uzatmağı təklif edib. Respublikaçıların administrasiyası müqavilənin imzalandığı formada uzadılmasından qəti şəkildə imtina edir və qəbuledilməz şərtlər irəli sürürdü. Yəni, əslində, nüvə silahlarına nəzarət üzrə mövcud olan yeganə Rusiya-Amerika razılaşmasını siyasi sövdələşmə mövzusuna çevirdi. Təəccüblü deyil ki, onların tutduğu bu mövqe nəticəsində SHS III müqaviləsinin gələcək taleyi ilə bağlı ikitərəfli məsləhətləşmələr dalana dirəndi. Və bu, bizim bir sıra məsələlərdə Vaşinqtonla güzəştə getməyimizə rəğmən baş verdi.

İndiki rəhbərliyin daha sağlam və real prinsiplərdən çıxış edəcəyinə ümid edirik. Rusiya SHS III müqaviləsinin uzadılması üzrə substantiv dialoqa hazırdır. Müqavilənin müddəti 2021-ci ilin fevral ayının 5-də bitir. Həmin vaxta qədər müvafiq razılaşmanın əldə olunacağına ümid hələ də qalır. İndi top Vaşinqtondadır, biz konstruktiv təklif gözləyirik.

– 2021-ci ildə Rusiya Federasiyası və ABŞ prezidentlərinin görüşü gözlənilirmi? Ya da xarici işlər nazirləri səviyyəsində görüş mümkündürmü? Siz Baydenə "2+2" formatında məsləhətləşmələr təklif edəcəksinizimi?

– Pandemiya şəraitində üz-üzə tədbirlərin, o cümlədən də yüksək səviyyəli görüşlərin bərpasından danışmaq hələlik çətindir. Nəzərə almalıyıq ki, siyasi təmasların qrafikinin formalaşdırılması epidemioloji vəziyyətin normallaşdırılmasından, bu cür görüşlərin məzmunundan, müxtəlif sahələrində ünsiyyət imkanlarından asılıdır. Hər bir halda istənilən plan ABŞ-ın yeni administrasiyası ilə müzakirə olunub razılaşdırılmalıdır.

"2+2" formatına gəlincə, amerikalılara dəfələrlə onun bərpasını təklif etmişik. Ancaq müsbət cavab almamışıq. Bu təşəbbüs hələ də qüvvədə qalır.

– Baydenin xarici siyasət komandasına artıq namizəd göstərilmiş şəxsləri necə qiymətləndirərdiniz? İran, Suriya, Ukrayna ilə dialoqu bərpa etməyə ümid varmı? ABŞ Milli Təhlükəsizlik Şurasında Rusiya və Orta Asiya üçün ayrıca direktorun təyin edilməsi barədə nə deyə bilərsiniz?

– Baydenin xarici siyasət komandasını qiymətləndirmək bizim işimiz deyil. Hər bir lider kimi ABŞ prezidentinin də öz seçimini inandığı mütəxəssislərin üzərində saxlayacağı mülahizəsindən çıxış edə bilərik. Düşünürəm ki, yeni komandaya xarici siyasətdə prioritetləri və konkret məsələlərə yanaşmaları müəyyənləşdirmək üçün vaxt vermək lazımdır. Yeni komandanının beynəlxalq siyasi kursunu seçkiqabağı söylənilənlərlə deyil, əməli addımları əsasında qiymətləndirmək lazımdır. Kimsə dəqiq ifadə edib: seçkidən qabaq iki rəng mövcud olur – ağ və qara, seçkidən sonra isə yalnız boz rəng.

Bununa belə, biz rəngarəng gözləntilərdən uzağıq. Əgər Rusiya ilə bağlı hansısa dəyişiklik olacaqsa, bu əsaslı xarakter daşımayacaq, çox güman ki, yalnız nüanslar dəyişəcək. Rusiyanın qarşısının sistemli şəkildə alınması Amerika siyasətinin əsas məsələsidir.

Bununla belə, administrasiyadakı yüksək vəzifəli məmurların çoxu bizə Barak Obama dövründən yaxşı tanışdır. Məsələn, Ağ Evdə Yaxın Şərq məsələləri üzrə koordinator vəzifəsinə təyin olunacağı gözlənilən Brett Makqurk ilə prezidentin İŞİD əleyhinə koalisiyasındakı xüsusi nümayəndəsi olduğu dövrdə qarşılıqlı əlaqə qurmuşduq.

Asiya-Sakit Okean istiqamətində fəaliyyət göstərən diplomatlarımız Milli Təhlükəsizlik Şurasında regional koordinator vəzifəsinə namizəd Kurt Kempeli tanıyırlar. Dünyada və əlbəttə ki, Koreya yarımadasında sülhün və təhlükəsizliyin möhkəmləndirilməsi məsələlərində onunla konstruktiv dialoqa ümid edirik.

Yeni administrasiyanın İranla bağlı seçkiqabağı vədlərinə, ilk növbədə də, Birgə Hərtərəfli Fəaliyyət Planına əməl edəcəyinə də inanmaq istəyirik. Bunun Fars körfəzində siyasi dialoqun və deeskalasiyanın bərpasına gətirib çıxaracağını gözləyirik.

Suriyada ölkələrimizin hərbçilərinin hadisələrin qarşısını almaq üçün mütəmadi təmaslarını davam etdirəcəklərini düşünürük. Bundan əlavə, Rusiya ilə ABŞ-ın əməkdaşlıq quracağı sahələri müəyyənləşdirmək də faydalı olardı.

Məsələn, humanitar yardımın göstərilməsi, münaqişə sonrası yenidənqurma, minaların təmizlənməsi, qaçqınların və məcburi köçkünlərin geri qaytarılmasının asanlaşdırılması və terrorizmlə mübarizə. Bu cür qarşılıqlı fəaliyyətə hazırıq - əlbəttə ki, Suriya Ərəb Respublikasının suverenliyinə hörmət edilməsi şərti ilə.

Yeni administrasiyanın Ukrayna ilə bağlı görə biləcəyi ən yaxşı iş Vladimir Zelenskinin komandasını, nəhayət, Minsk razılaşmalarının praktik tətbiqinə başlamağa inandırmaq ola bilər. Eyni zamanda, ABŞ Dövlət Departamentinin yeni rəhbərliyinin Kiyevin Minsk Tədbirlər Paketinə hazırkı hücumlarının qarşısının alınmasına təsir göstərəcəyinə ümid edirik. Üstəlik, həmin sənəd artıq çoxdan beynəlxalq hüququn bir hissəsinə çevrilib və icrası məcburidir.

Son vaxtlar biz Ukrayna rəhbərliyinin hansısa modifikasiyaların aparılması, yaxud guya köhnəlmiş "Minsk" razılaşdırmalarının tamamilə demontaj olunması ilə bağlı təhlükəli çıxışlarını eşidirik. Eləcə də, Donetsk və Luqansk ilə birbaşa danışıqları "Normandiya formatında" müzakirələrlə əvəzləmək, üçtərəfli təmas qrupundakı Ukrayna nümayəndələrinin mənasız yerdəyişmələrinin guya Kiyevin güzəştə getməsi kimi qələmə vermə səylərini də görürük.

Bu yerdə xatırlatmaq yerinə düşər: Minsk razılaşmaları Obama administrasiyası vaxtında imzalanmışdı. Bu sənədlər BMT Təhlükəsizlik Şurasının 2202 saylı qətnaməsi ilə o zaman Amerikanın qurumdakı daimi nümayəndəsi olan Samanta Pauerin iştirakı ilə təsdiqləndi. O vaxtlar vitse-prezident olan Co Bayden buna etiraz etmədi. Ümid edirik ki, dövlət başçısı "Minsk"-ə qarşı bu cür müsbət münasibətini hələ də qoruyub saxlayır.

Hakimiyyət dəyişikliyindən sonra sonra MTŞ aparatının strukturundakı dəyişikliklərə gəlincə, bu, ənənəvi praktikadır.

Corc Buşun (oğul) və Barak Obamanın prezidentliyi dövründə Ağ Evdə Rusiya istiqamətində analoji vəzifə artıq mövcud olub. Ağ Ev aparatındakı amerikalı həmkarlarımızla ardıcıl dialoq qurmaq imkanını nəzərdə tuturuq.

– Rusiya Bayden administrasiyasına "Beşlik" ölkələrinin BMT Təhlükəsizlik Şurasının iclasına qatılmağı təklif etməyi planlaşdırırmı?

– Rusiyanın bu məsələ ilə bağlı qaldırdığı təşəbbüs "Beşlik" ölkələri tərəfindən dəstəkləndi və hələ də qüvvədə qalır. Gündəmlə bağlı təklif də həmkarların diqqətinə çatdırılıb. Söhbət dünya siyasəti, təhlükəsizliyi və iqtisadiyyatına təsir göstərən əsas problemlərdən gedir. Hələlik belə bir görüşün keçirilmə yeri və vaxtı müəyyənləşdirilməyib. Ümid edirik ki, yeni administrasiya Rusiyanın təklifini hərtərəfli götür-qoy edəcək və epidemioloji vəziyyət imkan verən kimi "Beşlik" ölkələrinin sammiti təşkil olunacaq. Beş dövlətin liderləri arasında beynəlxalq məsələlərdə qarşılıqlı fəaliyyətin əsasları və çoxsaylı gərginlik ocaqlarının aradan qaldırılması yolları barədə birbaşa danışıqların zəruriliyinə inanırıq.

– Terror əleyhinə təmaslar davam edirmi?

– 2018-ci ilin dekabrında Rusiya və ABŞ prezidentləri arasındakı razılaşmalara uyğun olaraq, terrorizmə qarşı yüksək səviyyəli Rusiya-Amerika dialoqu bərpa edildi (görüşə xarici işlər nazirinin müavini Oleq Sıromolotov və həmin vaxt dövlət katibinin birinci müavini vəzifəsini tutan Ceyk Sallivan rəhbərlik etdi). 2019-cu ildə iki ekspert iclası keçirildi (mart-iyun aylarında). Sentyabr ayında danışıqların ikinci mərhələsi baş tutdu. 2019-cu ilin oktyabrında amerikalılara 2020-ci ilin yanvar ayının sonunda növbəti məsləhətləşmələrin keçirilməsini təşkil etdik. Prinsipcə, onlar da imtina etmədilər. Bununla belə, 2020-ci ildə terrorla mübarizə mövzusunda təmaslarımız olmadı. Ümid edirik ki, sanitar-epidemioloji vəziyyətin yaxşılaşması bu dialoqu bərpa etməyə imkan verəcək.

– Pandemiya ilə mübarizədə ABŞ-la əməkdaşlıq barədə Rusiyanın yeni təklifi olacaqmı?

– Pandemiya artıq hamı üçün təhdid halına gəlib. Bu səbəbdən dəfələrlə fikir ayrılığını bir kənara qoyub infeksiya ilə mübarizə üçün güclərimizi birləşdirməyimizi təklif etdik: tibbi ləvazimatların və əsas ehtiyacların təmin edilməsindəki maneələri aradan qaldırmaq, zəif inkişaf etmiş ölkələrin borc yükünü azaltmaq, ehtiyacı olan ölkələrə maddi yardım göstərərkən siyasi bəhanələrdən imtina etmək, elmi təcrübə mübadiləsini genişləndirmək üçün.

ABŞ-a gəlincə, müxtəlif aspektlər üzrə qarşılıqlı fəaliyyəti yoluna qoymaq mümkün oldu. Əvvəlcə, Rusiya 2020-ci ilin aprelində tibbi ləvazimatlar yüklənmiş bir təyyarəni Nyu-Yorka göndərdi, bundan sonra ABŞ-dan ölkəmizə 200 süni tənəffüs aparatı (may və iyun aylarında) gətirildi. Özü də bu, epidemiya böhranının qızğın vaxtında baş verdi. Bu barədə müvafiq razılaşma iki ölkə xalqlarının həmrəylik nümayiş etdirməyə və siyasi sahədəki fikir ayrılığına baxmayaraq bir-birilərini dəstəkləməyə hazır olduqlarının əyani sübutu oldu.

Daha bir müsbət məqam – 2020-ci il iyul ayının 30-da ABŞ Milli Elmlər, Texnologiya və Tibb Akademiyası ilə Rusiya Elmlər Akademiyasının COVID-19-la bağlı müxtəlif tədqiqat sahələrində əməkdaşlıq haqqında Birgə Protokolun imzalanması oldu.

Vaksinə gəlincə, bu sahədə vəziyyət daha mürəkkəbdir. Amerikada bəzi insanlar bu mövzunu siyasiləşdirməyə çalışırlar. Vaşinqton əldə etdiyimiz uğurlara açıq şəkildə şübhə ilə yanaşır. Söhbət "Sputnik V" və "EpiVacCorona" preparatlarından gedir. Rus peyvəndlərinin səmərəsizliyi və etibarsızlığı barədə yalan məlumatlar yayılır. Bununla belə, elmi ictimaiyyət Rusiya peyvəndini yüksək qiymətləndirdi. Pandemiyaya qarşı, o cümlədən digər yoluxucu xəstəliklərlə mübarizə aparmaq üçün təsirli dərmanların hazırlanması istiqamətində ABŞ-la əməkdaşlığa hazırıq.

– Moskva, xüsusən də, Avropada orta və qısa mənzilli raketlər yerləşdirməmək üçün yeni administrasiya ilə danışıqlar aparmağı planlaşdırırmı?

– ABŞ-ın 2019-cu ilin avqustunda "Orta və qısa mənzilli raketlərin ləğvi haqqında müqavilə"dən birtərəfli qaydada çıxandan sonra müqavilənin pozulmasının dağıdıcı nəticələrini minimuma endirmək üçün əməkdaşlıq etmək istəyi nümayiş etdirmədi. Halbuki biz bunun necə böyük bir risk olduğunu yaxşı başa düşürük və təxminən bir ildir ki, Rusiya dünyanın digər bölgələrində yerüstü orta və qısa mənzilli raketlər yerləşdirməsi barədə birtərəfli öhdəliyini yerinə yetirir. Biz öz tərəfimizdən hadisələrin ən pis ssenari üzrə inkişafının qarşısını almaq üçün əlimizdən gələni edirik. Belə ki, oktyabr ayında Rusiya Prezidenti Vladimir Putin "Orta və qısa mənzilli raketlərin ləğvi haqqında müqavilə" olmadan dünyadakı vəziyyəti sabitləşdirmək üçün yeni təkliflərlə çıxış etdi. Təşəbbüslərimiz hələ də masa üstündə qalır. Yeni administrasiya bu müqavilə ilə bağlı mümkün qarşılıqlı həll yollarını tapmaqda maraqlıdırsa, biz bu fəaliyyətə hazırıq.

– ABŞ "SolarWinds" kiber hücumunun arxasında Rusiyanın dayandığına dair hər hansı bir dəlil təqdim etdimi? Yoxsa ittihamlar əsassız idi? "Afghanistan bounties" üçün necə, dəlil təqdim olundumu?

– Amerika informasiya qurumlarına genişmiqyaslı haker hücumu ilə əlaqədar Rusiyaya və ya ölkəmizin vətəndaşlarına qarşı rəsmi ittihamlar səsləndirilmədi. ABŞ xüsusi xidmət orqanları bəyan etdilər ki, "bu hadisəyə Rusiya mənşəli olduqları ehtimal edilən hakerlər cavabdehdir". Bir sıra yüksək vəzifəli məmurların fərziyyələri onların şəxsi mülahizəsidir və dəlil kimi qəbul edilə bilməz. Amerika tərəfi meqafon diplomatiyasını davam etdirir - mediada baş verənlərin versiyasını yayır, lakin heç bir dəlil göstərmir.

Biz dəfələrlə Vaşinqtona kompüter hücumları barədə məlumat mübadiləsi haqqında razılığa gəlməyi - xüsusilə bu cür hadisələrə dair məlumatları Kompüter İnsidentləri üzrə Milli Koordinasiya Mərkəzi vasitəsilə ötürməklə bağlı - təklif etmişik. 25 sentyabr 2020-ci il tarixdə Rusiya Prezidenti Vladimir Putinin beynəlxalq informasiya təhlükəsizliyi sahəsində Rusiya-Amerika əməkdaşlığını bərpa etmək üçün hərtərəfli tədbirlər proqramına dair bəyanatı yayımlandı.

Bir sıra başqa məqamlarla yanaşı, bu həm də nüvə təhlükəsinin azaldılması mərkəzləri, kompüter hadisələrinə sürətli reaksiya qrupları və yüksək səviyyəli məmurlar vasitəsilə ölkələrimizin səlahiyyətli idarələri arasında rabitə kanallarının davamlı və effektiv işləməsini nəzərdə tutur. Təkliflərimiz cavabsız qaldı.

Rusiya Federasiyasının guya amerikalı hərbçilərin öldürülməsinə görə pul mükafatı ödədiyinə dair iddialar isə bu cür xəbərləri yayan nəşrlərin müəlliflərinin vicdanında qalır.

Administrasiya rəsmiləri müxtəlif səviyyələrdə Rusiyanın Əfqanıstandakı ABŞ hərbçilərinə qarşı təhdidlərinə dair heç bir sübutun olmadığını təsdiqləyiblər.

Üstəlik, ölkələrimiz arasında Əfqanıstan istiqamətində əməkdaşlıq heç vaxt dayandırılmayıb. Xüsusi nümayəndələrimiz bu sahədə yaxından əməkdaşlıq edirlər. Ümidvar olduğumu bildirmək istəyirəm ki, yeni administrasiya dövründə də Əfqanıstanda sülhün bərqərar olması naminə bu iş davam etdiriləcək.

 

29
Teqlər:
milli təhlükəsizlik, Ağ Ev, strateji, Koronavirus, epidemiya, COVID-19, Sputnik-V peyvəndi, ABŞ, Rusiya
Almaniya kansleri Angela Merkel, arxiv şəkli

Merkel Rusiya ilə əməkdaşlığa hazır olduğunu bəyan etdi

7
(Yenilənib 20:13 21.01.2021)
Vaksinin Avropa İttifaqında tətbiqi və birgə istehsalı üçün Avropa Tibb Agentliyinin (EMA) icazəsi alınmalıdır.

BAKI, 21 yanvar — Sputnik. Almaniya Kansleri Angela Merkel Rusiya Prezidenti Vladimir Putinlə telefon danışığı zamanı "Sputnik V" peyvəndi üzrə əməkdaşlığa hazır olduğunu təsdiqləyib. Sputnik Azərbaycan "RİA Novosti"-yə istinadən xəbər verir ki, Merkel bunu bu gün keçirdiyi mətbuat konfransında bildirib.

"Mən doğrudan da Rusiya prezidenti ilə danışmışam. Məlumdur ki, Rusiyada "Sputnik V" peyvəndi var və mən dedim ki, əgər biz əməkdaşlıq etmək istəyiriksə - hesab edirəm ki, hazırda olan ciddi siyasi fikir ayrılıqları zamanı belə pandemiyada humanitar sahələrdə bu, mümkündür", - deyə Merkel qeyd edib.

Onun sözlərinə görə, vaksinin Avropa İttifaqında tətbiqi və birgə istehsalı üçün Avropa Tibb Agentliyinin (EMA) icazəsi alınmalıdır.

7

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya