Rusiyanın Xarici İşlər naziri Sergey Lavrov, arxiv şəkli

Lavrov: Qarabağda qaçqınlar məsələsinin həll edilməsinə ehtiyac var

63
(Yenilənib 14:30 21.11.2020)
XİN başçısı qeyd edib ki, Rusiya beynəlxalq təşkilatları Dağlıq Qarabağ sakinlərinə daha fəal kömək etməyə çağırır.

BAKI, 21 noyabr - Sputnik. Rusiya xarici işlər naziri Sergey Lavrov, Rusiya, Ermənistan və Azərbaycanın üçtərəfli bəyanatı imzaladıqdan sonra humanitar problemlərin və Dağlıq Qarabağdakı qaçqınlar məsələsinin həll edilməsinə ehtiyac olduğunu deyib. Bu barədə RİA Novosti məlumat yayıb.

"Ön planda, Dağlıq Qarabağ ətrafında ortaya çıxan problemlərin həll edilməsinin zəruriliyi ilə bağlı məsələlərimiz var" - deyən Lavrov Ermənistanın baş naziri Nikol Paşinyanla görüşündə bildirib ki, 9 noyabrdakı bəyanat, bütün bu məsələlərin, üç lider tərəfindən imzalanan müqavilə əsasında həll edilməsini mümkün edir.

Lavrovun sözlərinə görə, bu ilk növbədə qaçqınlar və humanitar məsələlərə aiddir: "Biz buna sadiqik "...

XİN başçısı qeyd edib ki, Rusiya beynəlxalq təşkilatları Dağlıq Qarabağ sakinlərinə daha fəal kömək etməyə çağırır.

Onun sözlərinə görə, sülhməramlıların oynadığı rola əlavə olaraq, Prezident Vladimir Putinin fərmanı ilə yaradılan və artıq işə başlamış idarələrarası mərkəz də bütün bu məsələlərə nəzarət edəcək: "Rusiyanın idarələrarası nümayəndə heyətinin Ermənistana səfəri zamanı ikitərəfli münasibətlərin bütün kompleksi nəzərdən keçiriləcək".

63
Teqlər:
Ermənistanın baş naziri Nikol Paşinyan, Dağlıq Qarabağ, Sergey Lavrov
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada bir gündə 500-dən çox adam koronavirusdan öldü

7
(Yenilənib 15:15 25.11.2020)
Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

BAKI, 25 noyabr — Sputnik. Son bir sutka ərzində Rusiyada 23 675 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 507 nəfər ölüb.

Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Teqlər:
ÜST, korona virusu, Koronavirus, epidemiya, COVID-19, Rusiya
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Ərdoğan Qarabağa görə Putinə zəng vurdu

64
(Yenilənib 09:58 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

64
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

5
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

5
Teqlər:
Azərbaycan, test, Koronavirus, COVID-19, yoluxma