Rusiya XİN-nin binası, arxiv şəkli

Rusiya XİN: "Moskva daim Bakı Yerevanla təmasdadır"

9
(Yenilənib 14:52 19.11.2020)
Ölkəmizin rəhbərliyi Azərbaycan və Ermənistan rəhbərliyi ilə daim təmasdadır, münaqişədən sonrakı nizamlama işlərini koordinasiya edir.

BAKI, 19 noyabr — Sputnik. Rusiya Federasiyası Qarabağda münaqişəsonrası tənzimləmə ilə bağlı Ermənistan və Azərbaycan rəhbərliyi ilə daimi təmasdadır. Sputnik Azərbaycan xəbər verir ki, bunu bu gün keçirdiyi mətbuat konfransında Rusiyanın Xarici İşlər Nazirliyinin rəsmi sözçüsü Mariya Zaxarova bildirib.

"Ölkəmizin rəhbərliyi Azərbaycan və Ermənistan rəhbərliyi ilə daim təmasdadır, münaqişədən sonrakı nizamlama işlərini koordinasiya edir", - deyə Zaxarova qeyd edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Liderlər Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də (sonradan bu müddət noyabrın 25-dək artırılıb) Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

9
Teqlər:
Rusiya Xarici İşlər Nazirliyinin sözçüsü Mariya Zaxarova, Mariya Zaxarova, Yerevan, Bakı, Moskva, Rusiya Federasiyası
Rusiya Hesablama Palatası

Putin senator Məmmədovun Hesablama Palatasına auditor təyin edilməsini təklif edib

10
(Yenilənib 21:51 22.06.2021)
Rusiya prezidentinin Məmmədovla bağlı Federasiya Şurasına göndərdiyi təqdimata qurumun sabah keçiriləcək plenar iclasında baxılacaq.

BAKI, 22 iyun - Sputnik. Rusiya Prezidenti Vladimir Putin Azərbaycan əsilli senator Sergey Məmmədovun və Natalya Trunovanın  Hesablama Palatasına auditor təyin edilmələrini təklif edib.

Sputnik Azərbaycan RİA Novosti-yə istinadən bildirir ki, Rusiya prezidentinin bu barədə Federasiya Şurasına göndərdiyi təqdimata qurumun sabah keçiriləcək plenar iclasında baxılacaq.

Qeyd edək ki, 2011-ci ildən Federasiya Şurasının üzvü olan Sergey Məmmədov məşhur azərbaycanlı, uzun illər SSRİ-nin Radio və Televiziya Yayımı üzrə Dövlət Komitəsinin sədr müavini olmuş Ənvər Məmmədovun nəvəsi, 1997-2003-cü illərdə Rusiyanın xarici işlər nazirinin müavini, 2003-2014-cü illərdə isə Rusiyanın Kanadadakı səfiri olmuş Georgi Məmmədovun ögey oğludur.

10
Teqlər:
audit, Vladimir Putin, Hesablama Palatası, Rusiya
Rusiya Təhlükəsizlik Şurasının sədrinin müavini Dmitri Medvedev, arxiv şəkli

Medvedev Rusiya sərhədləri yaxınlığında hərbi mövcudluğun artdığını bəyan edib

11
Rusiyanın keçmiş dövlət başçısı ölkənin hüdudları yaxınlığındakı vəziyyətdən narahatlığını dilə gətirib.

BAKI, 22 iyun - Sputnik. Rusiya Federasiyası Təhlükəsizlik Şurasının sədr müavini Dmitri Medvedev Rusiya sərhədləri yaxınlığında xarici hərbi varlığın artdığını, belə bir siyasətin qəbuledilməz olduğunu və milli təhlükəsizliyə birbaşa təhdidlər yaratdığını bəyan edib.

Çərşənbə axşamı o, Təhlükəsizlik Şurasının Arktikada Rusiyanın milli maraqlarının təmin edilməsinə dair idarələrarası komissiyasının növbəti iclasını keçirib.

“Eyni zamanda, sərhədlərimiz yaxınlığında ölkəmizin qarşının alınmasına yönəlmiş xarici hərbi mövcudluğun artması müşahidə olunur. Aydındır ki, belə bir siyasət tamamilə qəbuledilməzdir, çünki milli təhlükəsizliyə birbaşa təhdidlər yaradır və bütövlükdə bölgədəki vəziyyətin kəskinləşməsinə səbəb ola bilər”, - Medvedev bildirib.

11
Avtobusda ödəniş terminalı, arxiv şəkli

Paytaxtda daha bir avtobus "BakıKart"a keçir

0
(Yenilənib 00:35 23.06.2021)
Hazırda gündəlik olaraq 780 min nəfərə yaxın sərnişin (ümumi sərnişinlərin 42%) nağdsız ödəmə sisteminin xidmətlərindən istifadə edir. Bu gündən daha bir marşrut xətti üzrə avtobusda gediş haqqı "BakıKart" vasitəsilə ödəniləcək.

 

BAKI, 23 iyun — Sputnik. SabBu gündən paytaxtda 204 nömrəli marşrut xətti üzrə ("Koroğlu" Nəqliyyat Mübadilə Mərkəzindən Bakının Sabunçu rayonunun Ramana qəsəbəsinin "Sovxoz" adlanan ərazisinə qədər) hərəkət edən avtobuslarda gediş haqqı "BakıKart" vasitəsilə ödəniləcək. Sputnik Azərbaycan-ın xəbərinə görə, bununla bağlı Bakı Nəqliyyat Agentliyi məlumat yayıb.

Qeyd edilib ki, iş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək.

Xatırladaq ki, mayın 25-dən 184 nömrəli marşrut xətti ("Ulduz" m/s – Suraxanı qəs.) üzrə hərəkət edən avtobuslarda da gediş haqqının"BakıKart" vasitəsilə ödənilməsinə başlanılıb. İndiyədək paytaxtın marşrut şəbəkəsində istismarda olan avtobusların 58%-i nağdsız ödəniş sisteminə inteqrasiya edilib. Hazırda gündəlik olaraq 780 min nəfərə yaxın sərnişin (ümumi sərnişinlərin 42%) nağdsız ödəmə sisteminin xidmətlərindən istifadə edir. Nağdsız ödəniş sisteminin tətbiqi dövriyyənin şəffaflaşdırılması, vergi ödəmələrinin artırılması, əmək münasibətlərinin rəsmiləşdirilməsi, sürücülərin və digər çalışanların sosial rifahının yaxşılaşdırılması baxımından olduqca faydalıdır.

Eləcə də oxuyun:

  • Bakıda yeni mövsüm başlayır: dəyişikliklər var

  • Neqativi başqasına ötürənlər: onlardan adi halda ağır söz, təhqir eşidə bilərsən

0
Teqlər:
Ramana qəsəbəsi, Bakı, "BakıKart", avtobus