Qobuda tibbi ləvazimatların istehsalı müəssisəsi

MDB-də tibbi avadanlıqların tədarükü prosesi sadələşdiriləcək

7
(Yenilənib 19:04 18.11.2020)
MDB İqtisadi Şurasında belə hesab edirlər ki, koronavirus pandemiyası şəraitində tibbi avadanlıqların lisenziyalaşdırılmasındakı maneələrin aradan qaldırılması məsələsi xeyli aktuallaşıb.

BAKI, 18 noyabr — Sputnik. MDB-yə üzv dövlətlərdə tibbi avadanlıqların qeydiyyatı və lisenziyalaşdırılması qaydalarının sadələşdirilməsinə ehtiyac var. Bu barədə yanvarın 18-də MDB İqtisadi Şurası yanında İqtisadi Məsələlər üzrə Komissiyanın nümayəndələri tibbi məhsullar bazarını araşdırandan sonra məlumat veriblər.

Belarus Respublikasının Antiinhisar Tənzimlənməsi və Ticarət Nazirliyinin Sosial Sahə və Xidmətlər şöbəsinin müdiri Alesya Abramenkonun fikrincə, MDB-də bu sahədəki problemlərin araşdırılması koronovirus pandemiyası dövründə xüsusilə aktuallaşıb.

"Bir çox ölkələr son dərəcə vacib tibbi avadanlıqlar, testlər, kimyəvi maddələr və tibbi qoruyucu vasitələrin çatışmazlığı ilə qarşılaşır", – deyə o bildirib. Abramenkonun fikrincə, əsas problemlər tibbi avadanlıqların qeydiyyatı və lisenziyalaşdırılması ilə bağlıdır.

MDB İcraiyyə Komitəsinin İqtisadi Əməkdaşlıq Departamentinin direktoru İqor İlingin isə qeyd edib ki, Birlik ölkələrində tibbi cihazlara tələbat böyük ölçüdə idxaldan asılıdır. Bu sahə üzrə milli istehsalçıların sayı çox məhdud olduğundan, bürokratik prosedurları asanlaşdırmaqla onları dəstəkləmək vacibdir.

"Bir misal gətirim: deyək ki, sizin termometriniz var. Bir MDB ölkəsində buna "civə termometri", o birində isə "civə temperaturunu ölçən cihaz" deyirlər. Halbuki hamımızın bildiyi adi hərarətölçən cihazıdır. Ancaq müxtəlif şəkildə adlandırılması tədarük prosesində bu cihazın yenidən sertifikatlaşıdırılmasına ehtiyac yaradır. Çünki qanunvericilik bunu tələb edir. Tədqiqat zamanı o da məlum olub ki, bu tendensiya müxtəlif avadanlıqların qeydiyyatı vaxtı müşahidə olunur. Odur ki bu məsələ İqtisadi Şuraya daxil edilib", – deyə İlingin bildirib.

Departament direktorunun fikrincə, bu məsələnin həlli pandemiya şəraitində xüsusilə vacib olan tədarük prosesinin sadələşdirilməsi ilə yanaşı, həm də MDB ölkələrində büdcə vəsaitlərinə qənaət olunmasına kömək edəcək.

Qeyd edək ki, 2020-ci il ərzində Rusiya MDB ölkələrinə koronavirus pandemiyasına qarşı mübarizədə dəstək verərək təmənnasız bir neçə yüz min COVID-19 testi göndərib. Bundan başqa, Rusiya səhiyyə işçilərindən ibarət qruplar həmkarlarına məsləhət vermək və virusun müalicəsində kömək göstərmək məqsədi ilə bir sıra MDB respublikalarına göndərilib.

7
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

15
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

15
Teqlər:
sülhməramlılar, Rusiya, Mina
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

30
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

30
Teqlər:
müsabiqə, COVID-19, Koronavirus
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

0
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

0