RF-nin əsgəri, arxiv şəkli

Rusiya Afrikada möhkəmlənir

33
(Yenilənib 19:44 17.11.2020)
Rusiyanın Sudanda Hərbi Dəniz Qüvvələri üçün yaradacağı baza bölgəni təhlükəsiz şəkildə silahla təmin etməyə və dəniz quldurlarına qarşı mübarizə aparmağa imkan verəcək.

BAKI, 17 noyabr — Sputnik. Vladimir Putin müdafiə naziri Sergey Şoyquya Sudanda Rusiya Hərbi Dəniz Qüvvələri üçün maddi-texniki bazanın yaradılması haqqında müqavilə imzalamaq barədə tapşırıq verib. Bu, Moskvanın bölgəni təhlükəsiz şəkildə silahla təmin etməsinə və dəniz quldurlarına qarşı mübarizə aparmasına imkan verəcək.

Son vaxtlar Moskva Afrika ölkələri ilə, o cümlədən Sudanla da silah tədarükü üzrə ümumi dəyəri 2,5 milyard manatdan çox olan sazişlər imzalayıb. Bölgənin bəzi ölkələrində hökm sürən qeyri-sabit vəziyyət nəzərə alınarsa, bu sazişlərin təminata ehtiyacı var. Ancaq ən başlıcası – bu, Rusiyanın Dünya Okeanına tam qayıdışı deməkdir. Deməli, rus dənizçiləri uzunmüddətli dəniz yürüşləri zamanı xüsusi razılıq tələb olunmadan istədikləri su hövzəsinə daxil ola biləcəklər. Yeri gəlmişkən, bu, atom hərbi kreyserlərinə də aiddir. Ehtiyac yaranarsa, hətta təyyarələr də həmin bazaya eniş edə bilər, onlar orada enmə zolağı ilə təmin olunacaqlar.

Bundan əlavə, Rusiya bazanın istismarı və hərbi gəmilər tərəfindən tapşırıqların icrası üçün tələb olunan bütün cihaz və avadanlıqların idxal və ixracı məqsədilə bu ölkənin dəniz və hava limanlarından yararlana biləcək. Özü də bunun üçün heç bir rüsum və ya digər ödəniş tələb olunmayacaq. Yeri gəlmişkən, Xartumun Rusiya bazası üçün pulsuz torpaq sahəsi ayırdığını xüsusi qeyd etmək lazımdır. Moskva bu bazada 300 nəfərdən çox şəxsi heyəti və nüvə stansiyası olan bir gəmi də daxil olmaqla ən çox dörd gəmi saxlaya bilər. 

Sudan rəhbərliyi isə öz növbəsində qeyd edib ki, rus bazası bu ölkənin sərhədləri üçün təhlükə törədən dəniz quldurları, qaçaqmalçılıq və insan ticarəti ilə mübarizədə onlara kömək edəcək.

Hərbi mütəxəssislərin qeyd etdiyi kimi, əvvəllər SSRİ-nin Afrikadakı xarici hərbi bazaları daha əlverişli mövqelərdə yerləşirdi. Məsələn, bu bazalar Yəmən, Ədən, Somali və Efiopiya sahillərində Qırmızı dənizin giriş-çıxışlarına nəzarət etməyə imkan verirdi. Lakin müxtəlif, o cümlədən siyasi və hərbi səbəblərdən yaxın gələcəkdə qitədəki bu strateji əhəmiyyətli və əlverişli nöqtələrə qayıtmaq mümkün deyil.

Çinin bu yaxınlarda hərbi bazalarını xarici ərazilərdə yerləşdirmək məqsədilə qarşıdakı 30 il ərzində geniş miqyaslı fəaliyyətə başlaması da sözügedən regionun əhəmiyyətindən xəbər verir. Pekinin yeni hərbi strategiyası "milli ərazilərin qorunmasından" "dövlət sərhədlərini aşaraq milli maraqları qorumağa" yönəlib.

Qeyd edək ki, üç il bundan əvvəl Çin Sudan kimi Afrikanın şərqində yerləşən Cibuti Respublikasında hərbi dəniz qüvvələri üçün ilk xarici maddi-texniki baza məntəqəsinin istismarına başlamışdı.

33
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

12
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

12
Teqlər:
sülhməramlılar, Rusiya, Mina
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

25
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

25
Teqlər:
müsabiqə, COVID-19, Koronavirus

Azərbaycanın xarici ticarət göstəriciləri

0
İxracat sahəsində Azərbaycanın əsas ticarət tərəfdaşları İtaliya, Türkiyə, Rusiya, Yunanıstan, Çin və Hindistandır. İdxal sahəsində isə ölkəmiz daha çox Rusiya, Türkiyə, Çin, ABŞ, Almaniya və Fransa ilə əməkdaşlıq edir.
© Sputnik / Elnur Salayev

Azərbaycan Respublikası Dövlət Statistika Komitəsinin verdiyi məlumata görə, 2020-ci ilin yanvar-sentyabr ayları ərzində ölkənin xarici ticarət dövriyyəsi 17,83 milyard dollar təşkil edib ki, bunun 10 milyard dolları ixracın, 7,8 milyard dolları isə idxal məhsullarının payına düşür. Müsbət ticarət saldosu 2.2 milyard dollara bərabər olub.

Bu dövrdə Azərbaycan məhsullarının əsas satış bazarı – İtaliya (29,5%), Türkiyə (19,9%), Rusiya (4,7%), Yunanıstan (4,1%), Çin (4%) və Hindistan (3,4%) olub. Ölkəmiz isə daha çox Rusiya (18.4%), Türkiyə (14.4%), Çin (13%), ABŞ (6.7%), Almaniya (4.3%) və Fransadan (4,2% ) ticarət məhsulları idxal edib.

Yanvar-sentyabr aylarının yekunlarına görə, Azərbaycan ümumilikdə dünyanın 178 ölkəsi ilə ticarət əməliyyatları həyata keçirib.

Azərbaycanın xarici ticarəti ilə bağlı vəziyyətə dair daha geniş məlumatla Sputnik Azərbaycan-ın infoqrafikasından tanış ola bilərsiniz.

0