Sirkon raketinin buraxılışı, arxiv şəkli

Hədəfi dörd yarım dəqiqəyə vuran "Sirkon" raketi Rusiyanı hipersəs yarışda irəli çıxaracaq

527
ABŞ-da "Sirkon" kimi gəmi əleyhinə hipersəs raketlər yoxdur. Mütəxəssislərin fikrincə, Rusiyanın bu sahədə üstünlüyü ən azı 10 il davam edəcək.

BAKI, 9 oktyabr — Sputnik, Aleksandr Xrolenko, hərbi şərhçi. Rusiya dünyanın heç bir ölkəsində analoqu olmayan yüksək dəqiqlikli effektiv silahların sınaqlarını uğurla başa çatdıraraq hipersəs yarışda irəli çıxır. Oktyabrın 7-də Arktikanın sərt iqlim şəraitində "Sirkon" hipersəs raketinin hədəfi uğurla vurması Rusiya Silahlı Qüvvələrinin ən yeni silah sistemləri və kompleksləri ilə təchiz olunması istiqamətində yeni addım oldu.

Ağ dənizdə "Admiral Qorşkov" freqatından havaya buraxılmış "Sirkon" hipersəs raketi dörd yarım dəqiqə ərzində Barents dənizində 450 kilometr məsafədə olan hədəfi vurub və Rusiya Federasiyasının arktik sərhədlərinin və Şimali dəniz yolunun nə qədər etibarlı müdafiə edildiyini göstərib. Raketin sürəti 8 Maxdan çox olub, maksimal uçuş hündürlüyü 28 kilometrə çatıb. Layihəyə görə raketin sürəti 9 Maxa qədər (saatda 10789 kilometrdən çox), uçuş məsafəsi isə 1000 kilometrdən çox olmalıdır.

8 Maxdan yuxarı sürət yığanda bu raketlər bütün mövcud və perspektivli hava hücumundan müdafiə (HHM) sistemləri üçün əlçatmaz olur. "Sirkon" raketinin xüsusiyyətləri onun nüvə silahı ilə layiqli rəqabət aparmasına imkan verir. Konvensional (qeyri-nüvə) döyüş başlığı olan bu hipersəs raketin bir zərbəsi aviadaşıyıcı gəmini və ya quruda böyük bir obyekti məhv etmək üçün kifayətdir (onun üçün nüvə döyüş başlıqları da mövcuddur).

Rusiyanın ən yeni döyüş gəmilərindən biri olan "Admiral Qorşkov" freqatı ilk dəfə hipersəs raketdən dəniz hədəfinə atəş açıb. Bundan əvvəlki test atışları "Sirkon" raketinin unikal taktiki-texniki xüsusiyyətlərini – uçuş məsafəsi, atəş dəqiqliyi və hipersəs sürət göstəricilərini – təsdiqləyib. Bütün dövlət sınaqlarının başa çatmasından sonra ("Admiral Qorşkov" gəmisindən və "Severodvinsk" atom sualtı qayığından təxminən 10 atış) 2020-2021-ci illərdə gəmilərin və sualtı qayıqların "Sirkon"larla silahlandırılması planlaşdırılır.

Döyüş üstünlüyü

Rusiya Müdafiə Nazirliyinin məlumatına görə, "Admiral Naximov" kreyseri, "Admiral Qorşkov" tipli freqatlar, 20385 ("Qremyaşşi") layihəsindən olan korvetlər, 22350 və 23560 layihələrindən olan gəmilər və 885, 885M, 949AM layihələrindən olan atom sualtı qayıqları "Sirkon" raketləri ilə təchiz olunacaq. Qeyd edək ki, "Sirkon" raketlərini "Kalibr" və "Oniks" raketləri üçün unifikasiya edilmiş atış qurğularından da buraxmaq olar. Modernizasiya zamanı digər döyüş gəmiləri də hipersəs raketlərlə təchiz edilə bilər. Bu, Rusiya donanmasının gücünün sürətli artımını təmin edəcək.

Rusiyanın Hərbi Dəniz Donanmasının 1000 kilometrdən çox vurma məsafəsi olan hipersəs raketlərlə təchiz edilmiş gəmi zərbə qrupu döyüş şəraitində 10-15 ədəd "Sirkon" raketini atmaqla düşmənin aviasiya zərbə qrupunu məhv etmək iqtidarındadır. Vurma məsafəsi 500 kilometrə qədər olan ABŞ və NATO raketləri "Sirkon" ilə rəqabətdə uduzur (hətta sürət nəzərə alınmadan belə).

Plazma buludunda, demək olar ki, görünməyən "Sirkon" düşmənin HHM zonasını bir neçə saniyəyə keçməyə qadirdir. İki kreyserdən və ya iki eskadra minadaşıyanından ibarət zərbə qrupunun bir hipersəs raketin zərbəsini dəf etmək şansı yoxdur. Hipersəs raketin böyük kinetik enerjisi "Arleigh Burke" tipli gəmini "parçalamağa" imkan verir.

Xatırladım ki, Rusiya freqatlarında və kiçik raket gəmilərində "Kalibr", "Oniks" və perspektivdə "Sirkon" raketlərini atmaq üçün müvafiq olaraq 16 və 8 buraxılış portu var. Bu nisbətən kiçik gəmiləri aviadaşıyıcı zərbə qrupları üçün ciddi rəqibə çevirir. Məsələn, Böyük Britaniyanın Kral donanmasının müasir HHM vasitələri saatda 3700 kilometrə qədər sürətlə uçan hava hədəflərini vurmağa qadirdir və onlar üçün Rusiyanın "Sirkon" raketi sadəcə qarşısı alınmazdır.

Rusiyanın ən yeni hipersəs raketi dəniz və yerüstü stasionar hədəflərin (idarəetmə məntəqələrin, arsenalların, aerodromların və liman qurğularının) vurulması üçün nəzərdə tutulmuş yüksək dəqiqlikli "Kalibr" qanadlı dəniz raketlərinin imkanlarını tamamlayacaq. "Sirkon" hərbi dəniz qüvvələrinin taktikasına və texnologiyasına prinsipial dəyişiklikləri diktə edir.

Texnoloji mükəmməllik

 

Hipersəs aparatı ənənəvi reaktiv mühərriki ilə sürətləndirmək mümkün deyil. "Sirkon" raketinin mühərriki prinsipcə yeni "Desilin-M" yanacağı ilə işləyir, oksidləşdirici kimi isə atmosfer oksigenindən istifadə olunur.

Hipersəs "Sirkon" raketi yüksək temperaturlu (1500 dərəcədən çox) plazma buludunda uçur – bu an alüminium və maqnezium əriməyə başlayır, istiyə dözümlü polad isə xassələrini itirir. Bu zaman avtomatik tuşlama sistemi və digər radioelektron avadanlıq davamlı işləməlidir. Konstruksiyanın dözümlülüyünü, mürəkkəb trayektoriyalarda raketinin idarəetməsini və funksiyalarını saxlamaq üçün berillium ərintilərindən, yeni ablativ materiallardan, bor və karbon liflərinə əsaslanan kompozitlərdən və digər kosmik texnologiyalardan istifadə olunub. Açıq mənbələrdən "Sirkon" (3K-22) raketinin uzunluğunun təxminən 6 metr, döyüş başlığının ağırlığının 300 kiloqram olduğu məlumdur. Yuxarıda qeyd edildiyi kimi, raketin işə salınması üçün 3C-14 universal gəmi atış kompleksindən istifadə olunur.

Amerikalılar da intensiv şəkildə (və nisbətən uğursuz) strateji hipersəs vasitələrini işləyib hazırlayırlar. ABŞ-da "Sirkon" kimi gəmi əleyhinə hipersəs raketlər yoxdur. Mütəxəssislərin fikrincə, Rusiyanın bu sahədə üstünlüyü ən azı 10 il davam edəcək. Rusiyanın hipersəs silahlarının dünyada rəqibləri yoxdur ki, bunu da Qərbin "RAND Corporation" tədqiqat mərkəzi tanıyır.

"Sirkon" sırf xarici hərbi təhdidlərə cavab və sülhün qorunması texnologiyasıdır.

527
Əlaqədar
Komandor adalarında desant və Anadırdakı Tu-160 – Rusiyanın "tərəfdaşlara cavabı"
Rusiya 2021-ci ildə uzaqmənzilli zərbə dronları alacaq - General Dronov
Rusiyanın pilotsuz "ovçu"su ABŞ və NATO-nu niyə bu qədər narahat edir
Təcavüzkarı cəzalandırmaq üçün Rusiyanın zəmanəti: "Skif" raketi
"Xəzər canavarı"nın dirçəlişi: olmaq, ya da olmamaq
Vladislav Lisovets, arxiv şəkli

Rusiyalı stilistdən Azərbaycana dəstək

86
(Yenilənib 21:28 23.10.2020)
Vladislav Lisovets: "Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir".

BAKI, 23 oktyabr — Sputnik. "Azərbaycanın torpaqlarını tam azad etməsini çox istərdim". Sputnik Azərbaycan News.ru-ya istinadən bildirib ki, bunu Bakıda doğulub böyüyən və hazırda Moskvada yaşayan stilist Vladislav Lisovets deyib. 

Dağlıq Qarabağ münaqişəsi zonasındakı döyüş əməliyyatlarını şərh edən V.Lisovets Azərbaycanın torpaqlarını qaytarmasını, tam azad etməsini çox istədiyini söyləyib:

"İndi çox istərdim ki, torpaq məsələsi həll olunsun və insanlar özlərinə aid olanları qaytarsınlar. Bunun minimum insan itkisi ilə baş verməsini arzulayıram. Təəssüf ki, siyasətçilər insanların yer üzündə yaşadığını unudurlar. Əvvəlcə sərhədləri düşünürlər, insanları yox. Heç kimi millətə bölmək istəmirəm. İnsanlar öldükdə bu, faciədir", - Lisovets bildirib.

"Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir. İndi bu, münaqişənin kəskinləşməsinə çevrilib, amma mən bütün bunların bitməsini çox istərdim", - deyə stilist əlavə edib.

86
Türkiyə Prezidenti Rəcəb Tayyib Ərdoğan, arxiv şəkli

Ərdoğan Qarabağ barədə: "Moskva qədər Ankaranın da haqqı var"

240
(Yenilənib 15:55 23.10.2020)
Azərbaycan deyir ki, əgər Ermənistan Rusiyanı təklif edirsə, biz də Türkiyəni təklif edirik. Bu sülh danışıqlarında Türkiyə Rusiya ilə bərabər olmalı

BAKI, 23 oktyabr — Sputnik. Türkiyənin ən az Rusiya qədər Dağlıq Qarabağ münaqişəsinin sülh yolu ilə həllində iştirak etmək hüququ olduğuna inanıram. Sputnik Azərbaycan "Anadolu" agentliyinə istinadən xəbər verir ki, bunu Türkiyənin Prezidenti Rəcəb Tayyib Ərdoğan bildirib.

"Cənab Əliyevin ifadəsini kənara qoymaq mümkün deyil. Yəni burada əgər Rusiya nə qədər həll üçün, sülh üçün yer almağı düşünürsə, Türkiyənin də ən azı Rusiya qədər sülh prosesində yer almaq haqqının olduğuna inanıram. Azərbaycan deyir ki, əgər Ermənistan Rusiyanı təklif edirsə, biz də Türkiyəni təklif edirik. [Azərbaycan] Bu sülh danışıqlarında Türkiyə Rusiya ilə bərabər olmalıdır deyir. Əslində, bu məsələ ilə bağlı bu ana qədər Rusiyanın neqativ yanaşmasını eşitməmişəm", - deyə Türkiyə Prezidenti qeyd edib.

Ərdoğan vurğulayıb ki, Rusiyanın Türkiyə ilə bağlı neqativ açıqlamaları yoxdur: "Bu ana qədər biz istər Azərbaycan-Ermənistan mövzusunda, istər digər məsələlərdə - məsələn, Suriyada müştərək bir iş içərisindəyik. Liviya ilə bağlı da müştərək işlərimiz oldu".

240
Teqlər:
Azərbaycan, Türkiyə, Rusiya, danışıqlar, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"
Rusiya prezidenti: Minsk qrupu formatını bir az dəyişmək olar
Ərdoğan Ruhaniyə: Qarabağ məsələsində işğala məruz qalanla işğalçını ayırd etmək önəmlidir
“Müharibə döyüş meydanında aparılmalıdır – dinc əhaliylə yox”: Türkiyənin Baş Ombudsmanı
Peskov: "Rusiya müharibəni dayandırmaq üçün əlindən gələni edir"
Ginnesin Rekordlar kitabının sertifikatı, arxiv şəkli

Çinli iki metr yarıma yaxın boyu ilə Ginnesin Rekordlar Kitabına düşmək istəyir - VİDEO

0
14 yaşlı Keyu Ren Çinin Sichuan əyalətində yaşayan orta məktəb şagirdidir. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

BAKI, 24 oktyabr — Sputnik. Çində yaşayan 14 yaşlı Keyu Ren 2 metr 21 santimetr boyu ilə Ginnesin Rekordlar Kitabına düşmək üçün müraciət edib.

Sputnik Azərbaycan "TRThaber"ə istinadla xəbər verir ki, Keyu Ren Çinin Sichuan əyalətində yaşayan orta məktəb şagirdidir. 14 yaşlı Reni yaşıdlarından fərqləndirən ən vacib xüsusiyyət 2 metr 21 santimetr uzunluğunda olmasıdır. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

Ren 13-18 yaş kateqoriyasında 2 metr 21 santimetr hündürlüyündə Rekordlar Kitabına namizəd kimi göstərilib. Ren müsbət cavab alacağını gözləyir.

Qeyd edək ki, indiyədək dünyada ən uzun yeniyetmə kimi 2015-ci ildə 2 metr 15 santimetr boyu ilə ABŞ-dan olan Kevin Bradford Rekordlar Kitabına düşüb.

0