Laboratoriya işçisi, arxiv şəkli

Rusiyalı alimlərdən inqilabi kəşf: universal təsirli təbii antibiotik aşkarladılar

19
(Yenilənib 14:53 24.09.2020)
Elmi işin müəllifləri izah edirlər ki, maddənin əsas terapevtik xüsusiyyəti onun təsirinin universal olmasıdır.

BAKI, 24 sentyabr — Sputnik. Tümen Dövlət Universitetinin (TümDU) alimləri digər rusiyalı həmkarları ilə birlikdə patogenlərin dərman preparatlarına qarşı müqavimətini aradan qaldıran universal təbii antibiotik tapıblar.

Sputnik Azərbaycan xəbər verir ki, tədqiqatın mətni "Applied Biochemistry and Microbiology" jurnalında dərc edilib.

Müəlliflər iddia edirlər ki, tapılmış maddə insanlarda və heyvanlarda bakteriya və göbələklərin səbəb olduğu yoluxucu xəstəliklərin əksəriyyəti ilə effektiv mübarizə aparmağa kömək edəcək.

Alimlərinin sözlərinə görə, farmakologiyanın vəzifələrindən biri antibiotiklərə çoxsaylı (multi-drug resistant, MDR) və ya mütləq (extreme-drug resistant, XDR) müqavimətə malik mikroorqanizmlərə qarşı mübarizə apara biləcək təbii antibiotiklərin tapılmasından ibarətdir.

TümDU tədqiqatçıları dünyada ilk dəfə olaraq "Emericellopsis alkalina" alkalofil miselial göbələkdən alınmış "Emerisillipsin A" peptidinin unikal qabiliyyətini nümayiş etdiriblər. Ekspertlərin sözlərinə görə, bu maddə bakteriyalarda biotəbəqənin əmələ gəlməsi qabiliyyətini boğur və bunun sayəsində bu patogenlərin antibiotiklərə müqavimətini heçə endirir.

Elmi işin müəllifləri izah edirlər ki, öyrənilən maddənin əsas terapevtik xüsusiyyəti onun təsirinin universal olmasıdır. "Emerisillipsin A" qarşısında yalnız MDR və XDR bakteriya formaları deyil, həm də faktiki olaraq istənilən patogen eukariotlar — məsələn, miselial göbələk və maya göbələkləri gücsüzdür.

Tümen Dövlət Universitetinin X-BIO antimikrob müqavimət laboratoriyasının baş elmi işçisi Yevgeni Roqojin bildirib ki, "emerisillipsin A" müxtəlif molekulyar mexanizmlər sayəsində eukariotlara və prokariotlara təsir göstərir.

"Eukariotlar — yəni göbələklər və şiş hüceyrələri – hüceyrə membranın peptid tərəfindən məhv edilməsi sayəsində ölür. Prokariotların virulentliyi isə biotəbəqənin formalaşmasının qarşısını almaq hesabına yatırılır", – Roqojin deyib.

Alimlər qeyd edirlər ki, "emerisilipsin A" şişlərlə, həmçinin hər cür bakterial və göbələk infeksiyalar kimi patologiyalarla mübarizə aparmağa imkan verəcək.

TümDU mütəxəssisləri hesab edirlər ki, "emerisilipsin A" həm müstəqil müalicə vasitəsi, həm də kompleks preparatların elementi kimi perspektivlidir. Terapiya həm inyeksiyalar, həm də zərər görmüş toxumaların birbaşa yerli müalicəsi vasitəsilə həyata keçirilə bilər.

19
Teqlər:
bakteriya, göbələk, laboratoriya, kəşf, alimlər, rusiyalı, təbii antibiotik
Əlaqədar
Bakı metrosunda yenilik: Ultrabənövşəyi işıqlar vaqonlardakı virusları öldürəcək
Evdə əsas bakteriya mənbəyi məhz bu otaq imiş
Pnevmoniya, qrip, zökəm – infeksiyalardan qorunmaq üçün ...
Adi göbələkdir, amma qanda şəkəri azaldar, mədə florasını bərpa edər
Balın tərkibində antibiotik aşkarlandı, amma...
Rusiya XİN-nin binası, arxiv şəkli

Rusiya Paşinyanın cavabını verdi

394
(Yenilənib 13:26 31.10.2020)
Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur.

BAKI, 31 oktyabr - Sputnik. Rusiya Xarici İşlər Nazirliyi Ermənistanın Baş naziri Nikol Paşinyanın Rusiya Prezidenti Vladimir Putinə ölkəsinin təhlükəsizliyi ilə bağlı müzakirələrə başlamaq üçün müraciətinə cavab verib. Sputnik Azərbaycan-ın RİA Novostiyə istinadən yaydığı xəbər görə, Rusiyanın Xarici İşlər Nazirliyi "Əgər döyüşlər birbaşa Ermənistan ərazisində keçirilərsə, Rusiya Ermənistana hər cür yardım göstərəcək" , - deyə bildirib.

Qeyd edək ki, Paşinyan 29 avqust 1997-ci ildə iki ölkə arasında imzalanan Dostluq, Əməkdaşlıq və Qarşılıqlı Yardım Sazişinin 2-ci maddəsini əsas götürərək, təhlükəsizliyi təmin etmək məqsədilə Rusiya Federasiyasının Ermənistana verə biləcəyi dəstəyin forma və dərəcəsini təyin etmək üçün dərhal məsləhətləşmələrə başlamaq istəyi ilə Rusiya Federasiyasının Prezidentinə müraciət etmişdi.

Rusiya XİN-dən isə bildiriblər ki, bu Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur. Başqa, sözlə, hazırda bu cür hərəkətlərin yerinə yetirilməsinə ehtiyac yoxdur.

394
Əlaqədar
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan Ermənistana kömək üçün Putinə müraciət etdi
Paşinyan Qarabağ məsələsini güzəştlə həll etmək istəyir
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Putin Ərdoğana başsağlığı verdi

29
Hörmətli cənab Prezident, İzmir vilayətində baş verən güclü zəlzələnin səbəb olduğu insan tələfatı və böyük dağıntılarla əlaqədar başsağlığımızı qəbul edin.

BAKI, 31 oktyabr — Sputnik. Rusiya Prezidenti Vladimir Putin İzmir vilayətində güclü zəlzələ nəticəsində həlak olan və baş verən ciddi dağıntılarla bağlı Türkiyə Prezidenti Rəcəb Tayyib Ərdoğana başsağlığı teleqramı göndərib. Sputnik Azərbaycan xəbər verir ki, bu barədə Kremlin saytı məlumat yayıb. 

"Hörmətli cənab Prezident, İzmir vilayətində baş verən güclü zəlzələnin səbəb olduğu insan tələfatı və böyük dağıntılarla əlaqədar başsağlığımızı qəbul edin", - deyə Putin qeyd edib.

Rusiya prezidenti eyni zamanda, təbii fəlakət nəticəsində bütün xəsarət alanların tezliklə şəfa tapmasını diləyib.

Qeyd edək ki, oktyabrın 30-da İzmirdə 6,6 bal gücündə zəlzələ olub. Təbii fəlakət nəticəsində 25 nəfər vəfat edib, 804-ü xəsarət alıb.

29
Böyük Britaniyada epidemioloji vəziyyət

Britaniyada bir aylıq karantin tətbiq ediləcək

0
(Yenilənib 23:52 31.10.2020)
Yeni qaydalara görə, məktəblər və universitetlər, zəruri mağazalar fəaliyyətlərinə davam edə biləcək.

BAKI, 31 oktyabr - Sputnik. İngiltərədə gələn həftədən bir aylıq karantin tətbiq ediləcək.

APA-nın verdiyi xəbərə görə, bu barədə Böyük Britaniyanın Baş Naziri Boris Conson keçirilən mətbuat konfransında məlumat verib.

Conson bildirib ki, 5 noyabrdan etibarən İngiltərədə restoranlar, kafelər, qeyri-zəruri mağazalar, əyləncə məkanları yenidən bağlanacaq. O qeyd edib ki, başqa bir alternativ olmadığı üçün hərəkətə keçməyin zamanı gəlib. Baş Nazir xalqa gələn həftədən etibarən evdə qalmalı olduqlarını deyib. Buna görə insanlar evdən işləməli, zəruri olmadıqca evdən çıxmamalıdırlar.

Conson qeyd edib ki, yeni karantin qaydaları 2 dekabr tarixinə qədər qüvvədə qalacaq. Ancaq yeni qaydalara görə, məktəblər və universitetlər, zəruri mağazalar fəaliyyətlərinə davam edə biləcək.

0
Teqlər:
Koronavirus, Böyük Britaniya, Boris Conson, İngiltərə