Biotech LTD's peyvəndi

Qərb niyə peyvənd yarışında uduzur

17
(Yenilənib 19:02 11.09.2020)
ABŞ-da peyvənd axtarışı – koronavirusla bağlı olan hər şey kimi – çox dərindən siyasiləşdirilib. Elə “AstraZeneca” şirkətinin peyvəndi Donald Trampın rəqibi Co Baydenin qapısına vurulmuş bir qol olacaqdı

BAKI, 11 sentyabr — Sputnik, Viktor Maraxovski. Qlobal peyvənd yarışı sürətlə finişə doğru irəliləyir və yol boyunca siyasi hadisələrə, fəlakətlərə və qalmaqallara səbəb olur. Test iştirakçılarından birinin onurğa beyninin iltihabına görə yarış liderlərindən biri – "AstraZeneca" öz peyvəndini yarışdan çıxarıb (yaxud müvəqqəti olaraq pit-stopa göndərib).

Yayın bütün qalan hissəsini vaksininin "sürətlənmiş şəkildə, sınaqların III fazasının bitməsindən əvvəl qeydiyyata alınması" ilə bağlı Rusiyanı mediada "ifşa" etməklə məşğul olan Böyük Britaniya və ABŞ özləri indi vaksini sürətlənmiş şəkildə təsdiqləməyə hazırlaşır.

Amma Rusiyanın yolu ilə getmək Qərb mediasına Rusiyanı “ifşa etməyə” və hətta bu ifşaları qızışdırmağa mane olmur.

Koronavirus vaksini, arxiv şəkli
© REUTERS / Dado Ruvic / Illustration / File Photo

Məsələn, CNN qarşımıza "Putinin peyvəndi təhsil işçiləri arasında müqavimətlə rastlaşıb" cümləsini çıxarır: öz səhhətindən narahat olan kiçik bir müəllim həmkarlar i̇ttifaqı pedaqoqlara peyvəndlənməmək çağırışı ilə onlayn petisiya açıb. Həmkarlar ittifaqının rəhbəri deyir: "Birincisi, hamıya yaxşı məlumdur ki, Rusiya peyvəndlərinin keyfiyyəti xarici peyvəndlərdən daha aşağıdır. İkincisi, o, çox tez yaradılıb. Doğrudur, hələ müəllimlərdən heç biri zorakı peyvəndləmədən şikayətlənməyib, amma Rusiya hakimiyyətindən hər şeyi gözləmək olar".

Və ya, məsələn, “Bloomberg” agentliyi yazır ki, Amerikada hansısa bir universitetin alimləri “Rusiya vaksininin sınaqlarının nəticələrindən şübhələnirlər, çünki “The Lancet” jurnalında testlərə dair nəşr olunmuş hesabatda tədqiqat iştirakçılarının orqanizmlərində anticisimlərin oxşar səviyyələri şübhə yaradır”. Birbaşa saxtakarlıqdan danışılmır, amma "bunlar Olimpiadanı saxtalaşdıran həmin ruslardır" kimi bir xatırlatmaya aktiv şəkildə eyham vurulur.

Düşünmək lazım deyil ki, Qərb ölkələrinin fonunda Rusiyanın koronavirusa qarşı amansız uğurlu qarşıdurması yalnız "bizdə (Rusiyada – red.) səhiyyə öldürür, Avropada/İsraildə/ABŞ-da müalicə olunmaq lazımdır" kimi düşüncənin mühafizəçilərini şoka salıb. Qərb də şoka düşüb, özü də CNN-lər və blumberqlər aylarla "mütəxəssislər şübhə edirlər", "həkimlər inanmırlar", "Rusiyada hesab edirlər ki, Putin hakimiyyəti statistikanı saxtalaşdırır" kimi eyni fikirləri yayıblar. Yeri gəlmişkən, Qərb mediasında Çin peyvəndi ilə bağlı indi eyni mövqedən çıxış edirlər: "şübhə edirlər-hesab edirlər-gizlədirlər".

Bütün bu həngamənin yeganə bir cəhəti var ki, onu da insanlar tam dərk etmirlər.

Məsələ ondadır ki, ABŞ-da peyvənd axtarışı – koronavirusla bağlı olan hər şey kimi – çox dərindən siyasiləşdirilib. Elə “AstraZeneca” şirkətinin “dayandırılmış” peyvəndi – Donald Trampın "peyvənd ümidlərindən biri” – onun rəqibi Co Baydenin qapısına vurulmuş bir qol olacaqdı.

Bununla yanaşı, demokratların media qurumları guya vaksin araşdırmalarını tələsdirən və amerikalıların sağlamlığını təhlükə altına atan Trampa qarşı artıq Rusiya peyvəndinə qarşı aparılan eyni sxem üzrə kampaniyaya başlayıb.

Yeri gəlmişkən, bu anti-Tramp kampaniyasının (daha doğrusu, anti-Tramp, anti-Rusiya və anti-Çin kampaniyalarının birlikdə) əsl bir vəhşi effekti var: amerikalıların üçdə ikisi artıq təsdiqlənmiş vaksin yaradılandan dərhal sonra peyvənd olunmayacaqlarını bildiriblər.

Əslində, Trampın üzərində qələbə qazanmaq üçün onun rəqibləri, gördüyümüz kimi, soydaşlarını peyvənd əleyhdarlarına çevirməyə, yəni onlarda ümumiyyətlə vaksinlərə qarşı inamsızlıq yaratmağa hazırdırlar.

İndi isə bir məzəli nəticə.

Qərb ölkələrində Rusiyanın istənilən uğurunun prinsipial, reflektor səviyyədə rədd edilməsinin səbəbləri göz qabağındadır. Özünü istənilən bir sahədə pioner kimi, ətraf ölkələri isə qədirbilən və ya nankor vəhşilər kimi göstərmək adəti hər halda öz izini qoyub. Ondan asanlıqla qurtulmaq mümkün deyil.

Məhz buna görə də hər bir Rusiya "sputnik"-i, istər Yerin ilk süni peyki olan "Sputnik 1", istərsə də ilk koronavirus peyvəndi "Sputnik V"  bu insanları şoka və təşvişə salır.

Yeri gəlmişkən, peyklərdən sonra kosmonavtların vaxtı çatır. Bəziləri Qaqarini, digərləri isə kamikadze meymunları kosmosa göndərirlər.

17
Əlaqədar
Yeni üsulu Azərbaycan həkimləri effektiv saymadılar - Uşaqların gərək qanı yoxlansın
Qırxa qədər ölkə Rusiyanın vaksininə maraq göstərir
Qripə qarşı vaksinlər gəlir - Peyvəndlənək, ya yox?
"Sputnik V" peyvəndi mülki dövriyyəyə buraxılıb
On minlərlə insan necə peyvənd ediləcək: Detallar açıqlandı
Qəza, arxiv şəkli

Azərbaycanlı repçi qəza törədib - VİDEO

8
(Yenilənib 17:28 22.09.2020)
O, hadisə yerində alkoqol və narkotik analizi verib. Amma qanı təmiz çıxıb. Lakin Elminin avtomobili yüksək sürətlə sürmək həvəskarı olduğu aydınlaşıb

BAKI, 22 sentyabr — Sputnik. Rusiyada "Elley" ləqəbi ilə tanınan məşhur azərbaycanlı repçi Elmin Quliyev ağır qəza törədib.

Sputnik Azərbaycan xəbər verir ki, hadisə Moskvanın Ostojenka keçəsində, 47 nömrəli binanın yanında baş verib.

İşıqforun qırmızı işığında keçən və yüksək sürətlə hərəkət edən "Infiniti" "Mercedes" markalı avtomobillə toqquşub, bu zaman səki ilə gedən piyadaları da vurub kənara atıb. Nəticədə üç nəfər yaralanıb, onlardan iki qadının vəziyyəti ağırdır. Reperin avtomobili qəza zamanı divara dəyərək dayanıb.

Hadisədən bir neçə dəqiqə sonra "Infiniti"nin sürücüsü və qəzanın səbəbkarı məlum olub. O, 26 yaşlı azərbaycanlı reper Elmin Quliyevdir. Elmin dərhal günahını etiraf edib.

"Mən yanıb-sönən yaşıl işıqda keçirdim, gözlənilmədən qırmızı yandı", – deyə Elmin polis əməkdaşlarına deyib.

O, hadisə yerində alkoqol və narkotik analizi verib. Amma qanı təmiz çıxıb. Lakin Elminin avtomobili yüksək sürətlə sürmək həvəskarı olduğu aydınlaşıb.

"Mən saatda 60 kilometrdən çox sürətlə getmirdim", - o, polis əməkdaşlarına deyib. Amma "İnfiniti"nin qəza anında sürətini texniki ekspertiza müəyyən edəcək. Nəticələr isə 2-3 həftəyə bəlli olacaq.

Avtomobil idmanı üzrə beynəlxalq dərəcəli idman ustası Tatyana Yeliseyeva isə "Komsomolskaya Pravda"ya deyib ki, "Infiniti"nin aldığı zədələr onun divara saatda azı 60 kilometr sürətlə dəydiyini göstərir. Üstəlik bundan əvvəl sürətin 30 kilometr saatını "Mercedes" "udub". Yəni "Infiniti" saatda azı 90 kilometr sürətlə hərəkət edib. Həmin ərazidə isə sürət həddi saatda 40 kilometrdir.

"Qəzanın günahkarı bu cür yüksək sürətlə təcili tormozlaya bilməzdi. O, cəhd edib, amma uğursuz olub. "Mercedes"in sürücüsünə gəldiksə isə o, ümumiyyətlə qırmızı işıqda keçən "Infiniti"ni vaxtında görə bilməzdi", - ekspert deyib.

Quliyev Elmin Camal oğlu 1993-cü ildə Bakıda anadan olub. Beş il bundan qabaq Moskvaya köçüb və orada gecə klublarında çıxış etməyə başlayıb. Quliyev əvvəllər DJ işləyib, eyni vaxtda mahnılar yazıb. Son illər isə reper kimi məşhurlaşıb.

8
Teqlər:
"İnfiniti", Mercedes, Moskva, reper, azərbaycanlı
Əlaqədar
Xalq artistinin yazdığı şərh izləyiciləri özündən çıxardı
Emin Ağalarov Fatimə adlı qıza həsr etdiyi mahnını paylaşdı
Müğənni içkili halda yaşlı kişini döyüb
Azərbaycanlı müğənni Vilayət Eyvazova müraciət etdi: Məni döyüblər
Müğənninin zinət əşyalarını oğurlayan qadın onun ərindən hamilə qaldı
Su-30SM çoxfunksiyalı qırıcı, arxiv şəkli

Rusiyada "Su-30" qırıcısı qəzaya uğrayıb

7
(Yenilənib 16:44 22.09.2020)
Məlumata əsasən, qırıcının ekipajı uğurla katapulta edib, yerə endikdən sonra pilotlar əlaqəyə çıxıblar. Hazırda ekipaj müvafiq hava limanına təxliyə olunub.

BAKI, 22 sentyabr — Sputnik. Rusiyanın Tver vilayətində "Su-30" qırıcısı qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Qərb Hərbi Dairəsi məlumat yayıb.

"Sentyabrın iyirmi ikisi Tver vilayətində planlı təlim zamanı Qərb Hərbi Dairəsinin "Su-30" tipli təyyarəsi qəzaya uğrayıb", - deyə məlumatda bildirilir.

Məlumata əsasən, qırıcının ekipajı uğurla katapulta edib, yerə endikdən sonra pilotlar əlaqəyə çıxıblar. Hazırda ekipaj müvafiq hava limanına təxliyə olunub.

7
Teqlər:
Müdafiə Nazirıiyi, ekipaj, SU-30, Rusiya, qəza, təyyarə
20 nömrəli məktəbdə tədris prosesi, arxiv şəkli

Məktəb direktoru olmaq istəyənlərə pulsuz dərs keçəcəklər

0
(Yenilənib 18:36 22.09.2020)
Qısamüddətli təlimlər BŞTİ əməkdaşları və direktor vəzifəsinə işə qəbul üzrə müsabiqədən uğurla keçərək hazırda çalışan məktəb direktorları tərəfindən aparılacaq.

BAKI, 22 sentyabr — Sputnik. Bakı Şəhəri üzrə Təhsil İdarəsinin (BŞTİ) təşəbbüsü ilə ümumi təhsil müəssisələrinin direktoru vəzifəsinə işə qəbul olmaq istəyən şəxslər üçün təlimlərə start veriləcək. İdarədən Sputnik Azərbaycan-a verilən məlumata görə, idarəetmə bacarıqları, əmək və təhsil qanunvericiliyi ilə bağlı qısamüddətli təlimlər BŞTİ əməkdaşları və direktor vəzifəsinə işə qəbul üzrə müsabiqədən uğurla keçərək hazırda çalışan məktəb direktorları tərəfindən aparılacaq.

İctimai əsaslarla (ödənişsiz) keçiriləcək təlimlərin əsas məqsədi direktor vəzifəsinə işə qəbul üzrə müsabiqənin nəticələrinin daha da yaxşılaşdırılması, namizədlərin sözügedən müsabiqənin test imtahanı və müsahibə mərhələlərinə hazırlıq səviyyəsinin yüksəldilməsindən ibarətdir. Təlimlərdə, həmçinin təhsil müəssisələrinin idarəetməsi üzrə fəal və səriştəli kadrların öz təcrübələrini bölüşməsi, tədrisin və idarəçiliyin təşkilində həm pedaqoq, həm də rəhbər kimi müvafiq düşüncələrin çatdırılması, məktəbin əsas hədəfləri, özünəməxsusluğu haqqında pedaqoji və ictimai-fəlsəfi baxımdan idarəedənin yanaşmasını ortaya qoyması üçün şərait yaradılacaq.

Müraciət edənlərdən 80 nəfər müvafiq meyarlar üzrə seçilərək qısamüddətli təlimə cəlb olunacaq. Seçimlərdə 5 il pedaqoji stajı olan, hazırda ümumi təhsil müəssisələrində direktor müavini və ya müəllim vəzifəsində çalışan şəxslərə üstünlük veriləcək.

Mövcud karantin rejimi qaydalarına uyğun olaraq 10 təlimçi tərəfindən ayrı-ayrı qruplarda keçiriləcək təlimlərdə hər qrup üzrə 8 nəfərin iştirakı nəzərdə tutulur.

Təlimlərə qatılmaq istəyənlər şəxsi məlumatlarını (CV) 24 sentyabr 2020-ci il tarixinədək diqtelim@baku.edu.gov.az elektron poçt ünvanına göndərə bilərlər.

0
Teqlər:
pulsuz, təlim, direktor, məktəb