Алексей Навальный, фото из архива

Rusiya Berlinin Navalnı ilə bağlı vəziyyətə yanaşmasını “qeyri-konstruktiv” sayır

15
(Yenilənib 18:26 09.09.2020)
Navalnı avqustun 20-də təyyarə ilə uçarkən özünü pis hiss edib və Omskda xəstəxanaya aparılıb. Daha sonra onu təyyarə ilə Almaniyaya aparıblar

BAKI, 9 sentyabr — Sputnik. Almaniya “Aleksey Navalnının işi” ilə bağlı Rusiyanın bütün müraciətlərinə baxmayaraq, onlara operativ və konstruktiv reaksiya verməyi mümkün saymayıb. Sputnik Azərbaycan xəbər verir ki, bu bəyanatı Rusiya Xarici İşlər Nazirliyi (XİN) yayıb.

Çərşənbə axşamı ABŞ Dövlət Departamenti “Böyük Yeddilik” (G7) ölkələrinin bəyanatını yayıb. Onlar bəyanatda Rusiyanı təcili olaraq "Navalnını zəhərləməkdə" günahkar olanları tapmağa və məsuliyyətə cəlb etməyə çağırıblar.

"Bizim bütün müraciətlərimizə baxmayaraq, Berlində onlara operativ və konstruktiv reaksiya verməyi mümkün saymayıblar", – XİN-in saytında verilən şərhdə bildirilir.

XİN-dən bildiriblər ki, Rusiya Almaniyanın Aleksey Navalnı ətrafında yaranmış vəziyyətə yanaşmasını qeyri-konstruktiv sayır.

“Almaniya hakimiyyətinin bu cür qeyri-konstruktiv yanaşması fonunda paralel olaraq Rusiyaya əsassız hücumlar davam edir. Başlanmış kütləvi dezinformasiya kampaniyası açıq şəkildə göstərir ki, onun təşəbbüskarları əsas vəzifəni A.Navalnının səhhəti ilə bağlı qayğı göstərməkdə və onun xəstəxanaya yerləşdirilməsinin əsl səbəblərini tapmaqda deyil, sanksiya hisslərini hərəkətə gətirməkdə görürlər”, – Rusiya Xarici İşlər Nazirliyi şərhində bildirib.

"Yuxarıda göstərilən məlumatların (Navalnının tibbi müayinəsi haqqında - red.) olmaması Rusiya hüquq-mühafizə orqanlarına baş verənlərin müəyyənləşdirilməsi üçün bütün zəruri prosessual mexanizmlərdən istifadə etməyə imkan vermir", – şərhdə deyilir.

Rusiya XİN-dən bildiriblər ki, Almaniya rusiyalı həkimlərin almaniyalı həmkarları ilə "Navalnı işi" üzrə dialoqunu ləngidir.

“Qeyd edirik ki, rusiyalı həkimlər A.Navalnının vəziyyətinə dair Rusiyada və Almaniyada olan məlumatları müzakirə etmək üçün almaniyalı həmkarları ilə sıx dialoq qurmağı təklif edirlər. Təəssüf ki, Almaniya tərəfi bu prosesi ləngidir", - Rusiya XİN-in saytında verilən şərhdə bildirilir.

Navalnı avqustun 20-də təyyarə ilə uçarkən özünü pis hiss edib və Omskda xəstəxanaya aparılıb. Araşdırmaların nəticələrinə görə, omsklu həkimlər onun qanında şəkərin kəskin dəyişməsinə səbəb olmuş maddələr mübadiləsi pozğunluğunu əsas diaqnoz kimi göstəriblər. Bunun səbəbi hələ də aydın deyil, amma Omsk həkimlərinin dediyinə görə, onun qanında və sidiyində zəhər tapılmayıb.

Daha sonra Navalnı təyyarə ilə Almaniyaya aparılıb. Almaniyaya hökuməti hərbi tibb işçilərinə istinadən bildirib ki, Navalnı "Noviçok" zəhərləyici maddələr qrupuna aid substansiya ilə zəhərlənib.

 

15
Əlaqədar
Almaniyada Aleksey Navalnıya xüsusi status verilib
İddia: Navalnını zəhərləyiblər və bu zəhər ətrafdakılar üçün də təhlükəlidir
"Şimal Axını 2" layihəsinin taleyi "Noviçok"dan asılı olacaqmı?

Rusiya XİN-i Qarabağ münaqişəsi ilə bağlı çağırış etdi

44
"Həm xarici, həm də daxili olmaqla bütün oyunçuları həmçinin ritorika baxımından maksimum təmkin göstərməyə çağırırıq", - Rudenko jurnalistlərə deyib.

BAKI, 28 sentyabr — Sputnik. Rusiya hamını Qarabağdakı münaqişə ətrafında ritorikada diqqətli olmağa çağırır.

Sputnik Azərbaycan RİA Novosti-yə istinadən xəbər verir ki, bu barədə Rusiya Xarici İşlər nazirinin müavini Andrey Rudenko bildirib.

"Həm xarici, həm də daxili olmaqla bütün oyunçuları həmçinin ritorika baxımından maksimum təmkin göstərməyə çağırırıq. Dərhal atəşkəsə nail olmaq və danışıqlar masasına qayıtmaq üçün indi mümkün qədər səliqəli və diqqətli olmaq vacibdir", - Rudenko jurnalistlərə deyib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

44
Глава Администрации президента РФ Сергей Нарышкин

Rusiya Xarici Kəşfiyyat Xidmətinin direktoru Ermənistan-Azərbaycan münaqişəsindən danışdı

52
"Biz görürük ki, bu məsələni yalnız siyasi-diplomatik metodlardan istifadə yolu ilə həll etmək mümkündür və Rusiya hər şəkildə sülhə nail olmağa çalışacaq", – Narışkin bildirib.

BAKI, 28 sentyabr — Sputnik. Ermənistan və Azərbaycan arasında münaqişənin eskalasiyası təəssüf doğurur, bunu yalnız siyasi-diplomatik yolla həll etmək olar.

Sputnik Azərbaycan RİA Novosti-yə istinadən xəbər verir ki, bunu Rusiya Xarici Kəşfiyyat Xidmətinin Direktoru Sergey Narışkin bazar ertəsi jurnalistlərə verdiyi açıqlamada deyib.

"Ermənistan və Azərbaycan arasında münaqişənin eskalasiyası şübhəsiz ki, təəssüf doğurur. Təəssüflər olsun ki, qurbanlar var, tərəflər ağır silahlar da tətbiq edirlər. Biz görürük ki, bu məsələni yalnız siyasi-diplomatik metodlardan istifadə yolu ilə həll etmək mümkündür və Rusiya hər şəkildə sülhə nail olmağa çalışacaq", – o bildirib.

52
Erməni əsgərlərinin dəbilqələri

Ermənistan öldürülmüş əsgərlərinin daha bir SİYAHISINI açıqladı 28 yeni ad

0
(Yenilənib 15:22 28.09.2020)
Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

BAKI, 28 sentyabr — Sputnik. Qarabağ münaqişəsi zonasında gedən döyüşlərdə Ermənistan tərəfi xeyli itki verib.

Sputnik Ermənistan xəbər verir ki, Ermənistanın əlavə 28 əsgəri həlak olub. Hazırda Ermənistan hərbçiləri arasında qurbanların sayı 59 nəfərdir.

Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

Həlak olanlar arasında 2000-2002-ci il təvəllüdlü əsgərlər çoxluq təşkil edir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

0