Böyük Səkkizlik (G8), arxiv şəkli

Britaniya Rusiyanın G7 qrupuna qayıdış şərtini açıqladı

21
(Yenilənib 20:21 03.09.2020)
"Böyük səkkizlər" (G8) formatı 1998-ci ildən mövcud olub. 2014-cü ildə format ixtisar olunaraq "Böyük yeddilər" (G7) adlandırılıb.

BAKI, 3 sentyabr — Sputnik. Rusiya "Böyük yeddilər" formatına yenidən qoşulmaq üçün "öz davranışını dəyişməlidir". Sputnik Azərbaycan xəbər verir ki, bunu jurnalistlərə Böyük Britaniya baş nazirinin ofisinin rəsmi nümayəndəsi bildirib.

"Böyük səkkizlər" (G8) formatı 1998-ci ildən mövcud olub. 2014-cü ildə format ixtisar olunaraq "Böyük yeddilər" (G7) adlandırılıb. Belə ki, Qərb ölkələri Rusiyanı Ukraynanın işinə müdaxilə etməkdə ittiham ediblər və sanksiyalar tətbiq ediblər. Moskva cavab tədbirləri görüb, dəfələrlə bütün ittihamları rədd edib və onunla sanksiya dilində danışmağın səmərəsiz olduğunu bildirib.

"Rusiya "Yeddilik" ölkələrinə qoşulmazdan əvvəl davranışını dəyişməlidir", - baş nazirin ofisinin nümayəndəsi deyib.

O, həmçinin bildirib ki, Rusiya hökuməti Aleksey Navalnının "zəhərlənməsi" ilə bağlı suallara cavab verməlidir.

Baş nazirin nümayəndəsi həmçinin bildirib ki, Böyük Britaniyanın Xarici İşlər naziri Dominik Raab vəziyyəti almaniyalı həmkarı ilə müzakirə edəcək.

Almaniyanın Nazirlər Kabineti sentyabrın 2-də bəyan edib ki, Bundesver laboratoriyasının mütəxəssisləri Berlində müalicə alan Navalnının "Noviçok" zəhərləyici maddələr qrupundan olan maddə ilə "zəhərləndiyini" müəyyənləşdiriblər.

21
Rusiyanın Xarici İşlər naziri Sergey Lavrov, arxiv şəkli

Lavrov ABŞ-a səsləndi: "Rusiya ilə ultimatumlarla danışmaq faydasızdır"

8
(Yenilənib 15:20 18.09.2020)
"Moskva Vaşinqtonla yalnız bərabərlik, qarşılıqlı fayda və maraqlar balansının axtarışı əsasında əməkdaşlıq edəcəkdir"

 

BAKI, 18 sentyabr — Sputnik. Moskva Birləşmiş Ştatların istənilən prezidenti ilə işləməyə hazırdır. Sputnik Azərbaycan "RİA Novosti"yə istinadən xəbər verir ki, bunu Rusiyanın Xarici İşlər naziri Sergey Lavrov bildirib.

"Təbii ki, biz istənilən ölkədə, istənilən hökumətlə işləməyə hazırıq. Bu, Birləşmiş Ştatlara da aiddir", - deyə Lavrov qeyd edib.

Nazir əlavə edib ki, Moskva Vaşinqtonla yalnız bərabərlik, qarşılıqlı fayda və maraqlar balansının axtarışı əsasında əməkdaşlıq edəcəkdir.

O vurğulayıb ki, Rusiya ilə ultimatumlarla danışmağın faydası yoxdur: "Əgər bunu hələ də kimsə anlamayıbsa – yaramaz siyasətçidir".

Qeyd edək ki, ABŞ-da prezident seçkisi noyabrın 3-ü baş tutacaq. Seçkidə əsas mübarizə ABŞ-ın hazırkı prezidenti Donald Tramp və Demokratlar partiyasının namizədi Co Bayden arasında gedəcək.

8
Teqlər:
xəbərdarlıq, ultimatum, əməkdaşlıq, xarici işlər naziri, Rusiya, ABŞ, Sergey Lavrov
Əlaqədar
Almaniya Rusiyadan Minskə təsir göstərməyini istəyir
Üç gərgin tərəf, bir Lavrov və ABŞ - Ərdoğana verilən mesaj Qarabağı xatırlatdı
Rusiyadan Türkiyəyə gözlənilməz dəstək: "Narahatıq, vasitəçiliyə hazırıq"
Lavrov risklərdən danışdı - II Dünya müharibəsi dövründən də çoxdur
Tramp prezident seçkiləri üçün ən böyük təhdidi açıqladı
Aleksey Navalnı, arxiv şəkli

Navalnının yaxınlarını həbs gözləyir: zəhərin izləri olan dəlili ölkədən çıxarmağa görə

17
(Yenilənib 12:22 18.09.2020)
Onlar su qabında zəhərləyici maddələrin qalıqlarının olduğunu bilirdilərsə, onun xaricə qanunsuz aparılmasına görə Rusiya Cinayət Məcəlləsinin 226.1-ci maddəsi ilə yeddi il müddətinə azadlıqdan məhrum edilə bilərlər.

BAKI, 18 sentyabr — Sputnik. Aleksey Navalnının yaxınları üzərində zəhərləyici maddənin izləri olan su qabını – bu maddənin tərkibinin nə olduğunu bilə-bilə – Rusiyadan çıxarıblarsa, onlar həbs oluna bilərlər.

Sputnik Azərbaycan xəbər verir ki, bu barədə "Qribakov, Polyak və tərəfdaşları" vəkillər kollegiyasının rəhbəri Aleksandr Qribakov RİA Novosti ilə müsahibəsində bildirib.

Bir qədər əvvəl Navalnının "Instagram" səhifəsində onun Tomsk şəhərində qaldığı "Xander Hotel" mehmanxanasının nömrəsindəki su qablarında "Noviçok" zəhərləyici maddəsinin tapıldığına dair açıqlama yayılıb. Açıqlamada həmçinin deyilir ki, Navalnının xəstəxanaya yerləşdirilməsindən dərhal sonra vəkil çağırılıb, otaqda tapılan hər şeyin qeydə alınması, təsvir edilməsi və qablaşdırılması başlayıb.

View this post on Instagram

A post shared by Алексей Навальный (@navalny) on

"Proyekt" nəşri isə bildirib ki, su qabını, ola bilsin, Navalnının silahdaşı Mariya Pevçix Almaniyaya aparıb. Bununla yanaşı, Navalnının Berlinə daşınmasını təşkil etmiş "Cinema for Peace" fondunun təsisçisi Yaka Bizil "Bild" nəşrinə deyib ki, su qabı Almaniyanın xilasetmə təyyarəsi vasitəsilə Navalnının qərargah rəhbərinin xahişi ilə aparılıb.

Qribakov iddia edir ki, blogerin yaxınları su qabında zəhərləyici maddələrin qalıqlarının olduğunu bilirdilərsə, onun xaricə qanunsuz aparılmasına görə Rusiya Cinayət Məcəlləsinin 226.1-ci maddəsi ilə yeddi il müddətinə azadlıqdan məhrum edilə bilərlər.

"Lakin belə bir məsuliyyət barədə danışmaq hələ ki tezdir, çünki hələ iş açılmayıb, açıq mənbələrdən bildiyim qədər yalnız istintaq öncəsi araşdırma aparılır", — Qribakov RİA Novosti-yə bildirib.

Bununla yanaşı, hüquqşünas qeyd edib ki, belə bir vacib sübutun Rusiyadan nə üçün çıxarıldığını anlamır.

"Əgər bu su qabında həqiqətən də zəhərləyici maddə var idisə, əgər o, həqiqətən də Rusiya Federasiyasından kənara çıxarılıbsa, ən mühüm sübutun ölkəmizin hüdudlarından kənara çıxarılması qəribə görünür", – o qeyd edib.

Navalnı avqustun 20-də təyyarədə uçarkən özünü pis hiss edib və Omskda xəstəxanaya aparılıb. Araşdırmaların nəticələrinə görə, omsklu həkimlər onun qanında şəkərin kəskin dəyişməsinə səbəb olmuş maddələr mübadiləsi pozğunluğunu əsas diaqnoz kimi göstəriblər. Bunun səbəbi hələ də aydın deyil, amma Omsk həkimlərinin dediyinə görə, onun qanında və sidiyində zəhər tapılmayıb. Bundan sonra Navalnı təyyarə ilə Almaniyaya aparılıb. Almaniyaya hakimiyyəti isə hərbi həkimlərə istinadən bildirib ki, Navalnı "Noviçok" zəhərləyici maddələr qrupuna aid substansiya ilə zəhərlənib.

Moskva Berlin laboratoriyasında aparılan analizlərin nəticələrinə dair daha ətraflı məlumat verilməsini xahiş edib, lakin buna cavab almayıb.

17
Teqlər:
həbs, qohumlar, qohum, sərhəd, dəlil, zəhərli maddələr, Rusiya, Aleksey Navalni
Əlaqədar
Navalnının Rusiyaya qayıtmaq istəyi Almaniyanı çətin vəziyyətə salır
Navalnı nəfəs ala bildiyini deyib: "Çox xoşuma gəldi"
Rus qazından imtinanın altı variantı
"Cəfəngiyyatdır!" – “Noviçok”un yaradıcısı zəhərin yeni növünü istisna edir
Rusiya Berlinin Navalnı ilə bağlı vəziyyətə yanaşmasını “qeyri-konstruktiv” sayır
Alman siyasətçi Navalnının zəhərlənməsinin kimə fayda gətirdiyini izah edib
General-pol­kov­nik Məhərrəm Əliyev cəbhədə

Prezidentin köməkçisi sərhəddəki hərbi hissəyə gedib

0
Səfər çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırıqlarının icra vəziyyəti yoxlanılıb, hərbi qulluqçuların xidməti və yaşayış şəraitlərinə baxış keçirilib.

BAKI, 18 sentyabr — Sputnik. Sentyabrın 18-də Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Hərbi məsələlər şöbəsinin müdiri general-polkovnik Məhərrəm Əliyev və Dövlət Sərhəd Xidmətinin rəisi general-polkovnik Elçin Quliyev DSX-nin Sərhəd Qoşunlarının "Qazax" əlahiddə sərhəd diviziyasının hərbi hissə və bölmələrinə səfər ediblər.

Bu barədə Sputnik Azərbaycan-a Dövlət Sərhəd Xidmətinin Mətbuat Xidmətindən məlumat verilib.

  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
1 / 5
© State Border Service of Azerbaijan Republic.
Məhərrəm Əliyev "Qazax" əlahiddə sərhəd diviziyasının hərbi hissə və bölmələrində

Səfər çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırıqlarının icra vəziyyəti yoxlanılıb, hərbi qulluqçuların xidməti və yaşayış şəraitlərinə baxış keçirilib, Ermənistanla dövlət sərhədindəki sərhəd-döyüş məntəqələrində xidmət aparan sərhədçilərlə görüşülüb.

"Qazax" əlahiddə sərhəd diviziyasında hərbi tikinti-quruculuq işlərinin gedişatı nəzərdən keçirilib, dövlət sərhədində zəruri sərhəd mühafizə və müdafiə infrastrukturunun daha da gücləndirilməsi tədbirlərilə tanış olunub, hərbi hissə və bölmələrin döyüş hazırlığının yüksəldilməsi, dövlət sərhədinin toxunulmazlığının və şəxsi heyətin təhlükəsizliyinin təmin edilməsi istiqamətində zəruri tapşırıqlar verilib.

0