Suriyada ABŞ hərbçiləri, arxiv şəkli

"Hiyləgər taktika". Ekspert Rusiya ABŞ hərbçiləri arasındakı insidenti şərh edib

20
(Yenilənib 19:51 28.08.2020)
Ağ Ev Rusiyanı Suriyada münaqişələrin qarşısının alınmasına dair protokolları pozmaqda ittiham edib. Sputnik radiosunun efirində "Rusiyanın Zabitləri" ekspert şurasının üzvü, hərbi politoloq Aleksandr Perenciyev vəziyyəti şərh edib.

BAKI, 28 avqust — Sputnik. ABŞ Rusiya hərbçilərini Suriyada amerikalıların xəsarət aldığı yol-nəqliyyat hadisəsini törətməkdə ittiham edib.

"Rusiya avtomobili Suriyanın şimal-şərqində (ABŞ-ın başcılıq etdiyi – red.) koalisiyanın zirehli avtomobilinə çırpılıb ki, bu da maşında olan heyət üzvlərinin yaralanmasına səbəb olub", – Milli Təhlükəsizlik Şurasının nümayəndəsi Con Ulliotun bəyanatında deyilir.

Onun sözlərinə görə, münaqişənin qarşısını almaq üçün Amerikanın zirehli avtomobili hadisə yerini tərk edib.

Vaşinqtonda bəyan ediblər ki, "belə təhlükəli və qeyri-peşəkar hərəkətlər" münaqişələrin qarşısının alınmasına dair Rusiya-Amerika razılaşmasına ziddir.

Ulliot əlavə edib ki, ABŞ eskalasiya istəmir, amma "düşməncəsinə hərəkətlərdən özünümüdafiə hüququ" var.

Rusiya tərəfi bu ittihamları rədd edib. Rusiya Silahlı Qüvvələrinin Baş Qərargah rəisi Valeri Gerasimov bildirib ki, beynəlxalq koalisiyaya Suriyada Rusiya patrulunun keçəcəyi barədə əvvəlcədən xəbərdarlıq edilib.

Buna baxmayaraq, ABŞ hərbçiləri Rusiya patrulunun qarşısını almağa cəhd göstəriblər.

"Buna cavab olaraq Rusiya Silahlı Qüvvələrinin hərbi polisi insidentin qarşısını almaq və qarşıya qoyulmuş vəzifəni yerinə yetirmək üçün lazımı tədbirlər görüb", – Müdafiə Nazirliyindən məlumat verilib.

Sputnik radiosunun efirində "Rusiyanın Zabitləri" ekspert şurasının üzvü, dosent, hərbi politoloq Aleksandr Perenciyev bildirib ki, Amerika tərəfinin müəyyən bir təcrübəsi var: əks tərəfi törətmədiyi əməllərdə günahlandırmaq.

"ABŞ ümumilikdə hiyləgər taktika seçib: onlar özləri bu və ya digər müqavilələri, razılaşmaları pozurlar və dərhal Rusiyanı onları pozmaqda ittiham edirlər. Yəni, burada "ən yaxşı müdafiə hücumdur" prinsipi tətbiq olunur. Onlar istəyirlər ki, biz özümüzə bəraət qazandıraq: "ruslar özlərinə bəraət qazandırsınlar, biz isə bundan sonra da razılaşmaları pozacağıq, ruslar günahkar olacaqlar, biz isə günahsız". Bu, çox hiyləgər taktikadır. Bunu ifşa etmək lazımdır. Rusiya tərəfini günahlandırdıqları hallarda məhz onlar özləri günahkar olurlar", - Perenciyev bildirib.

20
Арест, фото из архива

Rusiyada qəza törətmiş Azərbaycan əsilli reper həbs edildi

12
Quliyev məhkəmədə təqsirini etiraf edib. Reper bildirib ki, musiqidən əldə etdiyi gəlirdən zərərçəkənlərə təzminat ödəməyə hazırdır.

BAKI, 23 sentyabr — Sputnik. Rusiyada Taqansk Rayon Məhkəməsi Moskvanın mərkəzində yol-nəqliyyat qəzası törətmiş azərbaycanlı reper Elmin Quliyevi həbs edib.

Bu barədə Sputnik Azərbaycan “Report”-a istinadən xəbər verir.

Qeyd edilir ki, onun barəsində iki ay – noyabrın 21-ə kimi həbs qəti imkan tədbiri seçilib.

Quliyev məhkəmədə təqsirini etiraf edib. Reper bildirib ki, musiqidən əldə etdiyi gəlirdən zərərçəkənlərə təzminat ödəməyə hazırdır. Müdafiə tərəfi hakimdən reperi ev dustaqlığı şərti ilə azadlığa buraxmağı xahiş edib, lakin məhkəmə bu vəsatəti rədd edib.

12
RF prezidenti Vladimir Putin, arxiv şəkli

Rusiya BMT-ni xilas etmək niyyətindədir

11
(Yenilənib 20:32 23.09.2020)
Putinin ölkəsi dünyanın növbəti xaos dövrünə düşməsini sadəcə müşahidə etmir, həm də ən dəhşətli nəticənin qarşısını almaq üçün ondan asılı olan hər şeyi edir.

BAKI, 23 sentyabr — Sputnik, İrina Alksnis. Dünya liderlərinin BMT Baş Assambleyasının 75-ci yubiley sessiyasında uzaqdan videoformat vasitəsilə iştirakı istər-istəməz təşkilatın Nyu-Yorkdakı qərargahında tribunadan etdikləri ənənəvi çıxışlardan daha çox məlumat və düşünmək üçün qida verir. Planetin üç ən nüfuzlu insanının məruzələri isə daha çox maraq doğurub.

Donald Trampın çıxışı daha bir seçkiqabağı tədbirə çevrilərək, nəinki onun xarici siyasətinin əsas — anti-Çin — istiqamətini, həm də növbəti dəfə onun Birləşmiş Millətlər Təşkilatına etinasızlığını vurğulayıb.

Amerika lideri dəfələrlə bəyan edib ki, ölkəsi Birləşmiş Millətlər Təşkilatını maliyyələşdirən ən böyük mənbə olduğuna görə təşkilat Vaşinqtonun tabeliyində olmalı və onun sərəncamlarını yerinə yetirməlidir. Şübhəsiz ki, onun sələfləri də eyni fikirdə idilər, lakin Tramp bu mövqeni açıq şəkildə ifadə edən, o cümlədən "itaətsizlik" halında cəza ilə təhdid edən ilk prezidentdir. Odur ki, onun çıxışından seçki kampaniyasının qızğın məsələlərinin həlli üçün istifadə etməsi bu cür yanaşmanın çərçivəsinə tamamilə uyğun gəlir.

Rusiya mediası qeyd edib ki, Amerika prezidenti bir dəfə də olsun Rusiyanı xatırlatmayıb. Əvəzində Çinin adı 12 dəfə çəkilib (yeri gəlmişkən, ABŞ-ın adı yalnız 10 dəfə səslənib). Məhz bu qalmaqallı anti-Çin ruhu Trampın nitqinin məğzinə çevrilib. Onun Pekini "koronavirusu yaydığına görə" cəzalandırmaq çağırışı və nitqində "Çin virusu" ifadəsindən istifadə etməsi nəyə desən dəyər.

Lakin aydındır ki, Pekin belə bir demarşı gözləyirdi. Məsələ heç də yalnız Amerika prezidentinin hücumlarına Çin nümayəndəsinin dərhal cavab verməsində deyil.

Si Tsinpinin nitqi məzmun baxımından ən kəskin müasir problemlərə (ilk növbədə, əlbəttə ki, dünyanın COVID-19 ilə mübarizəsinə) həsr olunub və adətə uyğun olaraq ölçülüb-biçilmiş tonda olub.

Lakin Çin lideri Böyük Çin Səddi və Çin təbiətinin gözəllikləri təsvir olunan böyük dekorasiyanın fonunda danışıb. Bu kompozisiyanın əsasında duran simvolik gizli mənanı anlamaq çətin deyil: Si Tsinpinin arxasında istənilən xarici təhlükə qarşısında durmağa hazır böyük və qədim bir ölkə durur.

Amerikalı və çinli həmkarlarının çıxışları ilə müqayisədə Rusiya prezidentinin nitqi çox ənənəvi olub: Vladimir Putinin qaldırdığı müasir dövrün fundamental problemlərin geniş spektrindən tutmuş, onun fonunda qurulmuş BMT anturajına qədər. Hətta Rusiya liderinin beynəlxalq tədbirlərdə iştirakı zamanı mətni yalnız kağızdan oxuması kimi özəlliyinə də əməl olunub — telesuflyordan istifadə etmədən.

Putin dünyada strateji sabitliyin qorunmasında BMT-nin rolunun əhəmiyyətindən, tarixin təhrif olunmasının yolverilməzliyindən, silahlar üzərində nəzarətin saxlanılmasının zəruriliyindən və təbii ki, koronavirus epidemiyası və onun sosial-iqtisadi nəticələri ilə mübarizədə kollektiv beynəlxalq səylərin vacibliyindən danışıb.

Əslində isə bu, forma etibarilə elə bir dövlət xadiminin çıxışı idi ki, onun ölkəsi dünyanın növbəti xaos dövrünə düşməsini sadəcə müşahidə etmir, həm də ən dəhşətli nəticənin qarşısını almaq üçün ondan asılı olan hər şeyi edir. Putin bir daha xatırladıb ki, artıq 75 ildir mövcud olan beynəlxalq əməkdaşlıq, dialoq və qarşılıqlı anlaşma sisteminin qurulması üçün keçən dəfə dəhşətli bədəl ödənilib. O zaman bu sistemə əsas töhfəni vermiş Rusiya planetin həmişə arxalana biləcəyi sağlam düşüncə və normallıq adası olaraq qalacaq.

11
Teqlər:
Çin, Donald Tramp, Tramp, BMT, Vladimir Putin, Putin
Tələbə

Ali məktəblərə qəbulun nəticələri açıqlandı

0
(Yenilənib 00:33 24.09.2020)
Dövlət İmtahan Mərkəzi tərəfindən ali təhsil müəssisələrinə tələbə qəbulunun nəticələri açıqlanıb. Sosial şəbəkələrdə bu barədə paylaşımlar edilir.

BAKI, 23 sentyabr - Sputnik. Dövlət İmtahan Mərkəzi tərəfindən ali təhsil müəssisələrinə tələbə qəbulunun nəticələri açıqlanıb.

Sputnik Azərbaycan  DİM-ə istinadla xəbər verir ki, artıq abituriyentlərə ali məktəblərə qəbul olub-olmadıqları barədə sms göndərilir.

Qeyd edək ki, artıq sosial şəbəkələrdə övladları və özləri ali məktəblərə daxil olan şəxslər bu barədə paylaşımlar edirlər. 

0