ABŞ hərbçiləri, arxiv şəkli

“Qərargah da göndərirlər”: ABŞ ordusu Avropanın şərqində nəyə hazırlaşır?

41
(Yenilənib 15:02 25.08.2020)
Tutaq ki, Rusiya alyans ölkələrinə müharibə elan etdi. Bəs onda neftini və qazını Avropada kimə satacaq?

BAKI, 25 avqust — Sputnik, Andrey Kots. Amerikalılar Rusiya sərhədləri yaxınlığında hərbçi sayını artırmağa davam edirlər. ABŞ Dövlət katibi Mayk Pompeo və Polşanın Milli Müdafiə naziri Mariuş Blaşak arasında imzalanmış müqaviləyə əsasən, Pentaqon ölkəyə əlavə min əsgər göndərməyi öhdəsinə götürüb və Quru qoşunlarının Beşinci korpusunun komandanlığını buraya köçürəcək. Vaşinqtonda gizlətmirlər ki, bunun yeganə məqsədi Rusiyanın Avropa istiqamətində imkanlarını məhdudlaşdırmaqdır. Regionda qüvvələr balansının dəyişməsi haqqında ətraflı RİA Novosti-nin materialında.

Rusiyaya qarşı çıxmaq

Varşava ilk dəfə deyil ki, Vaşinqtondan hərbi yardım istəyir. Hələ 2018-ci ilin sonunda Polşa ABŞ-a öz ərazisində Amerikanın zirehli-tank briqadasının yerləşdirilməsini təklif edib və təxminən bir yarım-iki milyard dollar xərci üzərinə götürməyə hazır olduğunu bildirib. Prezident Andjey Duda hətta yeni baza üçün ad fikirləşib: "Fort Tramp". Görünür, o, ABŞ liderinin Varşavanın loyallığına dair şübhəsi olmasın deyə bunu edib. Milli Müdafiə naziri Mariuş Blaşak isə bildirib ki, bazanın açılması həll olunmuş məsələdir.

Xatırladaq ki, Polşada onsuz da rotasiya əsasında Amerika hərbi kontingenti yerləşdirilib – təxminən 4500 nəfər. Amma rəsmi Varşava üçün bu azdır. Keçən il boyu Polşa siyasətçiləri və mediası bəyan edib ki, Almaniya deyil, məhz onların ölkəsi Avropada ABŞ qoşunlarının əsas bazası olmalıdır. Söhbət hətta taktiki nüvə silahlarının şərqə köçürülməsindən də gedib. Bunun "təcavüzkar" Rusiyanın qarşısını almaq üçün vacib olduğu iddia olunub.

Nəticədə, tezliklə 12 min amerikalı əsgər və zabit Almaniyanı tərk edəcək. Onların təxminən yarısı ABŞ-a qayıdacaq, qalanları isə Avropanın digər ölkələrinə, o cümlədən Polşaya köçürüləcək. Pentaqon zirehli-tank briqadasını Polşaya göndərməyi lazımsız hesab edib və "Fort Tramp" elə kağız üzərində qalıb. Buna baxmayaraq, Polşadakı kontingentin hətta bu qədər artması kifayət qədər əhəmiyyətlidir.

Qoşunlar və infrastruktur

Varşava ilə Vaşinqton arasında müqavilə yalnız qoşunların köçürülməsini deyil, həm də ABŞ Silahlı Qüvvələrinin komanda-qərargah infrastrukturunun və döyüş hazırlığı mərkəzlərinin Polşada inkişafını, ordu və nəqliyyat aviasiyası bölmələrinin, pilotsuz uçuş aparatlarının, xüsusi əməliyyat qüvvələrinin, həmçinin dəstək və arxa cəbhə təchizat elementlərinin yerləşdirilməsinə şərait yaradılmasını nəzərdə tutur. Rusiyalı diplomatlar artıq bu barədə narahatlıq bildiriblər.

“Bir daha diqqət yetiririk ki, Amerikanın hərbi mövcudluğunun artması təhlükəsizlik problemlərini həll etmir. Əksinə, bu, Qərb sərhədlərimizdə onsuz da mürəkkəb olan vəziyyəti daha da ağırlaşdırır, gərginliyin artmasına səbəb olur və qəsdən olmayan insidentlərin riskini artırır”, – Rusiya XİN-in rəsmi nümayəndəsi Mariya Zaxarova bildirib.

O əlavə edib: "NATO-da bizi əmin edirlər ki, bu artım cüzidir və rotasiya xarakteri daşıyır. Amma bu gerçəkliyi təhrif etmək cəhdidir. Yeni razılaşmanın reallaşması Polşadakı ABŞ qüvvələrinin hücum potensialını keyfiyyətcə gücləndirməyə imkan verəcək".

Rusiyalı senator Aleksey Puşkov ABŞ-ın Polşaya qoşun köçürmək planlarını Rusiya-NATO aktının növbəti dəfə pozulması kimi qiymətləndirib. Məhz bu sənəd Şimali Atlantika alyansına 1997-ci ildən sonra NATO-ya üzv olmuş Şərqi Avropa ölkələrində qoşunların sayını artırmağı qadağan edir. Məlum olduğu kimi, Polşa Qərbin hərbi blokuna 1999-cu ildə qoşulub. Hərçənd, amerikalılar 2014-cü ildən başlayaraq bu əsas aktı nəzərə almırlar, qoşunlarını və hərbi infrastrukturunu metodik şəkildə Rusiya sərhədlərinə çəkirlər.

Çexlər narazıdırlar

Amerikalılar başqa variantları da nəzərdən keçiriblər. Lakin heç də bütün müttəfiqlər okeanın o tayından gəlmiş qonaqları qəbul etməyə can atmırlar. Belə ki, avqustun ortalarında Çexiya Baş naziri Andrey Babiş ABŞ Dövlət katibi Mayk Pompeo ilə görüş ərəfəsində vurğulayıb ki, Praqa öz ərazisində Amerika hərbçilərinin yerləşdirilməsinə heç bir səbəb görmür. Onun sözlərinə görə, əlavə qüvvələrin yerləşdirilməsinin heç bir mənası yoxdur.

"Bu məni təəccübləndirməyib", – Sputnik radiosunun efirində tarix elmləri namizədi Vadim Truxaçov bildirib. O əlavə edib: "Hələ 2000-ci illərin ortalarında Çexiyada Amerikanın raketdən müdafiə sisteminin obyektlərinin yerləşdirilməsi məsələsinə baxılıb və əhalinin təxminən dörddə üç hissəsi kəskin şəkildə buna qarşı çıxıb. Həmin hadisələri yada salaraq ictimai fikirdə dəstəyini itirməməyə çalışan Babiş məhz belə bir bəyanat verib. Çexiya ərazisində Amerika hərbi bazası ideyası populyar deyil – siyasətçilər buna düzəlişlər edirlər. Güman edirəm ki, ölkə parlamentində təmsil olunan doqquz partiyadan beşi bunun əleyhinə çıxacaq".

Ekspertin sözlərinə görə, Çexiyada xatırlayırlar ki, 1938-1939-cu illərdə ölkənin taleyi onun xəbəri olmadan həll edilib. Və çexlərin əksəriyyəti xarici hərbçilərin, o cümlədən Amerika hərbçilərinin torpaqlarında baza salmasını istəmirlər.

Tramp Almaniyadan inciyib

Donald Tramp Pentaqona əmr edib ki, Amerika hərbi kontingentinin bir hissəsinin iyunda Almaniyadan çıxarılması planını hazırlasın. Əksər ekspertlər əmindirlər ki, Vaşinqton Berlindən birdəfəlik inciyib – məhz Almaniyanın NATO çərçivəsində müdafiə xərclərini ÜDM-in iki faizinə qədər artırmaq tələbindən imtina etməsinə görə.

Amerikanın sabiq səfiri Riçard Qrenell müttəfiqlərin bir-birindən uzaqlaşmasına xüsusi töhfə verib – "Şimal Axını 2" qaz kəmərinin tikintisində iştiraka görə Almaniya şirkətlərini sanksiyalarla hədələməklə və Almaniyanın İranın nüvə sazişi ilə bağlı mövqeyini tənqid etməklə. Berlin amerikalı diplomatın fikirlərini dövlətin suveren siyasətinə müdaxilə kimi dəyərləndirib.

İyulun sonunda Tramp “Twitter" səhifəsində yazıb: "Almaniya Rusiyaya enerji üçün ildə milyardlarla dollar ödəyir, amma biz Almaniyanı Rusiyadan qorumalıyıq. Bu nə işdir?"

Beləliklə, Amerika prezidenti istər-istəməz NATO-nun şərq sərhədlərində "Kremlin təcavüzünün qarşısının alınması" iddiası ilə ABŞ-ın hərbi mövcudluğunun artırılmasının absurd olduğunu göstərib. Tutaq ki, Rusiya alyans ölkələrinə müharibə elan etdi. Bəs onda neftini və qazını Avropada kimə satacaq?

41
Əlaqədar
Avropada yeni münaqişə ocağı yarana bilər – səbəb yenə torpaqdır
Su-57 qırıcısının "təkmilləşməsi" ABŞ-ı niyə narahat edir
Hollivudsayağı "ulduz müharibələri" üçün material: Rusiyanın yeni silahı çox iddialıdır
NATO-ya “sevgilərlə” - “İskəndər”ə matros köynəyi geyindirirlər
İnsanlar kimə lazımdır? Rusiya gələcək robot ordusunun avanqardını yaradıb
Aleksey Navalnı, arxiv şəkli

Navalnıya görə sanksiyalar gəlir: AB parlamenti qətnamə hazırlayıb

11
""Şimal axını-2" layihəsi əlavə təzyiq göstərmək imkanlarından biridir. Rusiyaya qarşı sadə çağırışlar bəs eləmir" - Manfred Veber

BAKI, 20 yanvar - Sputnik. Rusiyalı bloger və müxalifətçi Aleksey Navalnının həbsinə görə Avropa Parlamenti Avropa Birliyindən "Şimal axını-2" boru kəmərinin tikintisinin dayandırılmasını və Rusiyaya qarşı sanksiyalar tətbiq olunmasını tələb etməyi planlaşdırır. Sputnik Azərbaycan bildirir ki, bu barədə Almaniyanın Spiegel nəşri qətnamə layihəsinə istinadən yazır.

Cümə axşamı nəzərdən keçirilməsi planlaşdırılan qətnaməni mühafizəkarlar, sosial-demokratlar, liberallar və yaşılların fraksiyaları dəstəkləməyi düşünürlər. Digər sanksiyalar "Aleksey Navalnının saxlanılaraq həbs olunması qərarına aidiyyəti olan fiziki və hüquqi şəxslərə", eləcə də müxalifətə hücumlara, "rusiyalı oliqarxlara", "prezident (Vladimir) Putinin yaxın çevrəsinə daxil olanlara", eləcə də "mediapropaqandaçılara" qarşı yönəldilə bilər.

"Navalnıya Rusiyanın hücumundan sonra bir enerji məsələsindən danışmalıyıq. Bu, əlimizdə olan ən güclü arqumentdir. "Şimal axını-2" layihəsi əlavə təzyiq göstərmək imkanlarından biridir. Rusiyaya qarşı sadə çağırışlar bəs eləmir", - mühafizəkar və mərkəzçi Avropa Xalq partiyası fraksiyasının rəhbəri Manfred Veber Spiegel-ə deyib.

Digər sanksiyalar dedikdə, adəti üzrə AB-də aktivlərin dondurulması və birlik ölkələrinə girişin qadağan edilməsi nəzərdə tutulur. 

"Avropa Birliyi daha qeyri-müəyyən mənşəyə malik rus zənginliklərinin həvəslə qarşılandığı yer olmamalıdır", - qətnamədə qeyd olnub. 

Səsvermə sabah keçirilməlidir. Qətnamə qəbul edilərsə, sanksiyalar avtomatik tətbiq olunmayacaq, onları yalnız AB-nin bütün 27 üzvü Şuranın mexanizmlərinin tətbiqi ilə qəbul edə bilər.

Bundan öncə jurnalistlərə bildirilib ki, Navalnının həbs edilməsi barədə məsələ AB ölkələrinin başçılarının videokonfransında qaldırıla bilər, ancaq hərtərəfli müzakirə AB XİN rəhbərləri səviyyəsində yanvarın 25-də aparılacaq. 

Bazar ertəsi Ximki şəhər məhkəməsi Aleksey Navalnını 30 sutka həbs edib. Onu bazar günü zəhərlənmədən müalicə olunduğu Almaniyadan qayıdarkən Şeremetyevo aeroportunda həbs etmişdilər. 

11
Şimal axını – 2 qaz kəmərinin tikintisi

Almaniya-ABŞ münasibətlərinin taleyini rus layihəsi müəyyənləşdirəcək

17
(Yenilənib 22:14 20.01.2021)
ABŞ-ın azsaylı imtiyazlı tərəfdaşlarından biri olan Almaniyanın əlavə bonuslara sahib olduğunu anlamaq bir o qədər də çətin deyil. Göründüyü kimi, almanlar bu bonuslardan necə istifadə edəcəklərini yaxşı bilirlər.

BAKI, 20 yanvar — Sputnik, İrina Alksnis. Co Bayden andiçmə mərasimi ərəfəsində ABŞ-ın əsas tərəfdaşı olan Almaniyadan bir o qədər də xoş olmayan "hədiyyə" alıb. Bayden administrasiyası səliqə ilə bükülmüş və lentlə sarınmış bu problemlər kvintessensiyası ilə hələ uzun müddət məşğul olmaq məcburiyyətində qalacaq.

ABŞ Rusiyanın "Şimal axını-2" layihəsinin inşasında iştirak edən borudöşəmə gəmisi "Fortuna"ya qarşı sanksiya tətbiq edib. Almaniya KİV-nin yazdığına görə, Berlindəki ABŞ səfirliyi Almaniya hökumətinə ölkəsinin yeni məhdudlaşdırıcı tədbirlər tətbiq etmək planı barədə məlumat verib.

Almaniya hakimiyyəti isə yalnız "bu qərarı təəssüflə qarşıladıqlarını" bildirməklə kifayətlənib. Başqa sözlə, almanlar hətta bundan narahat olduqlarını belə dilə gətirməyiblər.

Əslində, baş verənlər bir neçə gün əvvəl yaşanmış başqa bir əlamətdar hadisənin təbii davamı kimi qiymətləndirilə bilər. ABŞ dövlət katibinin keçmiş müavini və seçkidə Co Baydenin xarici siyasət məsələləri üzrə müşaviri olmuş Nikolas Börns yeni administrasiyanın "Alman hökuməti və digər iştirakçı dövlətlərlə inamlı şəkildə danışıqlar aparmaq imkanı qazanması" üçün eyni vaxtda həm ABŞ-ın qaz kəmərinə qarşı sanksiyalarının dondurulması, həm də tikintini dayandırması ideyası ilə çıxış edib.

Aydın məsələdir ki, bu, Börnsün öz təşəbbüsü deyil, o sadəcə, Vaşinqtonun təklifini dilə gətirib. Bununla belə, almanlar onu başdan eləyiblər. Bundestaqın Energetika məsələləri komitəsinin rəhbəri Klaus Ernst "Almaniyanın enerji siyasətini ABŞ-la müzakirə etməsinin" yersiz olduğunu bildirib. O qeyd edib ki, "Şimal axını-2" layihəsinin inşası Avropanın öz işidir, bütün lazımi icazələr alınıb və buna görə də kəmərin tikintisi başa çatdırılmalıdır".

Donald Trampın prezidentliyi dövründə ağır zərbə alan və demokratların dirçəltmək niyyətində olduqları Amerika xarici siyasəti son onillikdə qlobalçı siyasət kimi xarakterizə olunur. Bu siyasət iki əsas və eyni dərəcədə vacib komponentdən ibarətdir - prosedur-institusional və ideoloji.

İnstitusional komponent ictimaiyyətə yaxşı məlumdur və ümummilli təşkilatlar, sənədlər və prosedurlar sistemindən ibarətdir. Məşhur bir fikir var ki, ABŞ uzun illərdir dünyaya özünə əlverişli olan oyun qaydalarını diktə etmək və qlobal liderliyini həmişəlik möhkəmləndirməyə çalışır.

Bəzi şeylərin əvvəlki kimi getmədiyi isə artıq çoxdan məlumdur. Getdikcə daha çox ölkə "oynamağı" və özünə qarşı ədalətli olmayan sistemə qalib gəlməyi öyrənir. Rusiya və onun ÜTT-nin qaydalarını öz xeyrinə tətbiq etməsi buna yaxşı nümunədir. Donald Tramp da hakimiyyətdə olduğu dörd il ərzində tərəddüd etmədən ABŞ-ı çoxsaylı beynəlxalq müqavilə və təşkilatlardan çıxarmaqla bunu təsdiqlədi: həqiqətən də bütün bunlar Amerikaya düşünüldüyündən daha az sərfəlidir.

ABŞ-ın azsaylı imtiyazlı tərəfdaşlarından biri olan Almaniyanın əlavə bonuslara sahib olduğunu anlamaq isə bir o qədər də çətin deyil. Və göründüyü kimi, Almaniya bu bonuslardan necə istifadə edəcəyini bilir. Məhz buna görə Tramp Berlin üçün əlverişsiz idi. Onun hakimiyyəti dövründə Almaniya bütün bu müqavilələrdən öz xeyrinə istifadə edə bilmədi. Odur ki, Co Baydenin prezident seçilməsi bu ölkədə ruh yüksəkliyi ilə qarşılandı. Çünki bu, almanlara daha rahat münasibətlər formatı vəd edir.

"Şimal axını-2" layihəsi ilə bağlı da məhz bu cür olacaq. Son aylarda boru kəmərinin inşasını xarici sanksiyaların təzyiqindən mümkün qədər qorumaq üçün addımlar atılıb. "Fortuna" gəmisinin sahibi dəyişdirilib. Bundan başqa, Almaniyanın Meklenburq federal əyalətinin parlamenti regional hökumətin "İqlim və Ətraf Mühitin Mühafizəsi " ekologiya fondunun yaradılması ilə bağlı təşəbbüsünü səs çoxluğu ilə dəstəkləyib.

Ən maraqlısı odur ki, almanlar bu fondun köməyi ilə, necə deyərlər, bir güllə ilə iki dovşan vurmaq istəyirlər. Əslində bu fond ABŞ-ın sanksiyalarından yayınmaq üçün qurulub. Almaniyanın "Bild" qəzetinin yazdığına görə, fondun yaradılması "Şimal axını-2" layihəsini "ətraf mühitin qorunmasının əsas elementi" kimi təsnif etməyə imkan verəcək.

Fond istisnasız olaraq, "Şimal axını-2" layihəsinə cəlb olunan kommersiya şirkətlərini qeydiyyata almaq niyyətindədir. Sanksiyalarla təhdid olunan şirkətlər Rusiya tərəfi ilə həmin kommersiya qurumlarının təqdim etdiyi iqtisadi alətlər vasitəsilə qarşılıqlı əlaqə yaradacaq.

Beləliklə, Co Baydenin komandasının qarşılaşacağı vəziyyət bir o qədər də asan deyil. Demokratların məsələyə Tramp kimi radikal yanaşması qeyri-mümkündür. Digər tərəfdən, almanlar beynəlxalq məsələlərdə bürokratik əngəl yaratmağı yaxşı bacarırlar. Yəqin bu məsələdə də vaxtı uzatmağın yolunu tapacaqlar və amerikalılar qaz kəmərinə qarşı sanksiyaların yeni metodunu fikirləşənə qədər layihə tamamlanacaq.

Nəticə etibarı ilə Co Bayidenin administrasiya qəti şəkildə qəbul edilməyən trampizmlə ideoloji cəhətdən doğru, lakin təsirsiz liberal qlobalizm arasında seçim etmək məcburiyyətində qalacaq.

Yeri gəlmişkən, Almaniyanın da öz çətinlikləri var. Dünən "Qazprom" siyasi təzyiqlər səbəbindən "Şimal axını-2" qaz kəməri layihəsinin dayandırılması və ya ləğv olunması riski ilə bağlı xəbərdarlıq etdi. Bu xəbərdarlıq ilk növbədə müstəqilliyə və geosiyasi güclənməyə can atan və bu yolda Rusiyaya qarşı Navalnı məsələsindən istifadə etməyin yaxşı fikir olduğunu düşünən Berlinə ünvanlanmışdı. Görünür, Berlin Rusiyanın bu addıma necə ağrılı şəkildə cavab verə biləcəyini yenə yaddan çıxarıb...

17
Teqlər:
Almaniya, ABŞ, "Şimal axını-2"
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

0
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

0
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası