Olqa Leybman, arxiv şəkli

Məşhur rusiyalı bloger azərbaycanlı vəkili niyə məhkəməyə verib?

1169
(Yenilənib 15:41 24.08.2020)
Dəbdəbəli həyat tərzi ilə tanınan bir iş qadını özünün sosial media hesabında başına gələn əhvalatı bölüşüb.

BAKI, 24 avqust — Sputnik. Tanınmış rusiyalı bloger Olqa Leybman azərbaycanlı vəkil Elman Paşayevdən şikayətçidir. Sputnik Azərbaycan xəbər verir ki, dəbdəbəli həyat tərzi ilə tanınan qadın özünün sosial media hesabında "başına gələn" əhvalatı bölüşüb.

Olqa bildirib ki, ABŞ-da yaşayan rəfiqəsinin vəkilə ehtiyacı olub. Olqa da öz növbəsində həmin vaxt dostluq etdiyi Elman Paşayevi məsləhət görüb. Blogerin sözlərinə görə, rəfiqəsi Paşayevin istədiyi məbləği - 170 min dolları onun vasitəsilə vəkilə göndərib. Nəticədə nə iş həll olunub, nə də pul geri qaytarılıb.

Elman Paşayev Olqadan heç bir pul almadığını bildirib.

Bloger bu məsələ ilə bağlı məhkəməyə müraciət etdiyini, əlində pulu verməsi ilə bağlı sübutlar olduğunu deyib.

Qeyd edək ki, Olqa Leybman iş adamıdır. Özünü daşınmaz əmlak biznesindən kinomotaqrafiyaya qədər müxtəlif sahələrdə sınayıb. Hazırda sağlam həyat tərzi və dietaları ilə bağlı bloger kimi məşhurdur.

Olqa Leybman hazırda 3-cü əri olan Kiril Yakovlevlə yaşayır. Kiril xüsusi xidmət orqanının əməkdaşıdır. Olqanın ilk həyat yoldaşı Dinamo Futbol Klubunun oyunçusu, ikinci həyat yoldaşı isə amerikalı iş adamı olub. Olqa həm də Moskvanın ən lüks səmti olan Rublyovkadakı dəbdəbəli villası ilə məşhurdur. Xanım iş adamı həm də bahalı maşınların həvəskarıdır.

Bundan başqa, Olqa Leybmanın azərbaycanlı dostları az deyil və xanım iş adamı bir neçə dəfə Azərbaycanı ziyarət edib. O, "Instagram" sosial şəbəkəsindəki səhifəsində bu barədə yazıb. Səhifəsindəki "hekayə" bölümündə istifadəçilərin suallarını cavablandıraraq, Azərbaycanda bir müddət yaşadığı barədə də yazıb.

1169

Rusiya XİN-i Qarabağ münaqişəsi ilə bağlı çağırış etdi

45
"Həm xarici, həm də daxili olmaqla bütün oyunçuları həmçinin ritorika baxımından maksimum təmkin göstərməyə çağırırıq", - Rudenko jurnalistlərə deyib.

BAKI, 28 sentyabr — Sputnik. Rusiya hamını Qarabağdakı münaqişə ətrafında ritorikada diqqətli olmağa çağırır.

Sputnik Azərbaycan RİA Novosti-yə istinadən xəbər verir ki, bu barədə Rusiya Xarici İşlər nazirinin müavini Andrey Rudenko bildirib.

"Həm xarici, həm də daxili olmaqla bütün oyunçuları həmçinin ritorika baxımından maksimum təmkin göstərməyə çağırırıq. Dərhal atəşkəsə nail olmaq və danışıqlar masasına qayıtmaq üçün indi mümkün qədər səliqəli və diqqətli olmaq vacibdir", - Rudenko jurnalistlərə deyib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

45
Глава Администрации президента РФ Сергей Нарышкин

Rusiya Xarici Kəşfiyyat Xidmətinin direktoru Ermənistan-Azərbaycan münaqişəsindən danışdı

55
"Biz görürük ki, bu məsələni yalnız siyasi-diplomatik metodlardan istifadə yolu ilə həll etmək mümkündür və Rusiya hər şəkildə sülhə nail olmağa çalışacaq", – Narışkin bildirib.

BAKI, 28 sentyabr — Sputnik. Ermənistan və Azərbaycan arasında münaqişənin eskalasiyası təəssüf doğurur, bunu yalnız siyasi-diplomatik yolla həll etmək olar.

Sputnik Azərbaycan RİA Novosti-yə istinadən xəbər verir ki, bunu Rusiya Xarici Kəşfiyyat Xidmətinin Direktoru Sergey Narışkin bazar ertəsi jurnalistlərə verdiyi açıqlamada deyib.

"Ermənistan və Azərbaycan arasında münaqişənin eskalasiyası şübhəsiz ki, təəssüf doğurur. Təəssüflər olsun ki, qurbanlar var, tərəflər ağır silahlar da tətbiq edirlər. Biz görürük ki, bu məsələni yalnız siyasi-diplomatik metodlardan istifadə yolu ilə həll etmək mümkündür və Rusiya hər şəkildə sülhə nail olmağa çalışacaq", – o bildirib.

55
Türkiyə Prezidenti Rəcəb Tayyib Ərdoğan

Ərdoğan: "Türkiyə Azərbaycanın yanındadır. Artıq hesab vaxtı gəldi"

0
(Yenilənib 16:03 28.09.2020)
Ərdoğan: Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq.

BAKI, 28 sentyabr — Sputnik. Ötən gün Azərbaycan torpaqlarına hücum edən Ermənistanı bir daha qınayıram. Sputnik Azərbaycan "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan "Tarix, Siyasət və Ölkələrarası dəniz hüququ və Şərqi Aralıq dənizi simpoziumu"nda çıxışı zamanı bildirib.

"Türkiyə, bütün imkanları və bütün qəlbi ilə dost və qardaş Azərbaycanın yanında olmağa davam edəcək. Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq. Artıq hesab vaxtı gəldi. Azərbaycan istər-istəməz öz göbəyini özü kəsmək məcburiyyətində qalmışdır", – deyə Ərdoğan qeyd edib.

0