Malış avtomatı

Artıq özünümüdafiə üçün "Kalaşnikov"un "körpə"sindən istifadə etmək mümkün olacaq

16
(Yenilənib 19:39 21.08.2020)
"Malış" avtomatının kalibri 5,45 və 9 mm olacaq. O, ümumqoşun avtomatından təxminən bir kiloqram yüngüldür.

BAKI, 21 avqust — Sputnik. "Kalaşnikov" konserninin özünümüdafiə üçün kiçik ölçülü "Malış" avtomatlarının ilkin sınaqları başa çatıb və dövlət sınaqları üçün hazırlıq gedir.

Sputnik Azərbaycan xəbər verir ki, bu barədə RİA Novosti-yə müsahibəsində konsernin Baş direktoru Dmitri Tarasov bildirib.

"Hazırda ilkin sınaqlar mərhələsi başa çatıb və dövlət sınaqlarının keçirilməsi üçün təcrübə nümunələrin hazırlanması gedir", - Tarasov bildirib.

Bir müddət əvvəl "Kalaşnikov" konserninin baş konstruktoru Sergey Urjumtsev RİA Novosti-yə müsahibəsində deyib ki, konsern "Malış" layihəsi çərçivəsində özünümüdafiə üçün kiçik həcmli avtomatlar hazırlayır. Onun sözlərinə görə, bu avtomatların kalibri 5,45 və 9 mm olacaq. "Malış" ümumqoşun avtomatından təxminən bir kiloqram yüngüldür.

16
Rusiya Prezidenti Vladimir Putin, arxiv şəkli

Vladimir Putin Təhlükəsizlik Şurasının iclasını keçirib

8
Təhlükəsizlik Şurasının iclasında həmçinin strateji sabitlik və silahlara nəzarət məsələlərinə dair fikir mübadiləsi aparılıb.

BAKI, 22 yanvar — Sputnik. Rusiya Prezidenti Vladimir Putin Rusiya Təhlükəsizlik Şurasının daimi üzvləri ilə strateji sabitlik məsələlərini müzakirə edib. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

O, Prezident Vladimir Putinin iclasda Təhlükəsizlik Şurasının daimi üzvləri ilə strateji sabitlik, eləcə də ölkə daxili problemləri müzakirə etdiyini qeyd edib.

"İclasda Rusiyanın sosial-iqtisadi inkişafına dair gündəmdə duran məsələlər müzakirə olunub. Strateji sabitlik və silahlanma üzərində nəzarət məsələləri ilə bağlı fikir mübadiləsi aparılıb", - deyə Kremlin nümayəndəsi bildirib. 

8
Teqlər:
Vladimir Putin, Putin

“Rus dili olimpiadasına bu qədər şagirdin qatıldığı başqa ölkə tanımıram” İrek Zinnurov

24
(Yenilənib 17:01 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.

Su polosu üzrə ikiqat olimpiya çempionu, Dövlət Dumasının Tatarıstandan seçilmiş sabiq deputatı İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.

"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.

Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.

24
 Yenikənd–Poylu–Salahlı–Qarabağlı–Kəsəmən avtomobil yolu

Yeddi yaşayış məntəqəsini birləşdirən yol

0
(Yenilənib 20:41 22.01.2021)
Gürcüstan ilə dövlət sərhədinə yaxın ərazidə yerləşən yaşayış məntəqələrini əhatə edən yolların yenidən qurulması 5 min nəfər əhalinin gediş-gəlişini rahatlaşdırıb.

BAKI, 22 yanvar — Sputnik. Yeddi yaşayış məntəqəsini birləşdirən Yenikənd–Poylu–Salahlı–Qarabağlı–Kəsəmən avtomobil yolunun Samux rayonunda uzunluğu 39.5 km olan yerli əhəmiyyətli avtomobil yolunun Azərbaycan Avtomobil Yolları Dövlət Agentliyi tərəfindən yenidən qurulması yekunlaşıb.

Agentlikdən Sputnik Azərbaycan-a verilən məlumata görə, bu, 28.1 km uzunluğa malik Yenikənd-Poylu avtomobil yolu və bu yoldan ayrılan Kəsəmən, Qarabağlı və Salahlı kəndlərinin giriş yollarıdır. Kəsəmən yolunun uzunluğu 4.6 km, Qarabağlı yolunun uzunluğu 2.8 km, Salahlı yolunun uzunluğu isə 4 km təşkil edir. Yenikənd-Poylu avtomobil yolu boyunca müxtəlif diametrli 32 yeni suötürücü dəmir-beton boruların və başlıqlarının dəmir-betonla tikilməsi və izolyasiyası, həmçinin 6 yerdə düzbucaqlı su keçidlərinin inşası, zəruri olan yerlərdə avtoqreyderlə küvetlərin açılması işləri aparılıb.

Analoji işlər Kəsəmən, Qarabağlı və Salahlı kəndlərinin giriş yollarında da aparılıb. Gürcüstan ilə dövlət sərhədinə yaxın ərazidə yerləşən yaşayış məntəqələrini əhatə edən yolların yenidən qurulması 5 min nəfər əhalinin gediş-gəlişini rahatlaşdırıb. https://www.facebook.com/avtomobilyollari/photos/pcb.1501943619998904/1501943219998944/

0