Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Rusiyanın Türkiyə ilə hərbi əməkdaşlığına mane olur?

28
(Yenilənib 19:11 20.08.2020)
ABŞ-ın Türkiyəni S-400 "Triumf" zenit-raket komplekslərinin alınması ilə bağlı sanksiyalarla hədələdiyi bir vaxtda Ankara Moskva ilə qırıcı təyyarələrin istehsalı üzrə birgə layihədə iştirak etməyəcək.

BAKI, 20 avqust — Sputnik. Rusiya ilə Türkiyənin hərbi sənaye sahəsində əməkdaşlığı üçün ən böyük maneə Rusiya texnologiyalarının NATO sistemlərinə uyğun olmaması və onların birgə istifadəsinə icazə verilməməsidir.

Sputnik Azərbaycan xəbər verir ki, belə bir fikri Türkiyə Xarici İşlər Nazirliyinin Strateji Araşdırmalar Mərkəzinin (SAM) məsləhətçisi Selçuk Çolakoğlu Rusiya KİV-ləri ilə söhbətində bildirib.

Çolakoğlunun fikrincə, ABŞ-ın Türkiyəni S-400 "Triumf" zenit-raket komplekslərinin alınması ilə bağlı sanksiyalarla hədələdiyi bir vaxtda Ankara Moskva ilə qırıcı təyyarələrin istehsalı üzrə birgə layihədə iştirak etməyəcək, amma bu, Qərb ölkələri ilə qarşıdurmanın kəskinləşməsi halında dəyişə bilər.

"Əgər Türkiyə NATO-nun digər kritik texnologiyalarından xaric edilsə və ABŞ-ın sanksiyalarına məruz qalsa, o, Rusiya ilə işlənib hazırlana biləcək müdafiə-sənaye layihələrinə daha isti baxa bilər", - ekspert qeyd edib.

İyulun sonunda məlum olub ki, Rusiyanın hərbi-sənaye kompleksi S-400-lərin Türkiyəyə tədarükü üzrə öhdəlikləri vaxtından əvvəl yerinə yetirib. Müqavilənin məbləği 2,5 milyard dollar təşkil edib.

28
Əlaqədar
Hollivudsayağı "ulduz müharibələri" üçün material: Rusiyanın yeni silahı çox iddialıdır
Rusiyanın S-400 kompleksinə qarşı yeni plan
Rusiyanın pilotsuz "ovçu"su ABŞ və NATO-nu niyə bu qədər narahat edir
Ankarayla Moskvanın bu qərarı ABŞ-ı hiddətləndirəcək - NATO üçün yeni başağrısı
ABŞ “S-400”lə bağlı daha bir “gərginlik” sezdi, amma Türkiyədə deyil
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

221
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

221
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron
Ceyhun Bayramov və Sergey Lavrov, arxiv şəkli

Ceyhun Bayramovla Sergey Lavrov danışdılar

62
(Yenilənib 23:57 30.09.2020)
Rusiya Xarici İşlər naziri Sergey Lavrov bölgədə baş verən gərginlik ilə bağlı narahatlığını ifadə edib və atəşkəsə nail olunmasının vacibliyini bildirib.

BAKI, 30 sentyabr — Sputnik. Azərbaycan Respublikasının Xarici İşlər naziri Ceyhun Bayramov və Rusiya Federasiyasının Xarici İşlər naziri Sergey Lavrov arasında telefon danışığı baş tutub.

Bu barədə Sputnik Azərbaycan-a Xarici İşlər Nazirliyindən məlumat verilib.

Bu gün baş tutan telefon söhbətində Rusiya Xarici İşlər naziri Sergey Lavrov bölgədə baş verən gərginlik ilə bağlı narahatlığını ifadə edib və atəşkəsə nail olunmasının vacibliyini bildirib. O, gərginliyin aradan qaldırılması üçün Rusiyanın həm milli qismdə, həm də Minsk Qrupunun digər həmsədr ölkələri ilə birgə vasitəçilik səylərini təklif edib.

Nazir Ceyhun Bayramov, öz növbəsində bölgədə baş verən gərginliyin əsas səbəbkarının Ermənistan tərəfi olduğunu qeyd edib. Nazir, cari ilin 27 sentyabr tarixindən etibarən Azərbaycan Ordusunun təmas xətti boyunca Ermənistan silahlı qüvvələrinin Azərbaycan mövqelərinə qarşı yeni təcavüz aktına cavab olaraq özünü müdafiə hüququ çərçivəsində və mülki əhalini müdafiə etmək məqsədilə əks-həmlələr həyata keçirdiyini vurğulayıb.

Nazir Ceyhun Bayramov Azərbaycanlı mülki şəxsləri və obyektləri məqsədyönlü şəkildə hədəfə alan Ermənistan tərəfinin beynəlxalq hüququn fundamental norma və prinsiplərini, o cümlədən beynəlxalq humanitar hüququ kobudcasına pozaraq dinc əhalini artilleriya atəşinə tutduğunu və Azərbaycanın mülki əhalisi arasında itkilərin olduğu qarşı tərəfin diqqətinə çatdırıb.

62
Teqlər:
Ceyhun Bayramov, Azərbaycan xarici işlər nazirliyi, Rusiya xarici işlər naziri Sergey Lavrov

Müdafiə Nazirliyinin rəsmi teleqram kanalı istifadəyə verilib

0
Müdafiə Nazirliyinin təqdim etdiyi məlumatları operativ şəkildə əldə etmək istəyənlər yeni yaradılmış səhifəyə təqdim olunan keçid vasitəsilə abunə ola bilərlər

BAKI, 1 oktyabr — Sputnik. Oktyabrın 1-dən Azərbaycan Respublikasının Müdafiə Nazirliyinin rəsmi teleqram kanalı (https://t.me/Azerbaijan_MOD) fəaliyyətə başlayıb.

Sputnik Azərbaycan xəbər verir ki, Müdafiə Nazirliyinin təqdim etdiyi məlumatları operativ şəkildə əldə etmək istəyənlər yeni yaradılmış səhifəyə aşağıdakı keçid vasitəsilə abunə ola bilərlər: https://t.me/joinchat/AAAAAFRJdL3rSk913o87trw

0
Teqlər:
Azərbaycan, Telegram, Milli Müdafiə Nazirliyi
Mövzu:
Azərbaycan və Ermənistan arasında müharibə
Əlaqədar
MN: Ermənilər yenidən Tərtər şəhərini artilleriya atəşinə tuturlar
Gecə döyüşü: Ermənistan ordusunun hərbi kolonları bölmələrimiz tərəfindən məhv edilib
İnformasiya müharibəsi üçün bəzi sosial şəbəkələrin fəaliyyəti bərpa olunmalıdır
Türkiyə Milli Müdafiə Nazirliyi: Ermənistan özünə dəstəyi artırmaq üçün Türkiyəyə şər atır
Müdafiə Nazirliyi: Son saatlarda Ermənistanın 8 döyüş texnikası məhv edilib