Valyutadəyişmə məntəqəsində dollarlar sayılır, arxiv şəkli

Dollara yer yoxdur - iki nəhəng "dünya valyutası"na qarşı birləşir

56
(Yenilənib 18:29 18.08.2020)
Birinci rübdə Rusiya ilə Çin arasında ticarət əməliyyatları üzrə hesablaşmalarda dolların payı tarixdə ilk dəfə olaraq 50 faizdən 46 faizə enib. İndi avronun payına 30 faiz, milli valyutalar – rubl və yuanın payına – 24 faiz düşür

BAKI, 18 avqust — Sputnik, Natalya Dembinskaya. Moskva və Pekin Amerika valyutasından uzaqlaşmağa davam edirlər. Belə ki, Rusiya və Çin arasında ticarət əməliyyatları üzrə hesablaşmalarda dolların payı minimuma enib, milli valyutaların payı isə maksimuma qalxıb. İqtisadçılar əmindirlər ki, sonda hər şey "maliyyə alyansı" ilə bitəcək. Elə bir alyans ki, orada Amerika valyutası üçün ümumiyyətlə yer olmayacaq. İnvestorlar da dollardan uzaqlaşır və sərmayəni qızıla qoyurlar.

Avro və yuan

Birinci rübdə Rusiya ilə Çin arasında ticarət əməliyyatları üzrə hesablaşmalarda dolların payı tarixdə ilk dəfə olaraq 50 faizdən 46 faizə enib. İndi avronun payına 30 faiz, milli valyutalar – rubl və yuanın payına – 24 faiz düşür. Bu dəyişiklik Rusiya iqtisadiyyatının dedollarizasiyası və onun ABŞ-ın yeni sanksiyaları qarşısında dayanıqlığının artırılması strategiyasının bir hissəsidir.

Son illərdə Moskva və Pekin dolları ikitərəfli ticarətdən planlı şəkildə çıxarırlar. Hələ 2014-cü ildə tərəflər 150 milyard yuanlıq (24,5 milyard dollarlıq) üçillik svop sazişi imzalayıblar. Saziş açıq bazarda milli valyuta satın almağa ehtiyac olmadan valyutalara qarşılıqlı çıxış imkanını açır.

2015-ci ildə əməliyyatların təxminən 90 faizi dollar ilə həyata keçirilib. Amma artıq 2019-cu ildə bu rəqəm 51 faiz idi. Rusiyanın neft nəhəngi "Rosneft" isə bütün ixrac müqavilələrini avroya köçürüb.

"Nikkei Asian Review" nəşri qeyd edir ki, Rusiya-Çin "dedollarizasiyası", demək olar ki, Amerika valyutasının iştirakı olmadan "maliyyə alyansını" formalaşdıra biləcək "sıçrayış anına" yaxınlaşır.

Çap dəzgahı

Rusiya və Çinin güclənməsi dollara olan tələbatın azalmasının əsas səbəblərindən biridir. Lakin yeganə səbəb deyil. Aparıcı investisiya banklarının dediyi kimi, ABŞ valyutasına çuxuru Federal Ehtiyat Sistemi (FED) qazır.

İqtisadiyyatı dəstəkləmək üçün FED faiz dərəcəsini sıfıra endirib və çap maşınını işə salıb. Koronavirus böhranının başlanğıcından bəri FED bazarlara təxminən altı trilyon dollar buraxıb. Maliyyəçilər "tarixi təcrübə"dən danışırlar: çap maşını tam gücü ilə işləyir və ölkəni heç nə ilə təmin edilməmiş nağd pulla doldurur. Və bu, yavaş-yavaş dolları öldürür.

Amerika valyutasının indeksi durmadan azalır, dövlət istiqrazlarının gəlirliliyi isə aşağı düşür. Apreldən etibarən dollar altı əsas valyuta səbətinə nisbətən 10 faizini itirib – bu rəqəm son dəfə 2018-ci ilin mayında bu qədər aşağı düşüb.

ABŞ-ın ən böyük banklarından biri olan "Goldman Sachs" təxmin edib ki, çap maşını FED-in balansını artıq 2,8 trilyon dollar səviyyəsində şişirdib. İnvestorlar dollar aktivlərindən çıxır və pulu qızıla köçürürlər. Və bu, dövlət istiqrazları üzrə dərəcələrin aşağı olması fonunda baş verir: ABŞ qiymətli kağızlarının real gəlirliliyi sıfırdadır.

"FED bir neçə ay ərzində dörd trilyon dollardan artıq pul çap edib — bu, əvvəlki 11 ildən çoxdur. Reaksiya adekvatdır: heç bir təminatı olmayan valyuta satılır, dollar ucuzlaşır", – maliyyə eksperti Yan Marçinski deyib.

Dəyərinin üçdə birini itirəcək

Beynəlxalq Valyuta Fondu (BVF) avqust hesabatında risklər barədə xəbərdarlıq edib. Böhranla mübarizə üçün çap olunmuş trilyonlarla dollar və çox aşağı dərəcələr ehtiyat valyutasını sarsıdır: investorlar ABŞ-ın dövlət borcundan qaçırlar.

BVF-in keçmiş direktor müavini Ju Min hesab edir ki, Konqresin ən azı bir trilyon dollar təşkil edəcək yeni maliyyə yardım paketi əsl böhrana səbəb olacaq.

Onun sözlərinə görə, dolları investorların etimadından məhrum edəcək "partlayış" baş verə bilər. O izah edib ki, borc içində olan iri şirkətlər müflisləşməyə başlayarsa, belə bir partlayış baş verəcək.

2008-ci ilin maliyyə böhranından sonra korporativ sektor daha da zəifləyib, aşağı faiz dərəcələri isə ona borcların həcmini kəskin şəkildə artırmağa imkan verib.

Amerika iqtisadiyyatı üzərində federal hökumətin 26 trilyon dollarlıq borcu əmələ gəlib. UBS bankında hesab edirlər ki, bu, son nəticədə dolları vuracaq.

"Uzunmüddətli perspektivdə dövlət borcunun artımı, ehtimal ki, Amerika valyutasına təsir edəcək", - UBS bankının strateqi Tomas Fluri bildirib.

"Morgan Stanley" investisiya bankının Asiya bölməsinin keçmiş rəhbəri Stiven Rouç isə hesab edir ki, dollar hələ də "qeyri-məhdud imtiyazlardan" istifadə edir, lakin onun dövrü sona çatır. Maliyyəçi proqnozlaşdırır ki, Amerika valyutası 2021-ci ildə üçdə biri qədər dəyərsizləşə bilər. Buna əhalinin əmanətlərinin kəskin şəkildə azalması və ABŞ-ın əsas ticarət tərəfdaşlarının böhrandan uğurla çıxması fonunda ABŞ dövlət borcunun artması səbəb olacaq.

56
Əlaqədar
Türkiyədəki vəziyyət Azərbaycanın xeyrinədir - Qazanan bizik
Valyuta bazarında tələb artmaqdadır: Qızıl alışına keçməsək, payızda zərər görə bilərik
Özlərinə problem deyil, bizim isə başımız ağrıyacaq – İran bazarımıza hücuma keçə bilər
Hələ gözlənilmir! Avropa iqtisadiyyatı nə vaxt bərpa olacaq?
Tu-154

Sovet aviasiyasının əfsanəsi bu gün sonuncu sərnişinlərini daşıdı

29
(Yenilənib 19:18 28.10.2020)
Şirkətin baş direktoru Andrey Qulovun sözlərinə görə, təyyarənin uçuşa yararlılıq sertifikatının müddəti artıq başa çatır. Tu-154 istifadədən çıxarıldıqdan sonra təyyarə gələcək taleyi ilə bağlı qərar verilənə qədər Novosibirskin Tolmaçevo Hava Limanında qalacaq.

BAKI, 28 oktyabr — Sputnik. Rusiya mülki aviasiyasında qalan yeganə Tu-154 təyyarəsi bu gün son uçuşunu həyata keçirib.

"Alrosa" şirkətinə məxsus təyyarənin uçuş heyəti Tu-154-ün sonuncu sərnişinlərini Rusiyanın Yakutya bölgəsinin Mirnı şəhərindən Novosibirskə aparıb. Sputnik Azərbaycan-ın RİA Novosti-yə istinadən verdiyi xəbərə görə, təyyarənin göyərtəsində 140 sərnişin olub.

Şirkətin baş direktoru Andrey Qulovun sözlərinə görə, təyyarənin uçuşa yararlılıq sertifikatının müddəti artıq başa çatır. Tu-154 istifadədən çıxarıldıqdan sonra təyyarə gələcək taleyi ilə bağlı qərar verilənə qədər Novosibirskin Tolmaçevo Hava Limanında qalacaq.

Qeyd edək ki, əvvəllər Tu-154 təyyarələri Mirninski aviaşirkətinə məxsus olub, 2013-cü ildən isə "Alrosa" şirkətinin sərəncamına keçib.

"Alrosa" şirkətindən bildirilib ki, son 18 ildə Tu-154 təyyarəsi 27,5 min saat uçuş həyata keçirib. "Bu laynerlər "Alrosa" hava yollarının sərəncamına veriləndən sonra isə Tu-154M hər iki istiqamətdə 737 uçuş həyata keçirib, 160 mindən çox sərnişin, 1224 ton yük və 52 ton poçt daşıyıb", – deyə şirkətin rəsmisi bildirib.

Qeyd edək ki, "Alrosa" son illər Tu -154 M və Tu-134 təyyarələri ilə müntəzəm hava xidmətləri göstərən yeganə şirkətdir. Tu-134 son uçuşunu keçən may ayında yerinə yetirib və bundan sonra təyyarə Tolmaçevo Aviasiya Tarixi Muzeyinə verilib.

Xatırladaq ki, Tu-154 təyyarələri Tupolyov konstruksiya bürosunda işlənib-hazırlanmışdı. Bu təyyarə ilə ilk sınaq uçuşu 3 oktyabr 1968-ci ildə həyata keçirilsə də, Tu-154-lərin kütləvi şəkildə istismarına 9 fevral 1972-ci ildə başlanılıb. Tu-154 – Sovet İttifaqında ən geniş yayılmış orta mənzilli reaktiv sərnişin təyyarəsi idi.

29
İskəndər M raket kompleksi

Putinin təklifinə Avropanın reaksiyası məsuliyyətsizlikdir - XİN

38
(Yenilənib 17:17 28.10.2020)
Rusiya Xarici İşlər Nazirliyində belə hesab edirlər ki, Qərb tərəfdaşları Rusiyanın Avropadakı vəziyyəti sabitləşdirmək cəhdlərini qulaqardına vurur.

BAKI, 28 oktyabr — Sputnik. Oktyabrın 26-da Vladimir Putin Orta və Qısa Mənzilli Nüvə Qüvvələri Müqaviləsinin (INF) başa çatması fonunda gərginliyi azaltmaq üçün müəyyən addımlar atmağı təklif edib. Rusiya lideri qarşılıqlı razılaşma prinsipinə əsaslanan nəzarət mexanizmlərinin işlənib-hazırlanmasının vacibliyini vurğulayıb.

Bununla belə, avropalı tərəfdaşlar bu təşəbbüsə şübhə ilə yanaşdılar. Xüsusilə də Berlindən bu cür fikirlərə "etibar etmədikləri"ni bildirdilər.

Rusiya Xarici İşlər nazirinin müavini Sergey Ryabkov RİA Novosti-yə müsahibəsində "İlk mənfi siqnalları, özü də kifayət qədər düşüncəsiz söylənmiş sözləri Avropadan eşitdik", – deyə bildirib.

O qeyd edib ki, "Prezident Putinin təkliflərini görməməzlikdən gəlmək istəyənlər, onları qulaqardına vuranlar Avropada təhlükəsizliyin təmin olunmasına "çox məsuliyyətsiz yanaşma" nümayiş etdirir.

"Səsləndirilən təkliflərin ciddiliyi onların hərtərəfli öyrənilməsini tələb edir. Bu təkliflərin dərinliyi əsaslı yanaşma istəyir. Bu, Rusiya Federasiyası rəhbərliyinin Avropada yeni "raket böhranları"nın yaranmasının qarşısını almaq baxımından hərbi-siyasi vəziyyəti sabitləşdirmək üçün bir yol tapmaq cəhdlərini göstərir", – deyə diplomat əlavə edib.

Qeyd edək ki, INF Müqaviləsi qlobal strateji sabitliyi təmin etmək məqsədi daşıyırdı. 2019-cu ilin avqust ayında ABŞ Rusiyanı qadağan edilmiş 9M729 raketini hazırlamaqda və sınaqdan keçirməkdə günahlandıraraq müqavilədən çıxıb.

Moskva isə bəyan edib ki, o, yol verilən radiusda – 500 kilometrdən qısa məsafədə hərəkət icazəsinə sahibdir.

38
İranın xarici işlər nazirinin müavini Abbas Əraqçi, arxiv şəkli

Abbas Əraqçi: "İran Azərbaycan ərazilərinin işğal olunmasına müxalif olub"

0
(Yenilənib 21:51 28.10.2020)
İran XİN başçısının müavini: Son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm.

BAKI, 28 oktyabr - Sputnik. "Cənab Prezident, mənə vaxt ayırdığınıza görə çox təşəkkür edirəm. Hər şeydən əvvəl bu gün Bərdə şəhərinin raket hücumuna məruz qalması ilə əlaqədar həyatını itirmiş mülki insanlara, dinc insanların ölümünə səbəb olmuş bu hadisə ilə əlaqədar, orada şəhid olmuş insanlarla əlaqədar Sizə, Azərbaycan xalqına, Azərbaycan dövlətinə başsağlığı vermək istəyirəm".

Sputnik Azərbaycan xəbər verir ki, bu fikirləri İran İslam Respublikası Prezidentinin xüsusi nümayəndəsi, Xarici İşlər nazirinin müavini Seyid Abbas Əraqçi Azərbaycan Respublikasının Prezidenti İlham Əliyevlə görüşü zamanı deyib.

"Siz də yaxşı bilirsiniz ki, İran İslam Respublikası elə ilk günlərdən Azərbaycanın ərazilərinin işğal olunmasına müxalif olub və Azərbaycanın ərazi bütövlüyünü dəstəkləyib. Mən özümə borc bilirəm, son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm. Bu yolda öz canını fəda edən bütün şəhidlər qarşısında baş əyirəm. Cənab doktor Həsən Ruhaninin isti salamlarını Sizə çatdırıram" , - Seyid Abbas Əraqçi bildirib.

Prezident İlham Əliyev isə öz növbəsində İran İslam Respublikasının Prezidenti Həsən Ruhaninin salamlarına görə minnətdarlığını bildirib, onun da salamlarını İranın dövlət başçısına çatdırmağı xahiş edib.

0