Raket buraxılışı

Hollivudsayağı "ulduz müharibələri" üçün material: Rusiyanın yeni silahı çox iddialıdır

90
(Yenilənib 13:34 18.08.2020)
Yeni S-500 "Prometey" zenit-raket sisteminin sınaqları yekunlaşır və bu sınaqlar zamanı raket rekord məsafədə – 553 kilometrdə hədəfə dəyib.

BAKI, 18 avqust — Sputnik, Aleksandr Xrolenko, hərbi şərhçi. Yeni S-500 "Prometey" zenit raket sisteminin yaradılması Rusiyaya qarşı əvvəllər misli görülməmiş xarici təhdidlərdən irəli gəlir.

Ötən həftə Rusiyanın hava hücumundan müdafiə vasitələri Rusiya Federasiyası sərhədlərində kəşfiyyat aparan xarici ölkələrin 46 təyyarə və pilotsuz uçuş aparatını aşkarlayıb və müşayiət edib. Bu barədə "Krasnaya Zvezda" qəzeti Rusiyanın Müdafiə Nazirliyinin məlumatlarına istinadən xəbər verib. Ölkənin hava məkanının pozulmasına yol verilməyib, lakin bu cür "qonaqların" sayı durmadan artır. Beləliklə, Pentaqon "proqnozlaşdırılmayan zərbə" strategiyasını, taktikasını və texnoloji alqoritmlərini işləyib hazırlayır. Rusiya isə reaksiya verməyə və ehtimal olunan təcavüzkarın uçuş aparatlarına qarşı daha effektiv nəzarət vasitələri yaratmağa məcburdur.

Yeni S-500 "Prometey" zenit raket sisteminin sınaqları yekunlaşır və bu sınaqlar zamanı raket rekord məsafədə – 553 kilometrdə hədəfə dəyib. Rusiyanın Müdafiə naziri Sergey Şoyqu bildirib ki, sistemin qoşunlara tədarükü 2020-ci ildə başlayacaq. Yəni tezliklə S-500 hava hücumundan müdafiə sistemi döyüş növbətçiliyinə başlayacaq.

Bir qədər əvvəl Rusiyanın Aerokosmik Qüvvələrinin Baş komandanı Sergey Surovikin deyib: "S-500 zenit raket sisteminin xüsusiyyətləri aerodinamik və ballistik hədəflərlə yanaşı, bütün modifikasiyalarda olan hipersəs silahlarını – o cümlədən yaxın kosmosda – məhv etməyə imkan verir".

"Prometey" sisteminin Yer səthindən yüzlərlə kilometr aralıda olan hədəfləri vurmaq qabiliyyəti haqqında "Almaz-Antey" konserninin Baş konstruktoru Pavel Sozinov da danışıb.

S-500 "Prometey" unikal kompleksi yeni nəsil "yer-hava" sistemlərinə aiddir və bütün hava - ballistik, aerodinamik, hipersəs - hədəflərini hazırda mümkün olan və perspektiv sürətlərdə məhv etməyə qadirdir. Lazım gələrsə, "Prometey" F-35 qırıcısını "4 saniyədə" vura bilər (və düşmənin Yerin orbitindəki peyk qruplaşmalarını "toza çevirə" bilər).

Dünyada effektivliyinə görə S-500-ün analoqları yoxdur və yaxın onillikdə olmayacaq.

Dəniz üfüqləri

"Prometey" kompleksi S-400 "Triumf" sisteminə kömək edəcək və Rusiya Federasiyasının hava hücumundan və raketdən vahid müdafiə sisteminin əsası olacaq. Bu o deməkdir ki, potensial düşmənin görünən və görünməyən kəşfiyyat və zərbə vasitələri Rusiya Federasiyasının sərhədlərindən 600 kilometr məsafədə hədəfdə olacaq.

Ola bilsin ki, "Prometey" regiondakı "tərəfdaşların" kəşfiyyat və zərbə aviasiyasının gündəlik fəallığını azaldacaq və Pentaqonun Avropadakı yeni bazalarını yararsız edəcək.

Amerikanın "The National Interest" jurnalı "Prometey"in sınaqlarını həyəcanla müşahidə edir və bildirir: "Bu yeni nəsil silah Moskvanın onsuz da güclü olan S-400 sistemini tamamlamaq üçün nəzərdə tutulub. S-500 yüksəkdən uçan hədəfləri olduqca böyük məsafələrdə misilsiz vurma imkanlarına malikdir və stels texnologiyası ilə yaradılmış təyyarələrlə mübarizə apara bilir".

Bu, doğrudan da Pentaqon üçün xoşagəlməz bir "kəşfdir" – 600 kilometrlik vurma məsafəsi, hər bir kompleks 10 hədəfi eyni anda vura bilir ("Prometey" həm də daha uzağı görür).

"Prometey" sırf müdafiə üçün, xarici təcavüz halında Quru Qoşunlarının və Hərbi Dəniz Qüvvələrinin operativ şəkildə yerləşdirilməsini müdafiə ilə təmin etmək üçün və effektiv şəkildə "sülhə məcbur etmək" üçün yaradılıb.

Kosmik yüksəkliklər

Hərbi strategiyalar və münaqişələr texnoloji cəhətdən daha da mürəkkəbləşir, Yerin orbitinə bir çox kəşfiyyat və naviqasiya sistemləri çıxarılır. Amerikanın Kosmik Qüvvələri "dost olmayan dövlətlərin" peyk qruplaşmalarının "neytrallaşdırılması" missiyalarını, həmçinin hücum əməliyyatlarını planlaşdırır. Pentaqon kosmosda əməliyyatları xüsusi bir döyüş sahəsi kimi görür və buna görə də gec və ya tez öz zərbə vasitələrini (kinetik, lazer, elektromaqnit) yerətrafı orbitdə çıxaracaq. Birləşmiş Ştatlar çoxdandır ki, kosmik hücum vasitələrini işləyib hazırlayır və onları Rusiya Federasiyasına qarşı tətbiq edə bilər.

Hollivudsayağı "ulduz müharibələri" Rusiyaya tamamilə lazım deyil. Orbital təhdidləri tez bir zamanda aradan qaldırmağa imkan verəcək yerüstü "Prometey" şəbəkəsi istənilən "kosmik donanmadan" daha optimal və effektiv görünür. Bir daha xatırladım ki, Baş konstruktor Pavel Sozinov S-500-lərin hədəfləri yerdən yüzlərlə kilometr məsafədə məhv etmək qabiliyyətini açıqlayıb. "Prometey" sistemi bütün mövcud hava-kosmik hücum vasitələri və hələ kəşf edilməmiş vasitələrlə mübarizə aparmaq üçün yaradılıb.

S-500 texnologiyaları hərbi işdə yeni üfüqlər açır, yaxın kosmosa və qlobal geosiyasətə birbaşa təsir göstərir. Bununla yanaşı, Rusiyada və postsovet məkanında heç kəs inteqrasiya olunmuş, dərindən eşelonlanmış hava hücumundan və raketdən müdafiə sistemindən imtina etməyəcək. S-500, S-400 və S-300 sistemləri Rusiya hava məkanını müxtəlif təhlükələrdən səmərəli şəkildə qoruyacaq.

Və sonda.

S-500 sisteminin imkanları S-400 sisteminin taktiki texniki xüsusiyyətlərindən əhəmiyyətli dərəcədə üstündür. Burada heç Amerikanın "Patriot Advanced Capability – 3" (PAC-3) kompleksi haqqında danışmaram. Bununla yanaşı, Misirin "Sasapost" nəşrinin məlumatına görə, Rusiyanın ən yeni sisteminin qiyməti təxminən 500 milyon dollar ola bilər, "Patriot" 1 milyard dollara satılır, THAAD sistemi isə 3 milyard dollara başa gəlir.

"Prometey" beynəlxalq silah bazarının da "yüksək orbitlərində" uğurlu olmağı vəd edir.

90
Əlaqədar
Termonüvə “Tülpan”ı – dünyanın ən güclü minomyotu
F-35-in modernləşdirilməsi itirilmiş reputasiyanın nəticəsi kimi
İnsanlar kimə lazımdır? Rusiya gələcək robot ordusunun avanqardını yaradıb
NATO-ya “sevgilərlə” - “İskəndər”ə matros köynəyi geyindirirlər
"Xəzər canavarı"nın dirçəlişi: olmaq, ya da olmamaq
Vladimir Putin, Rəcəb Tayyip Ərdoğan və İlham Əliyev. Arxiv şəkli

İlham Əliyev: Biz Türkiyə ilə Rusiyanın yaxınlaşmasını həmişə alqışlamışıq

27
Prezident İlham Əliyev deyib ki, Türkiyə ilə Rusiyanın səylərini birləşdirməsi regionun xeyrinə olar.

28 oktyabr - Sputnik. Həm Rusiya, həm də Türkiyə bizim qonşularımızdır. Bu ölkələrlə sıx qarşılıqlı münasibətlərimiz var. Bu ölkələrin öz aralarında yaxşı əməkdaşlıq potensialı var. Təkcə son illərin tarixinə baxmaq kifayətdir. Türkiyə və Rusiya həm ikitərəfli gündəlikdəki bir çox məsələlər barəsində, həm də regional təhlükəsizlik məsələlərində qarşılıqlı anlaşmanın yüksək səviyyəsinə nail olublar.

Sputnik Azərbaycan xəbər verir ki, bu sözləri Prezident İlham Əliyev Rusiyanın İnterfaks agentliyinə müsahibəsində bəzi ekspertlər tərəfindən təklif olunan 2+2 formuluna (Ermənistan və Azərbaycan+ Türkiyə və Rusiya) münasibət bildirərkən deyib.

Bunun Azərbaycan üçün məqbul olduğunu qeyd edən dövlətimizin başçısı deyib:

"Bunu Suriyada da, Liviyada da, beynəlxalq terrorizmə qarşı mübarizə ilə bağlı məsələlərin həllində də görürük. Enerji layihələri, iqtisadi, investisiya xarakterli layihələr də öz yerində. Əvvəllər, hələ bu münaqişə kəskinləşənə qədər mən hər zaman deyirdim ki, biz Türkiyə ilə Rusiyanın yaxınlaşmasını həmişə alqışlamışıq. Hesab edirəm ki, bu, regional təhlükəsizliyin mühüm amilidir. Erməni separatizminin və ekstremizminin bizdən ötrü, - təkcə bizdən ötrü deyil, regiondan ötrü, - əsas təhlükə olduğunu nəzərə alsaq, hesab edirəm ki, Türkiyə ilə Rusiyanın səylərini birləşdirməsi regionun xeyrinə olardı, Dağlıq Qarabağ münaqişəsinin siyasi yolla nizamlanmasını sürətləndirə bilərdi".

27
Əlaqədar
İlham Əliyev: Hərbi qarşıdurmanın nə qədər davam edəcəyi erməni tərəfindən asılıdır
Şuşa, arxiv şəkli

Dünya mediası Dağlıq Qarabağ münaqişəsini necə işıqlandırıb

32
(Yenilənib 23:02 28.10.2020)
Bu barədə aparılmış xüsusi araşdırmanın nəticələrinə görə, Fransa Dağlıq Qarabağ münaqişəsinin nizamlanması üzrə ATƏT-in Minsk Qrupunun həmsədrlərindən biri olsa da, bu ölkənin KİV-ləri açıq-aşkar ermənipərəst mövqe nümayiş etdirir.

BAKI, 28 oktyabr — Sputnik. "LexisNexis" şirkəti RİA Novosti üçün Dağlıq Qarabağdakı vəziyyətin mediada işıqlandırılmasının öyrənilməsinə dair araşdırma aparıb. Araşdırmanın nəticələrinə görə, Dağlıq Qarabağ münaqişəsi ATƏT-in Minsk qrupunun həmsədrlərindən olan Rusiya və ABŞ mediasında balanslı şəkildə işıqlandırılıb, fransız qəzetləri isə ermənipərəst mövqe nümayiş etdirib.

Analitiklər 20 sentyabr - 20 oktyabr tarixləri arasında Qarabağdakı münaqişə ilə bağlı dünya mediasında yer alan xəbərləri araşdırıblar. Məlum olub ki, münaqişə haqqında ən çox Rusiya KİV-ləri yazıb. Bu ölkənin mediasında son bir ayda konfliktlə bağlı 82 mindən çox xəbər yer alıb. Sonrakı yerləri ABŞ (təxminən 27 min), Böyük Britaniya (təxminən 15 min), Almaniya (təxminən 12 900) və Fransa (təxminən 6 min) tutur. Bu siyahıda altıncı yer isə Türkiyəyə məxsusdur (2,2 mindən bir qədər çox).

Araşdırmanın nəticələrinə görə, Dağlıq Qarabağ münaqişəsinə ən az maraq göstərən Qazaxıstan olub. Bu ölkənin mediası bir ay ərzində Qarabağla bağlı cəmi 145 xəbərə yer verib.

© Sputnik / Elnur Salayev
Qarabağ münaqişəsinin xarici mediada işıqlandırılması cədvəli

Tədqiqat müəllifləri bu nəticəyə gəliblər ki, Rusiya KİV-ləri Qarabağdakı münaqişə tərəflərinə qarşı balanslı yanaşma nümayiş etdirir. Eyni zamanda, onların fikrincə, Kreml hələ də Qarabağ ətrafında çoxdan bəri mövcud olan problemi həll etməyə çalışmır, əksinə, münaqişənin dondurulmuş vəziyyəti Moskvanın bölgədəki maraqlarına cavab verir.

O da qeyd olunur ki, Rusiyada dərc olunmuş xəbərlərin əksəriyyəti (91%) bitərəf xarakter daşıyıb.

Rusiya və Fransa kimi ATƏT-in Minsk qrupunun həmsədrlərindən biri olan ABŞ mediasında isə Dağlıq Qarabağ münaqişəsi Prezident seçkisi, pandemiya, Sudan və İsrail ətrafındakı vəziyyətlə bağlı xəbərlərin fonundan prioritet mövzu təsiri bağışlamayıb.

Buna baxmayaraq, ölkədə qeydə alınmış çox sayda media qurumu silahlı qarşıdurmaya istinad sayına görə ABŞ-ı şərti reytinqdə ikinci yerə çıxarıb. Ölkədəki ən yüksək reytinqli nəşrlərin ("LexisNexis"ə görə birinci dərəcəli media qurumları) payı isə cəmi 3% təşkil edib.

"Amerika tərəfinin mövqeyi kifayət qədər təmkinlidir. Münaqişənin ilk günlərindən Vaşinqton tərəfləri hərbi əməliyyatları dayandırmağa və sülh danışıqlarını davam etdirməyə çağırıb. Ancaq Rusiya balansı qorumağa çalışdığı halda, ABŞ mediası erməni tərəfinin mövqeyini daha çox əks etdirib. Bununla belə, münaqişənin yerli əhaliyə vurduğu ziyan və Rusiya ilə Türkiyənin bu konfliktlə bağlı mövqelərinə bərabər şəkildə yer ayrılıb", – deyə tədqiqat müəllifləri yazır.

© Sputnik / Elnur Salayev
Ayrı-ayrı ölkələrin medaiasında Azərbaycana qarşı həssaslıq

Amerika mediasında tez-tez Ermənistanla bağlı müsbət (8%) məqalələrə rast gəlindiyi halda, Azərbaycanla bağlı bir dənə də belə məqalə dərc olunmayıb. Münaqişə barədə çıxan xəbərlərin əksəriyyəti isə (təxminən 90%) bitərəf olub.

Hesabat müəllifləri fransız mediasının açıq-aşkar ermənipərəst mövqe tutduğunu bildiriblər. Təhlil olunan media hesabatlarının 42 faizində Azərbaycanın hərəkətləri ilə bağlı mənfi rəy və tənqid öz əksini tapıb. Bu ölkədə Dağlıq Qarabağla bağlı dərc olunmuş media materiallarının 58 faizi bitərəf xəbər kimi təsnif edilə bilər, ancaq Fransa mediasında praktik olaraq Ermənistana qarşı bir cümlə də tənqidi yazı getməyib.

Araşdırma müəlliflərinin fikrincə, Türkiyə mediası Azərbaycan tərəfini dəstəkləyir. Dərc olunmuş məqalələrin 47 faizində bu dəstək hiss olunub.

İngiltərə və Alman mediası münaqişəyə bitərəf yanaşıb. Çin mediası da, həmçinin təmkinli mövqe nümayiş etdirib. Bununla belə, araşdırma müəlliflərinin fikrincə, Çin mediası Rusiya Federasiyası və Türkiyənin münaqişə ilə bağlı əlaqəli fəaliyyətlərinə lazım olduğundan daha çox diqqət yetirilib.

© Sputnik / Elnur Salayev
Ayrı-ayrı ölkələrin medaiasında Ermənistana qarşı həssaslıq

"Dağlıq Qarabağ münaqişəsinin hər iki tərəfi – həm Azərbaycan, həm də Ermənistanla həmsərhəd ölkə olan İran hökuməti hərbi konfliktin həllində vasitəçi olmağa hazır olduğunu bildirib. Bu ölkə hər şeydən əvvəl münaqişənin İran cəmiyyətinə yayılmasının qarşısını almağa çalışır. Çünki indi azərbaycanlılar İranın ən nüfuzlu milli azlıqlarından biridir", – deyə hesabatda bildirilir.

İran KİV-lərinin əksəriyyəti bitərəf mövqe nümayiş etdirib. Bu ölkədə çıxan xəbərlərin yalnız 9 faizində Ermənistan, 8 faizində isə Azərbaycan tənqid olunub.

İsrailin bir sıra media orqanları Qarabağdakı münaqişəyə bitərəf müşahidəçi kimi yanaşmağın mümkün olmadığını bildiriblər. Çünki bu ölkə Azərbaycanın strateji müttəfiqidir. Bununla belə, İsraildə dərc olunan qəzetlərin 62-63 faizi münaqişəyə neytral mövqe nümayiş etdirib.

Postsovet dövlətlərinin məsələyə yanaşması da böyük maraq doğurur. Bu məkanda Dağlıq Qarabağ münaqişəsinin sülh yolu ilə həll olunmasının ən böyük tərəfdarı kimi Qazaxıstan çıxış edir. Gürcüstan KİV-ləri isə münaqişəyə neytral yanaşaraq, Ermənistanı da, Azərbaycanı da eyni dərəcədə (8 faiz) tənqid edib. Ümumilikdə bu ölkədə münaqişə ilə bağlı dərc olunmuş xəbərlərin 84 faizi bitərəf olub.

Ukrayna KİV-lərində isə Qarabağ tez-tez Donbasla müqayisə olunub. Ukrayna mediası 30 faiz hallarda Ermənistanı tənqid edib. Bu ölkədə dərc olunmuş xəbərlərin 31 faizində isə Azərbaycan dəstəklənib.

32
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0