Rusiya Prezidenti Vladimir Putin

Bölgəmizdə dəyişiklik gözlənilir? Putin BMT Təhlükəsizlik Şurasının toplanmasını istədi

31
(Yenilənib 19:30 14.08.2020)
"Partnyorlarımızı təklifimizi diqqətlə götür-qoy etməyə çağırırıq. Alnernativ – gərginliyin bundan sonra da artması, münaqişə yaranması riskinin böyüməsidir"

BAKI, 14 avqust — Sputnik. Rusiya Prezidenti Vladimir Putin yaxın vaxtlarda Birləşmiş Millətlər Təşkilatının Təhlükəsizlik Şurasına üzv ölkələrin liderlərinin onlayn görüşünün keçirilməsini təklif edib.

Sputnik Azərbaycan RİA Novosti-yə istinadən bildirir ki, o, Almaniya və İranın da iştirakını istəyib, əsas mövzu isə “İran məsələsinin” və gərginliklərdən qaçmağın müzakirəsidir.

Bu barədə məlumat Prezidentin rəsmi saytında yer alıb.

“Məqsəd – BMT Təhlükəsizlik Şurasında vəziyyətin gərginləşməsini, konfrontasiyanı aradan qaldırmağa imkan verəcək addımların müəyyən edilməsidir. BMT Təhlükəsizlik Şurasının Birgə Hərtərəfli Fəaliyyət Planının reallaşdırılmasına beynəlxalq hüquqi baza yaradılmasına təkan verən 2231 saylı qətnaməsinin bundan sonra da kəsintisiz gerçəkləşdirilməsi üçün kollektiv dəstək verilməsi vacibdir”, - Rusiya lideri qeyd edib.

Onun sözlərinə görə, TŞ-də müzakirələr getdikcə gərginləşir, Tehranın ünvanına “əsassız bəyanatlar” səslənir, hazırlanan qətnamə layihələri isə öncəki yekdil qərarların dağıdılmasına yönəldilib. 

“Bu regionda dünyanın digər guşələrində olduğu kimi, şantaja və kiminsə kənardan diktə etməsinə imkan verilməməlidir. Birtərəfli yanaşmalar məsələnin həllinin tapılmasına yardım etmir”, - Putin vurğulayıb.

Putin deyib ki, Rusiya İranın nüvə proqramı çərçivəsində tənzimləmələr üzrə 2015-ci il Birgə Hərtərəfli Fəaliyyət Planına sadiqliyini qoruyur. O, həmçinin xatırladıb ki, 2019-cu ildə Moskvanın təqdim etdiyi, Fars körfəzində Təhlükəsizlik Konsepsiyasının yenilənmiş versiyası regionda promlemlərin həlli üçün konkret addımları ehtiva edir. 

“Partnyorlarımızı təklifimizi diqqətlə götür-qoy etməyə çağırırıq. Alnernativ – gərginliyin bundan sonra da artması, münaqişə yaranması riskinin böyüməsidir. Belə inkişafdan qaçmaq lazımdır. Rusiya vəziyyətin təhlükəli həddən kənara çəkilməsində maraqlı olan hər kəslə konstruktiv qarşılıqlı fəaliyyət üçün açıqdır. Məsələ təcilidir”, - Rusiya Prezidenti deyib.

O təklif edib ki, liderlərin danışıqlar üçün “prinsipial cəhətdən hazır olduğu təqdirdə” onlayn sammitin gündəliyini xarici siyasət idarələri xətti ilə razılaşdırmaq olar.

Ötən həftə ABŞ-ın Dövlət katibi Mayk Pompeo bildirmişdi ki, Vaşinqton İrana qarşı silah embarqosunun uzadılması barədə BMT Təhlükəsizlik Şurasının qətnaməsinin layihəsini hazırlayıb.

Bundan sonra İran bəyan etmişdi ki, bu cür sənəd ilk növbədə İrana deyil, məhz BMT TŞ-nin öz mexanizmlərinə təhdid yaradır.

İran XİN-in rəsmi nümayəndəsi Abbas Musəvinin sözlərinə görə, bu minvalla Vaşinqton bu təşkilatı özünə tabe edərək onu zəiflətmək istəyir.

31
Əlaqədar
Rusiyaya zərbə: ABŞ sanksiyalarına görə "Şimal Axını 2" dondurula bilər
"Mişustin yaxşıdır, ətrafı pisdir"
Putin və Lukaşenko 33 rusiyalının saxlanılmasını müzakirə ediblər
Trampın Putinə “son hədiyyəsi”
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Su-57, arxiv şəkli

Sarsıdıcı inteqrasiya: Su 57 qırıcısı "Oxotnik" PUA-sı gücünü birləşdirir

32
(Yenilənib 21:48 04.12.2020)
Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Qırıcılarda süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

BAKI, 4 dekabr — Sputnik, Aleksandr Xrolenko, hərbi şərhçi. Beşinci nəsil Su-57 aviasiya kompleksinin ilk buraxılışından 76 qırıcı-təyyarə dekabr ayında Rusiya Aerokosmik Qüvvələrinin döyüş xəttində öz yerini tutacaq. Hazırda poliqonda yüksək hündürlükdəki hədəfləri ələ keçirmək və məhv etmək üçün nəzərdə tutulan alqoritmləri mənimsəyən süni intellektlə idarə olunan pilotsuz təyyarə – "Oxotnik" S-70 də tezliklə havaya qalxacaq.

Bir qədər bundan əvvəl Rusiya Federasiyası Müdafiə Nazirliyindən bildirilmişdi ki, ilin sonuna kimi Rusiya Aerokosmik Qüvvələrinə beşinci nəsil Su-57-in ilk buraxılışından olan döyüş təyyarəsi veriləcək. Təyyarə demək olar ki hazırdır. Gələcəkdə istehsal həcmi illik 15 ədədə qədər artırılacaq və ümumilikdə 2021-2027-ci illər ərzində üç aviasiya alayının təchiz edilməsi üçün 76 ədəd Su-57 tədarük ediləcək.

İlk partiya qırıcı-təyyarələr birinci mərhələ mühərriki ilə buraxılır, 2025-ci ildən isə ikinci mərhələ mühərriki ilə təyyarələrin istehsalına başlanılacaq. Hər bir halda, günü bu gün də Su-57 dünyanın ən mükəmməl və güclü qırıcılarından biri hesab olunur.

Rusiyanın beşinci nəsil təyyarəsi hər növ hava, yer və yerüstü hədəfləri məhv etməyə qadirdir. Forsajsız super manevr və səsdən yüksək sürət imkanının birləşməsi, eləcə də göyərtəsinin elektron cihazlar kompleksi ilə təchizatı və tez nəzərə çarpmaması Su-57-yə yüksək döyüş effektivliyi və düşmən üzərində üstünlük əldə etmək fürsəti verir. "Military Watch Magazine"nin məlumatına görə, bu təyyarələr öz xüsusiyyətləri baxımından bənzərsizdir. Bura həssas radarlar, 400 km mənzilli hipersəsli "hava-hava" raketləri, düşmən raketlərinə qarşı lazer müdafiə sistemi və digər yüksək texnoloji üstünlüklər aiddir.

Bir qədər bundan əvvəl beşinci nəsil qırıcıları ilə bağlı geniş çeşidli aviasiya silahlarına (raket) dair böyük bir müqavilədən bəhs olunmuşdu. Yəni, Su-57-nin "boş" uçmayacağı artıq məlumdur. Beləliklə, Su-57 ağır pilotsuz təyyarələrlə birgə havadan idarə olunan döyüş komandanlığı mərkəzinə çevriləcək. İki yüksək texnologiyalı yeniliyin birgə fəaliyyətinin hansı döyüş effekti yaradacağını təsəvvür etmək çətin deyil.

Döyüş üstünlüyü

Yeni qırıcı-təyyarələr Suriyadakı rus qoşunlarının qruplaşması tərkibində sınaqdan keçirilib. Uçuş-texniki xüsusiyyətlərinin, intellektual informasiya idarəetmə kompleksinin, silahların və bütün göyərtə sisteminin yoxlanılması üçün təyyarələr ondan çox uçuş həyata keçirib.

Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

Pilotlu Su-57 qırıcısı avtomatik rejimdə tapşırıqların 90%-ni yerinə yetirə bilər və hətta əvvəlcədən hazırlanmış bir proqrama uyğun olaraq tam avtomatik rejimdə də işləmək imkanına malikdir. Pilot döyüşdə yaralanarsa (və ya öldürülərsə), idarəetmə sistemi müstəqil şəkildə prioritet hədəfləri təyin edir, vurur və həm təyyarənin, həm də pilotun bazaya qayıtmasını təmin edir.

Su-57 nəhəng ixrac potensialına malikdir və hətta yeni seriyadan olan təyyarələr satışa çıxarılmamışdan əvvəl xarici müştərilər bu qırıcılar üçün növbəyə düzülüb. Beşinci nəsil rus qırıcısının ilk sahibi, regional qonşularının hərbi hava qüvvələrinin güclənməsi fonunda 14 təyyarə sifariş edən Əlcəzair olacaq. Müqavilə qiyməti 2 milyard dollardır. Tədarükün 2025-ci ilə qədər yekunlaşması planlaşdırılır.

Zərbə əlaqəsi

Dekabrın 2-də S-70 "Oxotnik" zərbə dronu Aşuluq poliqonunda baş tutan raket hücumu imitasiyasında sınaqdan keçirilib. PUA-ların radioelektron sistemlərinin raket idarəetmə kompleksi və aparıcı Su-57 təyyarəsi ilə inteqrasiyası yoxlanılıb. Beləliklə, "Oxotnik" dünyada ilk pilotsuz qırıcı-təyyarə olmağı vəd edir. Təlim mərhələsində PUA hava vəziyyəti və hədəflərlə bağlı bütün məlumatları yerdən və ya aparıcı qırıcı-təyyarədən alacaq. Gələcəkdə avtonom döyüş istifadəsi də mümkündür.

Bir ağır PUA öz "intellekti" və qabiliyyəti sayəsində altı min tondan çox raket və bombanı 5000 km məsafəyə qədər çatdıra bilər. Beləliklə, "Oxotnik" PUA-sının Su-57 qırıcısı ilə sarsıdıcı ittifaqı ən yüksək texnoloji gücə sahib düşmənə belə aman verməyəcək. Rusiyanın Pavel Suxoy adına Sınaq Konstruksiya Bürosunun istehsalı olan az nəzərəçarpan "Oxotnik" dronu Rusiya Aerokosmik Qüvvələrinin zərb funksiyasına malik ilk ağır dronu olacaq. Açıq mənbələrin məlumatına görə, PUA-nın uzunluğu 19 metr, qanadlarının uzunluğu 14 metr, uçuş ağırlığı 20 ton, saatda maksimum sürəti isə təxminən 1000 kilometrdir.

"Oxotnik" PUA-sı təxminən 20 dəqiqəlik ilk uçuşunu 2019-cu ilin yayında həyata keçirib. Dron havada möhkəm dayanaraq qənaətbəxş şəkildə idarə olunub. Həmin ilin payız aylarında isə "Oxotnik" dronu ilə Su-57 qırıcısının birgə uçuşu baş tutub. Ağır dronun döyüş imkanları və muxtar idarəetmə qabiliyyəti daim inkişaf etdirilərək 2020-ci ildə nəzərəçarpacaq texnoloji təkamül səviyyəsinə çatdırılıb. Yaxın perspektivdə "Oxotnik"in müxtəlif şəraitdə hava, yerüstü və sualtı hədəflərə zərbə vurma imkanları da təkmilləşdiriləcək. Qeyd edək ki, indiyə kimi heç bir ölkə PUA-larla inteqrasiya olunmuş qırıcı-təyyarələrə sahib deyil, odur ki indi Rusiyanın "tərəfdaşları" qəzəbdən zəncir çeynəyir desək, yəqin ki, yanılmarıq...

32
Şam

Rusiyanın məşhur aktrisası vəfat edib

39
(Yenilənib 20:43 04.12.2020)
Bildirilir ki, aktrisa daha əvvəl bədənində, gözünün ətrafında şişlər və qançırlarla xəstəxanaya yerləşdirilmişdi. O, hospitalda qalmağa etiraz etmiş, teatra getməyə üstünlük vermişdi

BAKI, 4 dekabr — Sputnik. Rusiyalı aktrisa Nina Akimova vəfat edib. Sputnik Azərbaycan Rusiya mətbuatına istinadən xəbər verir ki, 75 yaşlı sənətçinin ölüm səbəbi hələlik açıqlanmayıb.

Bildirilir ki, aktrisa daha əvvəl bədənində, gözünün ətrafında şişlər və qançırlarla xəstəxanaya yerləşdirilmişdi. O, hospitalda qalmağa etiraz etmiş, teatra getməyə üstünlük vermişdi. Hazırda faktla bağlı araşdırma aparılır.

Qeyd edək ki, Nina Akimova 1983-cü ildən Rusiya Teatr Sənəti Akademiyasında çalışıb. O, "Duel", "Qar fırtınası" və digər filmlərdəki obrazları ilə məşhurlaşıb.

39
Teqlər:
Rusiya, aktrisa
Qarabağ klubunun futbolçuları, arxiv şəkli

"Qarabağ"da koronavirusa yoluxan futbolçuların sayı artıb

0
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

BAKI, 5 dekabr - Sputnik. Azərbaycan çempionu "Qarabağ"da daha beş futbolçunun koronavirus testi müsbət çıxıb.

Sputnik Azərbaycan bildirir ki, bu barədə klubun yaydığı açıqlamada deyilir.

Məlumata görə, "Qarabağ" Avropa Liqasının qrup mərhələsində "Makkabi" ilə matçdan geri döndükdən sonra Peşəkar Futbol Liqasının tələblərinə əsasən, Premyer Liqanın XII turunda qarşılaşacağı "Qəbələ" ilə matçın hazırlıqları çərçivəsində növbəti dəfə koronavirus testindən keçib
Testin nəticələrinə görə, futbolçular Qara Qarayev, Emil Balayev, İsmayıl İbrahimli, Toral Bayramov Kevin Medinada koronavirus aşkarlanıb.
Daha öncə testin nəticəsi pozitiv olan daha iki futbolçunun - Mahir Emreli Abbas Hüseynovun - müalicələri davam etdirilir.
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

Qeyd edək ki, komandanın baş məşqçisi Qurban Qurbanov da koronavirusa yoluxub. 

0
Teqlər:
test, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər