Alimlər koronavirusdan vaksin hazırlayırlar, arxiv şəkli

Nazirlik həkimlərin niyə COVID-19-a qarşı vaksini vurdurmaq istəməməsini şərh edib

321
(Yenilənib 18:50 14.08.2020)
Səhiyyə nazirinin müavini Oleq Salaqay da həkimlərin vaksinasiyaya münasibəti ilə bağlı tədqiqatın nəticələrini şərh edərkən deyib ki, Rusiyanın koronavirusa qarşı peyvəndi hələ tibb ictimaiyyətinin etibarını qazanmalıdır

BAKI, 14 avqust — Sputnik. Qamaleya adına Epidemiologiya və Mikrobiologiya Milli Tədqiqat Mərkəzinin direktoru Aleksandr Ginsburq həkimlərin Rusiyanın COVID-19 peyvəndinə münasibəti ilə bağlı sorğunun dərcini preparatın satış bazarı uğrunda rəqabətlə əlaqələndirib.

Daha əvvəl RBK nəşri "Həkim kitabçası" xidmətinin sorğusunu dərc edib. Sorğuda iştirak edən həkimlərin əksəriyyəti Qamaleya Mərkəzinin yaratdığı koronavirusa qarşı peyvəndi vurdurmağa hazır deyil.

"Bu layihənin (sorğu aparanın - təxmini qeyd) investorunun kim olduğuna baxmaq lazımdır. Burada aydın şəkildə sıralanan zəncir ortaya çıxır - istənilən formada satış bazarları uğrunda amansız mübarizə aparılır", - deyə Ginsburq RİA Novosti-yə bildirib.

Alimin sözlərinə görə, vaksinasiya probleminə əhalinin rəyinə görə deyil, elmi nöqteyi-nəzərdən yanaşmaq lazımdır. İmmuniteti əldə etməyin iki yolu var - dəfələrlə xəstələnmək və ya inyeksiya etdirmək.

Ginsburq xəbərdarlıq edib ki, bütün bunlarla yanaşı, əgər xəstəlik yüngül şəkildə keçirsə, immunitet yaranmır. Koronavirusun ağır formasında da ölüm ehtimalı qripdən 10 dəfə yüksəkdir. Sağalanlar isə tez-tez nevroloji pozuntulardan əziyyət çəkirlər.

"Bu məlumat sorğu iştirakçılarına çatdırılmalı və yalnız bundan sonra peyvəndə münasibət soruşulmalıdır. Görünür ki, insanlar mümkün nəticələr barədə kifayət qədər məlumatlı deyillər", - Qamaleya Mərkəzinin rəhbəri deyib.

Səhiyyə nazirinin müavini Oleq Salaqay da həkimlərin vaksinasiyaya münasibəti ilə bağlı tədqiqatın nəticələrini şərh edərkən deyib ki, Rusiyanın koronavirusa qarşı peyvəndi hələ tibb ictimaiyyətinin etibarını qazanmalıdır.

Xatırladaq ki, bu günlərdə Vladimir Putin dünyada ilk koronavirus əleyhinə peyvəndin qeydiyyatdan keçdiyini elan edib. Preparat Rusiya Müdafiə Nazirliyinin və Qamaleya adına EMMTM-nın mütəxəssisləri tərəfindən birgə hazırlanıb və "Sputnik V" adını alıb.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Dərman vasitələrinin Dövlət Reyestri-nin məlumatına görə, dərman əzələ daxilinə inyeksiya yolu ilə yeridiləcək məhlul formasındadır. Vaksinasiyanı iki mərhələdə tətbiq etmək planlaşdırılır: əvvəlcə I komponent vurulur, üç həftə sonra isə II komponent.

Səhiyyə Nazirliyindən verilən məlumata görə, iki dəfə tətbiq olunan sxem iki ilədək müddətə immuniteti formalaşdırmağa imkan verir.

Qurumun rəhbəri Mixail Muraşko artıq vaksinin istehsalına başlandığını bildirib.

Nazir həmçinin preparatın klinikaya qədərki və klinik tədqiqatları barədə məlumatların dərc edilməsinin də anonsunu verib. O qeyd edib ki, xaricdən gələn tənqidlər bir çox cəhətdən "tam olmayan məlumatlar"la bağlıdır. "Heç də hamı vaksinin artıq altı məhsulun hazırlandığı platformada buraxıldığını bilmir", - deyə Muraşko əlavə edib.

321
Teqlər:
Həkimlər, vaksinasiya, vaksin, Rusiya, Koronavirus, COVID-19
Mövzu:
Dünyanı cənginə almış bəla (512)
Svetlana Svetliçnaya, arxiv şəkli

Sovet kinosunun seks-simvolu sayılan aktrisa xəstəxanaya yerləşdirilib

31
RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

BAKI, 26 noyabr — Sputnik. Məşhur Sovet və Rusiya teatr və kino aktrisası Svetlana Svetliçnaya xəstəxanaya yerləşdirilib.

Sputnik Azərbaycan xəbər verir ki, RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

​Qeyd edək ki, Svetlana Svetliçnaya 1940-cı il mayın 15-də hərbçi ailəsində doğulub. Atasının hərbi xidmətinə görə tez-tez yaşadıqları məkanı dəyişən ailədə Svetlanadan başqa iki övlad da böyüyüb.

Svetlana Svetliçnaya 1963-cü ildə Teatr İnstitutunu bitirib. Kinoda ilk işi 1960-cı ildə Mixail Kalikin "Beşik" filmində olub. Daha sonra "Laylay" bədii filmində rol alan aktrisaya şöhrət gətirən film isə "Brilyant əl" filmi olub. Həmin bədii filmdə ifa etdiyi Anna Sergeyevna obrazı ilə məşhurlaşan aktrisanı Sovet kinosunun seks-simvolu adlandırıblar.

1973-cü ildə "Baharın 17 anı" filmində Qabi obrazını ifa edib. Aktrisanın sənət yolunda bu obrazın da xüsusi yeri var.

1974-cü ildə RSFSR Əməkdar artisti adına layiq görülən aktrisaya nədənsə Rusiyanın Xalq artisti Fəxri adı təqdim edilməyib.

Svetlana Svetliçnaya 2015-ci ilin aprelində Qatçinada keçirilən "Ədəbiyyat və kino" XXI Rusiya kinofestivalında "Kinematoqrafa sədaqətə görə" mükafatına layiq görülüb.

31
Teqlər:
xəstəxana, insult, seks-simvol, SSRİ, aktrisa
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada bir gündə 500-dən çox adam koronavirusdan öldü

10
(Yenilənib 15:15 25.11.2020)
Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

BAKI, 25 noyabr — Sputnik. Son bir sutka ərzində Rusiyada 23 675 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 507 nəfər ölüb.

Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

10
Teqlər:
ÜST, korona virusu, Koronavirus, epidemiya, COVID-19, Rusiya
Ağdamda Cümə məscidi, arxiv şəkli

Xalq artisti Ağdamda azan səsləndirib - VİDEO

0
(Yenilənib 14:14 26.11.2020)
Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər

BAKI, 26 noyabr — Sputnik. Əslən Ağdamdan olan Xalq artisti Mənsum İbrahimov öz doğma torpağına səfər edib. Ağdam məscidini ziyarət edən Xalq artisti orada azan səsləndirib.

Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər.

0
Teqlər:
Cümə məscidi, Mənsum İbrahimov, xalq artisti, azan, Ağdam