Orion-E pilotsuz uçuş aparatı, arxiv şəkli

Rusiya 2021-ci ildə uzaqmənzilli zərbə dronları alacaq - General Dronov

154
(Yenilənib 23:01 13.08.2020)
Yaxın gələcəkdə müharibələrinin gedişi və nəticəsi bu gün intensiv şəkildə formalaşan və təkmilləşən süni intellektli döyüş robotlarının effektivliyindən asılı olacaq.

BAKI, 13 avqust — Sputnik, Aleksandr Xrolenko, hərbi şərhçi. Rusiyanın Aerokosmik Qüvvələri (AKQ) 2021-ci ildən çox məqsədli zərbə dronlarını almağa başlayacaq. Bu barədə "Krasnaya Zvezda" qəzetinə müsahibəsində AKQ baş komandanının müavini Sergey Dronov bildirib. 

O qeyd edib ki, "pilotsuz aviasiyanın tətbiqinin effektivliyi Suriya Ərəb Respublikasında xüsusi əməliyyat zamanı təsdiqlənib. Pilotsuz uçan aparatlardan istifadə qanunsuz silahlı birləşmələrin obyektlərinə yüksək dəqiqliklə zərbə vurmağı təmin edib".

Rusiyanın yaxınmənzilli və ortamənzilli pilotsuz uçan aparatları pilotlu aviasiyanın imkanlarını genişləndirilmək və problemləri həll etmək üçün hələ ki "ikinci rollarda" xidmət göstərir. Pilotsuz təyyarələrin vahid informasiya məkanında hərbi pilotlarla inteqrasiyası artır və perspektivdə "ağıllı" dronlar daha çox inkişaf edəcək.

Rusiyanın çoxməqsədli pilotsuz uçan aparatları 2021-ci ildən etibarən hava kəşfiyyatını müstəqil şəkildə apara və "düşmən obyektlərini strateji dərinlikdə yüksək dəqiqliyə malik döyüş sursatları ilə vura biləcək".

General Dronov tezliklə AKQ-nin döyüş heyətinə daxil olacaq dronların "adlarını" açıqlamayıb. Lakin məlumdur ki, ağır "Oxotnik" dronu əməliyyat hazırlığına 2024-cü ilə çatacaq. Rusiyanın digər iki pilotsuz təyyarəsi isə "Altius" və "Orion" dronlarıdır.

"Orion"

Pilotsuz "Orion" 8000 metrə qədər hündürlüklərdə fəaliyyət göstərir, ən azı 24 saat yanacaq doldurmadan 250 kiloqrama qədər faydalı yüklə (aparatın çəkisi 1100 kiloqramdır) havada qala bilir. Uzunluğu 8 metr, qanadlarının uzunluğu 16 metrdir. Dron APD-110/120 porşenli mühərrik və diametri 1,9 metr olan ikiqat AV-115 pəri ilə təchiz olunub.

Döyüş tətbiqi radiusu idarəetmə prinsipindən asılıdır (yerdəki operator və ya öz proqram təminatı olmaqla). Aparat yüksək dəqiqlikli raketləri daşıya və düşmən ərazisinin dərinliklərində hədəfləri vura bilir. Dron Suriyada öz zərbə potensialını inamla reallaşdırıb. Çinin "Huanqiu Shibao" nəşrinə görə, Suriyada Rusiyanın 80-ə yaxın müxtəlif modifikasiyalı dronu yerləşdirilib.

Yayılmış videogörüntülərdən birində "Orion" Hama əyalətinin şimalındakı Zaka şəhərində yaraqlıların dayaq məntəqəsini vurur.

"Orion" zərbə dronunun (eləcə də Rusiyanın digər ağır dronlarının) raket-bomba silahları haqqında açıq mənbələrdə minimal informasiya var. Lakin fevralda "Taktiki Raket Silahları" Korporasiyasının Baş direktoru Boris Obnosov jurnalistlərə pilotsuz təyyarələr üçün yüngülləşdirilmiş arsenalın – yəni çəkisi 50 kiloqramdan 100 kiloqrama qədər olan xüsusi kiçik həcmli döyüş sursatlarının hazırlanması barədə danışıb.

"Orion" əhəmiyyətli tədqiqat və inkişaf yolunu qət edib və uğurla istismar olunur. "Orion" layihəsi 2011-ci ildə Rusiya Müdafiə Nazirliyinin sifarişi ilə başlayıb, uçuş sınaqları 2016-cı ildə, bomba silahları ilə uçuş sınaqları isə 2018-ci ildə başlayıb.

"Orion" pilotsuz uçuş aparatlarının kütləvi istehsalına 2019-cu ilin avqustunda start verilib. İstehsalçı şirkət ("Kronştadt" qrupu) bir qədər əvvəl bildirib ki, "Orion"un ixrac variantı zərbə dronu olacaq. Bu məlumat artıq Rusiyanın hərbi-texniki əməkdaşlıq sahəsində tərəfdaşlarını maraqlandırıb. Əlbəttə ki, "Orion"un uğurlu startını Rusiyanın rəqibləri də hiss ediblər.

"Altius"

Uzaqmənzilli "Altius" ağır turbovint pilotsuz uçuş aparatı avtomatik rejimdə ilk uçuşunu 2019-cu ilin avqustunda həyata keçirib. 28,5 metr qanad uzunluğu və 11,6 metr korpus uzunluğu olan bu maşın iki sutka 250 km/saat sürətlə 12 min metrə qədər hündürlüklərdə 2 tona qədər döyüş yükünü daşıya və 10 min kilometrədək məsafəni qət edə bilər. Kompozit materiallarından istifadə etməklə yaradılmış dronun öz çəkisi müxtəlif məlumatlara görə beş tondan altı tona qədərdir.

Süni intellektə malik pilotsuz "Altius" operatorun iştirakı olmadan pilotlu təyyarələrlə qarşılıqlı fəaliyyət göstərə bilər: məsələn, Su-57 qırıcısının daha güclü radarından hədəfləri almaqla.

Rusiya hərbi hava və hərbi dəniz qüvvələrini "ağıllı" və ağır "Altius" dronu ilə silahlandırmağı planlaşdırılır. Mənbələr bildirib ki, kəşfiyyat modifikasiyasında "Altius" uzaqmənzilli radiolokator və ən yeni optik-elektron avadanlıqla təchiz olunacaq. Zərbə modifikasiyası isə gəmi əleyhinə raketləri daşıya biləcək. Ən yeni pilotsuz təyyarə Ural Mülki Aviasiya Zavodunda istehsal edilir.

Böyük uçuş məsafəsi və müddəti olan dronların havada hökmranlığının artması, zərbə-kəşfiyyat dronlarının fəal tətbiqi və "intellektuallaşdırılması", hərbi mütəxəssislərin və döyüş robotlarının birgə əməliyyatlarını qaçılmaz bir tendensiyaya çevirir. Rusiya Silahlı Qüvvələrinin pilotsuz uçan aparatlarla kütləvi şəkildə təchiz edilməsi onların döyüş tətbiqi səmərəliliyini nəzərəçarpacaq dərəcədə artırmağa, potensial təcavüzkarın havada, quruda və dənizdə qarşısında maneələr yaratmağa imkan verəcək.

Bununla yanaşı Rusiya 2022-ci ildə daha bir ağır pilotsuz təyyarəni təqdim etməyi planlaşdırır. Bu, 40 saata qədər havada qalmağı bacaran "Sirius" dronudur.

"Sirius" saatda 295 km sürətlə 10 min kilometrədək məsafəni 12 min metrədək yüksəklikdə qət edə və bir ton faydalı yük daşıya bilər.

Rusiya Federasiyasının Aerokosmik Qüvvələrinin "ağıllı" kəşfiyyat-zərbə aviasiyasının inkişafı mövcud və perspektivli aviasiya vasitələrinin effektivliyini əhəmiyyətli dərəcədə artırmağa və şəxsi heyət itkisini azaltmağa imkan verəcək.

Qorxmaz və "məğlubedilməz" robotlaşdırılmış dronlar getdikcə daha çox pilotlu aviasiyanın funksiyalarını öz üzərinə götürür. Yaxın gələcəkdə müharibələrinin gedişi və nəticəsi bu gün intensiv şəkildə formalaşan və təkmilləşən süni intellektli döyüş robotlarının effektivliyindən asılı olacaq.

154
Rusiya XİN-nin binası, arxiv şəkli

Rusiya XİN ABŞ-a etiraz notası verib

16
(Yenilənib 08:37 28.01.2021)
Bu il 27 yanvar tarixində Xarici İşlər Nazirliyinə çağırılan ABŞ nümayəndəsinə etiraz notası təqdim olunaraq xəbərdar edilib ki, Rusiya tərəfi cavab tədbirləri görmək hüququnu özündə saxlayır

BAKI, 28 yanvar — Sputnik. “Rusiyadakı etiraz aksiyaları ilə bağlı saxta məlumatların yayılması ilə əlaqədar ABŞ səfirliyinin nümayəndəsinə nota təqdim edilib”.

APA-nın verdiyi xəbərə görə, bu barədə Rusiya Xarici İşlər Nazirliyinin (XİN) bəyanatında deyilir.

“Təxribat xarakterli mətnin sistemli şəkildə tirajlandığı Amerika rəqəmsal platformalarında Rusiya haqqında etibarsız “saxta” məlumatların kütləvi şəkildə yayımlanması, öz növbəsində bu məlumatların ABŞ-ın Moskvadakı səfirliyi tərəfindən də koordinasiyalı şəkildə yayılması qeydə alınıb”, - sənəddə belə deyilir.

“Bu il 27 yanvar tarixində Xarici İşlər Nazirliyinə çağırılan ABŞ nümayəndəsinə etiraz notası təqdim olunaraq xəbərdar edilib ki, Rusiya tərəfi cavab tədbirləri görmək hüququnu özündə saxlayır”, - deyə Rusiya XİN-in saytında yerləşdirilən bəyanatda vurğulanıb.

16

Qarabağa dair üçtərəfli qrupun ilk iclasının tarixi müəyyənləşib

38
(Yenilənib 22:29 27.01.2021)
Ötən gün KİV-də Azərbaycan, Rusiya və Ermənistan Baş nazirlərinin müavinlərinin görüşünün bu gün Moskvada keçiriləcəyi barədə məlumat yayılmışdı.

BAKI, 27 yanvar - Sputnik. Qarabağa dair üçtərəfli işçi qrupun birinci iclası 2021-ci il yanvarın 30-da keçiriləcək.

"Tərəflərin qarşılıqlı razılığı əsasında Ermənistan tərəfinin təklifi ilə daha öncədən nəzərdə tutulan Azərbaycan Respublikası, Ermənistan Respublıikası baş nazirlərinin müavinlərinin və Rusiya Federasiyası hökumətinin sədr müavininin birgə sədrliyi ilə üçtərəfli İşçi qrupun birinci iclası 2021-ci il yanvarın 30-da Moskvada keçiriləcək". Bu barədə Sputnik-ə RF hökuməti sədrinin müavini Aleksey Overçukun mətbuat katibi Andrey Matveyev məlumat verib.

Xatırladaq ki, ötən gün KİV-də Azərbaycan, Rusiya və Ermənistan Baş nazirlərinin müavinlərinin görüşünün bu gün Moskvada keçiriləcəyi barədə məlumat yayılmışdı.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilib. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

38
20 Yanvar dairəsi, arxiv şəkli

Yeni yol hərəkəti qaydaları: kimə faydası olacaq?

0
(Yenilənib 12:35 28.01.2021)
Yeni yol hərəkəti qaydalarının yollardakı vəziyyətə necə təsir edəcəyi barədə sualları yanvarın 29-u saat 12:00-da Sputnik Azərbaycan-ın Multimedia Mətbuat Mərkəzində Elməddin Muradlı cavablandıracaq.

BAKI, 28 yanvar — Sputnik. Son günlər ictimaiyyət arasında ən çox müzakirə olunan mövzulardan biri də "Yol hərəkəti haqda" Qanuna və İnzibati Xətalar Məcəlləsinə edilən dəyişikliklərdir. Güman edilir ki, yaxın vaxtlarda bu dəyişiklikləri Milli Məclis müzakirə edəcək.

Dəyişikliklərdən birinə görə, qəza yerini tərk edən sürücü, əgər sağlamlığa heç bir xətər yetirilməyibsə, məsuliyyətə cəlb olunmayacaq. Digər təklifə görə, avtoxuliqanlığa görə cərimə azaldılır, qanunsuz parklanmaya görə qaydalar da dəyişir və s.

Bu yeniliklərin yollardakı vəziyyətə necə təsir edəcəyi barədə sualları yanvarın 29-u saat 12:00-da Sputnik Azərbaycan-ın Multimedia Mətbuat Mərkəzində keçiriləcək mətbuat konfransında nəqliyyat məsələləri üzrə məşhur ekspert, Avtosfer.az informasiya portalının baş redaktoru, Jurnalistika və İnkişaf Mərkəzi ictimai birliyinin sədri Elməddin Muradlı cavablandıracaq.

Spikerə sualları öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın Facebook səhifəsində canlı yayımlanacaq.

Əlaqə:

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

0
Teqlər:
müzakirə, ekspert, dəyişiklik, qanun, yol hərəkəti qaydaları, yol hərəkəti