Koronavirus vaksini, arxiv şəkli

O gün yetişir! Rusiyada ilk koronavirus peyvəndi qeydiyyatdan keçəcək

40
(Yenilənib 13:42 07.08.2020)
Səhiyyə nazirinin müavini qeyd edib ki, əhalidə immunitet formalaşanda mütəxəssislər bu preparatın effektivliyini qiymətləndirə biləcəklər.

BAKI, 7 avqust — Sputnik. Rusiyada koronavirusa qarşı peyvəndin qeydiyyatı avqustun 12-də baş tutacaq və bu preparat peyvəndləmənin ilkin mərhələsində birinci olaraq tibb işçilərinə və yaşlı sakinlərə veriləcək. Sputnik Azərbaycan RİA Novosti-yə istinadən xəbər verir ki, bunu Səhiyyə Nazirinin müavini Oleq Qridnev bildirib.

"Qamaleya Mərkəzində hazırlanmış peyvəndin qeydiyyatı avqustun 12-də baş tutacaq. Hazırda son, üçüncü mərhələ gedir. Onun sınaqları çox vacibdir. Vaksinin təhlükəsiz olmasının zəruriliyini başa düşməliyik. Birinci olaraq tibb işçiləri və yaşlı insanlar peyvənd olunacaq", — Qridnev Ufa şəhərində onkologiya mərkəzinin korpusunun açılışı zamanı jurnalistlərə deyib.

O qeyd edib ki, əhalidə immunitet formalaşanda mütəxəssislər bu preparatın effektivliyini qiymətləndirə biləcəklər.

Koronavirus peyvəndinin hazırlanması

Bir qədər əvvəl Rusiyanın Səhiyyə naziri Mixail Muraşko ölkədə kütləvi peyvəndləmənin başlanmasını oktyabra planlaşdırıldığını bildirib. Onun sözlərinə görə, bütün xərclər dövlət büdcəsindən ödəniləcək.

Qamaleya adına Epidemiologiya və Mikrobiologiya Milli Tədqiqat Mərkəzi tərəfindən hazırlanmış peyvəndin klinik sınaqları iyunun 18-də Seçenov Universitetində başlayıb.

38 könüllünün iştirakı ilə tədqiqat zamanı onun təhlükəsizliyi təsdiqlənib. Bildirilib ki, sınağın bütün iştirakçılarında infeksiyaya qarşı immunitet formalaşıb.

Mərkəzin direktoru Aleksandr Gintsburq bildirib ki, koronavirus peyvəndi hər kəsə uyğun olmayacaq. Onun sözlərinə görə, istənilən preparat kəskinləşməyə səbəb ola bilər, buna görə də xroniki xəstəlikləri olan insanlar mütəxəssislərlə məsləhətləşməlidir.

"Vektor" mərkəzi də öz preparatını hazırlayır. Müəssisənin Baş direktoru Rinat Maksyutov bir qədər əvvəl deyib ki, vaksinin istehsala buraxılması noyabra planlaşdırılır.

40
Mövzu:
Dünyanı cənginə almış bəla (518)
Ermənistanın Baş naziri Nikol Paşinyan Rusiya Prezidenti Vladimir Putinlə

Paşinyan Putinə niyə “yox” demişdi: erməni nazirin versiyası

12
Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb

BAKI, 29 noyabr - Sputnik. Ermənistanın baş naziri Nikol Paşinyan Rusiya Prezidenti Vladimir Putinlə oktyabrda, Dağlıq Qarabağ üzrə bəyannamənin imzalanmasından əvvəlki  telefon danışığının detallarını açılayıb.

Sputnik Azərbaycan bildirir ki, Paşinyan Putinlə “baş tutmayan” sövdələşmənin özünə məxsus versiyasını Facebook-da yazıb.

O qeyd edib ki, oktyabrın 19-da Qarabağdakı separatçıların rəhbəri Araik Arutyunyan zəng edərək müharibənin dayandırılmasının vaciblyini vurğulayıb. Bundan sonra Paşinyan Putinə zəng edib. O isə öz növbəsində bunun Rusiyanın təklifləri əsasında gerçəkləşdiriməsini təklif edib.

“Yəni status məsələsini bir tərəfə qoymaq, rayonları Azərbaycana qaytarmaq, rusiyalı sülhməramlıları yerləşdirmək. Mən dedim ki, sülhməramlıları Dağlıq Qarabağın əvvəlki “sərhədləri” və Laçın dəhlizi boyunca yerləşdirmək lazımdır. O razı oldu, danışdıq ki, məsləhətləşmədən sonra mən bir də zəng edəcəm”, - Paşinyan yazıb.

Onun sözlərinə görə, sabahı gün Putin ona yenidən zəng edib və Azərbaycan Prezidenti İlham Əliyevin müharibəni dayandırmağa razı olduğunu, ancaq sülhməramlıların Dağlıq Qarabağın “sərhədləri” boyu yox, mövcud təmas xətti boyu yerləşdirilməsini tələb edib, çünki Bakı Hadrut və Talışdan geri çəkilməyəcəyini bəyan edib.

“Erməni tərəfi azərbaycanlıların Şuşaya qaytarılması məsuliyyətini də boynuna götürməliydi. Beləliklə, sülh alınmadı, çünki mən dedim ki, Hadrut məsələsində razılaşsam da, Şuşanın Azərbaycana təhvil verilməsini mümkün hesab eləmirəm”, - yazan erməni nazir qeyd edib ki, Putin bu qərara təəccüblənib.

“Mən öz fikirlərimi deyəndə Putin dedi ki, bu, məntiqlidir və bəzi detallardan xəbərsizdir”, - Paşinyan yazıb. Onun fikrincə, Yerevan Şuşanı təhvil versəymiş, Bakı yeni şərt – Qırmızı Bazar – Şuşa yolunu nəzarətə götürməyi – irəli sürəcəkmiş.

Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb. Onun sözlərinə görə, Ermənistanın baş naziri bu şərtin onun ölkəsinə və Qarabağa təhlükə olduğunu deyib. Putin ermənilərin niyə bunda təhlükə gördüyünü anlamadığını deyib və beləliklə danışıqlar iflasa uğrayıb.

12
Teqlər:
telefon danışığı, Vladimir Putin, Nikol Paşinyan, Ermənistan, Rusiya, Azərbaycan, Qarabağ
Mövzu:
Azərbaycan və Ermənistan arasında müharibə
Emiliya Həmidova, arxiv şəkli

Avropanın ən gözəl qızı azərbaycanlı seçildi

64
(Yenilənib 19:58 29.11.2020)
Qalibləri sms səsvermə və münsiflər heyətinin qiymətləndirilməsi ilə seçiblər. Mükafatlandırma mərasimi Vegas City Hall-da keçirilib, ötən illərin iştirakçıları da mərasimə qatılıblar

BAKI, 29 noyabr – Sputnik, Kəmalə Əliyeva. Azərbaycanlı model Emiliya Həmidova beynəlxalq Miss Universe-2020 (“Miss Kainat”) gözəllik yarışının qaliblərindən olub.

Sputnik Azərbaycan-ın məlumatına görə, Moskvada keçirilən müsabiqədə Həmidova “Miss Avropa” seçilib.  

Layihədə müxtəlif ölkələrdən qızlar iştirak ediblər. Qalibləri sms səsvermə və münsiflər heyətinin qiymətləndirilməsi ilə seçiblər. Mükafatlandırma mərasimi Vegas City Hall-da keçirilib, ötən illərin iştirakçıları da mərasimə qatılıblar.

Həmidova Bakıda doğulub-böyüyüb. Kiçik yaşlarından özü pul qazanmaq həvəsində olub və buna nail olub. 14 yaşından etibarən Həmidova model biznesində işləməyə başlayıb, bir çox layihələrdə iştirak edib. O, Moskva Dövlət Mədəniyyət İnstitutunun aktyorluq fakültəsinin dördüncü kursunda təhsil alır. Model biznesində fəaliyyəti ilə yanaşı, həmçinin Rusiya serial və filmlərində də çəkilir.

64
Teqlər:
Emiliya Həmidova, gözəl, münsif, sms, Moskva, Miss Avropa, Miss Universe, azərbaycanlı, model
Микрофон

Uşaq "Avroviziya"sının qalibi bəlli oldu - VİDEO

0
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

0
Teqlər:
Fransa, final, müsabiqə, Polşa, Uşaq Avroviziyası, uşaqlar