Rusiya FTX-nın əməkdaşları, arxiv şəkli

Moskvada partlayış törətmək istəyən terrorçunu öldürdülər, qardaşı xəbərləyib - VİDEO

154
(Yenilənib 15:25 27.07.2020)
O, Ximki şəhərində atılmış qarajlardan birində aşkarlanıb. Terrorçu hüquq mühafizə orqanları əməkdaşlarına atəş açıb, cavab atəşi ilə zərərsizləşdirilib

BAKI, 27 iyul — Sputnik. Rusiya Federal Təhlükəsizlik Xidməti (FTX) Daxili İşlər Nazirliyi və İstintaq Komitəsi ilə birgə Moskvada terror aktı planlaşdıran terror təşkilatının fəaliyyətini dayandırıb. Bu barədə Sputnik Azərbaycan "RİA Novosti"yə istinadən xəbər verir.

"Rusiya Federal Təhlükəsizlik Xidməti (FTX) Daxili İşlər Nazirliyi və İstintaq Komitəsi ilə birgə Moskvada insanların çox olduğu yerlərdən birində terror aktı törətməyi planlaşdıran terrorçunun fəaliyyətinin qarşısını alıb", - deyə məlumatda qeyd olunub.

Terrorçunun özü saxlanılma zamanı məhv edilib. O, Ximki şəhərində atılmış qarajlardan birində aşkarlanıb. Terrorçu hüquq mühafizə orqanları əməkdaşlarına atəş açıb, cavab atəşi ilə zərərsizləşdirilib.

Hadisə yerinə baxış zamanı AKS-74U avtomatı, üç dolu maqazin, iki F-1 qumbarası və bir ədəd RQD qumbarası aşkarlanıb.

Məhv edilmiş terrorçunun qardaşı bildirib ki, onun Suriyada olan terror təşkilatı ilə əlaqələri olmasından şübhələnib. İki həftə əvvəl qardaşı itkin düşəndə isə dərhal bu barədə hüquq-mühafizə orqanlarına məlumat verib.

154
Rusiya Prezidenti Vladimir Putin, arxiv şəkli

Putin: "Ən böyük qazancımız qan tökülməsini dayandırmaq oldu"

0
(Yenilənib 17:15 24.11.2020)
Rusiya prezidenti ölkəsinin Dağlıq Qarabağdakı vəziyyətin normallaşmasında vasitəçilik üçün xeyli səy göstərdiyini bildirib.

BAKI, 24 noyabr — Sputnik. Rusiya Dağlıq Qarabağdakı vəziyyətin normallaşmasında vasitəçilik üçün xeyli səy göstərib. Sputnik Azərbaycan-ın RİA Novosti-yə istinadən yaydığı məlumata görə, bunu Rusiya Prezidenti Vladimir Putin deyib.

"Biz Dağlıq Qarabağda dostlarımız Azərbaycan və Ermənistanın minlərlə vətəndaşının həlak olmasına səbəb olan hərbi əməliyyatların dayandırılması üçün böyük səy göstərdik. Eyni zamanda, ATƏT-in Minsk Qrupunda, xüsusən həmsədrlər - Rusiya, ABŞ və Fransa arasında əldə olunan əsas razılaşmaları izlədik. Ən böyük qazancımız qan tökülməsini dayandırmaq, Rusiya, Azərbaycan prezidentləri və Ermənistan baş nazirinin üçtərəfli razılaşması ilə atəşkəsi bərqərar etmək oldu", – deyə o bildirib.

0
Teqlər:
Vladimir Putin, Rusiya, Ermənistan, müharibə, Qarabağ, Dağlıq Qarabağ, Azərbaycan
Mövzu:
Azərbaycan və Ermənistan arasında müharibə
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

15
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

15
Teqlər:
sülhməramlılar, Rusiya, Mina